2-р сарын 13
16 цаг 36 минут

Нийтийн тээврийн хэрэгслээр зорчигч та эдгээр дүрэм журмыг зөрчвөл хариуцлага хүлээнэ

Нийтийн тээврийн хэрэгслийг сонгон үйлчлүүлдэг зорчигч та хуулинд заагдсан дараах дүрэм журмуудыг мөрдөөгүй тохиолдолд хариуцлага хүлээх юм. Иймд иргэний үүргээ сайтар биелүүлж, хуулиа чанд мөрдөхийг сануулж байна. 

Нийслэлийн иргэдийн Төлөөлөгчдийн Хурлын 2015 оны 10 дугаар сарын 22-ны өдрийн 6/21 дугаар тогтоолын нэгдүгээр хавсралт:

3.1.7 Нийтийн тээврийн хэрэгслээр зорчих “Цахим төлбөрийн карт” захиалж аваагүй, картаа биедээ авч яваагүй, эсвэл хаяж үрэгдүүлсэн тохиолдолд энэхүү журмын дагуу захиалга өгч “Цахим төлбөрийн карт” авах хүртэл хугацаанд Авто тээврийн тухай хуулийн 11.2.6-д заасны дагуу тээвэрлэлтийн хөлсийг төлөх үүрэгтэй. 

7.7 Энэхүү журмын дагуу олгогдсон “Цахим төлбөрийн карт” ашиглаж нийтийн тээврийн хэрэгслээр үнэ төлбөргүй зорчиж буй сурагч, оюутан нийтийн тээврийн хэрэгслээр зорчихдоо оюутны үнэмлэхээ биедээ авч явах ба эрх бүхий этгээдийн шаардсанаар бичиг баримтаа шалгуулах үүрэгтэй. 

9.2 Журмын 3.1.2,  3.1.6,  7.7-д заасан үүргээ биелүүлээгүй, картаа бусдад дамжуулсан тохиолдолд тухайн сурагч, оюутанд олгосон картыг хураан авч, тухайн хичээлийн жилд дахин шинээр карт олгохгүй. 

Нийслэлийн иргэдийн Төлөөлөгчдийн Хурлын 2015 оны 10 дугаар сарын 22-ны өдрийн 6/21 дугаар тогтоолын хоёрдугаар хавсралт:

3.5 Энэхүү журмын дагуу олгогдсон “Цахим төлбөрийн карт” ашиглаж нийтийн тээврийн хэрэгслээр үнэ төлбөргүй зорчиж буй ахмад настан, хөгжлийн бэрхшээлтэй иргэн нийтийн тээврийн хэрэгслээр зорчихдоо иргэний үнэмлэх, хөгжлийн бэрхшээлтэй иргэний үнэмлэхээ биедээ авч явах ба эрх бүхий этгээдийн шаардсанаар бичиг баримтаа шалгуулах үүрэгтэй. 

7.1 “Цахим төлбөрийн карт”-ыг хуурамчаар үйлдсэн, бусдад дамжуулсан, хууль бусаар олгосон тохиолдолд хураан авч, буруутай этгээдийг хууль хяналтын байгууллагад шилжүүлнэ. 
 
2017 оны 05 дугаар сарын 11-ний өдөр батласан Монгол улсын Зөрчлийн тухай хууль:  

Зургадугаар бүлэг
Нийтийн ёс суртахуун, хүн амын эрүүл мэнд, эрүүл ахуйн журмын эсрэг зөрчил

6.1 дүгээр зүйл.Хог хаягдлын тухай хууль зөрчих
1.Хог хаягдлыг зориулалтын цэгээс бусад газарт хаясан бол учруулсан хохирол, нөхөн төлбөрийг гаргуулж хүнийг гучин нэгжтэй тэнцэх хэмжээний төгрөгөөр, хуулийн этгээдийг гурван зуун нэгжтэй тэнцэх хэмжээний төгрөгөөр торгоно.

