1-р сарын 12
9 цаг 20 минут

Суманд цирк ирлээ (Өгүүллэг)

Жин үд дунд Хар бухын голын сайрын саарал шавар дэгдэн хоолойд аргах шиг, хажуудах хониндоо ойртохоос халгам халуун өдөр “Суманд цирк иржээ” гэх үг миний чихэнд яаж хүрсэн юм бүү мэд. Гэрийн зүг ухаан жолоогүй чавхдаж явахдаа “Австрали шиг хонь хариулдаг нохойтой ч болоосой. Орой болонгуут хонио туугаад гэртээ ирдэг бол ямар сайхан бэ?” гэж бодож байснаа санадаг юм. Хот айлын хэдэн хүүхдүүд цирк цирк гэж дэмий л хөөрнө. Ямарч учраа олохгүй хөөрөх нусан жулдрайнуудын дэргэд би том хүүхэд байлаа. Баавгай л лав ирсэн байх. Кинон дээрээс бус жинхэнээр нь харна гэхээс амны ус авах залхуутай ажил тийм амархан байсныг ч анзаарсангүй. 
Орой аавын гурван дугуйтад багтаж ядан сумын төв рүү давхиж байхдаа мушгиа тойрог, энхэл донхол бүхнээс болж хоцрох вий дээ гэж битүүхэн айсандаа “Энэ замыг анх гаргасан хүн нь тэв тэгшхэн яваад гаргачихгүй дээ” гэж гоморхож явлаа. Сумын клүбийн гадаа миний үеийнхэн аль хэдийн цуглаж “Баавгайг хайрцагтай нь өргөөд оруулсан, бас сармагчин байгаа” гэх зэргээр хөөрөлхөнө. Түшлэгтэй угсраа вандан сандалд гурвуулаа чихэлдэн, уруулаа дорвойлгон халимаг маягтай болж яваа тачир үснийхээ үзүүр рүү үлээн сэрүү татуулах маягтай тоглолт эхлэхийг тэсэн ядан хүлээж байв. Клүбийн хоёр талын онгорхой хаалгаар бултайсан хар толгойнууд оройн салхийг хааж улам халуу дүүгүүлсэн ч сургуультай амьтаны тоглолтыг харахын тулд улайдмал ширмэн дээрч удаан тэсэхээр байлаа. Тоглолт эхлэхэд “Дудартай акробат” үзүүлбэрийн охины гарт эргэлдэн хөөрөн буух дудар гээч эрээн зүйл дээр хараа огт онолдсонгүй. Шилбүүр мэт савааг уран гоёмсог хөдөлгөх гарын хөдөлгөөний хирээр агаарт уран зураг татлах шиг тийм нандин хөдөлгөөн. Огтор тоодгор дээлний оноо, угалзан хээтэй богино гуталнаас цухуйх нарийн шилбэ тэрхүү уран нандин хөдөлгөөнтэй зохицон гоо үзэсгэлэнг бүтээнэ. Ганцхан намайг ширтэх мэт тэр нүд энэ оройн тоглолтын оргил хэсэг байлаа. Тоглолт өндөрлөхөд нүүгэлтсэн олон сэрүү татах үүд рүү зүтгэж байхад клүбийн хөшиг ялимгүй хөдөлж завсраар нь хэн нэгний царай хальт цухалзаад өнгөрөв. Дудартай охин яах аргагүй намайг харлаа гэж баясан тэр л газраа зогсоод баймаар санагдсан ч үүд рүү зүтгэх хүмүүс хүнд модон хаалганы самбартай нидрэх шахам түлхээд гаргачихлаа. Энэ удаа жулдрайнуудтай ам булаалдан сармагчин, баавгай гэж орилолдсонгүй хайр гэдэг агуу зүйлтэй учирч тэмтрэн үзэж байгаагаа мэдэрсэн том жаалд нөгөө л овон товонтой, мушгиа зам нь засмал шиг санагдах нь гайхалтай.
Нэгдүгээр ангид орсон жилээ хажуудаа тохой залган суух Хулан гэдэг охинтой том болоод нэг гэрт орно гэж бараг тангараг тавьсан ухаантай. Нөгөө Хулантайгаа хамт Хишиг-Өндөрийн сургуулийн ёсдүгээр ангид элсэхээр Зил -130 машины тэвшин дээр сууж явахдаа багадаа тавьсан тангарагаа зөрчихийг зөвтгөх арга дотроо хайн суулаа. Сургуулиа төгсөөд хотод очиж циркэд л ажиллаж байвал юу ч хийсэн хамаагүй гэсэн бодол маань хичээл номонд нэг их шамдахад хүргэсэнгүй. Энд тэнд зоосон турник, модон морь хэсч шалгалт дөхмөгц Хулангаас хуулсаар сургуулиа төгсч цэрэгт явахаар боллоо. Хотод байрлах холбооны ангид хувиарлагдсандаа бөөн баяр. Сэтгэлдээ дудартай охинтой харуулд гарч, хүнд марш-тактикийн тэмцээнд хамт оролцож цэргийн эхний жилийг нэг их зовсонгүй ардаа хийлээ. Тэгж байтал биднийг ашгүй цирк үзүүлэхээр боллоо. Бүхээгтэй ногоон тэргийг ангийн хаалгаар гарах агшинд зогсоогоод 
-Байлдагч Мөнхбат машинаас гэх команд гранат өвөртлөөд дайсны танкны доогуур ор гэхтэй адил сонсогдлоо. 
-Би, гүйцэтгэе гэж ухасхийн босч машинаас үсрэн буунгуутаа Шалган нэвтрүүлэх байрны түрүүчээс хаанахын Мөнхбатад эргэлт ирсэн болохыг лавлав. 
-Чи Дашинчилэнгийнх билүү гэж асуухад 
-Үгүй Могодынх гэж худал заллаа. Машин хөдлөхөд ногоон бэржээнхний завсраар, гартаа барьсан тортой зүйлээ дааж ядан зогсох Хуланг хараад огт баярласангүй.

