11-р сарын 8
11 цаг 18 минут

Орчин үеийн олимпиад мөнгө олох арга болжээ

Өнгөрсөн амралтын өдөр нэгэн ерөнхий боловсролын сургуулийн нэрэмжит математикийн олимпиад болсон юм. Жил бүр уламжлал болгон зохион байгуулдаг тус олимпиадад нийслэлийн хэмжээнд үйл ажиллагаа явуулж буй бүх сургуулийн сурагчид оролцох эрхтэй. Энэ нь төрийн болон хувийн хэвшлийн гэдгээс үл хамаарахыг энд тодотгоё.

Олимпиадын дүнг анги тус бүрээр нь гаргаж, монголын математикийн олимпиад нэртэй фэйсбүүк хуудасны группт мэдээлжээ. Оролцогч хүүхдүүдийн тоог анги бүрээр нь шүүж, нэгтгэвэл 112 дугаар ангийн нийт 2043 хүүхэд хамрагдсан байв. Мандатын 5000 төгрөгөө өгсөн л бол хүүхдийн сурлагын үзүүлэлтээс үл хамааран олимпиадад оролцох эрх нь нээгддэг. Мандатын хураамжийг оролцсон хүүхдийн тоогоор үржүүлж харвал 10 сая 215 мянган төгрөг болж байна. Нэг хүүхдийн 5000 төгрөг гэдэг их биш ч, нийлүүлээд харвал аргагүй анхаарал татсан дүн юм. Энэ мөнгө юунд зарцуулагддаг вэ?

Биднийг бага байхад олимпиадад тухайн хичээлдээ хамгийн шилдэг нэг сурагч л ангиа төлөөлдөг байж билээ.

Нэг удаа олимпиад зохион байгуулахад багадаа 10 сая төгрөг хураамжаар олж байна

Бас мандатын хураамж гэж зүйл байсангүй. Тиймдээ ч олимпиадад оролцоно гэдэг асар их өрсөлдөөн, нэр хүнд бас хариуцлага дагадаг байсныг санаж байна.

Тэгвэл сүүлийн үеийн олимпиад яагаад хүссэн хүүхэд бүрт нээлттэй, бас хураамжтай болов. Энэ нь л олимпиадын нэр хүндийг унагааж, мөн чанарыг алдагдуулж байгаа юм биш үү. Тодруулбал, хэт мөнгөний хойноос хөөцөлдсөн хэлбэр төдий зүйл болоо юудаа гэж дүгнэмээр.

Зөвхөн нэг удаагийн олимпиад зохион байгуулаад 10 гаруй сая төгрөгийг хураамжийн мөнгөнөөс олж байна. Харин энэ мөнгөөр олимпиадад түрүүлсэн хүүхдүүдийг урамшуулж байна уу гэвэл үгүй. Мөн зохион байгуулалтын зардалд зориулж байна уу гэвэл бас тийм биш. Тус олимпиадын удирдамжаас харвал анги бүрийн 1-3 дугаар байрт шалгарсан зургаан сурагчийг шагнана гэжээ. Тодруулбал, нэгдүгээр байрт шалгарсан нэг сурагчийг, удаах байранд орсон хоёр сурагчийг, гуравдугаар байр эзэлсэн гурван сурагчийг гээд нийт 12 ангийн 72 сурагчид шагнал гардуулах аж. Гэхдээ үүнд мөнгөн шагнал гэж байсангүй, зөвхөн өргөмжлөл, медаль өгч байлаа. Өгч байгаа диплом, медалийг агуулгаар нь харвал юу юм гэхээс үнэ хүрээд байх зүйл ч биш байв.

Олимпиадад хүүхдээ оруулсан нэгэн ээж “Манай хүүхэд өнгөрсөн жил бас энэ олимпиадад оролцон, нэгдүгээр зэргийн диплом авч байсан. Диплом нь А4-ийн цаасыг голоор нь хувааж, өнгөтөөр хэвлээд, сканнердаж, нэр усыг нь бичсэн цаас л байсан. Медалийг нь харахад “Нарантуул” зах дээр 1500 төгрөгөөр бөөнддөг медаль байна билээ” хэмээн голонгуй хэлсэн юм.

Сүүлийн жилүүдэд төрийн болон хувийн өмчит сургууль эсвэл хэн нэгэн багшийн нэрэмжит олимпиадууд өдөр алгасахгүй зохион байгуулагддаг болсон гэхэд хилсдэхгүй. Математик, Монгол хэл, Байгалийн ухаан, Англи, Орос хэлний “Стандарт” гэсэн тодотголтой логикийн алдаатай бодлого, хэний ч хариулахад амархан асуулттай тестүүд нь мөнгө олох зорилготой арга гэдэг нь мэдэгдэж, эцэг эхчүүдийн бухимдлыг төрүүлэх болсон. Үүнийг батлах бас нэгэн жишээг өгүүлье.

