2-р сарын 8
17 цаг 08 минут

"Эзнээсээ ирээгүй захиа."

Анх ухаангүй хүргэгдэж ирээд амь тавьчих шахан эмч нарыг сандаргаж байсан эмгэний цагийн тариаг хийхээр өрөөнд нь орлоо. Энэ үед тэр сар гаран эмнэлэгт хэвтэхдээ өрөөнд нь ирэх шинэ өвчтөн болгонд уншиж өгдөг хүүгээсээ ирсэн гэх өнөөх ганц захиагаа уншиж өгч байлаа.
Өөрт нь хүртэл уншиж өгсөн энэ захиаг олон удаа сонссон сувилагч тариагаа тарингаа "Ээж ээ хүү нь эндэх ажлаа дуусгаад удахгүй очих гэж байгаа болохоор тандаа зөндөө олон бэлэгтэй очно оо. Намайг очиход заавал онгоцны буудал дээр тосч аваарай. За баяартай. Хорвоо дээр ганц хүү чинь" гэх захианы сүүлийн өгүүлбэрүүдийг эмгэнтэй зэрэгцэн бусдад үл сонстохоор цээжээр амандаа уншиж байлаа.

Хүү нь Солонгост ажиллаж байгаа гэх намхан, туранхай, бор эмгэнийг нэг ч хүн эргэж ирээгүйн дээр эмнэлгийн өдрийн хоолны цаг болсныг түүнийг аяга, халбагаа бариад коридорт хамгийн түрүүнд гарч хүлээдэгээр нь мэдэж болно.
Эмгэний бие өдөр ирэх тусам муудаж шинэ ирсэн өвчтөний дэргэд хүрч очин захиагаа уншиж өгдөг байснаа больж, дэргэдээ дуудаж суулган уншиж өгдөг болов. Дэргэдээ суулгаад ч өөрөө захиагаа уншиж өгөх тэнхэлгүй болчихоод байхдаа хүнээр уншуулна.

"Миний хүү ээждээ удахгүй ирнэ ээ. Солонгосоос ирээд намайг энэ эмнэлгээс гаргана. Миний хүү дунд зэргийн нуруутай, цагаан царайтай, нүдээрээ инээсэн сайхан залуу бий" гэж цаг үргэлж хүүгийнхээ тухай ярих өвчтөнийх нь бие сувилагчийн нүдэн дээр муудах тусам цагийн тариагаа хийж, хүүгээ хүлээсэн яриаг нь сонсохоос сэтгэл эмтэрч, халшрах болов.

"Өнөөдрөөс хэтрэхгүй байх. Жижүүрийн эмчид хэлчихсэн байгаа болохоор анхааралтай байгаарай" гэх эмчийн үгийг сонссон сувилагч хүүгээ хүлээсэн хөөрхий эмгэнийг өрөвдөхдөө сэтгэл амар хорвоог орхиг дээ гэж бодон нэгийг сэдлээ.

"Сайн байна уу ээж минь. Хүү нь эндэх ажлаа дуусгалаа. Маргаашийн онгоцоор тандаа очно. Маргааш тандаа яваад оччих хэдий ч захиа бичмээр санагдаад бичиж сууна. Захианаасаа өмнө би өөрөө түрүүлээд оччих байх. Очсон хойноо харин хоёулаа миний энэ захиаг хамт сууж байгаад уншинаа. Та харин надад амралтын өдөр болгон хийж өгдөг банштай цайгаа хийж өгөөрэй. Цагаан будаа, халуун ногоо идсээр байгаад таныхаа гарын хоолны амтыг мартах шахсан байна. Хүү нь очоод умгар бор гэрээ байшин болгож, хоёулаа хашаандаа жимсний мод таринаа. Солонгост ажлаасаа сурсан зүйлээрээ Монголдоо очоод амьдралаа залгуулж сайхан амьдарна аа хоёулаа. Явахад үнсээгүй үлдээсэн зүүн хацрыг минь үнсэхдээ бэлдээд байж байгаарай. Баяртай" гэж өвчтөнийхөө ярьсан яриануудаас сэдэвлэж өөрөө зохиож бичсэн захиагаа сувилагч хагас ухаантай шахуу эмгэнд уншиж өглөө.

Сувилагчийн уншсан захиаг сонсож байсан өрөөний өвчтөнгүүд харуусахдаа амьсгалахаас өөр чимээ үл гаргана. Шөнийн харанхуйд эмгэний орон дээр тусах коридорын гэрэлд арьс нь үрчлээтэж, моониг болсон эмгэний хуруунууд тод харагдана. Сувилагчийн гараас туниа муутай, хөрсөн тэр гар атгаж аваад "Охин минь чамд баярлалаа. Яасан сайхан сэтгэлтэй охин юм. Бурхан чамайг ивээж яваг. Миний хүүд энэ захиаг өгөөрэй" гэж сөөнгө хоолойгоор арай ядан хэлээд хүүгийнх нь бичсэн гэх үнгэгдэж, үрчийсэн ганц захиаг гарт нь атгуулаад эмгэний гар сулран орон дээр унаж, амьсгаа нь тасрав.

