4-р сарын 4
8 цаг 00 минут

SOS: Хар тамхи удмын санд нөлөөлж байна

Эрүүгийн цагдаагийн албаны Хар тамхитай тэмцэх газраас хар тамхи, мансууруулах бодисын асуудлаар Төрийн бус байгууллагуудтай хамтарч өчигдөр “Хар тамхи, мансууруулах бодистой тэмцэх ажилд төрийн бус байгууллагын оролцоо”сэдэвт  хэлэлцүүлэгийг зохион байгууллаа.

Уг хэлэлцүүлэгээр энэ төрлийн гэмт хэргийн өнөөгийн нөхцөл байдал, хар, тамхи мансууруулах бодистой тэмцэх ажилд төрийн бус байгууллагуудын оролцоог хэрхэн нэмэгдүүлэх, цаашид хамтран ажиллах арга замын тухай нээлттэй ярилцаж, санаа оноогоо хуваалцсан юм.

Дэлхий дахинд 200 гаруй сая иргэн хар тамхийг идэвхтэй хэрэглэдэг гэсэн судалгааг НҮБ-аас гаргасан байдаг. Тэгвэл Монголд хийсэн хоёр судалгаа байгаа. Нэг судалгаа нь 74 мянган иргэн, нөгөөх нь 90 гаруй мянган иргэн хар тамхи хэрэглэдэг гэх. Хэрэглэгчдийн дундах судалгааг хараад үзэхээр 19-29 насны залуус байдаг. Дийлэнх нь эрчүүд. Боловсрол, нийгмийн ангиллалын байдлаараа дээшээ доошоо янз бүрийн хүмүүс байдаг аж.

Хар тамхи мансууруулах бодистой холбоотой гэмт хэргийн нөхцөл байдал, шалтгаан, урьдчилан сэргийлэх ажилд ТББ-ын оролцоо сэдвээр ХТТГ-ын мөрдөх хэлтсийн дарга, цагдаагийн хошууч Л.Төгс-Ухаан мэдээлэл өглөө.

Тэрбээр сүүлийн гурван жилийн хугацаанд хар тамхи, мансууруулах төрлийн бодистой холбоотой гэмт хэрэг өссөн. Энэ төрлийн гэмт хэрэгт холбогдон шалгагдаж байгаа болон шийтгүүлсэн хүмүүсийн тоо өссөн гэдгийг онцолсон юм.

Монгол Улс хоёр том гүрний дунд оршдог. Гадаад харилцааны яамнаас өгсөн мэдээллээр манай улсын иргэд 2006 оноос хойшхи байдлаар БНХАУ-д 94, ОХУ-д 5, Казахстанд 3, Германд 1, Малайзад 5, Унгарт 3, Грект 1, Болгарт 1 Бангладешт 3, Словакт 1 зэрэг нийт 117 хүн энэ төрлийн гэмт хэрэгт холбогдож шалгуулснаас тээвэрлэсэн 13, хадгалсан 15, хилээр нэвтрүүлсэн 41, хэрэглэсэн 39, бусдад дамжуулсан нэг иргэн тус тус шүүхээр ял шийтгэгджээ.

Манай улсад одоогийн байдлаар урд хөршөөс хоёр төрлийн мөс, ОХУ-аас химийн аргаар боловсруулсан цэцэгт бодисыг оруулж ирдэг байна. Түүнчлэн гурван жилд бүртгэгдсэн хар тамхитай холбоотой хэргийг авч үзвэл, хадгалсан, хил нэвтрүүлсэн, тээвэрлэсэн, борлуулсан, олж авсан гэх хэргээр 1112 хүн холбогдсон байна.

2015 онд 79 хэрэг, 201 гэмт үйлдэлд 169 хүн, 2016 онд 109 хэрэг, 250 үйлдэлд 224 хүн, 2017 оны эхний гурван сарын байдлаар 30 хэрэгт 73 хүн холбогдон шалгуулж байна. Насны хувьд 19-25 насны залуус. Сүүлийн 3 жилийн байдлаар 0-18 насны хүүхдүүд буюу насанд хүрээгүй хүүхдийн тоо 2 дахин өсчээ.

