4-р сарын 10
11 цаг 20 минут

Хөгжлийн амбици

Монгол хүн бүхэнд өөрийн гэсэн мөрөөдөл бий. Харин тэрхүү мөрөөдлийн нийтлэгийг монгол мөрөөдөл гэж тодорхойлж болох юм. Үнэндээ бид хэдэн жил "хонгилын үзүүрт гэрэл харагдаж байна" гэж дороо холхиж, доошоо суух билээ. Чухам тиймээс л өмнөх парламентын үед 2016 онд тухайн үеийн УИХ-д суудалтай бүх намууд ойлголцож зөвшилцсөний эцэст  "Монгол улсын тогтвортой хөгжлийн үзэл баримтлал-2030" хэмээх хөгжлийн бодлоготой болсон.

Монгол үндэстэний хөгжлийн амбици гэж нэрлэж болох энэ бодлогыг хэрэгжүүлснээр хүрч болох үр дүнгээ тооцож гаргасан. Нэг ёсондоо хөгжлийн барианд ямар хурдтай, ямар амжилттай орохоо тооцсон гэсэн үг.

Шилжилтийн гэх он жилүүд хямралын гэх нэршилээр солигдож, энэ тоолонд хүмүүсийн ирээдүйдээ итгэх урам зориг унтарч, ир нь мохож ирсэнийг нуух юун. Харин одоо энэ итгэлийг өнөөгийн эрх баригчид асаах цаг нэгэнт болсон. Эс бөгөөс дараагийн сонгуулийн сорилт, сонгогчдын сонголт тэднийг улс төрийн тавцангаас хуугаар нь буулгаж мэднэ.         

Тэгвэл бидний монгол мөрөөдлийг хэрэгжүүлэх амин сүнс болсон "Тогтвортой хөгжлийн үзэл баримтлал-2030"-д чухам ямар зорилтууд туссан бэ гэдгийг эргэж нэг санацгаая. 

Мөнөөх бодлогын оршил хэсэгт "Монгол Улс 2030 онд нэг хүнд ногдох орлогоороо дунд орлоготой орнуудын тэргүүлэх эгнээнд хүрсэн, тогтвортой өсч байгаа эдийн засгийн олон салбартай, нийгмийн хүрээнд дундаж болон чинээлэг дундаж давхарга давамгайлсан, экологийн тэнцвэртэй байдлыг хадгалсан, тогтвортой ардчилсан засаглалтай улс болно" хэмээжээ.

Үүнийг илүү тодруулбал "Тогтвортой хөгжлийн үзэл баримтлалыг хэрэгжүүлснээр Монгол Улс 2030 онд нэг хүнд ногдох үндэсний нийт орлого 17500 америк долларт хүрч, нэг хүнд ногдох орлогоороо дунд орлоготой орнуудын тэргүүлэх эгнээнд хүрнэ" гэсэн байх юм. Бас түүний тулд 2016-2030 онд эдийн засгийн жилийн дундаж өсөлт 6.6 хувиас доошгүй байна гэжээ.

Ямартай ч хасах руу уруудаж байсан эдийн засаг өнгөрсөн онд 5,3 хувиар өсөж өеөдсөн хөгжил өндийж эхэллээ. Хэрвээ энэ эрчээ хадгалж, бас илүү жаахан хурд нэмээд өгчихвөл 2030 онд ядуурлын бүх төрлийг эцэс болгон, орлогын тэгш бус байдлыг багасгаж, нийт хүн амын 80 хувь нь дундаж болон чинээлэг дундаж давхаргын ангилалд багтсан байна гэсэн том амбици бодит биелэлээ олох учиртай.

Хөгжсөн орнуудад л хүний наслалт өндөр байдаг. Хэрэв бид нэгэнт сонгосон, бас яаж хүрэхээ тодорхойлсон хөгжлийн замаасаа гажихгүй бол монгол хүний эрүүл, урт удаан амьдрах нөхцөлийг бүрэн хангаж, дундаж наслалтыг 78-д хүргэх боломж ойрхон байгаа. Түүгээр ч зогсохгүй бизнес эрхлэлтийн үзүүлэлтээр дэлхийн эхний 40, өрсөлдөх чадварын үзүүлэлтээр эхний 70 орны нэг болно гэсэн зорилтоо биелүүлэхэд тийм ч хол биш. 

 Ямар ч хүнд сайн бас муу чанар байдаг шиг ямар ч Засгийн газарт зөв бодлого, бас алдаатай шийдвэр бий. Харин энэ бүхэнд авах гээхийн ухаанаар хандаж зөв сайн бодлогыг нь улс төржин гацаалгүй залгамжилж, харин алдааг нь газар авахуулалгүй даруйхан засаж залж явах нь монгол төрийн жолоог атгаж буй хэн бүхний чиг үүрэг нь.

2009 онд батлагдсан "Шинэ бүтээн байгуулалт" дунд хугацааны зорилтот хөтөлбөрөөс 100 мянган айлын орон сууц барих, бүх аймгийн төвийг нийслэлтэй засмал замаар холбох зорилт өнгөрсөн 10 жилийн дотор үндсэндээ хэрэгжсэн. Хэрэв энэ зорилт хэрэгжээгүй бол гамшиг болсон Улаанбаатарын утаа өнөөгийн түвшнээс ч илүү аймшигтай нөхцөлд хүрэх байсан биз. Хот хөдөөг хар замаар холбож, хөдөөгийн сумдад гэрэл цахилгаан оруулаагүй бол олон аймаг сум ор хоосортлоо эзгүйрэх байсан ч байж магад.

