2017 оны 6-р сарын 22
15 цаг 29 минут

Л.Баттөр: Манайхыг зорин ирсэн иргэдийг бид харьяаллын бус гээд буцаадаггүй

Төрийн тусгай албан хаагчдын нэгдсэн эмнэлэг энэ онд шинэ байрандаа нүүж, үйл ажиллагаагаа явуулж эхэлсэн. Эмнэлгийн үйл ажиллагаа болоод үйлчилгээний талаар Төрийн тусгай албан хаагчдын нэгдсэн эмнэлгийн захирал, дэд хурандаа Л.Баттөртэй уулзаж ярилцлаа.

-Төрийн тусгай албан хаагчдын нэгдсэн эмнэлэг шинэ байрандаа нүүж ирээд хагас жилийн нүүрийг үзэж байна. Үйл ажиллагааны явц ямар байна?
-Манай эмнэлэг Цэргийн төв эмнэлэгтэй нэгдэж дөрвөн жилийн турш үйл ажиллагаа явууллаа. Гэвч Төрийн тусгай албан хаагчдын нэгдсэн эмнэлэг хэмээн тусдаа үйл ажиллагаатай байх нь зөв хэмээн Монгол улсын Засгийн газрын шийдвэр гарсан учраас энэ оны нэгдүгээр сараас шинэ байрандаа нүүж ирээд үйл ажиллагаагаа эхлээд байна. Хуучин тоног төхөөрөмжүүдээ суурилуулаад, зарим лабораторийн багажийг үйлчлэх хүрээний байгууллагууд шинэчилж өгсөн. Ямартай ч өнөөдөр амбулаторийн үйл ажиллагааг хэвийн явуулж байна.

Олон тоног төхөөрөмжүүд дутуу. Эмнэлгийн хэмжээнд нэгхэн ширхэг эхо байдаг бол ходоодны дурангийн аппарат алга. Гэхдээ нөгөө талаасаа давуу технологиудтай. Жишээ нь компьютерт томографын аппарат, спириометр, харшлын шинжилгээ, эрүү нүүрний мэс засал, шүд эмчилгээ гээд эх барихаас бусад олон үйлчилгээ байна. Эмнэлгийн хэвтэн эмчлүүлэх байр долдугаар сард барилгын ажил дуусна. Үүний дараа тусгай зөвшөөрлөө авчихвал наймдугаар сарын нэгэн гэхэд 240 ортой хэвтэн эмчлүүлэх байх ашиглалтад орно.

-Танай эмнэлгийг төрийн тусгай албан хаагчдад л үйлчилдэг гэсэн ойлголттой явдаг. Гэтэл эрүүл мэндийн даатгалтай хэн бүхэн үйлчлүүлэх боломжтой гэж сонслоо?
-Нийгэмд манай эмнэлгийг төрийн тусгай албаныханд л үйлчилдэг гэсэн ойлголт байдаг. Гэтэл үндсэндээ нийт иргэдийн л эмнэлэг. Учир нь төрийн тусгай албан хаагчдаас гадна тэдний гэр бүлийнхэн, Чингэлтэй дүүргийн иргэдэд үйлчилдэг. Тиймээс иргэдэд буй тусгай эмнэлэг гэдэг ойлголтыг өөрчилж маркетингийн бодлогодоо “Green Hospital” буюу эко эмнэлэг гэсэн нэршлээр явж байгаа. Эмнэлгийн өнгө төрх, брэндийг ногоон өнгөөр тодорхойлсон. Яагаад эко эмнэлэг байх ёстой гэхээр эмнэлгийн тоног төхөөрөмжүүд цахилгааны хэрэглээ маш өндөр, 24 цагийн турш тасралтгүй ажиллаж байна. Дээр нь эмнэлгийн орчинд эмийн болон химийн бодис, нэг удаагийн хэрэгслүүд гээд байгаль орчинд сөрөг нөлөөтэй зүйлс их бий. Бидэнд эмнэлэг рүү орохоор эм үнэртдэг биз дээ. Химийн бодисын молекул нь тэнд байгаа учраас үнэртэж байгаа юм. Тэр утгаараа эмнэлэг эко, байгаль орчиндоо ээлтэй байх ёстой. Чингэлтэй дүүргийнхний хувьд дүүргийн эмнэлэгт авах боломжгүй гэмтэл, яаралтай мэс заслын тусламж үйлчилгээг үзүүлэх боломжтой. Төвийн бүсэд гэмтэл бэртэл авсан тохиолдолд манай эмнэлэгт хандаж болно. Хэвтэн эмчлүүлэх байр ашиглалтанд орсноор энэ бүх үйлчилгээг цогцоор нь үзүүлэх боломжтой болно.

