УИХ

УИХ Татварын ерөнхий хууль, Аж ахуйн нэгжийн орлогын албан татварын тухай, Хувь хүний орлогын албан татварын тухай хуулиудын шинэчилсэн найруулгыг эцэслэн баталлаа3 сар 23. 11:30

УИХ-ын 2019 оны ээлжит бус чуулганы өнөөдрийн /2019.03.22/ нэгдсэн хуралдаан 58.7 хувийн ирцтэй эхэллээ. Хуралдааны эхэнд УИХ-ын дарга Г.Занданшатар Наурызын баярын мэндчилгээ дэвшүүлсэн.   Тэрбээр, Казах үндэсний хэл соёл, зан заншил, үүх түүхийг дархлан хамгаалах, эх хэлээрээ сурах, харилцах, мэдээлэл авах, үндэсний шашнаа шүтэх, ялгаварлан тусгаарлагдахгүй байх эрхийг хангах талаарх эрх зүйн орчныг улам боловсронгуй болгох асуудал хууль тогтоох дээд байгууллага Улсын Их Хурлын анхаарлын төвд ямагт байсаар ирсэн бөгөөд энэ уламжлалт бодлого цаашид ч тууштай үргэлжлэх болно гэдгийг онцолсон юм

УИХ-ын ээлжит бус чуулган хуралдана3 сар 23. 11:10

УИХ-ын ээлжит бус чуулганы өнөөдрийн /2019.03.23/ нэгдсэн хуралдаанаар хэлэлцэх асуудлууд: /Эхлэх цаг: 10:00/

Казах иргэдийн төлөөлөлтэй уулзаж, баярын мэндчилгээ дэвшүүллээ3 сар 22. 16:43

Монгол Улсын Их Хурлын дарга Г.Занданшатар Наурызын баярыг тохиолдуулан казах түмний төлөөллийг хүндэтгэн хүлээж авч, Монголынхоо нийт казах иргэдэд баярын мэндчилгээ дэвшүүллээ. Тэрбээр “Монгол Улсын төр, засаг энэ өдрийг казах түмний өв соёлыг хадгалан хөгжүүлэх, түгээн дэлгэрүүлэх, хүндэтгэн эрхэмлэх, үйл бүтээлээ дүгнэн цэгнэх, хөгжил дэвшлийн ирээдүйг угтан тодорхойлох утгаар тэмдэглэсээр ирсэн билээ. Баярын өдрийг тохиолдуулан хөдөлмөр зүтгэл, бүтээн байгуулалтын бахархалт түүхийг бүтээсэн төр, нийгмийн зүтгэлтэн, урлаг соёлын алдартан, хөдөлмөрийн сайчууд, эрдэмтэн мэргэд, азай буурал Аксакалуудынхаа амар мэндийг айлтгая” гэлээ. Түүнчлэн бид Монгол гэдэг нэгэн гэр бүлийн гишүүд. Тиймээс Монгол Улсаа хөгжүүлэхийн төлөө эвийн хүчийг нийлүүлэн, эрдэм ухаанаа нэгтгэн ажиллаж, их амжилтад хүрнэ гэдэгтээ эргэлзэхгүй байна. Монголын казахуудын олонхи нь амьдран суудаг Баян-Өлгий аймагт ажилгүйдэл, ядуурлыг бууруулж, нийгмийн хамгааллын зохистой бодлогыг хэрэгжүүлэн, үйлдвэрлэлийг хөгжүүлж, эдийн засгийн хүчин чадлыг нэмэгдүүлэхийн зэрэгцээ казахчуудын эх хэлээрээ сурах, мэдээлэл авах, шашнаа шүтэх, ялгаварлан тусгаарлагдахгүй байх зэрэг эрхийг хангах бодлогоо Монголын төр, засаг тууштай хэрэгжүүлсээр байх болно гэдгийг онцлон тэмдэглэлээ.   УИХ-ын дарга Г.Занданшатар Баян-Өлгий аймгаас УИХ-д сонгогдсон гишүүдийн санаачилга, хүсэлтийн дагуу энэ онд баруун бүсийн босоо тэнхлэгийн Цагааннуур-Улаанбайшинт чиглэлийн 25.8 км замыг ашиглалтад оруулах, Хашаатын даваа-Толбо сум чиглэлийн замыг дуусгах, Асгатын мөнгөний ордыг “Эрдэнэс-Монгол” компанид шилжүүлж, эдийн засгийн эргэлтэд оруулах шийдвэр гаргасныг тэмдэглээд, төр, засгаас хэрэгжүүлж буй эдгээр болон бусад томоохон бүтээн байгуулалтын арга хэмжээ баруун бүс нутгийн ард иргэд, түүний дотор казах түмний амьжиргааг сайжруулж, орлогыг нэмэгдүүлэх, тогтвортой ажлын байр бий болгоход чухал түлхэц болно гэлээ. Уулзалтад УИХ-ын гишүүн, Барилга, хот байгуулалтын сайд, гавьяат эдийн засагч Х.Баделхан, Зам тээврийн сайд асан, гавьяат тээвэрчин Р.Сандалхан, соёлын гавьяат зүтгэлтэн, зохиолч Т.Солтан, гавьяат багш Ж.Хазира, гавьяат тамирчин, улсын харцага О.Бахыт, гавьяат барилгачин Б.Мадет, үйлчилгээний гавьяат ажилтан Х.Хайсанай, аж үйлдвэрийн гавьяат ажилтан Т.Халипа, Хууль сахиулахын их сургуулийн доктор, профессор, хурандаа А.Муратхан, МУИС-ийн багш, профессор Б.Алтынгул, өндөр настан Т.Жавартай, бизнесмэн Х.Смайл, сэтгүүлч Х.Досан нарын зэрэг хүмүүс оролцов. Зочдыг төлөөлж үг хэлсэн хүмүүс үндэсний баярыг нь тохиолдуулан хүлээн авч уулзаж байгаад УИХ-ын дарга Г.Занданшатарт талархал илэрхийлээд, та бүхний сахилга хариуцлагыг бэхжүүлж, шударга ёсыг тогтоох чиглэлээр хийж буй шинэчлэлийн зорилт, үйл ажиллагааг бид ямагт дэмжих болно