6.3 дугаар зүйл.Тамхины хяналтын тухай хууль зөрчих
1.Утаат тамхи татахыг хориглосон газарт тамхи татсан, эсхүл татах боломж олгосон бол хүнийг тавин нэгжтэй тэнцэх хэмжээний төгрөгөөр, хуулийн этгээдийг таван зуун нэгжтэй тэнцэх хэмжээний төгрөгөөр торгоно.

6.5 дугаар зүйл.Архидан согтуурахтай тэмцэх тухай хууль зөрчих
 13.Зохих зөвшөөрөлгүйгээр, эсхүл зөвшөөрөлд зааснаас бусад газарт, эсхүл гар дээрээс согтууруулах ундаа худалдсан, эсхүл түүгээр үйлчилсэн бол зөрчил үйлдэхэд ашигласан эд зүйл, хэрэгсэл, хууль бусаар олсон хөрөнгө, орлогыг хурааж хүнийг тавин нэгжтэй тэнцэх хэмжээний төгрөгөөр, хуулийн этгээдийг таван зуун нэгжтэй тэнцэх хэмжээний төгрөгөөр торгоно.

6.17 дугаар зүйл.Эрүүл ахуйн тухай хууль зөрчих
9.Эрүүл ахуйн нөхцөл шаардлагыг хангуулахаар хуулиар хориглосон зүйлийг зөрчсөн бол учруулсан хохирол, нөхөн төлбөрийг гаргуулж хүнийг тавин нэгжтэй тэнцэх хэмжээний төгрөгөөр, хуулийн этгээдийг таван зуун нэгжтэй тэнцэх хэмжээний төгрөгөөр торгоно.

6.20 дугаар зүйл.Хүүхдийн эрхийг зөрчих
8.Хүүхдийг хөгжлийн бэрхшээлээс нь шалтгаалан ялгаварлан гадуурхсан нь эрүүгийн хариуцлага хүлээлгэхээргүй бол хүнийг гурван зуун нэгжтэй тэнцэх хэмжээний төгрөгөөр торгоно.
9.Хүүхдийн бие махбодод халдсан, эсхүл үл хайхарсан, эсхүл хүүхдийн дэргэд архидан согтуурсан, мансуурсан, хүчирхийлэл үйлдсэн нь эрүүгийн хариуцлага хүлээлгэхээргүй бол хүнийг гурван зуун нэгжтэй тэнцэх хэмжээний төгрөгөөр торгоно.

6.21 дүгээр зүйл.Гүтгэх
1.Хүний нэр төр, алдар хүнд, хуулийн этгээдийн ажил хэргийн нэр хүндийг гутаан доромжилсон худал мэдээллийг нийтэд дэлгэсэн, эсхүл мэдээллийн хэрэгсэл, нийтийн сүлжээгээр тараасан бол хүнийг хоёр мянган нэгжтэй тэнцэх хэмжээний төгрөгөөр, хуулийн этгээдийг хорин мянган нэгжтэй тэнцэх хэмжээний төгрөгөөр торгоно.

Наймдугаар бүлэг
Нийтийн өмч, өмчлөх эрхийн эсрэг зөрчил

8.6 дугаар зүйл. Хулгайлах
1.Бусдын эд хөрөнгийг хүч хэрэглэхгүйгээр, нууцаар, хууль бусаар авсан нь эрүүгийн хариуцлага хүлээлгэхээргүй бол хүнийг албадан сургалтад хамруулж долоо хоногоос гуч хоногийн хугацаагаар баривчлах шийтгэл оногдуулна.

8.7 дугаар зүйл.Хөрөнгө завших
1.Бусдын итгэмжлэн хариуцуулсан эд хөрөнгө, эд хөрөнгийн эрхийг завшсан нь эрүүгийн хариуцлага хүлээлгэхээргүй бол хүнийг таван зуун нэгжтэй тэнцэх хэмжээний төгрөгөөр торгох, эсхүл албадан сургалтад хамруулж долоо хоногоос гуч хоногийн хугацаагаар баривчлах шийтгэл оногдуулна.