Уг нь тэрхүү хөтөлбөрийг улам сайн хэрэгжүүлж, бүсийн 8 тулгуур төвөө хөгжүүлсэн шиг хөгжүүлчихсэн бол өнөөдөр бид энд хотын утаа түгжрэлд уур уцаараа барж, хөдөөнөөс шилжин ирэгсэдийг нүд үзүүрлэн, хөмсөг зангидан суухгүй л байх байлаа.

Юутай ч одоо бидэнд хөгжилд хүрэх газрын зураг болсон "Тогтвортой хөгжлийн үзэл баримтлал-2030" гэсэн монгол амбици байна. Энэ бол нэг ёсондоо хэрхэн хөгжих вэ, түүний тулд юу хийх ёстой вэ гэсэн хуульчлагдсан баримт бичиг.

Энэ зарчим, энэ замаасаа хазайхгүй байж чадвал, ямар ч Засгийн газар гарсан Үйл ажиллагааны хөтөлбөрөө боловсруулахдаа үүнийг суурь дэвсгэрээ болгож хэвшвэл, бас хэрэгжүүлээд явчихвал монгол мөрөөдөл биелэх цаг мөдгүй.

Хүний нутгийн хөгжлийн галт тэргэнд гар өргөн сууна гэж дэмий мөрөөдөж суухаар уяан дээр үүрсэх гуурст хүлгээ давиран өөдөө жигүүр дэлгэн тэмүүлэх цаг өнөөдөр биш гэвэл чухам хэзээ гэж.

Монгол хүний бүрийн хүсэл сэтгэлд цалгин давлах хөгжлийн амбици гэвэл энэ л байна.           

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Эрүүл шүд-Эрүүл хүүхэд хөтөлбөрт 57838 хүүхэд хамрагдаад байна3 цаг 15 минутын өмнөМаргааш зургаан дүүрэгт цахилгаан хязгаарлана7 сар 17. 17:00Ким Жон Унд хуягласан хоёр “Мерседес” автомашин худалдан авчээ7 сар 17. 16:55Бразилийн цагдаа нар хуурамч Ferrari, Lamborghini-ийн үйлдвэрийг хаалаа7 сар 17. 16:50Өөрийгөө хөгжүүлэхэд тань туслах “МОНГОЛ ПОДКАСТУУД“7 сар 17. 16:45Үндсэн хуульд оруулах нэмэлт, өөрчлөлтийн төслийг хоёр, гурав дахь хэлэлцүүлэгт бэлтгэх үүрэг бүхий Ажлын хэсэг хуралдлаа7 сар 17. 16:40ОХУ: Ус таслах үеэр халуун усны газруудыг үнэ төлбөргүй болгох санал гаргажээ7 сар 17. 16:40НЭМҮТ: “Тэмбүүг устгая” аян үргэлжилж байна7 сар 17. 16:37Та биднийг хэзээ нэг цагт алж болох киноны 10н буруу ойлголт7 сар 17. 16:30ОХУ: “Түргэний машин”-д саад болвол жолооны эрхийг хасна7 сар 17. 16:25Сошиал од Молдир Мекенбаева маргааш Монголд ирнэ7 сар 17. 16:20К.Кардашиан, К.Вест нар хүүхдүүдээ танилцуулав7 сар 17. 16:15Тоть шувуу бол төрмөл авьяастай амьтан...7 сар 17. 16:10Автомашины хачирхалтай ослууд7 сар 17. 16:05Эко дүүрэгт хаман хот тарвасны хүлэмж бэлэглэлээ7 сар 17. 16:02Хамгийн тачаангуй цусны бүлгийг тогтоожээ7 сар 17. 16:00Израиль: 9000 жилийн настай эртний хотын туурь олджээ7 сар 17. 15:55Шүүхийн шинжилгээний үндэсний хүрээлэнгийн албан хаагчид нийгмийн хариуцлагын хүрээнд “Халуун сэтгэл” хандивын аяныг зохион байгууллаа7 сар 17. 15:52Сэлэнгэ аймгийн долоон газар нутагт түймэр гарчээ7 сар 17. 15:50ТАНИЛЦ: Гадаадад тэтгэлэгт хөтөлбөрөөр суралцах шинэчилсэн мэдээлэл7 сар 17. 15:40“Төв номын сан” гурван сая гаруй номтой7 сар 17. 15:30Улс орны харах нүд, сонсох чих болсон “Эрүүгийн цагдаагийн алба“-ны 85 жилийн ой тохиож байна7 сар 17. 15:26Европын хамгийн том алмаз Архангельск мужаас олджээ7 сар 17. 15:25Лорд Кейнс ОУВС-д зочилсон нь7 сар 17. 15:20Урсула фон дер Ляйен Евро комиссын тэргүүнээр сонгогдлоо7 сар 17. 15:10"Эмээлт" зах дээр хонины нэхий үнэгүй, өлөн 2700 төгрөгийн үнэтэй байна7 сар 17. 15:05Гоо сайхны мэс засал аминд нь хүрчээ7 сар 17. 15:00Япончуудын хооллох соёлтой холбоотой 15 зөвлөмж7 сар 17. 14:50Кристин Лагард Олон улсын валютын сангийн захирлын суудлаа өгөх хүсэлт гаргажээ7 сар 17. 14:45“Google”-ийг Хятадтай холбоотой эсэхийг шалгана7 сар 17. 14:40
© 2008 - 2019 он. Зохиогчийн эрх хуулиар хамгаалагдсан.