Сонгодог

Дэлхийн яруу найргийн өдөрт: Д.Данзанравжаа3 сар 21. 13:30

~ Урьдын дээдсийн цадиг түүхийг санахадУрагшгүй миний явдал шулам шиг санагдана. Ашиг олзны төлөө улайрагчдыг харахадАрьс махаа зулгаах бирд шиг харагдана. Идэрхэж гунхалзсан гоё номчдыг харахадИх мөндрийн өмнөх цэцэг шиг харагдана. Бие биеэ мэхлэн муулагчдыг харахадБиеийн махбодь дайсан болсон шиг санагдана. Эрдэмт багшаа бачлан доромжлогсдыг харахадЭхээ алсан улаан гарт хүү шиг санагдана. Үнэт номыг хуурмаг үйлдэгчдийг харахадҮхрийн ширийг жанч гэх шиг санагдана. Манарсан ухаанаар наадам хөөгчдийг харахадМатрын аманд эрхэлсэн загас шиг санагдана. Алгасангуй нөхдөддөө итгэгчдийг харахадАнчны урамдахад шунасан буга шиг харагдана. Алдар нэрэнд дурлагчдыг харахад Авир чанартаа голгүй зэгс шиг харагдана. Атгаг үзэлд автагч сүжигтнийг харахад Алтан аралд очсон сохор сартваахь шиг санагдана. Харуу явдлаа зүрх шиг нуугчдыг хараадХарах нүдтэн халилд харайх шиг санагдана. Хүний насаа хэрэггүй барагчдыг харахад Хүчит хурмаст боож үхэх шиг санагдана. Ахар энэ насны жаргалд дурлах мөртлөө Ашдын жаргал нирваанд юунд үл дурлана вэ. Үймээнт цагийн эрхээр ном үйлдэхэд бэрх гэжӨөртөө зөвийг бүү өг, язгуурт хүү минь. *Дорнын их соён гэгээрүүлэгч, хутагт Д

З.Дорж - Үхэр Монголын уур хилэн3 сар 18. 13:40

Тоо нь цөөхөн гэж басаж болохгүйТоомжиргүй хандаж бүр ч зохихгүйТоосруулаад нэг хөдөлчих юм болТолгой цусдаж мэдэх үхэр монгол.Ялагдахаараа чангардаг,Магтахаар сулардагЯс махнаасаа хэцүү монгол.Өрсөн тэмцэхийн цөвүүн цагт бол ньӨлгийнөөс эмээл дээр дарцагладаг монгол.Тэмүүжинг багад нь шоглож байгаадТэнгэр газраа нураалгачихаа алдсанНайман шаргал морийг нь булааж байгаадНавтгар тэр жаал алуулахаа алдсан.Тэвэрч, энхрийлж өсгөсөн бол ньТэмүжин Чингис болохгүй байсан.Тэрсэлж, дайрч, доромжилсоны хүчиндТэр тив дэлхийн хаан болсон.Цагаантан, гамингууд цадиггүйтэж байгаадСүхбаатар жанжны цэрэгт хяргуулсан.Далайн чанадаас Квантуны японууд өнгөлзөөдДандар баатарын хорооныхонд талхлуулагдаад буцсан.Сахалт Сталинаас дэлхий даяарааСандарч аймсан, хэлмэгдэж байхадГанцхан Монголын хазгар ГэндэнГаансыг нь Кремльд хуга цохисон.Орос Америк Хятад хүчтэй л гэнэОрчлонг хөмөрч явсан удаагүй.Немц, Франц, Япон зэвсэгтэй ч гэсэнНэхий дээлтэнгүүд шиг эрэлхэг хөдлөөгүй.Ардтай, цэрэгтэй их гүрнүүдээАтигар Монголыг басаж болохгүй шүүДэндүү зоримог занг нь хөдөлгөчих юм болДэлхий ертөнцөд л муу юм болно шүү.Дэлтэй сум шиг намхан морьд ньДэлхийг тойрсон ч цуцнаа гэж үгүй,Дээлээ хөөргөсөн номхон МонголДэврээд нэг босох юм буцнаа гэж үгүйЗориг нь хөвчрөөд нэг хөдлөх юмЖолоо татахыг огтхон ч мэддэггүйТэнгэрийн хаяанд тулж байж эргэдэгТэрсүүд Монголоос аюутугай, эмээтүгэй.Газар дэлхийд буун дуу гарч л байнаТэр унтарнаа,Тив дэлхийд галт бөмбөг тэслэж л байнаТэд шантарна ааҮхэхийг унтахын чинээ ч боддоггүйҮзэлцээд нэг эхлэх юм болҮхэхээс нааш салдаггүйҮхэр монголын уур хилэнг лҮеийн үед дахиж битгий хөдөлгөөрэй.Ум базар мани хум пад.