-Иргэд даатгалаараа ямар үйлчилгээг авах боломжтой вэ?
-Иргэд эрүүл мэндийн даатгалаа ашиглан 1 улиралдаа 165000 төгрөгний оношлогоо, шинжилгээнд хамрагдах боломжтой байдаг. Энэхүү төлбөрөөс илүү гарсан болон даатгалаас санхүүждэггүй тусламж, үйлчилгээг бид төлбөртэй үзүүлдэг болохыг анхаарах хэрэгтэй. Амбулаториор дотор, мэс заслын гэх мэт 21 кабинет, өдрийн эмчилгээний 20 ортой нэгж ажиллаж байна. Иргэд ажлаа хийнгээ өдрийн эмчилгээнд хамрагдах боломжтой. Таван сарын дотор өдрийн эмчилгээнд 1300 орчим хүн үйлчлүүлсэн байна. Гэрээрээ эм тариа хийлгэх осолтой. Үүн дээр нэмэгдээд лаборатори дүрс оношлогооны 11 кабинет ажиллана.

Иргэдэд онцлох үйлчилгээ бол хүүхдийн кабинет. Өнгөрөгч гуравдугаар сараас эхлэн хүүхэд үзэх болсон. Цаашдаа төсөв нь батлагдвал хүүхдүүд хэвтэн эмчлүүлэх боломжоор хангана.

Шүдний эмчилгээ, эрүү нүүрний мэс засал, хиймэл шүд. Зарим эмнэлэгт эрүү нүүрний мэс засал байдаг ч хиймэл шүд хийдэггүй. Шүдний төвд хэвтэн эмчлүүлэх нь байхгүй. Манай эмнэлэгт хүүхдийн шүд бас эмчилж байна.

Ер нь эх барихаас бусад бүх үйлчилгээ манайд байна гэж хэлж болно. Жишээ нь хавдрын болоод арьс, харшил, эмэгтэйчүүд, нүд, чих, хамар хоолойн өвчнийг оношилж байна.

Манай бас нэг онцлог нь хилийн хөдөлгөөнд бүлэг гэж бий. Хилчид эмнэлгийн тусламж үйлчилгээг тэр бүр авч чаддаггүй. Харин манай бүлэг хилийн бүх отрядаар явж эмнэлгийн тусламж үйлчилгээг үзүүлдэг. Энэ жил бид хилийн бүх отрядаар тойрч эмнэлгийн үзлэг хийнэ.

Уушгины багтаамж үзэх, харшлын сорил тавих зэргийг энэ зургаан сараас оношлогоондоо нэвтрүүлээд явж байна.

Эмчийн үзлэг даатгалаараа үнэ төлбөргүй. Харин даатгалгүй тохиолдолд 15 мянган төгрөгөөр үзүүлнэ.

-Танай эмнэлэгт өвдөг, түнхний үе солих мэс засал хийдэг гэсэн байх аа?
-Хэвтэн эмчлүүлэх барилга ашиглалтад орж хэвтэн эмчлүүлэх боломжтой болбол өвдөг, түнхний үе солих мэс засал хийх боломжтой болно. Энэ мэс ажилбарыг гэмтэл, нэгдүгээр эмнэлэг хийдэг. Одоогоор цэргийн төв эмнэлэгт манай зарим эмч, эмнэлгийн ажилтнууд ажиллаж байгаа. Энэ төрлийн мэс засал нэгдүгээр эмнэлэгт гэхэд зургаан сараас нэг жилийн хүлээгдэлтэй байдаг. Жилдээ 400 гаран хүнд хагалгаа хийдэг.

Мөн аварга тосонд манай сувилал бий. Гурван жил ажиллаагүй ч энэ жилээс амрагчдаа авах гэж байна.

-Харшлын сорилыг даатгалаар үнэгүй тавьж байгаа гэсэн?
-Харшлын 25 төрлийн сорилыг бид нэг бүрийг нь 3000 төгрөгөөр хийж байна. Даатгалгүй бол 75 мянган төгрөгөө төлөөд тавиулах боломжтой. Бид төрийн тусгай албан хаагчид болоод тэдний гэр бүл, Чингэлтэй дүүргийн иргэдэд үйлчлэх ёстой ч манайд хандсан ямар ч иргэнийг харьяалал бус гээд буцаадаггүй.