8.8 дугаар зүйл.Эд хөрөнгө устгах, гэмтээх
1.Бусдын эд хөрөнгийг хууль бусаар устгасан, гэмтээсэн нь эрүүгийн хариуцлага хүлээлгэхээргүй бол хүнийг хоёр зуун нэгжтэй тэнцэх хэмжээний төгрөгөөр торгоно.
Арван дөрөвдүгээр бүлэг
Мэдээлэл, харилцаа холбоо, тээвэр, тээврийн хэрэгслийн ашиглалт, хөдөлгөөний аюулгүй байдлын журмын эсрэг зөрчил

14.1 дүгээр зүйл.Харилцаа холбооны тухай хууль зөрчих
2.Кабелийн шүүгээ, худаг, сувагчлал, шуудангийн хайрцагт хог хаясан, эсхүл бусад зүйлээр бохирдуулсан бол хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно.
6.Нийтийн эзэмшлийн газарт байрлуулсан харилцаа холбооны тоног төхөөрөмжийг эвдсэн, эсхүл гэмтээсэн бол учруулсан хохирол, нөхөн төлбөрийг гаргуулж хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно. 

14.6 дугаар зүйл.Автотээврийн тухай хууль зөрчих
1.Нийтийнтээврийн хэрэгслээр зорчихдоо зорчих тасалбар худалдан аваагүй бол хүнийг арван нэгжтэй тэнцэх хэмжээний төгрөгөөр торгоно.
2.Нийтийн тээврийн хэрэгслээр зорчихдоо:
2.1.бусдын амь нас, эрүүл мэндэд аюул, гэм хор учруулж болзошгүй эд зүйлийг авч явсан;
2.2.нийтийн тээврийн хэрэгслийн эд ангийг эвдсэн, эсхүл гэмтээсэн бол учруулсан хохирол, нөхөн төлбөрийг гаргуулж хүнийг хорин таван нэгжтэй тэнцэх хэмжээний төгрөгөөр торгоно.
3.Тээвэрлэгч нь ачаа, зорчигчийг тээвэрлэлтийн нөхцөл, техникийн шаардлага хангасан зориулалтын тээврийн хэрэгслээр тээвэрлээгүй бол хүнийг нэг зуун тавин нэгжтэй тэнцэх хэмжээний төгрөгөөр, хуулийн этгээдийг нэг мянга таван зуун нэгжтэй тэнцэх хэмжээний төгрөгөөр торгоно.
4.Автотээврийн хэрэгслийн өмчлөгч, эзэмшигч, жолооч:
4.1.автотээврийн хэрэгслийг гал түймрээс урьдчилан сэргийлэх;
4.2.замын хөдөлгөөний аюулгүй байдлыг хангах;
4.3.байгаль орчныг хамгаалах;
4.4.иргэдийн эрүүл мэнд, амгалан тайван байдлыг алдагдуулахгүй байх нөхцөлийг хангах;
4.5.зориулалтын, зөвшөөрөгдсөн байр, зогсоол, талбайд автотээврийн хэрэгслийг тавих үүргээ биелүүлээгүй бол хүнийг арван нэгжтэй тэнцэх хэмжээний төгрөгөөр торгоно.
5.Техникийн хяналтад ороогүй автотээврийн хэрэгслийг замын хөдөлгөөнд оролцуулсан бол хүнийг хорин нэгжтэй тэнцэх хэмжээний төгрөгөөр, хуулийн этгээдийг хоёр зуун нэгжтэй тэнцэх хэмжээний төгрөгөөр торгоно.
6.Согтууруулах ундаа, мансууруулах эм, сэтгэцэд нөлөөт бодис хэрэглэсэн жолоочийг замд гарах зөвшөөрөл олгосон бол хүнийг гурван зуун нэгжтэй тэнцэх хэмжээний төгрөгөөр торгоно.
7.Чиглэлийн тээврийн хэрэгслийн чиглэл, замналын зогсоолыг зөвшөөрөлгүйгээр шинээр тогтоосон, эсхүл өөрчилсөн бол хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно.
8.Хуульд заасан тусгай зөвшөөрөлгүйгээр автотээврийн хэрэгсэлд техникийн хяналтын үзлэг хийсэн, дугаар үйлдвэрлэсэн бол хууль бусаар олсон хөрөнгө, орлогыг хурааж хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно.
9.Хуульд заасны дагуу эрх бүхий байгууллагаас гаргасан нийтээр дагаж мөрдөх дүрэм, журам зөрчсөн бол учруулсан хохирол, нөхөн төлбөрийг гаргуулж хүнийг хорин таван нэгжтэй тэнцэх хэмжээний төгрөгөөр, хуулийн этгээдийг хоёр зуун тавин нэгжтэй тэнцэх хэмжээний төгрөгөөр торгоно.
10.Хуульд заасан үүргээ:
10.1.тээвэрлэгч;
10.2.тээвэрлүүлэгч;
10.3.зорчигч биелүүлээгүй бол учруулсан хохирол, нөхөн төлбөрийг гаргуулж хүнийг арван таван нэгжтэй тэнцэх хэмжээний төгрөгөөр, хуулийн этгээдийг нэг зуун тавин нэгжтэй тэнцэх хэмжээний төгрөгөөр торгоно.
11.Техникийн хяналтын үзлэг хийх тусгай зөвшөөрөл эзэмшигч нь хуульд заасан нөхцөл, шаардлагыг хангаагүй бол учруулсан хохирол, нөхөн төлбөрийг гаргуулж хүнийг гучин нэгжтэй тэнцэх хэмжээний төгрөгөөр, хуулийн этгээдийг гурван зуун нэгжтэй тэнцэх хэмжээний төгрөгөөр торгоно.
12.Тээвэрлэлтийн гэрээгүй нийтийн зорчигч тээврийн үйлчилгээ эрхэлсэн бол хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно.
13.Авто үйлчилгээний байгууллага нь хуульд заасан шаардлагыг хангаагүй бол хүнийг тавин нэгжтэй тэнцэх хэмжээний төгрөгөөр, хуулийн этгээдийг таван зуун нэгжтэй тэнцэх хэмжээний төгрөгөөр торгоно.