ЭЗБХ: Ашигт малтмалын тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийлээ3 сар 22. 16:41

УИХ-ын Эдийн засгийн байнгын хорооны өнөөдрийн (2019.03.22) хуралдаан 09 цаг 58 минутад 52.6 хувийн ирцтэйгээр эхэлж, зургаан асуудал хэлэлцэн шийдвэрлэлээ. Хуралдааны эхэнд Ашигт малтмалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Ашигт малтмалын тухай хуульд нэмэлт, өөрчлөлт оруулах тухай хуульд өөрчлөлт оруулах тухай хуулийн төслийг хэлэлцэхийг чуулганы нэгдсэн хуралдаанаар дэмжсэн тул төслүүдийг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий ажлын хэсгийг байгуулав. УИХ-ын гишүүн Ж.Бат-Эрдэнэ тус ажлын хэсгийг ахлан ажиллахаар болсон. 

Хошууч генерал А.Ганбатыг ЗХЖШ-ын даргаар томилохыг дэмжлээ3 сар 22. 13:25

УИХ-ын Аюулгүй байдал, гадаад бодлогын байнгын хорооны өнөөдрийн /2019.03.22/ хуралдаанаар Зэвсэгт хүчний Жанжин штаб (ЗХЖШ)-ын даргыг томилох асуудлыг хэлэлцлээ.

Улсын Их Хурлын дарга Г.Занданшатарын НАУРЫЗЫН баярын мэндчилгээ3 сар 22. 9:35

 Улс үндэстнийхээ хөгжил дэвшил, өв соёлын түүхийг бүтээх үйлсэд үнэтэй хувь нэмэр оруулсан азай буурал Аксакалууд аа,     Уудам дэлгэр эх орондоо болон дэлхийн улс орнуудад ажиллаж, амьдарч буй нийт казах иргэд ээ,      Ертөнц дэлхий өвлийн нойроос сэрж, үржил шимийн улирал эхэлж, өдөр шөнө тэнцдэг тэгш сайн өдрийг бэлгэдэн тэмдэглэдэг, эх дэлхийг гийгүүлэн тэтгэгч Нарны баяр - Наурызыг тохиолдуулан Та бүхэндээ Монгол Улсын Их Хурлын нэрийн өмнөөс болон хувиасаа чин сэтгэлийн баярын мэндчилгээ өргөн дэвшүүлье.     Ассалам алейкум.     Жил бүрийн гуравдугаар сарын 22-нд тохиодог казах үндэстний түүх, соёлын өвөрмөц тусгал болсон хүндэтгэлт баяр Наурызыг тохиолдуулан Та бүхнийхээ амар мэндийг айлтган мэндчилж байгаадаа баяртай байна.      ЮНЕСКО 2009 онд наурызыг хүн төрөлхтний биет бус соёлын өвийн жагсаалтад бүртгэж, Нэгдсэн Үндэстний Байгууллага 2010 оны Ерөнхий Ассамблейн чуулганаараа “Олон улсын наурызын өдөр”-ийг дэлхий дахинд тэмдэглэн өнгөрүүлж байхаар шийдвэрлэсэн билээ. Энэ нь Наурыз бол нийт хүн төрөлхтний баяр гэдгийг зарлан тунхагласан хэрэг юм.      Дэлхийн 40 гаруй орны 400 гаруй сая хүн ёслон тэмдэглэдэг энэхүү баярын өдөр казах түмэн маань айл хотол, ахан дүүсээрээ амар мэндээ мэдэлцэж, аксакал буурлуудынхаа ерөөл сургаалыг сонсож, “Наурызын өдөр дайснаа хүртэл уучил”, “Мууг сайнаар дайл” гэсэн өвгөдийн сургаалыг ёсчлон биелүүлж, ёс төгөлдөр баясан цэнгэдэг, эв нөхөрлөл, ёс зүй, хүмүүжлийн чухал ач холбогдолтой, үндэсний соёлын нэгэн чухал зан үйл юм.     Монгол Улсын төр, засаг ч энэ өдрийг казах түмний өв соёлыг хадгалан хөгжүүлэх, түгээн дэлгэрүүлэх, хүндэтгэн эрхэмлэх, үйл бүтээлээ дүгнэн цэгнэх, хөгжил дэвшлийн ирээдүйг угтан тодорхойлох утгаар тэмдэглэсээр ирсэн билээ.     Үндэсний соёл, түүх, ёс уламжлалаа эрхэм сайхнаар өвлөн хадгалж, хөдөлмөр тэмцэл, бүтээн байгуулалтын гайхамшигт түүхийг бүтээж, төрөлх нутгийнхаа төдийгүй улс орныхоо нэрийг дуурсгасан төр, нийгмийн зүтгэлтэн, урлаг соёлын алдартан, хөдөлмөрийн сайчууд, эрдэмтэн мэргэд казахчуудын дундаас олон арваар төрөн гарснаар бид ямагт бахархдаг.     Манай казах иргэдийн дийлэнх олонх нь оршин амьдардаг Баян-Өлгий аймаг жилээс жилд хөгжин дэвжиж, аймаг орон нутгаа хөгжүүлэх нийгэм, эдийн засгийн зорилтоо амжилттай ханган биелүүлж, ардчиллыг бэхжүүлэх, зах зээлийн эдийн засгийн харилцааг төлөвшүүлэх, улс орныхоо тогтвортой хөгжлийн суурийг бүрдүүлэхэд манай казах иргэд үнэтэй хувь нэмэр оруулсаар буйг тэмдэглэж хэлэхийг хүсэж байна.     Цаашид ажилгүйдэл, ядуурлаас иргэдээ хамгаалах, баялаг бүтээгчдийг хөхиүлэн дэмжих, газрын баялаг, хөдөө аж ахуйн түүхий эдэд суурилсан үйлдвэрлэлийг нэмэгдүүлэх замаар ажлын байр олноор бий болгох, түлш эрчим хүчний найдвартай эх үүсвэрээр хангах, аялал жуулчлалыг хөгжүүлэх зэрэг зорилтыг төр, засгийн бодлого, нутгийн удирдлага, иргэдийн санаачилгатай хослуулан, үр дүнтэй хэрэгжүүлэх нь нэн чухал байна.     Түүнчлэн иргэнээ дээдэлсэн төрийн үйлчилгээг төлөвшүүлэх, бүх шатанд сахилга хариуцлагыг сайжруулах, зөвхөн хууль засагладаг шударга ёс тогтоох төрийн бодлогыг хэлбэрэлтгүй хэрэгжүүлж, эрдэм ухаан, эрүүл энхийг эрхэмлэн, иргэдийнхээ сэтгэл тайван, итгэл дүүрэн амьдралын таатай орчныг бүрдүүлэхийн төлөө эвийг сахиж, хүчийг нэгтгэн ажиллах зайлшгүй шаардлага байгааг баярын энэ өдөр онцгойлон тэмдэглэж хэлье.                  Казах үндэсний хэл соёл, зан заншил, үүх түүхийг дархлан хамгаалах, эх хэлээрээ сурах, харилцах, мэдээлэл авах, үндэсний шашнаа шүтэх, ялгаварлан тусгаарлагдахгүй байх эрхийг хангах талаарх эрх зүйн орчныг улам боловсронгуй болгох асуудал хууль тогтоох дээд байгууллага Улсын Их Хурлын анхаарлын төвд ямагт байсаар ирсэн бөгөөд энэ уламжлалт бодлого цаашид ч тууштай үргэлжлэх болно.     Эрхэм хүндэт казах иргэд ээ,     Перс хэлээр наурыз нь “Шинэ өдөр” гэсэн утгатай