Саяхан буюу өнгөрсөн аравдугаар сард “Номч” бүрэн дунд сургуулийн нэрэмжит математикийн “Стандарт” олимпиад дуулиан шуугиантайхан болж өнгөрсөн. Ийн тодотгосны учир нь энэхүү олимпиадад хүүхдээ оруулахаар очсон эцэг, эхчүүд нэлээд бухимдаж, “Олимпиад нэрийн дор бизнес хийж байна” хэмээн олон нийтийн сүлжээгээр шүүмжилсэнтэй холбоотой. Учир нь олимпиадын зохион байгуулалт тун муу буюу ашиг олох зорилгоор хэтэрхий олон хүүхэд бүртгэснээс болж асуудал үүсчээ. Тодруулбал, хүүхдүүдээс шалгалт авах анги танхим хүрэлцэхгүйн улмаас эцэг эхчүүд хүүхэдтэйгээ шалгалт болохыг хүлээж өвлийн хүйтэнд гадаа олон цаг зогссон, шалгалтын тест задарсан зэрэг олон асуудал гарсны зэрэгцээ хүүхдээ олохгүй сандралдаж, улмаар хууль хүчний байгууллагынхныг дуудсан байна.

Үймээн шуугиантай болсон олимпиад тэгсхийгээд намжив. Харин энэ бүхий эцэст “Номч” бүрэн дунд сургууль багагүй орлого олжээ. Тэд олимпиадад оролцсон хүүхэд тус бүрээс мөн л 5000 төгрөгийн бүртгэлийн хураамж авсан юм. Харин хот хөдөөгүй нийлсэн 100 гаруй сургуулийн нийт 6230 хүүхэд оролцсон юм. Ингээд 6230 хүүхдийг 5000 төгрөгөөр тооцвол “Номч”-ынхон мандатны хураамжаас нийт 31 сая 150 мянган төгрөг олсон байх нь.

ЗАРИМ СУРГУУЛЬ НЭРЭМЖИТ ОЛИМПИАДАА 2-3 УДАА ЗОХИОН БАЙГУУЛДАГ

Нэрээ нууцлахыг хүссэн томоохон их сургуулийн математикийн багшийн хэлснээр олимпиад хамгийн ашигтай бизнес болжээ. Бүр зарим сургууль нэрэмжит олимпиадаа нэг хичээлээр л гэхэд 2-3 удаа зохион байгуулдаг болсон гэв. Тэрбээр “Би нэгэн төрийн бус байгууллагад олимпиадын бодлогыг тодорхой хэмжээний төлбөрөөр бэлдэж өгдөг юм. Уг нь нийслэлийн Боловсролын газраас зөвшөөрөл авах ёстой боловч сүүлийн үед “Стандарт” олимпиад зохион байгуулах нь хавтгайрч байна.

“Стандарт” гэдэг нь сургалтын материалын тестээр 40 минут шалгалт авахыг хэлнэ. Шалгарсан хүүхдүүдэд 200 төгрөгийн наадаг медаль өгчихдөг цэвэр мөнгөний, ямар ч зөвшөөрөлгүй үйл ажиллагаа. Үүнийг эцэг эхчүүд мэдэхгүй, харин ч хүүхдүүдээ хэдэн мянгаар оруулж байна. Уг нь UB чансааны олимпиад болдог. Энэ нь Монголын математикийн олимпиадаас албан ёсоор зөвшөөрсөн Улаанбаатарын оноо цуглуулах олимпиадыг хэлж байгаа юм. Бодлого нь бодитой, чансаа шаардсан шалгалт байдаг. Ийм 7-8 олимпиад л байдаг” гэв.

“ОЛИМПИАДАД ОРЖ БУЙ ХҮҮХДЭЭС ХУРААМЖ АВАХ ЁСГҮЙ”

Төрийн болон хувийн дунд сургуулийн зохион байгуулж буй олимпиадад хэн зөвшөөрөл өгч, хаанаас хяналт тавьдаг вэ. Асуултын хариултыг олохоор салбарын яам, нийслэлийн Боловсролын газартай холбогдсон боловч тоймтой хариу өгсөнгүй, биднээс халгав. “Хувийн сургуулиудын зохион байгуулж буй олимпиадад ямар нэгэн хяналт, зохицуулалт хийдэггүй. Нийслэлийн боловсролын газар юм уу, Математикийн олимпиад зохион байгуулах хороо л хянаж зохицуулах байх” гэж салбарын яамны хүн хэлэв.

