5-р сарын 19
16 цаг 54 минут

Алдаж боломгүй 1.2 тэрбум долларын хөрөнгө оруулалтын санал

Саяхныг хүртэл "гадаадын хөрөнгө оруулагчид үргэлээ, Монголд хөрөнгө оруулах гаднын хөрөнгө оруулагч алга, хөрөнгө оруулалт хасахтай гарлаа, улсын валютын нөөц шавхагдлаа" гэж албаныхан мэдэгдэж байлаа. Түүнээс “Монголд хөрөнгө оруулалт хийе” гэдгээ илэрхийлсэн хөрөнгө оруулагч байна гэж сонсоогүй удсан. Харин өчигдөр ИБУИНВУ-аас манай оронд суугаа Онц бөгөөд Бүрэн Эрхт Элчин сайд Кэтрин Арнолд, Британийн “IM Power” компанийн ерөнхий захирал Гордон Дики тэргүүтэй төлөөлөгчид Ерөнхий сайд Ж.Эрдэнэбаттай уулзах үеэрээ манай улсад хөрөнгө оруулах хүсэлтээ байгаагаа илэрхийлжээ. Тэд төслөө, хөрөнгө оруулалт хийх үнийн дүнгээ ил тод зарлажээ.

Английн “IM Power” компани олон улсын зах зээлд санхүүжилт, даатгалыг нь бүрэн хариуцсан цахилгаан станцын төсөл боловсруулж, барьж байгуулах үйл ажиллагаа эрхэлдэг эрчим хүчний бие даасан үйлдвэрлэгч компани юм байна.

"IM Power" компанийн захирал Гордон Дики Монголын Шивээ-Овоогийн нүүрсний орд газрыг түшиглэн 1.2 тэрбум ам.долларын хөрөнгө оруулалт бүхий цахилгаан станц барих хүсэлтэй байгаагаа Ерөнхий сайдад уламжилжээ. Ерөнхий сайд хариуд нь, цахилгаан станц барих асуудлыг судалж танилцуулахыг Эрчим хүчний сайд П.Ганхүүд үүрэг болгосон аж. 

"IM Power" компани 2012 оноос Монголын эрчим хүчний зах зээлд ажиллаж байгаа. Тус оноос Шивээ-Овоогийн нүүрсний уурхайн дээр 200 МВт-ын гурван блок бүхий цахилгаан станц барих төслийн ТЭЗҮ-ийг боловсруулах ажлыг эхлүүлжээ. Мөн цахилгаан станц барих санхүүжилтийг шийдвэрлэхдээ Монголын Засгийн газраас нэг төгрөг гаргахгүйгээр "IM Power" болон түүний хамтрагч банкууд бүхэлд нь санхүүжүүлэх боломжтой гэдгээ илэрхийлсэн байна. Цахилгаан станцыг барихдаа байгаль орчинд ээлтэй европын шилдэг техник технологиудыг ашиглахаар тооцжээ. Өөрөөр хэлбэл, IM Power компани Шивээ-Овоогийн нүүрсний уурхайг түшиглэн барих цахилгаан станцын техникийн болон санхүүжилтийн бүх асуудлыг шийдсэн байгаа аж.

Түүнчлэн, өмнөх Засгийн үед Эрчим хүчний яамнаас ТЭЗҮ, Байгаль орчин аялал жуулчлалын яамнаас байгаль орчны үнэлгээг баталсан бөгөөд Диспетчерийн үндэсний төвөөс сүлжээнд холбох зөвшөөрлийг тус тус аваад байгаа аж. Уг төсөл хэрэгжсэнээр үйлдвэрийг дагаж 1000 гаруй ажлын байр нэмэгдэх бөгөөд Говьсүмбэр аймгийн нийгэм эдийн засагтай хувь нэмэр оруулна гэж тооцжээ.

Монгол Улсын Засгийн газраас албан ёсоор цахилгаан станц барих зөвшөөрөл авснаар үйлдвэрийн бүтээн байгуулалтын ажлыг шууд эхлүүлэх бололцоотой гэдгийг хөрөнгө оруулагчид мэдэгджээ.

