10-р сарын 23
7 цаг 30 минут

Төр төсвөөр амьсгална, харин поп тулгалтууд холуур тойроосой

Хууль номоороо бол арваннэгдүгээр сарын сарын 15 гэхэд дараа жилийн улсын төсвийг баталсан байх учиртай.  Харин энэ жилийн тухайд намрын чуулган эхэлснээс хойшхи сар шахам хугацаанд хууль тогтоочид шинэ Засгийн газрын томилгоо гээд төсвөө барьж авах завгүй байв бололтой.  Одоо энэ зорилгынхоо ард гарсан болохоор энэ долоо хоногоос эхлээд төсвөө хэлэлцэж байх.  Урьд жилүүдийн төсөв баталж байсан явцаас харахад наанадаж 3-4  удаагийн хэлэлцүүлэг хийж  баталж байсан гээд бодоход шамдахгүй бол цаг хугацаа тийм ч хангалттай  үлдээгүй байна.

Төсөв гэснээс 2017 оныхоо төсөвт ч бас тодотгол хийх шаардлага үүсчихээд байгаа. Тэгэхээр улс төр нэг хэсэгтээ төсвөөр л амьсгалах гээд байна.

Ж.Эрдэнэбатын Засгийн газар өнгөрөгч есдүгээр сарын сүүлчээр 2018 оны төсвийн тухай, Нийгмийн даатгалын сангийн 2018 оны төсвийн тухай, Монгол Улсын нэгдсэн төсвийн 2018 оны төсвийн хүрээний мэдэгдэл гэхчлэн  төсвийн багц хуулиудыг УИХ-д өргөн барьсан юм. Гэвч аравдугаар сарын 3-ны өдрийн Засгийн газрын ээлжит хуралдаанаас Монгол Улсын 2018 оны нэгдсэн төсвийн төслийг буцаан татах шийдвэр гаргалаа.  Энэ нь шинээр томилогдох  Ерөнхий сайд болон Засгийн газрын гишүүдэд Монгол Улсын 2018 оны нэгдсэн төсвийн төсөлтэй танилцах, шаардлагатай нэмэлт, өөрчлөлтүүдийг оруулах боломж олгох үүднээс гаргасан шийдвэр байв.

Төсөв бол монголчуудын ирэх оны аж амьдралын толь. Хаанаас хэдийг олж, түүнийгээ хаана юунд зарцуулахыг шийднэ гэсэн үг. Олсноосоо илүү зарах хэрэг гарвал дутсаныг нь гаднаас зээлнэ. Тэр дутаад байгааг нь төсвийн алдагдал гэнэ. Товчхондоо ийм.  Одоогоор 2018 оны нэгдсэн төсөв батлагдаагүй байгаа ч ерөнхий төсөөллөө гаргачихсан байгаа. Төсвийн зарчим гэж бий. Тэр нь:

-Улсын төсөв нэгдмэл байх.

-Тэнцвэртэй байдлыг хангах

-Төсвийн сахилга бат, алдагдлыг үе шаттай бууруулах

-Төсвийн тогтвортой байдлыг хангах гэхчлэн. АН-ын засаглалын үед янз бүрийн нэр хаягтай олон төсөв байсныг  Ж.Эрдэнэбатын Засгийн газар нэгтгэж төсийн нэгдмэл байдлыг бий болгоод байгаа.  Ирэх жилийн төсвийг боловсруулахдаа “Эдийн засгийг сэргээх хөтөлбөр” болон ОУВС-ийн “Өргөтгөсөн санхүүжилтийн хөтөлбөр”-ийг  тус тус үндэслэсэн гэдгээ мэргэжлийн байгууллагынхан тодотгоод буй.  2018 оны төсвийн ерөнхий тоймыг тодотговол:

Төсвийн орлого:

  1. УИХ-аас баталсан хууль тогтоомжийг боловсронгуй болгох үндсэн чиглэл, ОУВС-тай тохирсон Өргөтгөсөн санхүүжилтийн хөтөлбөрт тусгасны дагуу татварын 2 дахь шатны шинэчлэлийн ажлыг эрчимжүүлнэ.