Д.Цоодол: Харамчийнханы дууль3 сар 18. 9:20

Айхавтар гар чангатай ах дүү 2 байлааАлдаж хүмүүс тэднийг Харамчийнхан гэдэг байжээСансар эмгэдийн бэлийг хонь нь бүрхэжСарваа цуцахын хөндийгөөр адуу нь багтаж ядна.Үе дамжсан баян Харамчийнхны хот айлҮүл мэт нэвсийцгээн аж төрдөг байлааГэм нь тэднээс бүтэн дээлтэй нь ховорГэр бүрээс сайтай өвөлжинө гэвэл худлааАрван чимэгтэй эмээл, сайн морь эрчүүд нь эдлэхгүйАмаа мэдэхгүй үрээтэй бөг бөг шогшицгооно.Хүүхнүүд нь дээлээ 3 наадмаар солихгүйХүүхдүүд нь цас ортол гутлын бараа харахгүйХониндоо барагтай бол хүрэхгүй, зээр гөрөөсхөн эргүүлжХолоос гийчин ирвэл хоормог тарагхан дөхүүлцгээнэ.Ганц хайрцаг шүдэнз хажуу айл нь гуйхад“Гал гаргадаггүй өдөр”-өө гээд халгаахгүй буцаачихнаХавийн улс амьтан хөх инээдээ баржХарамч муугийн үлгэн, үгийн хачир болгоно.Тэр л янзаар он жилүүд өнгөрсөөрТэртээ жил гэнэтхэн дайн гарав.Халх гол руу агт туух юм болжХамгийн овоо гэснийгээ Бүрэнгийнхэн хөтөлж ирцгээв.Харамчийнхан л яадаг бол, гар нь тэнийхгүй дээХар амлацгаасан улс гайхаж гүйцэв.Суналзсан уургаа барьсаар мань ХарамчийнханСумын төв дээр адуугаа багширтал хураан ирлээБуруу зөвгүй номхон аль л хурдан, хурцыгааБузар дайсныгаа намнах баатрын хүлэг бол гэж өгцгөөлөөАгт хөдлөөд хэдхэн хонотолАх дүү 2 Харамч 2-лаа цэрэгт өгсөн юм.Хошуу нутагтаа алдартай харамч эцэг ньХоёр хүүгээ амьтнаас түрүүн цэрэгт өгсөн юм.Цурам хийлгүй хүлээн ээж нь 2 хүүгээ харамласангүйЦурхиртал уйлах гэргий нь ханиа харамласангүй ээЦуутай Харамчийнхан юугаа ч харамласангүйБүрээн дуунаар нөхдөө давших цагтБүгдийн түрүүнд 2 харамч явсан гэдэг.“Сумаа харамлаж байж энэ 2 сүйд болно доо” гэжСуман салааныхан нь дооглож үлдсэн гэдэг юм.Унахын учиргүй уул шиг 2 сайхан хархүүУргахын улаан нарнаар 2-лаа унасан гэдэгХамгийн хүнд мөчид ЭХ ОРОН таниасааХарамчийнхан амиа бас харамласангүй.

Бавуугийн ЛХАГВАСҮРЭН, "ЦЭРГИЙН ХАР"3 сар 18. 9:10

Маршал Чойбалсангийн мэргэн буудагч, Матадын дивизийн ахлах түрүүч, Манаргаж явлаа ах чинь гэж ирээд хөөрдөг эрийг Манай нутгийнхан цэргийн хар гэх. Халагдаад ирэхдээ хэнээ тусчихсан юм даа. Хайран амьтан гэх нь хоёр гурав. Цэргийн хар хэнхэг амьтан гэж Цэрвэх хүн хорь гуч. Өрөөсөн гар дээрээ таван хошуу шивсэн Өвөл зунгүй шинэль чирсэн өвгөн Өргөн нэвтрүүлгээр “цэнхэр дурдан алчуур”-ыг дуулахад Өвдгөө нортол уйлж суух. Байлдааны бэлэн байдалд байх хэрэгтэй яаж мэдэх вэ гэж Айлуудаар ярьж явсан улс төрийн хэрэг Байнга зүүж явдаг дугуй цэнхэр тэмдэгнийхээ үсгийг “Аавгүй устга мянга есөн зуун гучèí ес” гэсэн үг гэж орчуулж Ам цуурсан хэргээр жил зургаан сарын тэнсэн авч Жимсээ гүвсэн мод шиг горойж явсан эр. Залуу насны минь хийморь шүншиг Жанжин туг шигээ босоо байж үхнээ гэж Жаалуудаар тойрон хүрээлүүлж Жавьжаа хөөсөртөл ярьж л суудаг хөгшин. Халх голын дайны амьд сум, Хал үзсэн хуучин цэрэг, Хорхойд хоргүй хар өвгөн Хоньтын нуруугаар нутаглах. Хамгийн их шунадаг юм нь Халагдсан цэргээс дүрэмт хувцас гуйх. Халгаатай юм нь юу гэвэл Хажуудах хүнээ яриулахгүй дарамт болох. Таана хэнзэлсэн нэгэн сайхан намар Тээр тэндээс ирсэн л гэдэг Хар гүйхээрээ л явдаг хүн сажилж ирсэн гэдэг Хаяанд ирчихээд мориноосоо буухгүй болохоор нь Харсан чинь цулбуураа чирсэн бэлбэсэн хүрэн морин дээрээ Цуутай боржигон эмээл дээрээ амьсгал хураан хөшиж Цухал тухалын орчлонг орхисон байсан гэх. Тэр болгонтой огт адилгүй явж Тэнгэрийн заадаснаас алдуурч унасан Залуу насны хийморь шүншиг Жанжин туг шигээ босоо үхнээ гэсэн үгэндээ хүрсэн Үргэлж л эх орон дуудах бий гэж Øөнөжин сэрвэлзэж хонодог Үхсэн хойноо ч цэрэг байсан, Ýгэл тэр өвгөнийг цэргийн хар гэх. Төөрсөн од шиг булшны шархыг сарны гэрэл долоож байдаг Туурсан зуны алаг цэцэгс салхинд гунхан илж байдаг Цэргийн харын булшийг мартсан, тэнд гэж олохгүй, Цэргийн хар ãýæ хүн байсныг бүр мартсан, тийм хүн олдохгүй.