Хэд хоногийн дараа эмгэний нэр дээр захиа иржээ. Захианд " Сайн уу ээж минь. Хүү нь уншиж, бичиж сурсан. Анхныхаа захиаг тандаа бичиж байна. Баяртай мэдээ дуулгах гээд байж ядаж байна. Хүү нь өршөөлөөр суллагдах болсон. Уг нь тандаа гэнэтийн бэлэг барья гэж бодсон боловч хорооны ажилтнаас бие чинь муудаж, эмнэлэгт хүргэгдсэн тухай сонсоод санаа зовохдоо энэ захиаг бичиж сууна. Хүү нь ухаангүй аашнаасаа болоод аавынд хоригдохдоо олон зүйлийг ухаарч ойлголоо. Бичиг үсэг сурч, өрлөгчний мэргэжилтэй ч болсон. Удахгүй эрх чөлөөтэй болоод таныгаа эмнэлгээс гаргаж аваад, ажил төрөл хийж, хоёулаа хамтдаа сайхан амьдарна аа. Ээждээ хайртай хүү нь" гэж бичсэнийг уншаад сувилагч эмгэний атгуулсан захианы учрыг сая л ойлгож, үхтэл үр харам гэж ял эдэлж суусан хүүгийнхээ тухай муугаар биш сайнаар зөгнөн өөртөө захиа бичиж, бусдад хүүгээ магтан ярьж байсныг нь бодон цагаан халатных нь энгэр хоёр гурван нулимсан дусалд норлоо.

Жаахан л хүлээсэн бол...

Ч.Солонго зураачийн зураг.

4
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

4 сэтгэгдэлСэтгэгдэл бичих

202.70.34.98зочин   • 2 сарын 12. 16 цаг 55 минут

Хүний эх гэдэг хязгааргүй эх тэвчээрийн хүлээс юм шүү,байгаа дээр нь хайрлаарай

27.123.214.104ямар сайхан бас уяхан хорвоо   • 2 сарын 8. 20 цаг 28 минут

сайхан өгүүллэг байна.сэтгэл уярчихлаа

150.129.143.73Зочин   • 2 сарын 8. 17 цаг 49 минут

Сайхан бичиж амжилт

202.21.100.210ЮУНЫХ НЬ САЙХАН БАЙХАВ   • 2 сарын 9. 9 цаг 02 минут

ГАШУУН БАЙНА. ИЙМ АМЬДРАЛ БҮҮ БАЙГ. ЗОХИОЛ БАЙСАН НЬ ЯАМАЙ ДАА

Шинэ мэдээ

195 сая төгрөгөөр тавьсан замыг 3 хоногийн дараа нураажээ9 цаг 57 минутын өмнөСингапурын тэрбумтан Kим Лим монголчуудад туслахаар ирнэ10 сар 20. 14:20БНХАУ-ын хоёр генералыг намын гишүүнчлэлээс хаслаа10 сар 20. 14:20Поп дива П.Алтанцэцэг “Чинийхээ хайранд жаргая” шинэ синглээ танилцууллаа10 сар 20. 14:00Хүүхдэд гар хүрэх нь зөв үү?10 сар 20. 13:50ХБНГУ-ын Батлан хамгаалахын сайд айлчилж байна10 сар 20. 13:40Чингис хаан Чанчунь бомботой уулзсаны түүхт ой10 сар 20. 13:30Архивын лавлагааг онлайнаар авах боломжтой боллоо10 сар 20. 13:20НӨАТ-ын ээлжит сугалааны тохирол маргааш болно10 сар 20. 13:10Хулгайд алдагдсан бурханаа 300 сая төгрөгөөр үнэлжээ10 сар 20. 13:00Ерөнхийлөгч Х.Баттулга АСЕМ-ын зочид, төлөөлөгчидтэй дурсгалын зураг татууллаа10 сар 20. 12:50Сэрэмжлүүлэг: Согтуурсан үедээ ээж болон хойд эцгээ хутгалжээ10 сар 20. 12:40Дуучин Нара “Хөвсгөр” бүсгүй болжээ10 сар 20. 12:30Видео: Ирэх сарын 1-нээс мөрдөгдөх замын хөдөлгөөний шинэчлэгдсэн дүрэм10 сар 20. 12:00Саарал ордны монодрама10 сар 20. 11:53Та ядраад байна уу? Тэгвэл ядаргаанаасаа хэрхэн ангижрах вэ?10 сар 20. 11:50Монгол эмчлэгддэггүй 38 өвчний тоо 26 болж буурсан10 сар 20. 11:40Нийтийн тээврийн үйлчилгээний хоёр чиглэлийн замналд өөрчлөлт орууллаа10 сар 20. 11:30Шүүхийн ажилтны ёс зүйн талаарх гомдлыг цахимаар гаргана10 сар 20. 11:10Цагдаагийн албан хаагч гэмт этгээдүүдийн халдлагад өртөж амиа алдаж, Армийн генерал Монгол Улсад айлчиллаа10 сар 20. 10:57Х.Баттулга: Далайн боомтуудаар дамжуулан худалдаа хийх боломж өсөн нэмэгдлээ10 сар 20. 10:50Танилц: "Эрдэнэс-Тавантолгой" ХК-ийн ТУЗ-ийн гишүүд сонгогдлоо10 сар 20. 10:40Г.Дөлбадрах, Б.Сонгууль: Үзэгч, сонсогчдынхоо сонорыг хайрын дуугаар мялаах болно10 сар 20. 10:40Баянзүрх дүүрэгт 8 авто замын ажил хийгдэж байна10 сар 20. 10:28Монгол Улсын Ерөнхий сайдын нэрэмжит тэтгэлэг олгоно10 сар 20. 10:25Улаанбаатар 9 хэм дулаан байна10 сар 20. 10:21Чөлөөт бөхийн ДАШТ маргааш эхэлнэ10 сар 19. 18:00IPChain холбоо анх удаа оюуны өмчийн биржийг танилцуулжээ10 сар 19. 18:00Дэлхийн хамгийн том нисгэгчгүй тээврийн нисэх онгоцыг Хятад амжилттай туршжээ10 сар 19. 17:55”BigBang”-ийн шинэ дуулиан: Синри найз бүсгүйтэй болжээ10 сар 19. 17:51
© 2008 - 2018 он. Зохиогчийн эрх хуулиар хамгаалагдсан.