Монгол Улсын Нэгдсэн төсвийн 2018 оны  нэгдсэн төсвийн тэнцвэржүүлсэн орлого 7,218.0 тэрбум  /7,2 их наяд/ төгрөг буюу ДНБ-ий 23.8 хувь байхаар тооцжээ.

Энэ оны буюу 2017 оны төсвийн тодотголын төсөлд тусгаснаар Монгол Улсын нэгдсэн төсвийн нийт  тэнцвэржүүлсэн орлого 6,035.7 тэрбум төгрөг буюу дотоодын нийт бүтээгдэхүүний 23.2 хувь байгаатай харьцуулахад  нийт орлого 1.2 их наяд төгрөгөөр илүү байхаар төлөвлөжээ.  Орлогыг ингэж өсгөж тооцох бодит шалтгаан байгаа байх. Юуны урьд татварын орлого чамгүй нэмэгдсэн,  уул уурхайн бүтээгдэхүүний дэлхийн зах зээлийн үнэ өсч байгаа зэрэг бодит боломжийг тооцож үзсэнийх болов уу.

Түүнчлэн энэ жилийн тухайд төсвийн орлого 2.0 их наяд төгрөгөөр давж биелчихээд байгаа нь ирэх лоны төсөвт нэлээд өөдрөг төсөөлөл болж байгаа нь тодорхой. У.Хүрэлсүхийн Засгийн газарт ийм боломж, аз таарахыг дэлхийн эдийн засаг, тэр дундаа манай өмнөд хөршийн нүүрс, зэс, төмрийн хүдрийн хэрэглээ  тодорхойлно.

Төсвийн зарлага:

  1. Төсвийн орлогод учирч болзошгүй эрсдэлийг тооцон, төсвийн орлогыг бодитойгоор төсөөлж, боломжит эх үүсвэрийг дайчлан бааз суурийг нэмэгдүүлнэ гэжээ.

2018 оны төсвийн төлөөлөлд нэгдсэн төсвийн нийт зарлага 9,828.8 тэрбум төгрөг буюу ДНБ-ий 32.4 хувь байхаар тооцсон нь 2017 оныхоос 1.2 их наяд төгрөгөөр  нэмэгдсэн үзүүлэлт болж байна.

Зарлага ингэж  нэмэгдснээр нэгдсэн төсвийн нийт алдагдал 2,610.8 тэрбум төгрөг буюу ДНБ-ий 8.6 хувь болохоор байгаа юм байна.

Төсвиийн алдагдлын тухайд гэвэл энэ жил орлого 2.0 их наяд төгрөгөөр нэмэгдсэн учир төлөвлөж байсан алдагдал мөн ийм хэмжээгээр буурч одоо 700 тэрбум орчим төгрөг болоод байгаа. Эдийн засаг дахь хамгийн мэдээ гэвэл энэ жилийн тухайд энэ болоод байгаа билээ.

Ер нь төсвийн алдагдлыг  ДНБ-ний 9.5 хувиас хэтрүүлэхгүй байх зарчим бий. Ирэх жилийн төсвийн алдагдал  одоогоор 8.6 хувь гэж байгаа нь энэ хэмжээний хүрээнд байгаа ч хэлэлцүүлгийн явцад хэлбэлзэж болох юм.

Одоогоор төсөөлөгдөж байгаа нь нэг иймэрхүү. Шинэ Засгийн газрын хувьд ирэх жил тэтгэвэр тэтгэмжийг нэмнэ гэдгээ илэрхийлсэн бол харин цалин нэмэх асуудалд тоймтой хариу өгөөгүй байгаа. Багш нар, эрүүл мэндийн салбарынхан цалин нэмүүлэх шаардлага дээрээ хатуу байгаа нь ирэх оны төсөвт нэмэлт ачаалал үүсгэх магадлалтай.

Ирэх жил бүх хүүхдийн 60 хувьд хүүхдийн мөнгө тэтгэмж  олгоно гэж байгаа ч бүх хүүхдэд олгох ёстой гэсэн сөрөг хүчний байр суурь  ядарсан төсвийг бүр сульдааж мэдэх юм. Хөнжлийнхөө хэрээр хөлөө жийх гэсэн Засгийн газрын  байр суурийн эсрэг иймэрхүү поп шаардлага тулгалтууд  төсөв хэлэлцэх үеэр нэлээдгүй дуулдах байх.