Алдарт дуучин Н.Норовбанзадын гэрэлт хөшөөг төрсөн бууцанд нь сүндэрлүүлнэ3 сар 12. 8:40

Дуу хуурын нутаг Дундговиос  төрөн гарсан урлагийн олон од бий. Тэдний дундаас зууны манлай уртын дууч Намжилын Норовбанзад агсан  өөрийн уянгалаг сайхан дуу хоолойгоороо Монголын нэрийг дэлхий дахинаа дуурсгаж явсан нэгэн билээ.  Ийм хэмжээний ур чадал, гайхамшигт хоолойтой дуучин зуунд л нэг төрдөг байж мэднэ.

Ардын уран зохиолч, Төрийн соёрхолт Ш.Сүрэнжавын нэрэмжит “ЭВ НЭГДЛИЙН ЦОМ” яруу найргийн анхдугаар наадам болно3 сар 6. 12:25

Монгол Улсын Ардын уран зохиолч, Төрийн соёрхолт, яруу найрагч Шаравын Сүрэнжавын нэрэмжит “ЭВ НЭГДЛИЙН ЦОМ” залуучуудын яруу найргийн улсын анхдугаар наадмыг 2019 оны 03 дугаар сарын 01-ний өдрөөс 03 дугаар сарын 15-ны хооронд зохион байгуулж байна. Тус наадамд 18-35 насны яруу найргийн төрлөөр уран бүтээл туурвидаг болон утга зохиолын чиглэлээр суралцдаг их дээд сургуулийн оюутан залуус, 18 настай ЕБС-ийн ахлах ангийн сурагчид оролцоно. Наадамд оролцогчдыг зохион байгуулагчдын зүгээс томилсон шүүгчдийн комисс өгөгдсөн сэдвийн хүрээнд, шүлгийн утга санаа, илэрхийлсэн байдал зэргийг харгалзан шүүж шалгаруулна. I шатны шалгаруулалт: Наадамд оролцогчид эх орон, эв нэгдлийн сэдэвт 1 бүтээл, хайр дурлал, залуу нас сэдэвт 1 бүтээлийг 2019 оны 03-р дүгээр сарын 01-ний өдрөөс 11-ний өдрийн 18 цаг хүртэл доорх хаягаар ирүүлнэ. 1. “Нийгмийн Ардчилал” Монголын Залуучуудын Холбооны төв байр /Тусгаар Тогтнолын Ордны 201 тоот/-д, хэвлэмэл байдлаар, 2

"Эв нэгдлийн цом" залуучуудын яруу найргийн улсын анхдугаар наадмын удирдамж3 сар 4. 13:35

МОНГОЛ УЛСЫН АРДЫН УРАН ЗОХИОЛЧ, ТӨРИЙН СОЁРХОЛТ, ЯРУУ НАЙРАГЧ ШАРАВЫН СҮРЭНЖАВЫН НЭРЭМЖИТ “Эв нэгдлийн цом” залуучуудын яруу найргийн улсын анхдугаар наадмын удирдамж НЭГ:ҮНДЭСЛЭЛXX зууны эхэн үед ард түмний оюун санаа, сэтгэл зүрхний дуудлагаар Монголчууд тусгаар тогтнолоо олж авч, Манжийн эрхшээлээс салж, Богд хаант улсаа байгуулсан. Монголын үндэсний уламжлал соёл, шашин төрөө мандуулахаар зорин 1921 оны Ардын хувьсгалыг хийж, Ардын эрхэт хэмжээт цаазат Бүгд Найрамдах Монгол Ард улсыг тунхагласан билээ

Д.Данзанравжаа: Өөрийн шавь гэвш Шаравтаа айлдсан сургааль2 сар 28. 9:30

Энэ биеэ зээлийн байшин мэт батгүйд санаж яв Энэ насаа зүүдний үзэгдэл мэт үнэгүйд санаж яв Аливаа xүний өмнө боол мэт дорд суурийг барьж яв Адуу мэт орой унтаж, шувуу мэт эрт босож бай Даяар бүxэн магтвал, үxдэл мэт зориггүй яв Дайсан бүxэн муулбал уул мэт xөдөлгөөнгүй тэс Xамаг ёсоон xазайлгалгүй, xаан xүн шиг бай Xаралган соxор мэтээр бусдын мууг xараxгүй яв Дээрэнгүй xэрүүлийг xэрэгсэлгүй дүлий мэт яв Дээдэст зусардаxыг тэвчиж галзуу xүн шиг бай Өөрийн эрдэмийг уурxайн сан шиг далдлан нууж яв Өр ширтэй xүн шиг эд таваарын өглөг дандаан өгч яв Зовж байгаа нөxөрт садан сүлбээтэн мэт туслаж бай Зоргоор xэрэн xэсэж, орон магадгүй гөрөөс шиг яв Зожиг xирс мэт ямагт гагцаараа бай Зориуд xор идсэн мэт xэзээ үxэx магадгүйг бод Гянданд чангалагдсан мэт энэ орчлонгоос уйдаж яв Гэмт муу нөxрийг өстөнд үзэж сэмээр xолдож зайл Ариун гүн увдисыг рашаан мэт үргэлж ууж яв Амьсгалаx завгүй мэтээр сайн мөрийг бясалгаж яв Алин үзэгдсэн бүxнийг илбэ мэтэд онон зоxио Аялгуу дуу бүxнийг xадны цууриа адилд мэдэж зоxио Чанадтай байлдалцаx мэт сэтгэлдээ xаруул тавьж Чандмань эрдэнийн адилаар өвөр бусдын тусыг бүтээ Товчилбол би үүнийг xийнэ, түүнийг xийxгүй гэж Тодорxой урьдаас ажиглаад шийдэж нэг орвол Цангасан заан ус уруу зүтгэx мэт яавч буцалтгүй байж Цаад эцэст нь xүртэл ажлаан магадтай гүйцээн зоxио…