Дудартай акробат гэж зарлахад миний зүрх 10 км-н марш-т гүйсэн мэт хурдан хурдан цохиллоо. Зүрхний лугшилтаас шахагдсан цус хацарт очиж туяаран гэрэлтэх нь хажуугийн цэргүүдэд бараг мэдрэгдсэн байх. Өнөө охиноо идэр залуугийн нүдээр сонжин харлаа. Уран нарийн бэлхүүсээрээ жавхайтал ороосон бүс нь түүний чээжийг урагш түрж, сальто эргэх бүрт нь дээлийн богино хормой нь дэрвэж гоолиг сайхан биеийг нь улам тодотгоно. Манежийн гэрэл улаан, ногоон, шар гээд янз янзаар солигдох нь түүний минь царайг надаас нуух шиг төвөгтэй санагдана. Чи минь байгаа юм байна, албаа хаагаад нэр төртэй очноо гэж өөртөө бас тангараглав.
Удалгүй цэргийн албаа хааж дуусгалаа. Дудартай охинтойгоо уулзах гэж яаж ч мэрийгээд чадалгүй аргагүй эрхэнд нутаг буцах болов. Нутагтаа очоод аахар шаахар ажил хийх, аавын ажилд туслалцах зэргээр байж байтал Хулан сургуулиа төгсөөд нутагтаа ирлээ. Хэн нэгнийг хүлээгээд байгаа бололтой ганцаараа байх Хуланг огт ойшоосонгүй. Намар оройхон унага тамгалах найрны үеэр тэднийд очин, орчлон дэлхий хагдарч шар хучлагаа нөмөрсөнийг харан уйтайхан хаялах цасан хялмаанд сэтгэл тогтворгүй донслон байхад Хулан
-Нөгөө циркчин охиноо мартаагүй л байна уу? гэж нухацтай асуухад хорвоогийн үнэн хүний амьдралын мөн чанарыг ойлгох гэж ядахдаа
-Цаашдаа бодохгүй байя гэж бодож байгаа гэж зоригтой хариуллаа.

Заяаны хань минь гэрээсээ авчирсан боорцогоо ширээн доогуураа хуваалцсан, хоёр салаа гэзэгтэй, сэргэлэн нүдтэй тэр охин байж билээ.

Улаанбаатар хот 2018 
Наймаахүү Нарантуул

3
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

3 сэтгэгдэлСэтгэгдэл бичих

203.91.115.36баатар   • 1 сарын 12. 12 цаг 24 минут

аятайхан өгүүлэг байна

41.85.161.167koi   • 1 сарын 13. 7 цаг 41 минут

Анхаарах мэдээлэл !!! Та үнэхээр бухимддаг юм уу !!!!!!!!!!!!!! Төсөлдөө мөнгө, санхүүжилт хэрэгтэй юу? Та өр төлөхийг хүсч байна уу? Банк таны файлыг татгалзсан уу? Асуудлыг шийдэхийн тулд бидэнтэй холбоо барина уу, бид Айуда Санхүүжилтийг ядуу болон хэрэгцээтэй хүмүүсийн хэрэгцээг хангахын тулд байгуулж байна. Холбоо барих: vicentiasolara@gmail.com vicentiasolara@gmail.com Whatsapp: 0033644664081

43.228.129.131Уншигч   • 1 сарын 12. 12 цаг 05 минут

Тун чиг сайн бичжээ. Бичээд байгаарай!

