5-р сарын 19
8 цаг 54 минут

Шинэ хууль: Залуучуудын хөгжлийн тухай хуулийн онцлох заалт

УИХ-ын нэгдсэн чуулганы хуралдаанаар Хөдөлмөр, нийгмийн хамгааллын яамнаас санаачилж өргөн мэдүүлсэн Залуучуудын хөгжлийн тухай хуулийн төслийг батлав. Энэхүү хууль батлагдсанаар залуучууд анх удаа эрхээ хамгаалуулсан хуультай болж байгаа нь энэ.

Энэхүү хуулийн төсөл нь 15-34 насны залуучуудын нийгмийн хөгжилд оролцох оролцоог тодорхойлж, төрөөс залуучуудад дэмжлэг үзүүлэх болон эдгээртэй холбогдсон бусад харилцааг зохицуулах зорилготой 7 бүлэг, 24 зүйлтэй. Хуулинд нийгмийн хөгжилд оролцох залуучуудын оролцоо, эрх, үүрэг, төрөөс залуучуудад дэмжлэг үзүүлэх чиглэл, хэлбэр, арга зам, залуучуудын хөгжлийг дэмжих төрийн байгууллага, залуучуудын байгууллагын үйл ажиллагааны эрх зүйн үндсийг тогтоохтой холбогдсон харилцааг зохицуулахаар тусгажээ.

Залуучуудын хөгжлийн тухай хуулийн онцлох заалт

  •  Залуучуудыг түүх, соёлоо мэддэг, эх оронч үзэлтэй, бие даан амьдрах чадвартай, хариуцлагатай иргэн болж төлөвшихөд дэмжлэг үзүүлэх цэргийн мэргэжил олгох сургалтанд хамруулах, /эрэгтэй заавал, эмэгтэй сайн дурын үндсэн дээр/
  • Цэргийн мэргэжил олгох сургалтад хамрагдсан бөгөөд их, дээд сургуульд суралцах болзол хангасан залуучуудыг Боловсролын зээлийн сангаас олгож буй оюутны хөгжлийн зээлд хөнгөлөлттэй нөхцөлөөр хамруулах,
  • Залуучуудын оролцоог бүхий л түвшинд хангах, залуучуудын төлөөллөөс бүрдсэн үндэсний болон салбар зөвлөл байгуулах,
  • Оюутан, суралцагчид харъяалал харгалзахгүй эрүүл мэндийн тусламж, үйлчилгээнд хамрагдах, эрүүл мэндийн даатгалд нэгдсэн журмаар хамруулах,
  • Залуучуудыг хөгжих орчин нөхцөлөөр хангах, залуучуудын хөгжлийн төвүүдийг байгуулах,
  • Хувийн хэвшлийн байгууллагад оюутны цагийн ажлын орон тоо гаргах/ 100 ба түүнээс дээш ажилтантай компани ажилтныхаа 5 хувьтай тэнцэхүйц цагийн ажлын орон тоо гаргах/
  • Залуучуудыг хүмүүнлэгийн болон сайн дурын ажилд хамруулах, үнэлэх тогтолцоо бий болгох,
  • Сайн дурын ажил, цэргийн мэргэжил олгох сургалтад хамргадсан бөгөөд төрийн албанд орон шалгаруулалтад тэнцсэн залуучуудыг төрийн албаны сонгон шалгаруулалтад давуу тал болгох 
  • Монголын үндэсний олон нийтийн радио, телевизийн хөтөлбөрт залуучуудын хөгжлийг дэмжсэн хөтөлбөртэй болох,  
  • Залуучуудын орлоготой нийцсэн уян хатан төлбөрийн нөхцөлөөр орон сууц худалдан авах, түрээслэх, залуу гэр бүлийг орон сууцжуулах хөтөлбөрийг хэрэгжүүлэх,

Түүнчлэн хуулийн хяналт, хариуцлагын асуудлыг тусгасан. Энэхүү хуулийн төсөл батлагдсанаар залуучуудын хөгжлийн асуудлаарх эрх зүйн орчныг бүрдүүлж, төрөөс залуучуудын хөгжилд үзүүлэх дэмжлэг, төрийн байгууллагын үүрэг, оролцоог тодорхойлохын зэрэгцээ залуучуудын нийгмийн амьдралд оролцох идэвхи, оролцоог нэмэгдүүлж, баялаг бүтээгч, улс орны хөгжлийн тулгуур хүч болгон хөгжүүлэхэд эерэг нөлөө үзүүлэх болно. 

Мөн залуучуудыг дэмжихэд хөдөлмөр эрхлэх боломжийг нэмэгдүүлэх замаар тэднийг орлого байлгах нь бие даан амьдрах, санхүүгийн хувьд бусдаас хараат бус байхаас гадна бусад тулгамдсан асуудал болох орон сууцтай болох, сурч боловсрох нөхцөлүүд хангагдах боломжтой юм. 