Ш.Лхагвасүрэн: Манайд 271 хүн эмчлүүлэхээр хандсан

Хар тамхи, мансууруулах бодисоос иргэдийг хамгаалах нийгэмлэгийн захирал Ш.Лхагвасүрэн “Хар тамхи, мансууруулах бодисын ойлголт, ангилал, хор хөнөөл” гэсэн сэдвээр мэдээлэл хийлээ.

Тэрбээр “Сүүлийн үед хар тамхины хэрэглээ маш өндөр харагдаж байна. Өнгөрсөн онд оюутнуудын дунд судалгаа хийж үзлээ. Тэдний дунд бүр илүү өсөлттөй хэрэглэгч болсон байх жишээний. 2011 онд Хууль зүйн үндэсний хүрээлэнгээс хийсэн судалгаагаар манайд 90 мянган хэрэглэгч бий гэж үзсэн. Тэгэхээр асуудал үндэсний аюулгүй  байдлын хэмжээнд хүрчихжээ гэж ойлгож болно. Сургуулиараа, анги хамт олноороо хар тамхи, сэтгэцэд нөлөөлөх бодисыг хэрэглэж байгаа тохиолдол байна. Гэвч хууль бус хэрэглээ учраас тийм амархан илэрдэггүй. Судалгаагаар 620 хүн хэрэглэсэн гэх. Өнөөдрийн байдлаар манай төвд эмчлүүлэхээр 271 хүн хандсан байна” гэв.  

Түүнчлэн хар тамхи мөн биш эсэхийг мэдэхгүй хэрэглээд эрүүл мэнд, амь насаараа хохирох золгүй байдал гарсаар байна. Хамгийн сүүлд гэхэд 15 давхраас хар тамхи хэтрүүлэн хэрэглэсэн үедээ унаж амиа алдсан хэрэг гарсан. Мөн Хан-Уул дүүрэгт 15 настай гурван хүүхэд хэтрүүлэн хэрэглээд нэг нь эмнэлгийн тусламж авч чадалгүй амьсгал хураасан.

Хар тамхи хэрэглэсэн хүмүүс эрсдэл өндөртэй байдаг. Тухайлбал, амь насаа хорлох, судсаа ханах, сэтгэл гутралаа дийлэхгүй өөрийгөө боомилох зэрэг эрсдэлүүдийг дагуулдаг байна. Тэгэхээр хар тамхины хэрэглээ маш аюултай гэдгийг ирээдүй болсон хүүхдүүддээ зөвөөр ойлгуулж таниулах нь маш чухал байна, эцэг эхчүүд, багш сурган хүмүүжүүлэгч нараа.

Хэрэглэгч хүн насан туршдаа өөрийгөө зовоодог. Тиймээс зовж байгаа зовлонгоосоо ангижрах хүсэл зорилготой нэг нь дээрх төвд ханддаг байна. СЭМҮТ-д хэвтэн эмчлүүлсэн хүний тоо сүүлийн хоёр жилд өссөн харагдана.

2015 онд хар тамхи, мансууруулах төрлийн бодист донтож эмчилгээ хийлгэсэн хүний тоо 22 байсан бол 2016 онд 40 болтлоо өссөн байна. Нэг хүн 8 төрлийн мансууруулах бодис хэрэглэж үзсэн тохиодол бүртгэгдэж байжээ.

Б.Түмэнбаяр: Хууль хүчний байгууллага болон ТББ-уудын уялдаа холбоо муу байна

Төрийн бус байгууллагууд хар тамхитай тэмцэх оролцоог нэмэгдүүлэх талаар ямар бодлого баримталж, ямар ажил хийдэг талаараа “Зөв мэдлэг, гэрэлт ирээдүй” ТББ-ын тэргүүн Б.Түмэнбаяр

“Хар тамхины донтолттой тэмцэх асуудал өөрөө тухайн улс орны чухал сэдвүүдийн нэг байдаг. Энэ сэдвийн хүрээнд ТББ-ууд төрийн байгууллагуудын харж амжаагүй сэдвийг хамгийн түрүүнд олж хардаг. Тэгээд тухайн орныхоо төр засгийн байгууллагуудтай хамтарч программ зохиож ажиллаж байна. Мэдээж урьчилан сэргийлэх, засан сэргийлэх, танин мэдүүлэх чиглэлээр голлон ажилладаг. Мөн тухайн орны хар тамхитай тэмцэх хөтөлбөрийг боловсруулахад бид бүхэн гар бие оролцдог. Түүнчлэн манай байгууллага хар тамхинд донтсон хүмүүстэй ажиллах, ар гэрийнхэнд нь туслах, сэтгэлзүйн зөвлөгөө өгөх зэргээр ажилладаг.