Шинэ мэдээ

79 дүгээр сургуулийн захирлыг ажлаас нь чөлөөллөө3 цаг 5 минутын өмнөМаргааш цахилгаан шугам тоноглолд засвар үйлчилгээ хийх хуваарь3 цаг 46 минутын өмнөНҮБ-ын Ерөнхий Ассамблеын хүрээнд олон талт уулзалт зохион байгуулах төлөвтэй байна4 цаг 6 минутын өмнөАНУ-д итгэх итгэл буурчээ4 цаг 11 минутын өмнөХүнсээ бохирдуулахгүй байх арга4 цаг 16 минутын өмнөInstagram нэг цагийн урттай видео нийтэлдэг боллоо4 цаг 21 минутын өмнө“Үнэ цэнэ” богино өгүүллэг4 цаг 26 минутын өмнөОйрхи Дорнодын нөхцөл байдлыг хэлэлцжээ4 цаг 31 минутын өмнөНийтийн их цэвэрлэгээгээр 70 шахам мянган малын сэг зэмийг устгажээ4 цаг 36 минутын өмнөБэлгийн дарамт үзүүллээ хэмээн Орос эрийг буруутгажээ4 цаг 41 минутын өмнөЖирэмсэн үеийн хориотой хүнс4 цаг 46 минутын өмнө“Яг тэд нар шиг” Тэмка эхнэрээсээ виз авч стрессээ тайлав...4 цаг 51 минутын өмнөМино: Хэн нэгний амьдралаар амьдарч цагаа бүү үр4 цаг 56 минутын өмнөДАШТ-2018: Царайлаг хөгжөөн дэмжигч бүсгүй порно-од байжээ5 цаг 1 минутын өмнөХууль бус цагаачдын гэр бүлийг салган тусгаарлаж буй явдлыг зогсоох зарлигт гарын үсэг зуржээ5 цаг 6 минутын өмнөСайн харахгүй бол ойлгоход бэрх зургууд5 цаг 11 минутын өмнөТарвас эрүүл мэнд, гоо сайханд онцгой нөлөөтэй5 цаг 16 минутын өмнөШинэхэн аавуудад өгөх зөвлөгөө5 цаг 21 минутын өмнөАвстри улс захиалгат аллагын бүлгийн толгойлогч Аслан Гагиевыг ОХУ-д шилжүүлж өгчээ5 цаг 26 минутын өмнөЭЕШ-ын хариуг Орхон аймаг анх удаа шууд дамжуулла_5 цаг 31 минутын өмнөГарын унжсан хэсгийг чангалах хялбар дасгал5 цаг 31 минутын өмнөМаргааш цахилгаан шугам тоноглолд засвар үйлчилгээ хийх хуваарь5 цаг 36 минутын өмнөНүдний харааг хэрхэн сайжруулах вэ?5 цаг 41 минутын өмнөМонгол Улсын Ерөнхий сайд У.Хүрэлсүх Дорноговь аймгийн иргэдтэй уулзав5 цаг 42 минутын өмнөДэлхийн од К.РОНАЛДУ дэлхийн хэвлэл мэдээлэлд5 цаг 46 минутын өмнө“Ж.Самбуу, Ким Ир Сен хоёр нуувчинд шатар тоглоод үлдсэн гэдэг”5 цаг 51 минутын өмнөНүүр гүн цэвэрлэх үйлчилгээтэй гадил, зөгийн балтай маск5 цаг 56 минутын өмнөК.Роналдугийн гайхамшиг үргэлжилсээр байна5 цаг 58 минутын өмнөӨнгөрсөн шөнө болсон тоглолтуудын тойм бичлэг6 цаг 1 минутын өмнөРоналду уйлж байгаа бяцхан фэнээ хараад автобусаа зогсоожээ6 цаг 3 минутын өмнө
© 2008 - 2018 он. Зохиогчийн эрх хуулиар хамгаалагдсан.