-Эмнэлгийн тохижилтод их анхаардаг юм шиг санагдсан?
-Манай нэг, хоёр, таван давхарт зургийн галларэй байдаг. Монголын хүүхдийн урлан бүтээх төвийн багш нарын зургаар ханаа чимсэн. Сонирхсон хүмүүс нь тэндээс худалдан авах боломжтой. Мөн иргэдийн тав тухад нийцүүлэн кофе шоп, эмийн сан зэргийг ажиллуулж байна. Мөн хийлч Эмүжингийн цаг гэж байдаг. Сайн дураараа уран бүтээлээ танилцуулж эмнэлэгт хийлийн аялгуу сонсгодог цагтай. Цэвэр цэмцгэр орчинд цэвэрхэн л үйлчлүүлдэг.

-Даатгалаас санхүүждэггүй үйлчилгээ байдаг гэсэн?
-Даатгалаас санхүүждэггүй тусламж, үйлчилгээ бий. Жишээ нь урьдчилан сэргийлэх үзлэг даатгалаас санхүүждэггүй. Төрийн тусгай албан хаагчид жил болгон урьдчилан сэргийлэх үзлэгт ордог. Тэр нь төрөөс зардлыг нь гаргадаггүй болохоор эмчийн үзлэгээс бусдад нь тодорхой хэмжээний төлбөр авдаг. Энэ бүхэн үйлчлүүлэх хүрээний хүмүүст буруу ойлголт төрүүлдэг.

-Төрийн тусгай албан хаагчдын нэгдсэн эмнэлэг төсвөөс санхүүждэггүй юм уу?
-72 хувь нь Эрүүл мэндийн даатгал, өөрийн орлогоос санхүүждэг. Энэ нь улсын төсөвт маш бага ачаалал үүсгэж байна гэсэн үг. Гэсэн хэрнээ төрийн тусгай албан хаагчдад үйлчилнэ гэсэн утгаа харвал ихэнх зардлаа улсын төсвөөс авахаар байгаа биз дээ. Гэтэл өнөөдөр 28 хувиа л төсвөөс авч байна. Улсын төсвийн санхүүжилтийг нэмэхээс өөр аргагүй.

-Цаашид эмнэлгийн гол үйлчилгээ юу байх вэ. Ирээдүйд ямар чиг барин ажиллах бол?
-Эмнэлгийн гол тэргүүлэх чиглэл бол тулгуур эрхтний гэмтлийн төв болох явдал. Өвдөгний үе солих, нурууны гэмтэл, спортын гэмтлийн төв болох зорилго тавьж байгаа. Мөн хоол тэжээл бодисын солилцооны төв байгуулахаар төслөө боловсруулсан байгаа. Ирээдүйд бид иргэддээ ойрхон, чирэгдэлгүй ухаалаг эмнэлэг болохыг эрмэлзэж буй. Цахим эсвэл утсаар цагаа авах системд шилжих зорилт тавин ажиллаж байна. Гэхдээ үүнд иргэд хариуцлагатай хандах хэрэгтэй. Утсаар цаг авчихаад ирж үйлчлүүлдэггүй тохиолдол маш их байдаг. Олон улсад үйлчилгээ авах цагаа эргэж мэдэгдэж цуцлахгүй бол цаашид даатгалаас нь мөнгө суутгах гэх мэт арга хэмжээнүүдийг авч иргэдийг хариуцлагатай болгодог.

-Ярилцсанд баярлалаа.

8
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

8 сэтгэгдэлСэтгэгдэл бичих

27.123.214.120Зочин   • 2018, 7 сарын 27. 18 цаг 43 минут

Sain bna mongolchuudaa setgeleesee handdag uilchilgee saitai emneleg bolohoo haruulah yum bna bayartai bna'

64.119.22.133Зочин   • 2018, 7 сарын 11. 6 цаг 22 минут

Ta bvkhend amjilt khvsie

66.181.188.133Зочин   • 2018, 2 сарын 26. 20 цаг 16 минут

Зөвхөн Чингэлтэй дүүргийнхэн л энд үзүүлнэ гэсэн байна .

122.201.26.171Зочин   • 2017, 10 сарын 13. 15 цаг 29 минут

ажлын амжилт хүсье

49.0.214.84на   • 2017, 9 сарын 25. 12 цаг 57 минут

худлааштэ харьяа биш гээд мөнгө авдаг царайгүй газар

49.0.214.84na   • 2017, 9 сарын 25. 12 цаг 56 минут

hudlaashte hariya bish geed mongo avdag bna lee

27.123.214.122Зочин   • 2017, 9 сарын 13. 13 цаг 29 минут

энэ эмнэлэг эртний сайхан уламжлалтай байсан байр орчин нь болоод ажилтнууд нь шинэхэн байгаа одоохондоо хэвтүүлэхгүй байгаа болхоор өрөөсгөл үйлчилгээ болж байгаа эмч, ажилтнуудын үйлчилгээ ур чадвар сайн юм шиг санагдсаан та нартаа амжилт хүсье,,хотын төв болхоор яаралтай эмчилгээний өндө шалгуур тулгарах болно ,,,ажилтнууд эмч нараа сайн сургах хэрэгтэй амжилт хүсье

