5-р сарын 16
9 цаг 55 минут

Босго өндөр Сонгууль

 Ерөнхийлөгчийн сонгуулийн цаг хугацааны тоолуур гүйж эхэллээ. Ердөө 40 хоногийн дараа төрийн тэргүүнээ сонгох ээл­жит сонгууль болно. Энэ бол УИХ-ын болон орон нутгийн сонгуультай харьцуулах юм бол хамгийн босго өндөр сонгууль. Яагаад гэдгийг тайлбарлах шаардлагагүй.

  Ирэх дөрвөн жилд Монгол төрийн жолоог атгах хүнийг сонгоно гэдэг зүгээр нэг саналын хуудсан дээрх нэрийг дугуйлахын нэр биш ээ. Үүгээрээ УИХ болон орон нутгийн сонгуулийг ач холбогдол бага гэж байгаа юм биш. Ер нь хариуцлагагүй сонгууль гэж  үгүй. Сонгууль үгийн язгуур нь сонго гэдэг үйл үг. Энэ утгаар бодсон ч сонгууль бол хамгийн хариуцлагатай сонголт гэдэг нь ойлгогдоно. Шат шатны сонгуулиудад тавих шалгуур өөр өөр байдаг. УИХ-ын сонгуульд бол 25 нас хүрсэн, Монгол Улсын иргэн нэр дэвших эрхтэй гэдэг ч юм уу. Харин Ерөнхийлөгчийн сонгуульд 45 нас хүрсэн, сүүлийн таван жил эх орондоо тасралтгүй оршин суусан, Монгол Улсын харьяат эцэг, эхээс төрсөн хүн байх ёстой гэх мэт шалгуур, босго бий. Энэ бүхэн Сонгуулийн хуульд туссан заалт, шалгуур юм.

Харин хуульд заагаагүй ч амьдралд хэрэгждэг хэм хэмжээ, үнэлэмж, босго гэж бий. Түүнийг сонгогчид дотоод үнэлэмж, мэдрэмж, өөрийн үзэл бодол, итгэл үнэмшлээрээ бий болгодог. Түүнд хэн ч халдах эрхгүй. Монголчуудын хувьд ийм үнэлэмж, итгэл үнэмшил, нийгмийн үнэт зүйлсийн талаарх мэдрэмж, ойлголт өндөртэй ард түмэн. Тиймээс аливаа сонгуулийн үр дүнд сурталчилгаа, пиар тун бага хувьтай нөлөөлдөг. Аливааг бодитоор харж, мэдэрч байж түүндээ үндэслэн шийдвэрээ гаргадаг нь манай сонгогчдын нэг давуу тал.

 

Өнгөрсөн жил болсон УИХ-ын болон орон нутгийн ээлжит сонгууль үүний нэг жишээ юм. Сонгуулийн сурталчилгаа, пиар ажиллагаагаараа бол АН ялах магадлалтай мэт харагдаж байсан ч байж мэдэх. Гэхдээ энэ бол зүгээр л сонгуулийн өмнөх “хөөс” байсан нь удалгүй харагдсан. Амьдралд, жинхэнэ хөрсөн дээрх үнэн нь тэдний эсрэг байжээ. Сонгогчид үүнийг мэдэж, мэдэрч байсан болохоор АН-ынханд дүнг нь тавьсан. Хуулиар заасан шалгуураас гадна сонгогчдын босго гэж ийм өндөр хэмжүүр, чанд хатуу үнэлэмж байдаг гэдгийг олон удаагийн сонгууль харууллаа.

Нөгөө талаар монголчууд аливааг шинжихдээ гярхай ард түмэн. Энэ бол нүүдэлчдийн ахуй амьдралаас урган гарсан онцгой чадвар, гоц мэдрэмж гэж болно. Байгаль дэлхийн өнгө аяс, цаг агаарын төлөв байдлыг шинжин танихаас эхлээд мал, амьтныг хүртэл ажин шинжиж дүгнэлт хийж чаддаг. Хурдан морь, хүчит бөхөө шинжихдээ бүр ч гарамгай. Хүнийг танихдаа ч гаргууд. Хүн болох багаасаа хүлэг болох унаганаасаа гэдэг үг ийм л утга учиртай. Хаан хүний 35 эрдэм, хатан хүний 15 эрдэм, түшмэл хүний есөн эрдэм гэх мэтээр ярилцаж, тэр эрдэм дотроос чухаг эрхэм нь юу вэ гэдгийг онцлон үздэг байв. Энэ бол төрийн тэргүүн хийгээд төр түших эрдэмт мэргэдээ ямар нарийн чанд шалгуураар шинжин сонгодог байсны илрэл юм.

 

Ийм ард түмэн төрийн тэргүүнээ сонгохдоо өндөр босго тавих нь мэдээж. Хүлэг морио хэдэн арван шинжээр шинждэг атлаа төрийн тэргүүн болох хүнээ тэр дайны шинжихгүй бол эцсийн үр дүнд сонголт нь ухвар мөчид, хуудуу хагас болох нь дамжиггүй. Ерөнхийлөгч бол Монгол Улсын нүүр царай болж гадаадад улс эх орноо төлөөлөх хүн. Түүнчлэн Монголын ард түмний эв нэгдлийн бэлгэдэл. Энэ талаас нь харж, ирэх дөрвөн жилд төрийн алтан жолоог атгуулах хүнээ нарийн шинжин сонгоно гэдэгт эргэлзэх юм алга. Төрийн албаны туршлага, боловсрол мэдлэгээс гадна эр хүний зангараг, хувийн төлөвшил, хүмүүжил, ёс суртахуун гээд олон шалгуураар сонгогчдын дотоод үнэлэмжийн дэнсэн дээр жин дарах нэр дэвшигч л дараагийн төрийн тэргүүн болно. Монгол төрийн босго өндөр, тотго ээлтэй байг ээ.   