-Хар тамхи, мансууруулах төрлийн бодисоос урьдчилан сэргийлэх чиглэлээр яг ямар ажил хийх ёстой вэ?

-Олон жишээ бий. Манайд хамгийн түрүүнд хэрэглэгч нарыг донтолтойгоо тэмцэхэд, даван гарахад авах ёстой туслалцааг нь хууль зүйн байгууллагаас ямар нэгэн дарамт шахалтгүйгээр, гэмт хэрэгт холбогдуулахгүйгээр тусалдаг байх ёстой. Яагаад гэвэл хэрэглэгч гэдгээ зарлаж чадахгүй.  Тэгэхээр нуугдмал, цаанаа өөр ангиллыг үүсгээд байдаг.

-Төрийн бус байгууллагууд хууль хүчний байгууллагуудтайгаа хэр уялдаа холбоотой ажилладаг вэ?

-Барууны хөгжилтэй орнуудтай харьцуулахад хангалттай биш. Тэгэхээр уялдаа холбоо дутмаг гэж хэлнэ.

Интернет орчин, кино, цахим хуудас хүүхэд залуусыг уруу татаж байна

Сүүлийн үед интернетийн замбараагүй хэрэглээ, хэвлэл мэдээллийн эерэг сөрөг мэдээллийг залуус ямар ч шүүлтүүргүй авч, уншиж байна. Хар тамхитай холбоотой мэдээлэл ил задгай цацагдснаас болж өсвөр насныхан, залуучууд сонирхох, өдөөгдөх уруу татагдах зэрэг асуудал ар араасаа гарч байгааг үгүйсгэхгүй юм.Тодруулбал, интернет, чат, тв-ийг ашиглаж хууль бус эргэлтэнд татан оролцуулдаг байна. Тухайлбал, өндөр цалинтай ажилд зуучилж өгнө хэмээн хууран мэхлэх замаар авч яваад хар тамхи тээвэрлүүлдэг аж. Түүнээс гадна сүүлийн үед гаргаж байгаа уран сайхны кинондоо насны хязгаарыг зааж өгөх ч юмуу, эсвэл хязгаарлаж өгөх ёстой гэдгийг Гэр бүл, хүүхэд хөгжлийн залуучуудын газраас анхааруулав.

Хар тамхи хэрэглэж үзсэн хүүхдүүдийн хэлж буйгаар ихэнх нь цахим хуудас болон олон нийтийн сүлжээгээр олж авсан гэж мэдүүлжээ.

Хар тамхи, мансууруулах бодис эрүүл мэндэд хэрхэн нөлөөлөх вэ

Хүний биед үзүүлэх хор уршиг нь өвчлөмтгий болгоно. Элдэв вирүсийн халдвар авах магадлал өндөр. Хорт хавдар үүсгэнэ, эрхтэн системд хүчтэй нөлөөлж биеийн зөөлөн эдийг “иддэг”. Тархины бүтцийг гэмтээнэ, хөгжлийн бэрхшээлтэй болгоно гэх мэтээр нөлөөлнө. Цаашлаад удмын санд өөрчлөлт орж, нөлөөлнө, уураг тархийг гэмтээж үхэлд хүргэх аюултай гэдгийг хэлэлцүүлэгт оролцож байсан эмч Б.Мөнхтуяа онцолсон юм.

Бүр цаашлаад тун хэтрүүлснээс болж амь насаа алдах аюултай ажээ.  

О.Сайхан

 

3
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

3 сэтгэгдэлСэтгэгдэл бичих

66.181.178.41Зочин   • 2017, 4 сарын 4. 13 цаг 39 минут

АН-ЫНХНЫ ХИЙСЭН АЖЛЫН ҮР ЭНЭ.

202.9.42.5Зочин   • 2017, 4 сарын 4. 12 цаг 41 минут

xexe ene neg elii balai yum bichig useg buren tailagdaagui baij yun ih yum shal shal hiih durtai ch yumbede

49.0.147.29!!!!   • 2017, 4 сарын 4. 10 цаг 31 минут

Mongol hun buhen ene ayuliin esreg soron zogsoh zag ni boljee !!! Ohid Howguudee hamgaalj halamjilj muu yumnaas bolgoomjluulzgaaya !!!