Залуучуудын хөгжлийг дэмжих тухай хууль бусад хуулиуд, Хөдөлмөр эрхлэлтийг дэмжих сан, орон нутгийн хөгжлийн сангийн хөрөнгө болон залуучуудын чиглэлээрх төсөл, хөтөлбөрийн хүрээнд хэрэгжүүлэх тул төсөвт нэмэлт ачаалал, дарамт учруулахгүйгээр хэрэгжих боломжтой юм байна.

Б.Анир

3
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

3 сэтгэгдэлСэтгэгдэл бичих

66.181.186.170   • 2017, 5 сарын 20. 7 цаг 19 минут

юун цэргийн сургалт вэ тэрний оронд гэр бүлийн төлөвлөлт ёс зүй хүмүүжлийн сургалтад суулгах хэрэгтэй ш дэ хойд со шиг цэрэгжсэн орон болох нээ одоо ихэнх сайд нь мэдэлдээ цэрэгжсэн хүчний байгууллагатай болчихоод байгаа шүү

66.181.189.165Зочин   • 2017, 5 сарын 19. 19 цаг 36 минут

Хэдэн оюутанд цагийн ажил гэхээс өөр энэ залуучуудыг ажилтай байлгах талаар тодорхой юм алга даа ажилгүй орлогүй хүн яаж амьдралаа авч явах билээ хууль гаргах гэж биш нийгмийг өөрчилж сайжруулахын тулд хуультай болмоор байна

202.21.113.238Зочин   • 2017, 5 сарын 19. 9 цаг 11 минут

Залуучууд хуультай болсон нь сайн хэрэг. Залуучууд бол ирээдүй үе.

Шинэ мэдээ

Дэлхий нийтийг алмайруулсаар буй Исландын гайхамшиг6 сар 24. 12:30АНУ-ын импортын татварыг нэмжээ6 сар 24. 12:20Долоон эх гурван ихэр хүүхэд төрүүлжээ6 сар 24. 12:10Уснаас болгоомжил6 сар 24. 12:00Зуншлага тааруу байна6 сар 24. 11:30Өнөөдрийн зурхай6 сар 24. 11:00Цаг агаарын мэдээ6 сар 24. 10:30К.Навас 90 минут Бразилчуудыг "Тамлан зовоов"6 сар 23. 17:50А.Муса дийлдэшгүй Кино найруулагчийг "дарж өгөв"6 сар 23. 16:02ДАШТ 2018: Х.Шакири багтаа ялалт авчирлаа6 сар 23. 16:01ДАШТ 2018: Германы багийн хувь заяа өнөөдөр шийдэгдэнэ6 сар 23. 16:01Орон нутгийн засаг захиргааны тэгүүний албан тушаалд нэр дэвшигч хоёр хүнийг хөнөөжээ6 сар 23. 15:00Автомат жолоодлоготой машиныг хурдны зам дээр туршжээ6 сар 23. 14:55Сумын бүжиг6 сар 23. 14:50Шинийн 8-нд буян хийхийн учир6 сар 23. 14:45Маргаашийн хамгийн ширүүн тулаан Польш-Колумбын хооронд болно6 сар 23. 14:44Пентагон хууль бус цагаачдын 20000 хүүхдийг АНУ-ын цэргийн баазуудад байрлуулахыг зөвшөөрч байна6 сар 23. 14:40Хоолны дэглэм сахихад гаргадаг долоон том алдаа6 сар 23. 14:35Жишиг гудамжны тохижилтын ажилтай танилцлаа6 сар 23. 14:25Мүн Жэ Ин: БНАСАУ цөмийн зэвсгээс татгалзах арга хэмжээг бодитоор хэрэгжүүлж байна6 сар 23. 14:20Антибиотикийг ХЭЗЭЭ хэрэглэх ёстой вэ6 сар 23. 14:15Топ Э.Сэлэнгэ гуалиг биеэ гайхуулсаар явна6 сар 23. 14:10Үхрийн цул махны үнэ 0.7 хувиар өсчээ6 сар 23. 14:05Наадмын өмнө шатахууны үнэ нэмэгдэнэ6 сар 23. 14:00Монгол “Rain” гэгдэх болсон Б.Билгүүн6 сар 23. 13:55Сэргээш хэрэглэсэн нь тогтоогдсон бөхчүүдийг наадамд барилдуулахгүй гэж шийдвэрлэлээ6 сар 23. 13:50Бүтээн байгуулалтын ажилтай танилцав6 сар 23. 13:45Хоолны хордлогот халдвараас сэргийлээрэй6 сар 23. 13:40Газдановынхны гавьяа: Эх орны дайнд ах, дүү долоон баатар амь үрэгджээ6 сар 23. 13:35Амралтын өдрүүдэд хаах замын хуваарь6 сар 23. 13:30
© 2008 - 2018 он. Зохиогчийн эрх хуулиар хамгаалагдсан.