Сургуулиудын зохион байгуулж буй олимпиадад хяналт тавьдаггүй

Харин нийслэлийн Боловсролын газрын мэргэжилтэн “Манай үйл ажиллагааны чиг үүргийн дагуу Боловсролын тухай хууль, тогтоомжийн стандарт хэрэгжилт, сургалтын төлөвлөгөө хуваарийнхаа дагуу явж байгаа эсэх зэрэг асуудлуудад төвлөрч ажилладаг. Уг нь сурагчдаас мөнгө хураамж авахыг хориглосон салбарын сайдын А98 дугаар тоот тушаал байгаа. Хэрэв тухайн байгууллага хүүхдээс мөнгө төгрөг хураан авч, үйл ажиллагаа зохион байгуулсан бол энэ нь өөрөө хууль зөрчиж байна гэсэн үг” гэсэн тайлбарыг өгөв.

Мэдээж сурагчид мэдлэг, чадвараа сорьж, өөр хоорондоо өрсөлдөнө гэдэг сайн зүйл. Энэ бол хүүхдийг улам их сурах, хичээх, мэдэх мэрийлт олгож, шилдэг нь болох гэсэн хөшүүрэг болж өгнө.

Тиймээс олимпиад зохион байгуулах нь буруу гэж шүүмжлэх гэсэнгүй. Харин үнэ төлбөргүй хийгээд жинхэнэ мэдлэг сорьсон уралдаан байгаасай. Түүнээс биш дэлгүүрийн лангуун дээрээс чихэр худалдаж авч байгаа мэт мандатын хураамжаа төлсөн хэн бүхнийг хамруулсан арга хэмжээ байвал нэр хүнд, мөн чанар, утга учир нь ч алдагдаад байгааг сануулах гэсэн юм. 

Б.Бямбасүрэн

11
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

11 сэтгэгдэлСэтгэгдэл бичих

66.181.181.88зочин   • 2017, 11 сарын 11. 15 цаг 57 минут

31 сая ,10 сая төгрөг хүүхэдээр дамжуулж шулдаг энэ арга ажиллагаа боловсролын салбар дампуу болжээ гэдгийг харуулж бна.багш нар цалин нэм гэдэг бүр ч утгаа алдсан нийгэм юм даа.боловсролын салбар мөнгөний байгуулага биш шүү дээ.цаашилаад докторын зэрэг хамгаалах ажиллагаа нь бас дампуурч дууссан юм бна.доктор цол авахад мөнгөтэй л бол худалдаад авчихаж болж бна.ийм замбраагүй боловсрол байж болох уу.монголчууд оюун ухаан мэдлэгийг дээдэлдэг ард түмэн.мэдлэг боловсролоо өнгө мөнгөөр сольж шаварт хутгаж дуусчээ.

103.26.194.201Uni   • 2017, 11 сарын 9. 19 цаг 34 минут

Ene chine zugeer surguuliudiin biznes olimpiadaar mungu oldog ch ter Bol yu ch bish Ene chine zuvhun huviin surguuliudiin saihan reklam bolj ugdug bh gui yu ter surguuliinhan deeguur orson bna ter surguuli sain gej humus oilgood buuhdee ugdug gehdee huuhed sain bish Bol zugeer l orlog gesen ug

202.70.46.220зочин   • 2017, 11 сарын 8. 14 цаг 49 минут

монголын боловсролын систем хунд ямарч огоожгуй, зовхон дарамт учруулдаг байсан, одоо улам бур дарамттай болсоор байна. амьдралд ямарч ХЭРЭГГУЙ баахан юм заамар аяддаг.

202.70.34.89Зочин   • 2017, 11 сарын 8. 14 цаг 07 минут

ene yag unen surguuliud iim biznes hiideg bolson bna le unen zambaraagui. Bolovsroliin salbar anhaaraldaa abmaar l yum bna le

66.181.183.171Зочин   • 2017, 11 сарын 8. 13 цаг 02 минут

Unen test aldagdaggyiee harindendyy olon huuhed ordog yum bnlee medaln mungun Shangai dagdagyin unen shu

202.179.31.242өөндий   • 2017, 11 сарын 8. 12 цаг 56 минут

муусайн багш нар өөрсдөө үр хүүхэдгүй юм шиг хүүхдүүд дээр бизнес хиидгээ больмоор юм хичээлээ олигтой заачихдаг бол яахав

202.55.191.99өвөө   • 2017, 11 сарын 8. 12 цаг 08 минут

зохион байгуулсан газар нь ядахдаа олсон орлогоосоо улсад татвар төлөх , түрүүлсэн оролцогчдод мөнгөн шагнал урамшуулал олгох ,тестийн нууцлал , чанар зэрэгт анхаарах , зохион байгуулах зэрэг олон ажил байна даа

183.177.98.182Зочин   • 2017, 11 сарын 8. 11 цаг 56 минут

Tegeed ajil khayad ulsuud baidag ed nar er ni yu khiij giiguulsen ym iimerkhuu ymaar l ikh khuutsuldunu etseg ekhees avilga avna ter khemjeegeeree khuukhed burtei ylgavartai khandan a shuu Tsaling nemekh shaardlagaggui dee

202.9.41.182Зочин   • 2017, 11 сарын 8. 11 цаг 56 минут

Iim bj bagsh nar tsalin nemvvlne gd bgaamdaa

202.21.117.194Зочин   • 2017, 11 сарын 8. 11 цаг 45 минут

мандатын хураамж авдаг байдлыг хориглосон журам гаргамаар юм байна.