Д.Нямсүрэнгийн "Би цас болно" шүлгийн учир2 сар 22. 12:15

Жинхэнэ суу билгээс төрсөн яруу найраг ямагт ирээдүй цагт оршиж байдаг ажгуу. Тухайн шүлгийг уншиж, түүнд уусан шингэх уншигчийн дотоод ертөнцийн долгионд тэртээх өнгөрсөн цаг дахь яруу найрагчийн судасны цохилт мэдрэгдэх энэ уулзварт өнгөрсөн ирээдүй хоёр одоо цаг дээр огтлолцоно

Д.Урианхай: Анд Б.Лхагвасүрэнд Сүүлчийн хундага2 сар 19. 11:50

СҮҮЛЧИЙН ХУНДАГА...Анд Б.Лхагвасүрэнд(реквием) I Гэрийн тоонон дээгүүр Гэрэлтэн нумарсан зуун өнгийн солонгоноосГэнэтхэн, ногоон өнгө нь ганцаар тасраадАрхины лонхонд нуугдаад үлдчихсэн шиг харагдахАриун идээний дээжээс нэгэн хундагыгНулимсаа залгин байж балгалаа!.. Сүүлчийн хундага!Сүн далайн давалгаанаас Ам жишилж байгаа шиг Хороож барагдахгүй,-Сүүлчийн хундага!Хонгор залуугаасаа сэтгэл сэтгэлээ түшилцэн өндөрлөсөнХосгүй билигт найрагч Бавуугийн ЛхагвасүрэнАргын 2019 он, билгийн шороон гахай жил, шинийн нэгэндАмьсгаа татахынхаа өмнө өөрөө балгахаар задлуулж,Андын ёс сахин надад зориулж үлдээсэн Амсараа халин мэлтгэнэх,-Сүүлчийн хундага!.. II Гал залгисан мэт түлэхСүүлчийн хундага!Газраа үүрсэн мэт ядраахСүүлчийн хундага!Уухад ч гачлантай гашуун,Болиход ч гачлантай гашуун,Ард, түвд Бавуу аавын зоргоор хүү ЛхагвасүрэнАмьсгаа отголохынхоо янар хундагалуулж“Цугтаа ууж байна!” гэж “бясалгасан”,-Цус шиг нь буцламгай,Цөс шиг нь омогшимтгой,Сүүлчийн хундага! IIIБөмбөрөн өнхрөх нулимсБутанд зувах бүжин шигАрьс руу шурган нуугдав чХацар шир – шир зүсэх нь ч,Атаатны сум хавахаас дор өвтгөх нь ч,Хашгирч босоод буурал толгойгоорооХана руу түс – няс мөргөм тамлах нь ч Юутай хорлонтой!Боржигоны бор талд Босоо төрж,Бодлын цагаан арслан болж үсрэнМонголоо доргион хүрхэрсэн,“Агуу” хэмээхэд дэндүү наанадах,Алдарын титэмүүд нь ч дэндүү цөөдөх,Хүсэхүйн чинад эрэмгий шүлгүүдээХүний гараар бус Бурхадын мутраар ургуулсанҮгэнд багтахгүй андаас хагацахадҮлэмжийн баян ДэлхийЮутай хоосон!.. IVЗэлний хоёр унага шиг налалцаж,Зэрэгцээ хоёр хайрхан шг ханхайж,Тэрэгний буулга шиг эртний, Тэнгэрийн хэл шиг энгийн, нууцлаг,Амгалангийн орон – Монголын найрагтАмьдралаа хуу зарлаа, чи бидэн!Далай нь хүртэл давсаар дутдаг дэлхийдээ ч,Даваа нь хүртэл чамд навтайж өгдөг Монголдоо чДаанч цөөхөн ургадагДаамай гүн найргийн Галбараасан байлаа, чи минь!..Ард зоноо цугааранг нь уйлуулж одохАлдар, гавьяа чинь, миний найзаа,Мөнх бус орчлонд мөнх ч Мөддөө лав дүүрэхгүй зай үлдээсэн чиньОн жил элэх тусам Од, мичид шиг тодрох нь Олон давтагдахгүй түүх биз ээ!.. VОчих газар чинь ойрхон, - Тэнгэр ч,Орох үүд чинь дэлгээтэй, - Диваажин ч,Битгий тэнд их удаарай,Бэтгэртлээ санаж хүлээх Монголдоо,Билүү чулуу нь зөөлхөн “Өнжүүл”-дээ,Хурдан буцаад ирээрэй,Хурмастад даатгаж, уйлж гуйяа, найз нь!.. 2019.02.12-15Алтан тэвшийн хөндий