М.Нэргүй

 

 

 

 

11
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

11 сэтгэгдэлСэтгэгдэл бичих

66.181.190.59gochoo   • 2017, 10 сарын 24. 1 цаг 14 минут

SAINSHAND DEER BOSOO HEVTEE CHIGLELIIN TUMUR ZAMIIG OGTOLTSUULJ BARIHAAS GANA DAVHAR OGTOLTSUULAHGUIGEER HOLBOJ BARIMAAR YUM

27.123.212.135Зочин   • 2017, 10 сарын 23. 11 цаг 46 минут

ХӨДӨӨ АЖ АХУЙН БИРЖ ГЭЖ СОНИН ГАЗАР БАЙНА .ЭНЭ ГАЗРЫГ ЭСВЭЛ ХАА ҮГҮЙ БОЛ АШИГТАЙ АЖИЛЛУУЛ.ХАМГИЙН ИХ АШИГТАЙ БАЙЛГАЖ БОЛОХ ГАЗАР

202.21.113.238Зочин   • 2017, 10 сарын 23. 11 цаг 36 минут

haha

202.179.26.175Зочин   • 2017, 10 сарын 23. 11 цаг 31 минут

NUURSNII HUJAANUUDIG HURDAN ZAILUULAA

150.129.141.168Зочин   • 2017, 10 сарын 23. 11 цаг 03 минут

АЖИЛ ХӨӨЦӨЛДӨӨД АЛБАН ГАЗРУУДААР ЯВАХААР АЖЛАА МЭДДЭГҮЙ ТЙИШ ОЧ ИЙШ ОЧ ГЭДЭГ..... ОРОН ТОО ИХ БОЛЖ НЭГ ХҮНИЙ МЭДЭХ БӨГӨӨЛ ХИЙХ АЖЛЫГ Л 6 С 10 ХҮНИ ХИЙДЭГ БОЛСОН БНЛ ЭЭ ан засаг авсан жилүүдэд төрийн албанд баахан мэдлэгүй хог аваачаад чихчихсэн . тэл зүгээр л цалин авдаг улс ш дээ

202.131.230.114Зочин   • 2017, 10 сарын 23. 15 цаг 41 минут

яг үнэн. ажил хөөцөлдөөд явахаар албан тушаалаараа түрий барьж ямарч үндэслэлгүйгээр дахин дахин явуулж чирэгдэл учруулна. Татварынхан бол бүр аймшигтай. хуульд шингэж заасан байна гэхэд л хууль ч яахав ингэж байгаа, гэхдээ практик дээр тэгдэгүй юмаа гээл санаандаа орсныг шаардана, дарамтлана.

150.129.141.168Зочин   • 2017, 10 сарын 23. 10 цаг 59 минут

ХҮҮХДИЙН МӨНГӨ ИХ СОНИН ЯМАРЧ ҮЕД ХҮҮХДЭЭ ТЭТГЭЖ ӨСГӨХ НЬ ЭЦЭГ ЭХИЙН ҮҮРЭН БАЙСААР ИРСЭН... ӨТЛӨХДӨӨ ҮР ХҮҮХЭД ХЭРЭГТЭЙ БОЛ ХҮҮХЭД ТӨРҮҮЛ ӨСГӨ.... ТӨРӨӨМ НЭХЭХЭЭЭ БОЛЬ

150.129.141.168Зочин   • 2017, 10 сарын 23. 11 цаг 00 минут

ХҮҮХДЭЭ ӨӨРСДӨӨ ӨСГӨ. ТӨРӨӨС МӨНГӨ НЭХЭХЭЭ БОЛЬ

150.129.141.168Зочин   • 2017, 10 сарын 23. 10 цаг 57 минут

энэ доор 2 танхим гээд бичихэж .. худлаа солиорч суудаг хүний тоог нэмж төсвийн ачааг нэмнэ гэнээ. ингэж солиорч өөртөө ажил олох гэж байгаа улсуудын л саннаа.. бодит хөрөнгө үүсгэдэгүй орон тоог бүү нэм

112.72.11.108Зочин   • 2017, 10 сарын 23. 8 цаг 12 минут

Юун 2 трилион төгрөг вэ? Урьдчилсан таамгаар орлого трилион гаран төгрөгөөр давж биелэхээр байгаа. Зарлага хагас трилионоор буурчихвал алдагдлыг 1 трилионоос доош барих боломж үүсээд буй. Энд төсвийн сахилга бат хэрэгтэй. Оны эцсээр зарлагын гүйцэтгэл давж биелэх талдаа байдаг учир таамаглал биелэхэд асуудалтай.