Ц.Цолмон НҮБ-ын Суурин төлөөлөгчийн газрын орлогч дарга Даниэла Гашпариковаг хүлээн авч уулзав3 сар 21. 15:00

Монгол Улсын Их Хурлын Тамгын газрын Ерөнхий нарийн бичгийн дарга Ц.Цолмон өнөөдөр (2019.03.21) НҮБ-ын Хөгжлийн хөтөлбөрийн Монгол Улс дахь Суурин төлөөлөгчийн газрын орлогч дарга, хатагтай Даниэла Гашпариковаг нутаг буцаж байгаатай нь холбогдуулан хүлээн авч уулзав. Уулзалтын эхэнд хатагтай Даниэла Гашпарикова цаг гарган хүлээн авч уулзаж байгаад нь УИХ-ын Тамгын газрын Ерөнхий нарийн бичгийн дарга Ц.Цолмонд талархал илэрхийлээд Монгол Улсад ажилласан гурван жилийн хугацаанд хийсэн ажлынхаа талаар товч танилцууллаа. Тэрбээр, “Улсын Их Хурлын Тамгын газраас НҮБ-ын Хөгжлийн хөтөлбөр, Швейцарийн хөгжлийн агентлагтай хамтран хэрэгжүүлж буй төслийн хүрээнд парламентын хуралдааны дэгийн асуудлаар олон улсын парламентын жишиг, чиг хандлагатай харьцуулсан иж бүрэн судалгаа шинжилгээг анх удаа хийж дуусгасан талаар Монгол Улсын Их Хурлын дарга Г.Занданшатар УИХ-ын ээлжит бус чуулганы нээлтийн үеэр хэлсэн үгэндээ онцолсонд талархалтай байна” гээд бүхий л талаар дэмжиж, хамтран ажилласан парламент болон түүний Тамгын газрын хамт олонд ажлын амжилт хүсэв.   Улсын Их Хурлын Тамгын газрын Ерөнхий нарийн бичгийн дарга Ц.Цолмон хатагтай Даниэла Гашпариковаг идэвх санаачилгатай ажиллаж байсныг онцлоод цаашдын ажилд нь амжилт хүсэв

ТБХ: Татварын ерөнхий хуулийн төслүүдийн анхны хэлэлцүүлгийг үргэлжлүүлэв3 сар 21. 14:55

 УИХ-ын чуулганы нэгдсэн хуралдаанаас гишүүдийн олонх Татварын ерөнхий хуулийн шинэчилсэн найруулгын төслийн анхны хэлэлцүүлгийг дахин хийх горимын саналыг дэмжсэн тул  Төсвийн байнгын хороо өнөөдрийн (2019.03.21) хуралдаан 10 цаг 48 минутад, гишүүдийн 52.6 хувийн ирцтэй эхэлж, татварын багц хуулийн төслүүдийн анхны хэлэлцүүлгийг үргэлжлүүлэв.     Хуралдааны эхэнд Татварын ерөнхий хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд, Татварын ерөнхий хуульд нэмэлт, өөрчлөлт оруулах тухай хуулийн нэгтгэсэн төслүүдийн анхны хэлэлцүүлэгтэй холбогдуулан асуулт асуух гишүүн байсангүй.      Иймд хуулийн төслийн талаар Улсын Их Хурлын гишүүн Д.Эрдэнэбат, З.Нарантуяа нарын зүгээс гаргасан зарчмын зөрүүтэй саналын томьёоллоор нэмж санал хураалт явуулсан. Тухайлбал, хуулийн төслийн 70 дугаар зүйлийн 70.1, 70.2, 70.4, 70.8 дахь хэсгийг хасч, мөн зүйлд дор дурдсан агуулгатай “70.2

Чуулганы нэгдсэн хуралдаанаар Татварын ерөнхий хуулийн шинэчилсэн найруулгын төслийн анхны хэлэлцүүлгийг хийж эхэллээ3 сар 21. 14:05