Өнгөрсөн жил Оюутолгойн хөрөнгө оруулалтыг эс тооцвол гадаадын хөрөнгө оруулалт хасах утгатай гарсан. 2017 он гарсаар томоохон төслүүд хэрэгжих, эсэх нь тодорхойгүйгээс хөрөнгө оруулагчид хүлээлтийн байдалд буй. Мөн ОУВС-гийн шийдвэрийг анхааралтай ажиглаж, Монголд хөрөнгө оруулалт хийхээ азнаж байгаа энэ үед 1.2 тэрбум ам.долларын хөрөнгө оруулалт хийх хүсэлтээ илэрхийлж байгаа нь алдаж боломгүй санал юм. Засгийн газраас гарах шийдвэр  Монголын хөрөнгө оруулалтын орчин сэргэх, гадаадын хөрөнгө оруулагчдын итгэлийг нэмэгдүүлэх, эсэхэд шууд нөлөөлөх нь гарцаагүй.



АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

Шинэ мэдээ

Батлан хамгаалахын сайд Б.Бат-Эрдэнэ М.Анхцэцэгийн гэр бүлд 65 сая төгрөгийн хандив өгнө12 минут 11 секундын өмнөТанилц: Ирэх долоо хоногт чуулган, ажлын хэсгээр юу хэлэлцэх вэ17 минут 7 секундын өмнөМиеэгомбын Энхболд Ерөнхийлөгчийн сонгуульд нэр дэвшигчийн үнэмлэхээ авлаа27 минут 25 секундын өмнөСаналын хуудаст УИХ-д олон суудал авсан намын нэр дэвшигчийн нэрийг эхэнд нь бичнэ32 минут 27 секундын өмнөОУВС-гийн хөтөлбөрт хамрагдаж, Элчин сайд нар томилогдсон өдрүүд1 цаг 3 минутын өмнөМиеэгомбын Энхболд Ерөнхийлөгчийн сонгуульд нэр дэвшигчийн үнэмлэхээ гардан авна1 цаг 33 минутын өмнөЕрөнхийлөгчид нэр дэвшигчдэд үнэмлэх гардуулна1 цаг 39 минутын өмнөҮс шинээр үргээлгэх буюу засуулахад тохиромжгүй2 цаг 54 минутын өмнөУлаанбаатарт өдөртөө сэрүүсч 18 хэм дулаан байна3 цаг 4 минутын өмнөМөнхбатын Уранцэцэг Азийн АШТ-д гурав дахиа түрүүллээ5 сар 26. 21:22Цагаачлалтай холбоотой Д.Трампын зарлигийг түдгэлзүүлснийг хүчинтэй хэвээр үлдээлээ5 сар 26. 18:30Нефть олборлолтыг танах хугацааг сунгахаар тохиролцжээ5 сар 26. 18:20Якутын эрдмэтэд бага тархины гэмтэлтэй өвчтөний насыг уртасгах аргыг нээжээ5 сар 26. 18:10Домогт Тотти ням гаригт сүүлийн тоглолтоо хийнэ5 сар 26. 18:00Халл сити баг дасгалжуулагчаа халлаа5 сар 26. 17:55Улаанбаатарт шөнөдөө 14 хэм дулаан5 сар 26. 17:50Хүүхдийн баяраар талбайн баруун, зүүн талын замын хөдөлгөөнийг хаана5 сар 26. 17:46Венесуэльд эсэргүүцлийн жагсаалын үеэр амиа алдсан хүмүүсийн тоо 60-д хүрчээ5 сар 26. 17:45К.Роналду шоронд хоригдож магадгүй5 сар 26. 17:40Эх имж үхэхийнхээ өмнө зулзагандаа хүрэхийг хүсчээ5 сар 26. 17:35Эцгийн хайр5 сар 26. 17:33ААШТ: Ч.Аззаяа мөнгөн медаль хүртэв5 сар 26. 17:30Жонни Деппийн хувиралтууд5 сар 26. 17:25Нэр дэвшигчдэд дараах цагуудад үнэмлэх гардуулна5 сар 26. 17:23Цэцэрлэгийн эрхлэгч нарын дунд “ХҮҮХЭД-ЗОРЧИГЧ АЮУЛГҮЙ БАЙДАЛ-2017” сургалт, зөвлөгөөнийг зохион явууллаа5 сар 26. 17:22Хакухо Даваажаргал арвангурван өдөр дараалан давлаа5 сар 26. 17:171990-ээд оны хатуужилтай хүүхдүүд, ялангуяа энэ охин...5 сар 26. 17:13Монголын эдийн засагт "ногоон гэрэл" аслаа5 сар 26. 17:08Нэн даруй татгалзах шаардлагатай хүнсний бүтээгдэхүүн5 сар 26. 17:05Эвслийн цэргийн агаарын цохилтын улмаас Сирид 35 хүн амиа алджээ5 сар 26. 17:00
© 2008 - 2017 он. Зохиогчийн эрх хуулиар хамгаалагдсан. "ЭДИМVVН" ХХК.