103.229.120.94Зочин   • 2017, 11 сарын 8. 11 цаг 41 минут

Манай нөгөө яруу алдарт багш нар нэг иймэрхүү л юм хийдэг улсууддаа

Шинэ мэдээ

Баянзүрхчүүд гэмт хэргээс урьдчилан сэргийлэхэд санал, шүүмжлэлээ нэгтгэлээ6 цаг 17 минутын өмнөМалчид, иргэд, тариаланчдын анхааралд9 цаг 54 минутын өмнөБНАСАУ дахь хүний эрхийн байдлын талаарх шинэ тогтоол боловсруулж байна10 сар 18. 18:00Дэлхийн дулаарлын улмаас шар айраг ховордож, үнэ нь өснө10 сар 18. 17:55Зөвлөлтийн үеийн хөшөөнүүдийг буулгасны хариуд ОХУ Польшид хориг арга хэмжээ авч магадгүй10 сар 18. 17:50БӨӨРӨӨ цэвэрлэх ДОЛООН АЛХАМ10 сар 18. 17:45Б.Цэндбаяр: 15-34 насны арван залуу тутмын найм нь бэлгийн замаар дамжих халдварт өвчинтэй байна10 сар 18. 17:40Алсыг ширтэж буй мичнүүд шилдэг гэрэл зургийн шагнал хүртжээ10 сар 18. 17:35Хэт үнэртэй, анхилуун саван хэрэглэх нь мөөгөнцөр үүсгэдэг10 сар 18. 17:30Тереза Мэй сэтгүүлчдэд ганц ч үг хэлэлгүй ЕХ-ны уулзалтыг орхин гарчээ10 сар 18. 17:25Оросын талаар ямар хандлагатай байдгийг санал асуулгын дүн харуулжээ10 сар 18. 17:20Албинос төрсөн 21 настай Настя10 сар 18. 17:15Цагдаагийн аминд хүрсэн этгээдүүдийг яллагдагчаар татлаа10 сар 18. 17:13Бухимдлаас хэрхэн сэргийлэх вэ10 сар 18. 17:10Этиоп Улсын шинэ Засгийн газрын 50 хувийг эмэгтэйчүүд бүрдүүлнэ10 сар 18. 17:05Уушгиа хэрхэн ХОРГҮЙЖҮҮЛЭХ вэ10 сар 18. 17:00WP: Сирид Вашингтоны үйл ажиллагааг дэмжихэд Саудын Араб 100 сая ам.доллар төлжээ10 сар 18. 16:55Л.Балхжавын найруулагч хүү Б.Чингүүний стилл10 сар 18. 16:50Коллежийн оюутан сургууль дээрээ бөмбөг дэлбэлж олон хүний аминд хүрлээ10 сар 18. 16:45Намар цагаар Японд сакура цэцэглэжээ10 сар 18. 16:40Холливудын од монгол кинонд дуу оруулна10 сар 18. 16:35Нэвтрүүлэгч Э.Халиун Бали арал дээр амьдардаг болжээ10 сар 18. 16:30Гарьд Д.Рагчаа “хурандаа” хувцасаараа гангарчээ10 сар 18. 16:25ОХУ-ын Батлан хамгаалахын сайд С.К.Шойгу-д шагнал гардуулж, хүлээн авч уулзлаа10 сар 18. 16:23Антонио Гауди: Огт дүрслэж болохгүй юмыг илэрхийлэх нь өөрөө солиорол юм10 сар 18. 16:20Австралид 58 цэнхэр оцон шувуу нохойн дайралтад өртөж, үхжээ10 сар 18. 16:15Алдаа гарсны улмаас хоригдлуудыг суллан явуулсан хэрэг гарчээ10 сар 18. 16:10Залуучуудын олимпийн наадмын хаалтын ёслолд Чернишев туг барина10 сар 18. 16:05Тамхины хэрэглээ хамгийн өндөр 10 улс10 сар 18. 16:00Аяга чинь хагархай, уурга чинь хугархай байг...10 сар 18. 15:55
© 2008 - 2018 он. Зохиогчийн эрх хуулиар хамгаалагдсан.