Улсын Их Хурлын ээлжит бус чуулганы өнөөдрийн (2019.03.21) нэгдсэн хуралдаанаар татварын багц хуулийн шинэчилсэн найруулгын төслүүдийн анхны хэлэлцүүлгийг хийхээр товлосон. Харин Улсын Их Хурлын гишүүн, тус Байнгын хорооны дарга Б.Чойжилсүрэн татварын багц хуулийн шинэчилсэн найруулгын төслүүдийн анхны хэлэлцүүлгийг Байнгын хороо хийж, хуулийн төслүүдийг анхны хэлэлцүүлэгт бэлтгэсэн талаарх санал, дүгнэлт болон зарчмын зөрүүтэй саналын томьёоллуудыг чуулганы нэгдсэн хуралдаанд оруулж шийдвэрлүүлэхээр тогтсон

Чуулганы нэгдсэн хуралдаан түр завсарлав3 сар 21. 13:20

Төсвийн байнгын хороо хуулийн шинэчилсэн найруулгын төслийн анхны хэлэлцүүлгийг үргэлжлүүлэхээр болж, чуулганы нэгдсэн хуралдаан түр завсарлав. Улсын Их Хурлын ээлжит бус чуулганы өнөөдрийн нэгдсэн хуралдаан 10 цаг 07 минутад 60 хувийн ирцтэй эхэлж, чуулганы нэгдсэн хуралдаанаар татварын багц хуулийн шинэчилсэн найруулгын төслүүдийн анхны хэлэлцүүлгийг хийхээр тогтов. Чуулганы нэгдсэн хуралдаанаар эхлээд Засгийн газраас 2018 оны 05 дугаар сарын 29-ний өдөр, мөн Улсын Их Хурлын гишүүн Д.Тогтохсүрэн нарын 6 гишүүний өргөн мэдүүлсэн Татварын ерөнхий хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд, Татварын ерөнхий хуульд нэмэлт, өөрчлөлт оруулах тухай хуулийн төсөл-ийн анхны хэлэлцүүлгийг эхэллээ. Хуулийн төслүүдийг анхны хэлэлцүүлэгт бэлтгэсэн талаарх Төсвийн байнгын хорооны санал, дүгнэлтийг Улсын Их Хурлын гишүүн Б.Баттөмөр чуулганы нэгдсэн хуралдаанд танилцуулсан юм. Уг хуулийн төслүүдийн хэлэлцэх эсэх асуудлыг Улсын Их Хурлын чуулганы 2018 оны 06 дугаар сарын 14-ний өдрийн нэгдсэн хуралдаанаар хэлэлцэн дэмжиж анхны хэлэлцүүлэгт шилжүүлсэн

Чуулганы нэгдсэн хуралдаантай3 сар 21. 8:40

УИХ-ын чуулганы нэгдсэн хуралдаан өнөөдөр 10.00 цагаас товлогдлоо. Өнөөдрийн хуралдаанаар дараах асуудлуудыг хэлэлцэнэ. Тодруулбал,  Татварын ерөнхий хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд, Татварын ерөнхий хуульд нэмэлт, өөрчлөлт оруулах тухай хуулийн төсөл /Засгийн газар 2018.05.29-ний өдөр, Улсын Их Хурл

Нотариатын тухай хуульд нэмэлт, өөрчлөлт оруулах тухай хуулийн төсөл өргөн барилаа3 сар 19. 16:49

УИХ Нотариатын тухай хуулийн шинэчилсэн найруулгыг 2011 онд баталжээ. Улмаар 2012 онд батлагдсан Хуульчийн эрх зүйн байдлын тухай хуулиар хуульчийн мэргэжлийн үйл ажиллагаанд нотариатын үйл ажиллагаа хамаархгүй байхаар хуульчилсан бөгөөд энэхүү зохицуулалт нь нотариатчид тавигдах шаардлагыг тодорхойгүй болгож, улмаар хуулийн хийдэл үүсгэсэн байна. Түүнчлэн Нотариатын тухай хуулийг эрх зүйн салбарын хөгжил, шинээр батлагдан гарч байгаа бусад хууль тогтоомжтой уялдуулах шаардлага байгааг үндэслэн уг хуульд нэмэлт, өөрчлөлт оруулах хуулийн төслийг боловсруулсныг УИХ-ын гишүүн, Хууль зүй, дотоод хэргийн сайд Ц.Нямдорж Монгол Улсын Их Хурлын дарга Г.Занданшатарт өргөн барилаа.

УИХ-ын гишүүн, Уул уурхай, хүнд үйлдвэрийн сайд Д.Сумъяабазар хуулийн төсөл өргөн барилаа3 сар 19. 16:17

Монгол Улсын Засгийн газраас санаачлан боловсруулсан Үйлдвэрлэл, технологийн паркийн эрх зүйн байдлын тухай хуульд нэмэлт, өөрчлөлт оруулах тухай хуулийн төслийг УИХ-ын гишүүн, Уул уурхай, хүнд үйлдвэрийн сайд Д.Сумъяабазар Монгол Улсын Их Хурлын дарга Г.Занданшатарт өргөн барилаа Одоогийн хүчин төгөлдөр үйлчилж байгаа Үйлдвэрлэл, технологийн паркийн эрх зүйн байдлын тухай хуулийг УИХ 2009 онд баталж, мөрдүүлсэн байна. Гэвч хууль батлагдсанаас хойших хугацаанд Засгийн газраас 5 хуулийн этгээдэд паркийн үйл ажиллагаа эрхлэх тусгай зөвшөөрөл олгосон боловч үйл ажиллагаа нь эхлэл төдий, хөрөнгө оруулалт татаж чадаагүй байна. Цаашид үйлдвэрлэл, технологийн паркийн үйл ажиллагаанд мөрдөж буй бодлогын болон хууль эрх зүйн баримт бичгүүд хоорондын давхцал, зөрчлийг арилгах, хэрэгжүүлэх механизмыг тодорхойлох, үйлдвэрлэл, технологийн паркт хөрөнгө оруулалт татах, паркийн нэгжийн үйлдвэрлэлийн үр ашгийг нэмэгдүүлэх, тасралтгүй хөгжлийг хангах, улмаар паркийн үйл ажиллагааг эрчимжүүлэх зорилгоор хуульд нэмэлт, өөрчлөлт оруулах төслийг боловсруулжээ. Үйлдвэрлэл, технологийн паркийн эрх зүйн байдлын тухай хуульд нэмэлт, өөрчлөлт оруулснаар хууль хоорондын давхцал, зөрчил арилж, хуулийг хэрэгжүүлэх механизм оновчтой болох, паркийн үйл ажиллагаанд төрийн зүгээс бодлогын болон татвар, санхүүгийн дэмжлэг үзүүлэх хууль эрх зүйн орчин бүрдэх юм