66.181.189.223Зочин   • 2017, 6 сарын 22. 17 цаг 01 минут

Харьяаллын бус нэж буцаадаггүй гэдэг нь сайхан сонсдож бна. Уг нь бүх эмнэлэг тийм л байх ёстой. Амжилт хүсье

Шинэ мэдээ

Гэртээ амтат жүрж тариарай4 минут 10 секундын өмнөАгаарын бохирдол өнгөрсөн жилтэй харьцуулахад 20-30 хувь буурчээ9 минут 10 секундын өмнөХойд Солонгосын удирдагч АНУ-ын Ерөнхийлөгч Д.Трамптай уулзахаас татгалзжээ14 минут 10 секундын өмнөАгаарын бохирдол ба Аутизмын уялдаа19 минут 10 секундын өмнөГүүр нурсны улмаас 2 хүний амь сүйджээ24 минут 10 секундын өмнөИранд шатахууны үнийн өсөлтөөс болж хохирсон хүмүүст нөхөн төлбөр олгоно29 минут 10 секундын өмнөАялахад хамгийн аюултай орнуудыг нэрлэжээ34 минут 10 секундын өмнөДэвид Бэкхэмийн “Интер Майами” багийн бүрэлдэхүүн39 минут 10 секундын өмнөАмазоны ой модны эзлэх талбай ихээр багасжээ44 минут 10 секундын өмнөШийдвэрлэх тулааны өмнө49 минут 10 секундын өмнөСэтгэцийн өвчин ямар ямар шинж тэмдгээр илэрдэг вэ54 минут 10 секундын өмнөАНУ Египетэд анхааруулга өглөө59 минут 10 секундын өмнөСумо тойм: Кюүшюү башёгийн ес дэх өдөр1 цаг 5 минутын өмнөХонконгийн цагдаагийн даргыг албан тушаалаас нь чөлөөлжээ1 цаг 5 минутын өмнөТөсөл хэрэгжүүлэгчийг сонгон шалгаруулах урилга1 цаг 10 минутын өмнөЭнэтхэгчүүд баарнаас цэвэр агаар худалдан авч байна1 цаг 15 минутын өмнөАНУ-аас Нигер Улс руу нисч байсан Монгол эмэгтэй онгоцонд хүний амь аварчээ1 цаг 20 минутын өмнөҮХЦ-ийн гишүүд баасан гарагт Д.Одбаярын хүсэлтийг хэлэлцэнэ1 цаг 25 минутын өмнөХүүхдүүд ихэвчлэн томчуудаас сүрьеэгийн халдвар авдаг1 цаг 30 минутын өмнө24 багийн 19 нь тодорхой болжээ1 цаг 35 минутын өмнөСэтгэлийн гүн хямралаас ангижрах хамгийн үр дүнтэй аргыг зөвлөжээ1 цаг 40 минутын өмнөОросын хамгийн их гэмт хэрэгтэй хотууд1 цаг 45 минутын өмнөЗАСГИЙН ХУРАЛДААН: Г.Жаргалсайхан, Ч.Ганболд нарыг консулаар томиллоо1 цаг 50 минутын өмнөЯ.Амаржаргал: “Холер” өвчний халдвар авсан иргэн эрүүл гэсэн шинжилгээний хариутай Монголд ирнэ1 цаг 54 минутын өмнө“Наполи” клубын ерөнхийлөгч тоглогчдын цалинг бууруулахыг шүүхээс шаардлаа1 цаг 55 минутын өмнө“Эерэг өөрчлөлт-залуучуудын оролцоо” сэдэвт телевизийн шилдэг бүтээлийн уралдааны шилдгүүд тодорлоо2 цагийн өмнөШри Ланка улсын шинэ Ерөнхийлөгч тангараг өргөжээ2 цаг 5 минутын өмнөУлсын хэмжээнд 189 мянган тонн төмс, 91 мянган тонн хүнсний ногоо хураажээ2 цаг 6 минутын өмнөУс сувгийн удирдах газрын дэргэдэх “ДУСАЛХҮҮ” цэцэрлэг нээлтээ хийлээ2 цаг 10 минутын өмнө“Huawei”-д бүтээгдэхүүн нийлүүлэх тусгай зөвшөөрлийг сунгажээ2 цаг 15 минутын өмнө
© 2008 - 2019 он. Зохиогчийн эрх хуулиар хамгаалагдсан.