202.9.43.91Бат   • 2017, 10 сарын 23. 8 цаг 05 минут

Параламентийг хоер танхимтай болгохгүй бол эзэнгүй төрийн эмгэнэл жалга довны үзэл хоер улсыг хөгжүүлэхгүй

Шинэ мэдээ

 “Эрдэнэс алт ресурс”ХХК байгуулж, Д. Ариунболдыг гүйцэтгэх захирлаар томиллоо4 сар 23. 18:16Малчид, ард иргэдийн анхааралд4 сар 23. 18:10“Азийн орнуудын цахим мөнгө, блокчейн бизнес эрхлэгчдийн холбоо” Улаанбаатар хотноо төв оффисоо нээлээ4 сар 23. 17:56Хиймэл оюун ухаант технологиор хангагдсан мотоцикль4 сар 23. 17:55ХУРХИРАЛТЫГ зогсоох АРГУУД4 сар 23. 17:50Шоронгоос оргосон эелдэг хулгайчийг хайж байна4 сар 23. 17:45XIX зууны сүүлчийн хүн таалал төгсөв4 сар 23. 17:40Өрхийн аж ахуйд зөгий үржүүлэх аргачлал4 сар 23. 17:35Та мөнгө угаах гэмт хэргээс сэрэмжилнэ үү!4 сар 23. 17:32Бороонд дуртай хүмүүс бусдаас илүү аз жаргалтай байдаг 7 шалтгаан4 сар 23. 17:30Чухам үнэнийг зөвхөн зургаар...4 сар 23. 17:25Энэ онд 5000 өрхөд ипотекийн зээл олгоно4 сар 23. 17:20Хар тамхи биедээ нуусан этгээдийг баривчилжээ4 сар 23. 17:15Зургаан настай Монгол хүү Жюү жицүгийн Дэлхийн аварга болжээ4 сар 23. 17:10"Зуучийн худалдаа, түүний төрөл, онцлог" сэдэвт сургалт4 сар 23. 17:10Хүүхдийн эрүүл мэндэд чихэр хэрхэн нөлөөлдөг вэ?4 сар 23. 17:05Хатан хаан 92 нас хүрлээ4 сар 23. 17:00Архаг хууч өвчнийг эмгэн хумсны тусламжтай эмчилнэ4 сар 23. 16:55Э.Цэрэн: Би хөөрхөн болж уу4 сар 23. 16:50Иргэдийн гомдлын дагуу 40 гаруй нарс модыг тайрчээ4 сар 23. 16:45Согтууруулах ундаа элдэв өвчин тусах эрсдэлийг нэмэгдүүлдэг4 сар 23. 16:35Хувцасныхаа өнгийг хэрхэн тохируулж өмсөх вэ?4 сар 23. 16:30Кейт Бекинсейл: Хайр сохор учраас л би хүү шигээ залууд дурласан байх4 сар 23. 16:25Нүцгэн эр 4 хүнийг буудан хороожээ4 сар 23. 16:20Саудын Арабын аюулгүйн хүчнийхэн хааны ордны ойролцоох дроныг устгажээ4 сар 23. 16:1521-25 насны залуус таксинд явах нэрийдлээр дээрэм хийдэг байжээ4 сар 23. 16:10Татварын буцаан олголт авах эсэхээ ингэж шалгана уу4 сар 23. 16:05Кофе зүрхэнд "тустай"4 сар 23. 16:00С.Баяр, Т.Ариунсан нарын бие мууджээ4 сар 23. 15:55Ирина Шейк хуримын бөгжөө ГАЙХУУЛАВ4 сар 23. 15:55
© 2008 - 2018 он. Зохиогчийн эрх хуулиар хамгаалагдсан.