14.7 дугаар зүйл.Замын хөдөлгөөний аюулгүй байдлын тухай хууль зөрчих
22.Тээврийн хэрэгсэл жолоодох үед хөдөлгөөнт утас хэрэглэсэн бол жолоочийг хорин нэгжтэй тэнцэх хэмжээний төгрөгөөр торгоно.
29.3амын хөдөлгөөний дүрэмд заасныг зөрчин:
29.1.тээврийн хэрэгслээр замын зорчих хэсгийн гадна талаар, явган хүний зам, хөвөөгөөр явсан;
29.2.цуваанд яваа тээврийн хэрэгслүүдийн, эсхүл жагсаалаар яваа хүмүүсийн дундуур нэвтрэн гарсан, эсхүл тэдний хооронд байр эзэлсэн;
29.3.тээврийн хэрэгсэл байрлан явах журам зөрчсөн бол хүнийг хорин нэгжтэй тэнцэх хэмжээний төгрөгөөр торгоно.

Арван тавдугаар бүлэг
Төрийн байгууллагын хэвийн үйл ажиллагааны эсрэг зөрчил

15.10 дугаар зүйл.Гэмт хэргийг үл мэдээлэх
1.Санаатай хүнд гэмт хэргийг үйлдэхээр бэлтгэж байгаа, эсхүл үйлдсэнийг лавтай мэдсэн атлаа эрх бүхий байгууллага, албан тушаалтанд мэдээлээгүй бол хүнийг таван зуун нэгжтэй тэнцэх хэмжээний төгрөгөөр, хуулийн этгээдийг таван мянган нэгжтэй тэнцэх хэмжээний төгрөгөөр торгоно.
Эх сурвалж: CBC.MN
1
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