Даруухан гялалзах дэлхийн од2 сар 19. 9:10

Дэлхийн дуурийн урлагт Монгол хэмээх нэрийг цуурайтуулж байгаа алтан хоолойтнуудын нэг Монгол Улсын гавьяат жүжигчин, Соёлын элч Э.Амартүвшин өнгөрсөн амралтын өдрүүдэд Италийн Торино хотын “Театро Рэжио” театрын тайзнаа Италийн нэрт хөгжмийн зохиолч Жузеппе Вердигийн алдарт “Риголетто” дуурийн гол дүр Риголеттод дөрвөн удаа амжилттай тоглон энэ оны уран бүтээлийн гараагаа эхлүүлжээ. Тэрээр тун удахгүй Италийн Пьяченца хотын театрт Ж.Пуччинигийн “Тоска” дуурийн Гүн Скарпьягийн дүрд дуулах юм

О.Анужингаар “гэрэлтсэн” Оделлия2 сар 12. 14:40

1877 онд Большой театрын тайзнаа үзэсгэлэнт хунгууд анх чуулсан байдаг. Гэвч үзэгчид төдийлөн сайшаагаагүй гэх юм билээ

Б.Лхагвасүрэн: Ижийтэйгээ байхад би баян байсан2 сар 11. 9:50

Хагарсан чулуу дахиад эвлэдэггүй шигҮнэнээ хэльеНулимсаараа зуурч хэльеХагацахын цагт үхэл давж уулздаггүй шигҮнэнээ хэльеАмьсгалаа зангидаж хэльеИжийтэйгээ байхад би баян байсан...Орилсоор ижийдээ очин нулимсаа арчуулахадОдод бүгдээрээ миний нүдэн дотор л түгдэг байсанИжий минь инээгээд над руу ирэхэдЭнэхэн замбуу тивийн наран над дээр л асгардаг байсанИжийтэйгээ байхад би баян байсанАраг үүрсэн ижийнхээ ар өвөрт гүйхэдАараг толгодын элс алтаар нурдаг байсанБөртөн бөртөн зэрэглээ хормойтой тинь орооцолдожБүжин бор хөлийн минь сайрыг долоодог байсанИжийтэйгээ байхад би баян байсанСудас нь лугшиж халуу дүүгсэнБурханы өвөр дээр тоглодог байсанСүнс зайлам харанхуйн дундСүү нөмөрч унтдаг байсанИжийтэйгээ байхад би баян байсанУул уулын орой уулзадгүй шигҮнэнээ хэльеЭсээ шатааж хэльУрсгал усан эргэж уулзадгүй шигҮнэнээ хэльеЦусаа буцалгаж хэльеИжийгээ амирласнаас хойш би гуйлагчин болсонГэхдээ...Энэ хорвоогийн үхлээс бусдыг тоож гуйхгүй гуйлагчин болсон Ижийтэйгээ байхад би баян байсанЧилтлээ ширтэх,харчуудын нүдэнд хордсон Чиний үзэгслэнд өөрийн чинь юм нэгч байхгүйТөөрөг заяа чинь тэнгэр эцгийнхТөрсөн бие чинь газар эхийнхНулимс чинь хөх булгийн усИнээд чинь хөөрүү хадны цуурайЭрвэлзэх сормуус чинь хиаг өвсниихЭлбэг сөвх чинь харвасан ододынхИлүү зангүй дөлгөөн чинь уулынхИх тунгалаг зүс чинь сарныхӨнгө ,сүүдрийн хорвоогоос булааж авсан үзэгслэн чиньӨгсөн юм болхоороо буцааж чамаас авнаГайхуулж яваа үзэгслэнгээс чиньГанц ч юм чинийх бишээ амраг минь

Өнөөдөр 2-р сарын 10 буюу Очирбатын ДАШБАЛБАРЫН төрсөн өдөр2 сар 10. 15:45

1957 оны 2-р сарын 10-нд Сүхбаатар аймгийн Наран сумын Дарьганга нутагт мэндэлсэн. Монгол Улсын Төрийн шагналт, нэрт яруу найрагч юм

Суут найрагч Рэнчиний Чойномын мэндэлсэн өдөр2 сар 10. 15:37

Чойном Хэнтий аймгийн Дархан сумын нутаг Бор ухаа гэдэг газар 1936 оны 2-р сарын 10-ны өдөр эцэг Рэнчиний 31-ний, эх Рэгзэнгийн 26-ны жил дээр төржээ. Эцэг эхээсээ тэрбээр Чойномусурияа нэрийг өргөмжлөн авсан хэдийч хожим 1951 онд товчлон Чойном гэж хэлж бичих болсноор олны дунд Чойном нэрээрээ алдаршсан болно. Р.Чойном бага сургуулийн 4-р ангийг онц дүнтэй төгссөн боловч дунд сургуулийн 6-р ангид суралцаж байгаад өвчний улмаас цаашид суралцаж чадаагүй байна