УИХ-ын дарга Г.Занданшатарын айлчлалаар хоёр тал тодорхой асуудлуудаар нэгдсэн шийдэлд хүрлээ3 сар 14. 13:15

Швейцарийн Холбооны Улсад албан ёсны айлчлал хийж буй Монгол Улсын Их Хурлын дарга Гомбожавын Занданшатарт тус улсын Гадаад хэргийн яамны Төрийн нарийн бичгийн дарга Паскал Баерисвил, Сангийн яамны Төрийн нарийн бичгийн дарга Даниела Стоффел, Төрийн зөвлөлийн (парламентын Дээд танхим) Гадаад харилцааны байнгын хорооны дарга Филиппо Ломбарди нар бараалхлаа.   Эдгээр уулзалтуудаар хоёр тал хамтын ажиллагаагаа парламент хооронд төдийгүй худалдаа, эдийн засгийн бүхий л салбарт өргөжүүлэн хөгжүүлэхийн чухлыг тэмдэглэж, үзэсгэлэнт байгальтай, түүнийгээ хайрлан дээдэлдэг өв уламжлалтай орнуудын хувьд аялал жуулчлалыг харилцан хөгжүүлэх, соёл урлаг, боловсролын салбарын хамтын ажиллагаанд түлхүү ач холбогдол өгөх, олон улс, бүс нутгийн хамтын ажиллагаанд харилцан бие биеийг дэмжиж ирсэн уламжлалаа цаашид ч хадгалах, шинэ чиглэлээр баяжуулах зэрэг нэгдсэн байр суурьтай байгаагаа илэрхийлэв. Гадаад хэргийн яамны Төрийн нарийн бичгийн дарга, хатагтай Паскал Баерисвилтэй хийсэн уулзалтаар Швейцарийн Холбооны Улсын Гадаад хэргийн сайд И.Кассисын Монгол Улсад хийсэн айлчлалын үеэр ярилцан тохиролцсон хамтын ажиллагааны олон асуудлыг хугацаа алдалгүй, үр дүнтэй хэрэгжүүлэх нь чухал болохыг санал нэгтэй тэмдэглэв.   Уулзалтуудаар Монгол Улсын Засгийн газраас баталсан Оффшор бүсийн жагсаалтад Швейцарийг оруулсан тухай асуудал хөндөгдсөн юм. Энэ талаар Улсын Их Хурлын дарга Г.Занданшатар тайлбарлахдаа “Энэ нь зөвхөн төрийн албан хаагч, улс төрийн өндөр албан тушаалтнуудтай холбоотой асуудал юм

УИХ-ын дарга Г.Занданшатар АНУ-ын Пенсильванийн их сургуулийн оюутнуудыг хүлээн авч уулзав3 сар 8. 10:05

Монгол Улсын Их Хурлын дарга Г.Занданшатар АНУ-ын Пенсильванийн их сургуулийн магистрант, докторант оюутнуудын төлөөллийг өнөөдөр (2019.03.07) хүлээн авч уулзав. Уулзалтын эхэнд УИХ-ын дарга Г.Занданшатар оюутнуудад Монгол Улсын улс төр, нийгэм, эдийн засгийн өнөөгийн нөхцөл байдал болон парламентын үйл ажиллагаа, түүний хүрээнд хийгдэж буй шинэчлэл, батлагдан гарсан хууль тогтоомжуудын талаарх мэдээллийг өгсөн юм.   Тэрбээр, “Бид парламентын үйл ажиллагааг шинэчилж, дижитал засаглалыг нэвтрүүлэхээр “e-parliament” төслийг эхлүүлж байна. Парламентын бүхий л үйл явц цахим тогтолцоонд шилжиж, иргэдэд ил тод, нээлттэй болж, хүссэн үедээ шууд харилцах боломжийг нээж өгнө

Г.Занданшатар: Ард түмний минь гар дулаан, сэтгэл дүүрэн байх ёстой2 сар 26. 10:40

Монгол Улсын Их Хурлын дарга Гомбожавын Занданшатар орон нутагт ажиллах анхны томилолтоо төрсөн нутаг Баянхонгор аймгаасаа эхлүүллээ. Түүнийг аймгийн төвийн “Тусгаар тогтнолын талбай”-д Засаг дарга Г.Батжаргал болон тус аймаг дахь цэргийн хүрээний анги, хууль хүчний байгууллагын ажилтнууд, төрийн албан хаагчид, иргэдийн төлөөлөл хүндэтгэн угтав.   Тэрбээр эхлээд аймгийн төр, захиргааны байгууллагын удирдах ажилтнуудтай уулзсан юм.   Тэрбээр энд хэлсэн үгэндээ “Төрийн албан хаагчид ард түмэндээ үйлчлэх цорын ганц үүрэгтэй. Үүний тулд сэтгэл гаргаж л ажиллах шаардлагатай байна

Г.Занданшатар: Бидний хамгийн нэгдүгээрт эрхэмлэх ёстой зүйл бол ард түмний хүсэл зориг. Төрийн бүх эрх мэдэл гагцхүү ард түмнийх2 сар 23. 13:20