Шинэ мэдээ

"ЭКО АЛТАН ЗААМАР" компани уурхайгаа улсын комисст хүлээлгэж өгөлгүй үйл ажиллагаа явуулж байжээ1 цаг 54 минутын өмнөЗХЖШ-ын даргаар А.Ганбатыг томиллоо2 цаг 50 минутын өмнөОйрын өдрүүдэд цаг агаар тогтуун, өдөртөө дулаарна2 цаг 54 минутын өмнөДэлхийн эдийн засгийн өсөлтийн урьдчилсан таамгийг бууруулав3 цаг 4 минутын өмнөМҮОХ-ны ерөнхийлөгчийн хууль бус эсэхийг тогтоох шүүх хурал Д.Загдсүрэнгийн хүсэлтээр хойшилжээ3 цаг 5 минутын өмнөБаталгаа олгохгүй бол “Brexit”-ийн хугацааг хойшлуулахыг дэмжихгүй гэв3 цаг 9 минутын өмнөТом Жерри хүүхэлдэйн киноны эзэн авхай энэ эмэгтэйгээс эхтэй3 цаг 14 минутын өмнөХашааны шинэ загвараа аваарай3 цаг 19 минутын өмнөОюутолгойг шалгах ажлын хэсэг тайлангаа Үндэсний Аюулгүй Байдлын Зөвлөлийн гишүүдэд хүргүүлжээ3 цаг 21 минутын өмнөЭсийн аргаар хувилсан анхны мөрч нохойг сургаж эхэлжээ3 цаг 24 минутын өмнөХалуун цай хорт хавдар үүсгэдэг3 цаг 29 минутын өмнөСүүний хэрэглээний 27,9 хувийг фермерүүд хангаж байна3 цаг 34 минутын өмнөБүх цаг үеийн шилдэг 500 дуу: №285 Bill Withers, ‘Ain’t No Sunshine’3 цаг 39 минутын өмнөАНУ-д долоон кг жинтэй хүүхэд төржээ3 цаг 44 минутын өмнөТөрсний дараах сул гэдсийг арилгах шилдэг арга3 цаг 49 минутын өмнөӨсөж үржсэн Улаан өрвилдэй3 цаг 54 минутын өмнөДэлхийн шилдэг борлуулалттай цомог: Whitney цомог 20 сая хувь борлуулагджээ3 цаг 59 минутын өмнөДэлхийн шилдэг 30 хоол4 цаг 4 минутын өмнөГоланы өндөрлөгийн асуудлаарх маргаан шинэ түвшинд хүрлээ4 цаг 9 минутын өмнөБНАСАУ-ын парламентын анхдугаар чуулган ирэх сард болно4 цаг 14 минутын өмнөЖ.Гүррагчаа: Энэ хорвоогийн бүх хүнд эх дэлхийг нь сансраас нэг удаа ч гэсэн харуулахсан4 цаг 19 минутын өмнөГэртээ ганцаараа үлдсэн хүү цонхоор харж байгаад унаж, гадаа осгож нас баржээ4 цаг 19 минутын өмнөКазах иргэдийн төлөөлөлтэй уулзаж, баярын мэндчилгээ дэвшүүллээ4 цаг 20 минутын өмнөЭЗБХ: Ашигт малтмалын тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийлээ4 цаг 23 минутын өмнөХолливудын одод 19 дүгээр зуунд...4 цаг 24 минутын өмнөБНХАУ-ын хоёр компанийн эсрэг АНУ хориг арга хэмжээ авчээ4 цаг 29 минутын өмнөНагасаки хотын зарим хэсэг усанд автжээ4 цаг 32 минутын өмнөХүнийг дотроос нь үхүүлж байдаг 7 хорт зуршил4 цаг 34 минутын өмнөКим Жөн Уны шадар туслах Москвад айлчилж байна4 цаг 35 минутын өмнөУргамал, малын эрүүл ахуй, хүнсний аюулгүй байдлын арга хэрэгслийг сайжруулах төсөл хэрэгжиж байна4 цаг 39 минутын өмнө
© 2008 - 2019 он. Зохиогчийн эрх хуулиар хамгаалагдсан.