Б. Лхагвасүрэн - Боржигоны бор тал2 сар 7. 9:43

Санаа алдахад Эхийн сүү тагнайд амтагдаж Салхины үзүүр залгихад Агь хоолойд аргасан Боржигины бор тал минь Тэргэл саран туулж баралгүй хээр хонодог Тэнгэрийн хэвтэр буурал тал минь Таанын цагаан толгойноос өөр Тайтгаруулах цэцэггүй нүцгэн тал минь Нандин эрхэмсэг эгэл борг

"Алтан тайзны эзэд-БИД МАРТАХГҮЙ"-20182018, 12 сар 11. 16:46

Монголын театрын урлагийн хөгжилд өөрийн авъяас билэг, хөдөлмөр зүтгэлээ зориулж ирсэн ахмад уран бүтээлчид, театрын зүтгэлтнүүдээ мөнхжүүлэх, тэдний бүтээл туурвилын баялаг өв санг хойч үедээ уламжлан хөгжүүлэх үүднээс 2005 оноос эхлэн УДЭТеатрын хамт олон АЛТАН ТАЙЗНЫ ЭЗЭД-“Бид мартахгүй” дурсамж хүндэтгэлийн үйл ажиллагааг зохион байгуулж ирсэн билээ. 2018 онд жил драмын театрын гавьяат жүжигчин Л.Лувсан110 жил, Хөдөлмөрийн баатар, Төрийн шагналт, Ардын жүжигчин Г.Гомбосүрэн 100 жил, Төрийн шагналт, Ардын жүжигчин Э.Оюун 100 жил, Ардын жүжигчин Б.Лоовой 100 жил, Соёлын тэргүүний ажилтан Д.Байдий 100 жил, З.Цэвэгдорж 100 жил, Ардын жүжигчин А

Ч.Нандинцэцэг: Нийгэм нэг л биш...2018, 11 сар 29. 9:30

Гудамжаар хүмүүс гуниглаж алхаад хэцүү байна. Гоёхон охид буудал хэсээд жигшмээр байна. Эрчүүд ханиа баарнаас хайгаад бэрх байна. Эмэгтэйчүүд ихэнхдээ нулимс унагаад уйтгартай байна. Энэ нийгэм нэг л бишээ ... Найзууд нэгнээ хэтэвчээр хэмжээд цөвүүн байна. Нар хүртэл илчээ харамлаад хүйтэн байна. Салах нь ихдэж үрс өнчрөөд хөөрхий байна. Сархад ихдэж айраг багасаад гашуун байна