Монгол Улсын Их Хурлын дарга Г.Занданшатар Төрийн ордонд болж буй Орон нутгийн удирдах ажилтны улсын зөвлөгөөнд оролцож үг хэллээ. Зөвлөгөөнд Монгол Улсын 21 аймаг, 330 сумын Засаг дарга нар оролцож байгаа юм. Тэрбээр энд хэлсэн үгэндээ Монгол Улс, монгол хүний хөгжлийг хангасан эрхзүй, нийгмийн цоо шинэ орчныг бүрдүүлэх шаардлагатай байгааг онцлоод, -төрийн албанд сахилга, хариуцлагыг сайжруулж, ард түмэндээ чин шударгаар үйлчлэх замаар төрийн нэр хүндийг сэргээх; -төр-ард түмний шууд холбоог бэхжүүлэхийн тулд парламентад цахим шилжилт хийх, баримт нотолгоонд суурилсан мэтгэлцээн өрнөдөг парламентын соёлыг хэвшүүлэх; -нутгийн өөрөө удирдах ёсыг төрийн удирдлагатай хослуулах зарчмыг Засаг захиргаа, нутаг дэвсгэрийн нэгж, түүний удирдлагын тухай хуульд өөрчлөлт оруулах замаар хангах;  -орон нутагт хүн хүчний болон санхүүгийн нөөц, эрх мэдлийг оновчтой хуваарилан төвлөрлийг сааруулах; -Монгол Улсын Үндсэн хуульд ард түмний эрх ашигт нийцсэн, Монгол Улсын хөгжлийн замыг зөв тодорхойлсон, зайлшгүй шаардлагатай нэмэлт өөрчлөлтийг хийх  гэсэн 5 үндсэн зорилт дэвшүүлж байгаагаа тайлбарлалаа. Түүний хэлсэн үгийг бүрэн эхээр нь толилуулж байна.   Орон нутгийн удирдах ажилтны улсын зөвлөгөөнд хүрэлцэн ирсэн аймаг, сумдын Засаг дарга нар, төрийн албаны удирдах ажилтан, хүндэт зочид, төлөөлөгчид та бүхэнд энэ өдрийн мэнд дэвшүүлье. Монголын ард түмний 1992 онд хийсэн түүхэн сонголтын үр дүнд ардчилсан Үндсэн хууль батлагдсанаас хойш 27 жилийн нүүрийг үзэж байна