Г.Ууганбаатар

 

Эх сурвалж:
2
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

2 сэтгэгдэлСэтгэгдэл бичих

150.129.140.238Зочин   • 2017, 5 сарын 16. 12 цаг 18 минут

Босгыг мэдлэг боловсрол туршлагаар биш мөнгөөр өндөрлөснөөс болоод сонгочихмоор нэр дэвшигч гарч ирж чадахгүй байна даа

59.153.87.11Зочин   • 2017, 5 сарын 16. 11 цаг 36 минут

Арай туршлагатай, боловсролтой дэлхийд Монголыг төлөөлж чадах хүн Ерөнхийлөгч болох ёстой. Олигтой хүнээ намууд дэвшүүлэхгүй юм. Эд нараасаа Миеэ нь арай л дээр юм болов уу.

Шинэ мэдээ

БХБ-ийн сайд Х.Баделхан Кувейт улсаас манай улсад суугаа Эл15 минут 55 секундын өмнөЭ.Мичидмаа мөнгөн медалийн төлөө өрсөлдөнө18 минут 28 секундын өмнөХуулийн төслийн эцсийн хэлэлцүүлгийг хийв23 минут 28 секундын өмнөУИХ-ын гишүүн Ж.Энхбаярын санаачилсан “Цахим бодлогын түр хороо” ямар ажил хийх вэ28 минут 28 секундын өмнөХудалдааны дайн үүсэх магадлал нэмэгджээ33 минут 28 секундын өмнөО.Тэмүүжин: “Яг түүн шиг” шоунд өөрийгөө 100 хувь дайчилж оролцоно38 минут 28 секундын өмнөКливленд Кавальерс эцсийн мөчид хожиж, цувралыг тэнцүүллээ43 минут 28 секундын өмнөУлаанбаатар хотод Дэлхийн стандартад нийцсэн түрээсийн дугуйн үйлчилгээ энэ зун нэвтэрнэ48 минут 28 секундын өмнөБайгаль нуурын тэшүүрчин эмээ53 минут 28 секундын өмнөКараокед 18 хүн шатаж үхэв58 минут 28 секундын өмнөС.Эрдэнэ: Ч.Сайханбилэгтэй уулзах хүсэлтээ өгсөн59 минут 23 секундын өмнөФото: Рианнагийн этгээд, содон хувцаслалтууд1 цаг 4 минутын өмнөЗээлийн хүүд хязгаар тогтоох хуулийн төсөл өргөн барилаа1 цаг 5 минутын өмнөЗээлийн хүүд хязгаар тогтоох тухай хуулийн төсөл өргөн барив1 цаг 9 минутын өмнөСирид тусламж үзүүлэх хандивлагч улсуудын ОУ-ын бага хурал эхэлжээ1 цаг 14 минутын өмнөТөв цэвэрлэх байгууламжийн лаган дахь нян бактерийг халдваргүйжүүлэх төхөөрөмж суурилуулжээ1 цаг 19 минутын өмнөЗ.Энхболд: АТГ-ын даргыг олон нийтийн санал асуулгаар сонгоно1 цаг 24 минутын өмнөДуэйн Жонсон бяцхан охиноо өлгийдөн авлаа1 цаг 29 минутын өмнө4, 9 тоогоор төгссөн машины дугаартай жолооч нар энэ сардаа татвараа төлөөрэй1 цаг 34 минутын өмнөТаны татгалзах ёстой хувцаслалтын 10 дүрэм1 цаг 39 минутын өмнөМайк Помпеог АНУ-ын ТНБДарга болгохыг Сенатын хороо дэмжжээ1 цаг 44 минутын өмнөKorean Air компанийн ерөнхийлөгчийн эхнэр ажилчдаа дарамталж буй бичлэг1 цаг 49 минутын өмнөТрамп, Макрон хоёр Цагаан ордоны ойролцоо мод тарив1 цаг 54 минутын өмнөХуурайшсан арьсаа гэрийн нөхцөлд хэрхэн чийгшүүлэх вэ1 цаг 59 минутын өмнөМонголын цаначид “Максимаха 2018” олон улсын марафон уралдаанаас 6 медаль хүртлээ2 цаг 4 минутын өмнөП.Орхон гуравдугаар сарын шилдэг тамирчнаар тодров2 цаг 9 минутын өмнө"Титаник" хөлөг онгоцны анхны үдийн зоогны цэсийг 140 мянга ам.доллароор худалдан авчээ2 цаг 14 минутын өмнөПродюссор Б.Наранзун Наагийгийн тоглолтын хүндэт зочин2 цаг 19 минутын өмнөБ.Тамир: Хүүхдийг нь хараад ч болтугай бүх уран бүтээлээ хүргэнэ ээ2 цаг 24 минутын өмнөХятадын Олон Улсын Импортын анхдугаар экспо эрэлт ихтэй байна2 цаг 29 минутын өмнө
© 2008 - 2018 он. Зохиогчийн эрх хуулиар хамгаалагдсан.