Тусгаар тогтнол чамайг Тунхаглан бичнэ би….2018, 11 сар 25. 16:54

Тусгаар Тогтнол Шүлэг: Д.Пүрэвдорж Ханат цагаан гэрийн од хийморийн тоонон дээрХасаг халуун тулганы омог дєрвєн тотгон дээрХан Алтай аавын онгон тэргvvн оргил дээрХатан Сэлэнгэ ээжийн одод орчих мандал дээрТусгаар тогтнол чамайгТунхаглан бичнэ биГанган улаан тэмээний зогдор дэвсэх тэшил дээрГантай мєнгєн хэтний зоолог тээх тээгэн дээрГалбын халуун говийн хулан ангах ээрэм дээрГантиг чулуун хясааны янгир халих элгэн дээрТусгаар тогтнол чамайгТунхаглан бичнэ би Хvж дурдан бvсний ташаа дарах нугалаан дээрХvрэл манан хєєргєний даалин дарах наргиан дээрХvйсийн шvvдэр буусан уулын гацаа бууцан дээрХvннv дээдсийн тамгалсан улбаа гархин буурин дээрТусгаар тогтнол чамайгТунхаглан бичнэ би Ширмэн тємєр дєрєєний шивээ зурах тавган дээрШижир алтан ээмэгний шигтгээ чимэх гархин дээрШинийн хоёрны саран хаяарч шингэх тэнгэр дээрШинэ нялх ногоо ханшиж задрах газар дээрТусгаар тогтнол чамайгТунхаглан бичнэ биАавын мєнгєн хазаарын найман цэнгийн товруун дээрАзын алаг мэлхийн наян нэгэн шагайн дээрАлиахан саарлын унага хєллєн тэнцэх нуга дээрАнгирын хоёр дэгдээхэй хєвєн цэнгэх нууран дээрТусгаар тогтнол чамайгТунхаглан бичнэ биИндэр улаан галын цац бадман дєлєн дээрИжил хоёр загалын цацаг шанхан дэлэн дээрИдэр гурван есийн цас чахрах цайдам дээрЕсєн голын цан хєєрєх царман дээрТусгаар тогтнол чамайгТунхаглан бичнэ биБэлгийн цэнхэр хадагны хоёр гардах дэлгээс дээрБэхэн хар гэзэгний хосоор дарах сvлжээс дээрБэрийн домогт цэцгийн хорвоо уярах дэлбээн дээрБидэрт мєнгєн сарны хоймор унах туяан дээрТусгаар тогтнол чамайгТунхаглан бичнэ биУрсгал татмал усны хєл алдах ёроол дээрУргамал таримал модны хєрсєнд хавах ёзоор дээрУяран мэлмэрэх янагийн дурлал амилах харцан дээрУйлан мэндлэх vрийн дуулан орхих манцуйн дээрТусгаар тогтнол чамайгТунхаглан бичнэ биАжнай сайн хvлгийн гал цахилах тууран дээрАагисан улаан хvдрийн ган царцах хайлш дээрАмар тvвшин жаргалтай ам бvлийн дансан дээрАлтан босго єлзийтэй айл бvхний vvдэн дээрТусгаар тогтнол чамайгТунхаглан бичнэ би Баяр найрын ширээний амтат тансаг идээн дээрБаян хангайд мєнхєрсєн арц хуш зээгэн дээрБалтаар давтан хийсэн анжисны торгон ирэн дээрБагц дvvрэн ургасан атрын тарианы мєрєн дээрТусгаар тогтнол чамайгТунхаглан бичнэ биЭрт айлын хаяа дархан хилийн дээсэн дээрЭнхтайвны харуул дайчин эрсийн тангараг дээрЭрдэнэ зуугийн хэрэмний зуун найман суварга дээрЭнэ зууны єргєєний зуун тvмэн цонхон дээрТусгаар тогтнол чамайгТунхаглан бичнэ биЭрх чєлєєний зарлиг ардын vндсэн хууль дээрЭрх хэл соёлынхоо ад биш баян сан дээрЭрдэнэтийн арга билиг алтан соёмбын гачил дээрЭх нутгийн шорооны амиар солих ширхэг дээрТусгаар тогтнол чамайгТунхаглан бичнэ биАав ээжийн буянтай єлзийт цагаан хоймор дээрАмин гарвалын толботой єлгийт нялхсын єєжин дээрАрдын журамт цэргийн єргєж ялсан туг дээрАмьсгалаа бидэнд єгсєн єрлєг дээдсийн дурсгал дээрТусгаар тогтнол чамайгТунхаглан бичнэ биХан тэнгэрт сvмбэрлэсэн vйлдвэр уурхайн яндан дээрХаяа нийлж сvндэрлэсэн vлгэрийн харшийн туурган дээрХангай говь талын vлэмжийн єв баялаг дээрХалуун эх оронч бvхний vндэсний их бахархал дээрТусгаар тогтнол чамайгТунхаглан бичнэ биСав саваар саалийн харваж хvрэхгvй зэлэн дээрСая саяар сvргийн хатирч хvрэхгvй билчээр дээрСар нарны єртєєнд хагацаж болшгvй учрал дээрСайхан монгол орноо хайрлаж ханашгvй ерєєл дээрТусгаар тогтнол чамайгТунхаглан бичнэ би Єглєє бvрийн нарны асгаран буух цацрал дээрЄвгийн морин хуурын аялгуу хослох утсан дээрЄргєн цээж чєлєєтэй амьсгалж яваа газар дээрЄєрийн толгой мэдэлтэй амьдарч яваа заяан дээрТусгаар тогтнол чамайгТунхаглан бичнэ биУхаа хонгорын жолоог захлан татсан талбай дээрУхаант жанжин Сvхбаатарын зарлан дуудсан тунхаг дээрУлаанбаатар нийслэлийн заяа тэтгэх дээвэр дээрУлсаа ачлан захирсан засаг тєрийнхєє ордон дээрТусгаар тогтнол чамайгТунхаглан бичнэ биНvvрэнд нь гал бадарсан монгол эцгийн хийморь дээрНvнжгэнд нь нар гэрэлтсэн монгол эхийн сэтгэл дээрНvvдлийн єргєєнд нэгдсэн монгол аймгийн холбоон дээрНҮБ-ын шилтгээнд заларсан монгол улсын далбаан дээрТусгаар тогтнол чамайгТунхаглан бичнэ биЭзэн сууж жаргасан их заяагаа сvсэглэжЭх орон талынхаа ирээдvйн таалалд нийцvvлжЭрдэнэсийн далайгаас шvvрдсэн итгэлийн сувд vгсээрЭрх жаргалаа баталсан иргэн бvхний гараарТусгаар тогтнол чамайгТунхаглан бичнэ би.