ХЗБХ: Байнгын хороо 23 асуудал хэлэлцэж, 8 хууль батлуулжээ2 сар 21. 13:10

-УИХ-ын 2018 оны намрын ээлжит чуулганы хугацаанд Хууль зүйн байнгын хорооны гүйцэтгэсэн ажлын товч тайлан-     Улсын Их Хурлын Хууль зүйн байнгын хороо 2018 оны намрын ээлжит чуулганы хугацаанд эрх зүйн бодлого, хүний эрх, эрх чөлөө, түүний баталгаа, гэмт хэрэгтэй тэмцэх, урьдчилан сэргийлэх бодлогын хэрэгжилтийг хангах, Улсын Их Хуралд өргөн мэдүүлсэн хууль, бусад шийдвэрийн төслийн талаар болон нэгдсэн хуралдаанаар хэлэлцэх тодорхой асуудлаар санал, дүгнэлт гаргах, Байнгын хорооны эрхлэх асуудлын хүрээнд Улсын Их Хурлын хянан шалгах чиг үүргийг хэрэгжүүлэх, эрхлэх асуудлын хүрээний байгууллагуудын үйл ажиллагаанд тавих хяналтыг хэрэгжүүлж ажиллалаа.     Намрын ээлжит чуулганы хугацаанд Байнгын хороо нийт 13 удаа, Хүний эрхийн дэд хороо 1 удаа, хууль, Улсын Их Хурлын бусад шийдвэрийн төслийг хэлэлцүүлэгт бэлтгэх үүрэг бүхий ажлын хэсэг 10 удаа тус тус хуралдлаа.     Байнгын хорооны хуралдаанаар 7 хуулийн төсөл, Улсын Их Хурлын 3  тогтоолын төсөл, Байнгын хорооны 17 санал, дүгнэлт, 1 танилцуулга, зарчмын зөрүүтэй 10 саналын томьёолол бэлтгэн Улсын Их Хурлын чуулганы нэгдсэн хуралдаанаар хэлэлцэн шийдвэрлүүллээ.      Түүнчлэн Байнгын хорооны хуралдаанаар Үндсэн хуулийн цэцийн 5 дүгнэлт, албан тушаалтныг томилох 1, бүрэн эрхийг түдгэлзүүлэх 5 асуудал, харьяа байгууллагын 1 илтгэл, 1 мэдээлэл хэлэлцэж, холбогдох шийдвэр, санал, дүгнэлтийг гаргав.      Хууль зүйн байнгын хорооны тогтоолоор хуулийн төсөл болон Улсын Их Хурлын бусад шийдвэрийн төслийг хэлэлцүүлэгт бэлтгэх, хуулийн хэрэгжилтэд хяналт тавих үүрэг бүхий 1 ажлын хэсэг байгуулагдан 10 удаа хуралдаж, Байнгын хорооны ажлын хэсгээс гаргасан 1 танилцуулга /санал, дүгнэлт/-ыг бэлтгэн Байнгын хорооны хуралдаанаар хэлэлцүүлжээ.     Хууль зүйн байнгын хороо эрхлэх асуудлын хүрээнд хамаарах хуулийн төслүүдийг хэлэлцэж, санал, дүгнэлт, танилцуулга, зарчмын зөрүүтэй саналын томьёоллыг бэлтгэн Байнгын хорооны хуралдаан болон чуулганы нэгдсэн хуралдаанаар хэлэлцүүлж, нийт 8 хууль, Улсын Их Хурлын 3 тогтоолыг батлууллаа.             Хууль, тогтоолын төслийн хэлэлцүүлгийн талаар:     Хууль зүйн байнгын хороо эрхлэх асуудлын хүрээнд дараах асуудлыг хэлэлцэж, санал, дүгнэлт, танилцуулга, зарчмын зөрүүтэй саналын томьёоллыг бэлтгэн холбогдох Байнгын хороо болон чуулганы нэгдсэн хуралдаанаар хэлэлцүүллээ.      Үндсэн хуулийн цэцийн 2018 оны 07, 12, 13 дугаар дүгнэлтийг хүлээн зөвшөөрсөнтэй холбогдуулан Иргэний хэрэг шүүхэд хянан шийдвэрлэх тухай хуульд нэмэлт оруулах тухай хууль, Шүүхийн шийдвэр гүйцэтгэх тухай хуульд нэмэлт, өөрчлөлт оруулах тухай хууль, Нотариатын тухай хуульд /шинэчилсэн найруулга/ өөрчлөлт оруулах тухай, Согтуурах, мансуурах донтой хүнийг захиргааны журмаар албадан эмчлэх тухай хуулийн шинэчилсэн найруулга болон хамт өргөн мэдүүлсэн бусад хууль, Үндсэн хуулийн цэцийн 2018 оны 12, 13, 15 дугаар дүгнэлтийн тухай Улсын Их Хурлын тогтоолуудыг тус тус хэлэлцэн батлуулав.     Үндсэн хуулийн цэцийн 2018 оны 10, 14 дүгээр дүгнэлт, Эрүүгийн хууль тогтоомжийн хэрэгжилтийн талаарх Улсын ерөнхий прокурорын мэдээлэл, Монгол Улс дахь Хүний эрх, эрх чөлөөний байдлын талаарх 17 дахь илтгэл, Монгол Улсын 2019 оны төсвийн тухай хууль болон холбогдох бусад хуульд бүхэлд нь тавьсан Монгол Улсын Ерөнхийлөгчийн хориг, Улсын дээд шүүхийн шүүгчийн албан тушаалд нэр дэвшигчийг танилцуулах тухай асуудал, Улсын Их Хурлын 5 гишүүний бүрэн эрхийг түдгэлзүүлэх асуудлаар ирүүлсэн Улсын ерөнхий прокурорын санал, Гэмт хэрэг зөрчлөөс урьдчилан сэргийлэх тухай хуулийн шинэчилсэн найруулгын төсөл болон хамт өргөн мэдүүлсэн бусад хуулийн төсөл, Өмгөөллийн тухай хуулийн төсөл болон хамт өргөн мэдүүлсэн хуулийн төслийг Байнгын хороо тус тус хэлэлцлээ.             Бусад байнгын хороонд хүргүүлсэн санал, дүгнэлт:     “Ялтан шилжүүлэх тухай” Монгол Улс, Бүгд Найрамдах Социалист Вьетнам Улс хоорондын хэлэлцээрийн төслийг хэлэлцэж Аюулгүй байдал гадаад бодлогын байнгын хороонд, Монгол Улсын нэгдсэн төсвийн 2018 оны гүйцэтгэл, Засгийн газрын санхүүгийн нэгтгэсэн тайлан болон “Монгол Улсын 2018 оны төсвийн гүйцэтгэлийг батлах тухай” Улсын Их Хурлын тогтоолын төсөл, Монгол Улсын 2019 оны төсвийн тухай, Нийгмийн даатгалын сангийн 2019 оны төсвийн тухай, Эрүүл мэндийн даатгалын сангийн 2019 оны төсвийн тухай, Монгол Улсын нэгдсэн төсвийн 2019 оны төсвийн хүрээний мэдэгдэл, 2020-2021 оны төсвийн төсөөллийн тухай хуульд өөрчлөлт оруулах тухай хуулийн төсөл болон холбогдох бусад хуулийн төслүүдийг хэлэлцэж Төсвийн байнгын хороонд тус тус хүргүүлсэн.              Хүний эрхийн дэд хороо:     Хүний эрхийн дэд хороо 2018 оны 10 дугаар сарын 30-ны хуралдаанаараа Монгол Улс дахь Хүний эрх, эрх чөлөөний байдлын талаарх 17 дахь илтгэлийг хэлэлцэж санал, дүгнэлтийг Хууль зүйн байнгын хороогоор хэлэлцсэн.             Бусад:     Хууль зүйн байнгын хороо холбогдох байгууллагатай хамтран “Хилийн аюулгүй байдалд тулгамдаж буй асуудал, шийдвэрлэх арга зам” Олон улсын эрдэм шинжилгээний хурал, “Мөнгө угаах гэмт хэрэгтэй тэмцэх асуудал” Олон улсын эрдэм шинжилгээний хурлыг зохион байгуулжээ.      Хууль зүйн байнгын хорооны ажлын албанаас “Хилийн аюулгүй байдалд тулгамдаж буй асуудал, шийдвэрлэх арга зам” Олон улсын эрдэм шинжилгээний хурлын 1 эмхэтгэлийг бэлтгэн хэвлүүллээ

“Мэргэжлийн нэгдсэн холбооны эрх зүйн байдлын тухай” хуулийн төсөл өргөн барилаа2 сар 21. 10:39

УИХ-ын гишүүн Н.Учрал өөрийн бүрэн эрхийн дагуу санаачлан боловсруулсан “Мэргэжлийн нэгдсэн холбооны эрх зүйн байдлын тухай” хуулийн төслийг Монгол Улсын Их Хурлын дарга Г.Занданшатарт өргөн барилаа. “Монгол Улсын тогтвортой хөгжлийн үзэл баримтлал-2030”, “Төвлөрлийг сааруулах талаар төрөөс баримтлах бодлого”-д төвлөрлийг сааруулж, шийдвэр гаргахад бүх талын оролцоог нэмэгдүүлэх, төр, хувийн хэвшлийн түншлэлийг хангах, нутгийн өөрөө удирдах болон төрийн захиргааны байгууллагын зарим чиг үүргийг хувийн хэвшил, мэргэжлийн холбоод, төрийн бус байгууллагаар гэрээний үндсэн дээр гүйцэтгүүлэх талаар заасан байдаг. Иймд мэргэжлийн нэгдсэн холбооны үйл ажиллагааны зохион байгуулалт, чиг үүрэг, эрх зүйн байдлыг тодорхойлох, төрийн болон төрийн бус байгууллагатай хамтран ажиллах, харилцахтай холбогдон үүсэх харилцааг зохицуулахаар уг хуулийн төслийг боловсруулжээ. Хуулийн төсөл нь 4 бүлэгтэй бөгөөд -мэргэжлийн нэгдсэн холбооны тогтолцоо, зохион байгуулалт, чиг үүрэгт түүний үйл ажиллагаа болон гишүүдэд тавигдах шаардлагыг тодорхойлж, гишүүнчлэлийн дийлэнх олонхи нь мэргэшсэн төрийн бус байгууллага, хувь хүн байхаар; -тодорхой салбарын хэмжээнд нэг мэргэжлийн холбоо үйл ажиллагаа явуулах ба оноосон нэрний ард “МНХ” гэсэн тодотголтой байх, салбартаа хүлээн зөвшөөрөгдсөн байдлыг баталгаажуулахын тулд тухайн холбоо нь улсын бүртгэлд бүртгүүлэхээсээ өмнө салбарын яамандаа холбогдох материалыг хүргүүлж, Сайдын зөвлөлөөр зөвшөөрөл олгох, эсэхээ шийдвэрлэсний дараа улсын бүртгэлд бүртгүүлэх; -мэргэжлийн нэгдсэн холбоо, төр хоорондын хамтын ажиллагааны чиглэлийг тусгаж, энэ хүрээнд төрөөс мэргэжлийн нэгдсэн холбооны үйл ажиллагааг дэмжиж, хамтран ажиллах зэрэг зохицуулалтыг тусгасан байна. Манай улс анх 1997 онд Төрийн бус байгууллагын тухай хуулийг баталсан бөгөөд 2017 оны байдлаар 27.000 гаруй төрийн бус байгууллага Хуулийн этгээдийн улсын бүртгэлийн газар бүртгэгдсэнээс 8000 орчим нь идэвхтэй үйл ажиллагаа явуулж байна