1 сэтгэгдэлСэтгэгдэл бичих

202.9.40.72Зочин   • 2 сарын 13. 22 цаг 27 минут

haha jinhene shaana biz ene lalriin ornii huuli gej haashaa harsan lalar baidag yum.neg l ih sur badruulsan surtei surtei yum yarina yas yum ni deer tag hudlaa shaadag baatruud.bus-n joloochnar ni tamhia baagiulchihsan uher moroi unaad maliinhaa belcheer deer yavj baigaa yum shig l yavtsgaaj baidag shd ene elgiin lalriin uls shuu orontsogiin orniihon haha zugeer hooson hudlaa bitgii shaaj bai za

Шинэ мэдээ

Киргизстанаас 3 алтан медаль хүртлээ7 минут 9 секундын өмнөЭэжээ юм хайрла11 минут 58 секундын өмнөО.Эскандон Кинг Төгсөөгийн цохилтыг гурван үе тэслээ20 минут 49 секундын өмнөNBA Live: Рокитс - Уорриорс 6 дахь тоглолт1 цаг 21 минутын өмнөТэтгэвэрт гарсан Дэд хурандаа албаны нэр барьж ёс бус аашилжээ2 цаг 41 минутын өмнөХарьд одогсод / 70-80 оныхонд зориулав/7 цаг 35 минутын өмнөБид та бүхэндээ АНУ-д суралцах боломжуудыг танилцуулж байна5 сар 26. 17:58С-500 цогцолборыг амжилттай туршжээ5 сар 26. 15:00Цөмийн туршилтын талбайг хаах ёслолын бичлэгийг эндээс үзнэ үү5 сар 26. 14:55Амьдралд сургамж болохуйц алдартнуудын замнал5 сар 26. 14:502018 оны Хөлбөмбөгийн ДАШТ-ий сүлд дуутай танилц!5 сар 26. 14:45Хэрвээ та эрхий хуруугаа үлээвэл, таны биед ямар нөлөө үзүүлэх вэ5 сар 26. 14:40ОХУ-ын зэвсэглэлд бас нэгэн том хүч нэмэгдлээ5 сар 26. 14:355G технологийг нэвтрүүлэх гэрээ байгуулжээ5 сар 26. 14:30Үсэндээ хэзээ ч хийж болохгүй 8 зүйл5 сар 26. 14:25Ши Зиньпин ХБНГУ-ын канцлер Ангела Меркельтэй уулзлаа5 сар 26. 14:20Дээд хэмжээний уулзалтад зориулагдсан дурсгалын зоосуудыг хямдралтай үнээр худалдаж байна5 сар 26. 14:15Хүнсний бүтээгдэхүүний хаягдлаар 5000 хүнийг хоолложээ5 сар 26. 14:10Хүнсний ногоог түүхийгээр идэх нь ямар сайн талтай вэ5 сар 26. 14:05Ажиглалт, хяналтаа үргэлжлүүлнэ5 сар 26. 14:00Америкт эцэг эхээрээ тэжээлгэх сонирхолтой залуусын тоо өсчээ5 сар 26. 13:55Жүжичгин А.Туяа нүцгэлжэ "Д" витаминаа авч эхлэв5 сар 26. 13:50Морган Фриман найман эмэгтэйд бэлгийн дарамт үзүүлснээ хүлээжээ5 сар 26. 13:45Меган Маркл хатан хааны гэр бүлийн ёс зүйд суралцана5 сар 26. 13:45Ариана Гранде амиа алдсан фэнүүддээ зориулан шивээс хийлгэжээ5 сар 26. 13:40Номын баяр хоёр дахь өдрөө үргэлжилж байна5 сар 26. 13:35“Завгүй ээжийн өдрийн тэмдэглэл” влогийн ээлжит дугаар цацагдаж эхэллээ5 сар 26. 13:32Жүжигчин Тэмка Австралид аялж явна5 сар 26. 13:30Жирэмсэн үеийн хооллолт, нэмэлт тэжээлийн хэрэглээ5 сар 26. 13:27"Hero" Баатар, Ундрал нарын хүү том болжээ5 сар 26. 13:25
© 2008 - 2018 он. Зохиогчийн эрх хуулиар хамгаалагдсан.