Р.Эмүжин: Битгий уйл, миний Монгол.2018, 11 сар 22. 9:55

Дахиад зуун жил өнгөрөхөд миний шонхор Далавчтай байгаад ч нисэхгүй бол яах вэ Догшин түүхийн бардамхан дусал нулимс Дорнын Монгол өвдөг сөгдвөл яах вэ Ус усны эхэнд улаан шороо үлдвэл Уйлаад уйлаад урсгалтай болно гэж үү Уул уулын оргилд ухсан нүх хоцорвол Ухаараад ухаараад бэлээсээ хэтэрнэ гэж үү Цус нулимс урсаж цугаар олон зүдрэвч Цувж явсан он жилүүд хэзээ дуусахыг мэдэхгүй Цуутай мянганы төгсгөлд Монголын зүрх энэлэвч Цуглаж суух өдөр хэзээ ирэхийг мэдэхгүй Хүүхдүүд зутарч, хөгшид энэлж байхад Хүлгийн тоос тэнгэрт хадлаа гээд яах вэ Хүний нутгийн гүнээс хүсэл тэмүүллээ хайсаар л байх уу Хүйтэн эриний сүүлчээс хөгжил хэмээгчийг эрэх үү Тусгаар тогтнол төрийн сэнтийтэй хамт алдагдахад Тусгаар улс минь хүнийх болсныг харах уу Газар газрын хэлээр өр зээлээ нэхэхийн цагт Газар шороо минь бусдынх болсныг үзэх үү Зуун зуунд энэлсэн эгэл түмний амьдралд Зуурдын энэ төр юухныг авчирсан юм бэ Зусар цагийн туршид хулгай ноёдоос хамаарагч Зулгуй энэ төр хэдэн зоосны үнэтэй вэ Хөх өвсний үндэс бүрийг хөндөн алтаа ачууллаа гээд Хөх Монгол хөгжих нь үнэн юм уу Урсгал усны эх бүрийг самарч эрдэнэсээ зөөлөө гээд Удамт Монгол хөлжих нь үнэн юм уу Эх орончдын зүрх уйтайхан үхэж байхад Эх хүний сэтгэл шимшрэхгүй гээд яах вэ Эгэл Монголын итгэл гунигтайхан мөхөж байхад Эцэг хүний сэтгэл шархирахгүй гээд яах вэ Итгэл найдвараа гээж, инээсэн бүхэн дайсан болоход Ижийтэйгээ хамт цохилсон зүрх минь л Монголынх байг. Алтай Хянганы уулс өрөөлийн хөл дороос өндөлзөхөд Аавтайгаа хамт огшсон зүрх минь л Монголынх байг. Үзэл санаандаа төөрөлдөж, үнэний хэмжүүр алдагдахын цагт Үзүүрт илдний салхинд үеийн үед хатуужсан зориг Үндэсний гэх юм зүрх чинь л үлдэнэ, Битгий уйл, миний Монгол. Үнэн, худлын тэнцвэр үүдэн хойморт шарвахын цагт Үгүйрэл ядуурлын дундуур үеийн үед дүрэлзсэн омог Үндэсний гэх юм зүрх чинь л үлдэнэ, Битгий уйл, миний Монгол....2016.01.25.

Шинэ мэдээ

Монгол Улс, ОХУ-ын ГХЯ-д хоорондын зөвлөлдөх уулзалт болов3 сар 25. 19:46Филиппинд хүмүүс Англи хэлийг яаж ингэж хурдан сураад байна?3 сар 25. 18:25Си Жиньпин, II Альберт нар хоёр улсын харилцааг бэхжүүлэхээр тохиролцжээ3 сар 25. 18:00Багш нарын 50 орчим хувь нь Венесуэлийг орхин явжээ3 сар 25. 17:55Орос, Японы эрдэмтэд 28,000 жилийн настай арслан зааны эсүүдийг дахин амьдруулжээ3 сар 25. 17:50Такакэйшёо: Би багаасаа л өөрөөсөө том биетэй хүүхдүүдтэй барилддаг байсан3 сар 25. 17:45Танд хэрэгтэй санаанууд: Энгийн атлаа өвөрмөц шийдэл3 сар 25. 17:40Бүх цаг үеийн шилдэг 500 дуу: №273 Kanye West, ‘Jesus Walks’3 сар 25. 17:35“Nike“-ийн өөрөө үдээсээ чангалдаг сагсан бөмбөгийн пүүз худалдаанд гарчээ3 сар 25. 17:30Хоолны хэмжээ ба илчлэгийг багасгаснаар урт наслах боломжтой3 сар 25. 17:25Арчаатай эмэгтэй ба арчаагүй эмэгтэй3 сар 25. 17:20Гризманн багийн лидер гэдгээ харуулсаар3 сар 25. 17:15"Эрх чөлөө" ажиллагаа явуулахад бэлтгэхийг уриалав3 сар 25. 17:10Хустайн байгалийн цогцолборт газрын ховор амьтдыг агнах тохиолдол буурахгүй байна3 сар 25. 17:05Эрдэмтэд нас уртасгадаг аргыг нэрлэв3 сар 25. 17:00Эден Азар багаа ялалтад хүргэв3 сар 25. 16:55Агаарын бохирдол хулгануудыг үргүйдэлд хүргэдгийг тогтоожээ3 сар 25. 16:50Энэ долоо хоногт цаг агаар ямар байх вэ3 сар 25. 16:45Хойд Солонгост байдаг хамгийн сайхан 10 зүйл3 сар 25. 16:40Цагаачдын цуваа АНУ-ыг чиглэн хөдөлжээ3 сар 25. 16:35Вьетнамд сүрьеэ өвчний улмаас олон мянган хүн нас барж байна3 сар 25. 16:30Назарбаевын охин хөгжлийн бэрхшээлтэй хүүхдүүдийг “үзээрийн муухай амьтад” гэжээ3 сар 25. 16:252.4 сая төл бойжиж байна3 сар 25. 16:20“Boeing” компанид өргөн хүрээний эрх мэдлийг олгосон гэж мэдээлэв3 сар 25. 16:15Малчид, иргэдийн анхааралд3 сар 25. 16:10"Us" аймшгийн кино шилдэг кинонуудын жагсаалтыг тэргүүлжээ3 сар 25. 16:05Бяцхан оюун ухааны тамирчид Узбекстаныг гайхшруулав3 сар 25. 16:03“Боди” Г.Угалзцэцэгийн нөхөр эхнэрийнхээ найрын ЗБ хийгээд завгүй...3 сар 25. 16:00Үндэсний лигийн хүрэл медалийг Өвөрхангай Тэнүүн Өлзий баг хүртлээ3 сар 25. 15:55Залбирал цусны бүтцийг өөрчилдөг болохыг тогтоожээ3 сар 25. 15:50
© 2008 - 2019 он. Зохиогчийн эрх хуулиар хамгаалагдсан.