"Шинэ бүтээн байгуулалт” хөтөлбөрийг дүгнэж, чиглэл өгөх Ажлын хэсгийг С.Бямбацогт ахлана2 сар 15. 14:29

Монгол улсад олон арван төрийн бодлого, төсөл хөтөлбөр батлагдсан ч тэдгээрээс хамгийн бодитой хэрэгжсэн нь “Шинэ бүтээн байгуулалт” хөтөлбөр гэж үздэг.

Шинэ мэдээ

Хуулийн байгууллагын удирдлагуудыг ҮАБЗ-өөр чөлөөлөх төслийг МАН-ын бүлэг дэмжлээ20 минут 8 секундын өмнөГэрийн үйлчлэгчдийн 50 орчим хувь нь хүчирхийлэлд өртжээ20 минут 39 секундын өмнөЧамд атаархдаг хүнийг таних дөрвөн арга25 минут 39 секундын өмнөИтгэхэд бэрх генетикийн өөрчлөлтийн жишээнүүд30 минут 39 секундын өмнөХятадад цагдаагийн нохойг генийн аргаар хувилжээ35 минут 39 секундын өмнөВенесуэлийг дахин харанхуй нөмөрчээ40 минут 39 секундын өмнөБНАСАУ-ын төлөөлөгчид Зохицуулах товчоонд эргэн иржээ45 минут 39 секундын өмнөХаврын улиралд хар, ногоон цай хэрэглэх тохиромжгүй50 минут 39 секундын өмнөНүдний доод зовхины үрчлээ, хаван, хөхрөлтийг арилгах арга55 минут 39 секундын өмнөНайруулагч Ж.Сэнгэдоржийн “Би нар” гэр бүлийн уран сайхны кино нээлтээ хийнэ1 цаг 1 минутын өмнө“Apple” компани шинэ үйлчилгээнүүдээ танилцууллаа1 цаг 6 минутын өмнөХятад Австралиас авах коксжих нүүрсний импортоо 21 хувиар багасгав1 цаг 11 минутын өмнөЖүжигчин П.Баттөр сахал үсээрээ гангараад удах болжээ1 цаг 16 минутын өмнөН.Бажаа: Адууны удамыг худал хэлж болдоггүй1 цаг 21 минутын өмнөОХУ-ын цэргүүд Венесуэлд очсоныг буруушаав1 цаг 26 минутын өмнөЗамын хөдөлгөөний нөхцөл байдлын мэдээллийг 16.30 цагийн байдлаар хүргэж байна1 цаг 28 минутын өмнөVictoria’s Secret-ийн сахиусан тэнгэрүүд усны хувцасны шинэ цуглуулга танилцууллаа1 цаг 31 минутын өмнөiPhone дээрээ хэрхэн Фэйсбүүкийн 3D пост хийх вэ1 цаг 36 минутын өмнөӨнгөрсөн долоо хоногийн шилдэг дамжуулалтын бичлэг1 цаг 41 минутын өмнөБНХАУ, Египет батлан хамгаалах салбарын хамтын ажиллагаагаа өргөжүүлнэ1 цаг 46 минутын өмнөХятад улс Францаас 300 ширхэг онгоц худалдаж авна1 цаг 51 минутын өмнөUFC-ийн тэргүүн Конор Макгрегорын карьераа дуусгах шийдвэрийг дэмжиж байгаагаа илэрхийллээ1 цаг 53 минутын өмнөТөр, хувийн хэвшлийнхэн уул уурхайг байгаль орчинд ээлтэйгээр хөгжүүлэхээр хэлэлцэж байна1 цаг 53 минутын өмнөТамхи татдаг аавууд татдаг ээжүүдээс илүү хүүхдийн зүрхэнд муугаар нөлөөлдөг1 цаг 56 минутын өмнөӨнөөдөр нил ягаан өдөр буюу Purple day2 цаг 1 минутын өмнөХулгайлагдсан хятад оюутныг хайж байна2 цаг 6 минутын өмнөИзраилийн арми Газын зурваст дахин цохилт өгчээ2 цаг 11 минутын өмнөХуулийн байгууллагын удирдлагуудыг ҮАБЗ-ийн зөвлөмжийн дагуу чөлөөлдөг болох хуулийн төслийг хэлэлцэж эхэллээ2 цаг 12 минутын өмнөЙоханнес Бё шагналын мөнгөндөө умбана2 цаг 16 минутын өмнөМексик улс Испаниас уучлалт гуйхыг шаардлаа2 цаг 21 минутын өмнө
© 2008 - 2019 он. Зохиогчийн эрх хуулиар хамгаалагдсан.