5-р сарын 16
15 цаг 10 минут

Өндөр үнэтэй “НӨӨЦИЙН ЯС”-ыг тоож авах хүн алга

“Боса”-гийн салбарт өдөрт дөрвөн кг хонины мах зарагдаж байна

Нөөцийн мах бэлтгэн жил бүр худалдаанд гаргадаг. Хаврын цагт үнэ нь тэнгэрт хаддаг махны үнийг тогтоон барьж, иргэдэд боломжийн үнэтэй мах санал болгох нь энэ ажлын гол зорилго. Энэ жил дөрөвдүгээр сарын 10-наас эхлэн худалдахаар болсныг сүр дуулиантай мэдээлсэн билээ. 11 аж ахуйн нэгжээр 13 мянган тонн мах бэлтгүүлж, 140 гаруй цэгээр борлуулахаар болсон юм. Үүнээс хойш хоёр долоо хоног өнгөрчээ. Өнгөрсөн хагас сарын хугацаанд нөөцийн махны борлуулалт, хэрэглэгчдийн санал, хүсэлт болон махны үнэ ханш ямар байгааг сурвалжиллаа. Гэвч эрэл маань эхнээсээ л мухардалд орчихов. Томоохон сүлжээ дэлгүүрүүдийн ихэнхийг нь гүйцээсэн боловч нөөцийн махны барааг харж чадсангүй. “Манайд ирээгүй, хэзээ ирэхийг мэдэхгүй, энэ талаар мэдээлэл алга” гэсэн хариулт л сонсоно. Сүлжээ дэлгүүрүүдээс зөвхөн “Боса” худалдааны төвийн 11 салбарт энэ сарын 10-наас хойш нөөцийн мах худалдаалж байгаа аж. “Монголын махны холбоо”-ноос түгээлт муу байгаа шалтгааныг лавлатал нөөцийн махыг савлах уут хэвлэхэд техникийн саатал гарсан гэх бүтэлгүй хариу өглөө. Уг нь нөөцийн мах бэлтгэх ажлыг өмнөх жилийн намраас эхлэн бэлтгэлээ базааж эхэлдэг. Гэвч уут мэтийн жижиг асуудлаас болоод өнөөг хүртэл хэрэглэгчдийн гар дээр хүрч чадсангүй. “Маргаашнаас /өнөөдрөөс/ “Миний сүлжээ” болон бусад дэлгүүрт хэвийн нийлүүлнэ” хэмээн “Монголын махны холбоо”-ны менежер И.Баттогтох тайлбарлав. Цааш нь бид нөөцийн мах борлуулж буй “Боса” сүлжээ дэлгүүрийн Эх нялхас дахь салбараар орлоо. Эднийд хагас сарын өмнө нийт 224 кг мах иржээ. Үхрийн мах 95 кг ирээд бүгд дууссан бол хонь, ямааны махны эрэлт муу учир өдөрт дөрвөн кг-аас хэтрэхгүйг борлуулж байгаа аж.

Ер нь хонь, ямааны махнаас илүү үхрийн мах нь эрэлттэй байдаг гэж салбарын худалдагч хэлсэн юм. Үнийн хувьд үхрийн мах 5500, хонь 5300, ямааных 4400 төгрөгөөр зарагдаж байв. Мах худалдан авахаар сонирхож буй иргэдээс сэтгэгдлийг нь сонирлоо. Чингэлтэй дүүргийн 19 дүгээр хорооны иргэн С.Дуламжав “Нөөцийн махыг хэдэн жилийн өмнө хэрэглэж байсан. Одоо махны үнэ ханш өндөр үед хэрэглэмээр байна. Гэхдээ хаагуур зарагдаж байгааг нь сайн мэдэхгүй юм. Олдохгүй байгаа сурагтай” хэмээн ярилаа. Харин Чингэлтэй дүүргийн 3 дугаар хорооны иргэн “Нөөцийн мах өнгөрсөн жил хэрэглэсэн. Ясны үйрмэг ихтэй болохоор хүүхэд идэх боломжгүй юм билээ. Бас хэтэрхий их ястай. Нөөцийн мах гэхээсээ илүү нөөцийн яс гэмээр л санагдсан. Ясыг нь чанаж, шөл гаргаад хоол хийвэл зүгээр юм уу даа. Тийм махыг таван мянга гаруй төгрөгөөр авч байснаас мянган төгрөг нэмээд зөөлөн шинэ мах авсан нь дээр шүү дээ” гэсэн юм. Үнэхээр түүний хэлсэнчлэн нөөцийн махны үнэ зах болон бусад дэлгүүрт зарагдаж буй шинэ махтай өрсөлдөж чадахгүй нь илт байв. Тухайлбал, “Хүчит шонхор” зах дээр хонины гулууз мах кг нь дөрвөн мянга гаруй төгрөгөөр зарагдаж байна. Харин жижиглэнгийн мах чанараасаа хамаараад 5-6 мянган төгрөгийн үнэтэй. Түүнчлэн 16 дугаар хорооллын “Саруул тэнгэр” цогцолборт байрлах хүнсний дэлгүүрт хонины шинэ мах 4900, үхэр 6500, ямаа 3900 төгрөгийн үнэтэй байх жишээтэй. Баянзүрх захын тухайд үхрийн мах 7500, хонь 6500 буюу харьцангуй өндөр үнэтэй байна. Гэхдээ бусад жижиг дэлгүүрийн үнийг сонирхоход ихэнх нь нөөцийн махтай ижил үнэтэй, зарим тохиолдолд илүү хямд ч байв. Дэлгүүр, захуудад шинэ мах ийм үнэтэй байхад зооринд хагас жил шахам дарагдсан яс ихтэй нөөцийн махыг авах хүн хэр олдох бол. “Хүчит шонхор” захын махны худалдагч нэгэн эмэгтэй “Нөөцийн махны үнийг зах зээлийн үнээс доогуур тогтоож чадахгүй байгаа. Энд зарагддаг мах таван мянга гаруй төгрөг л байна. Гэтэл нөөцийн мах шинэ махны үнэтэй адил байхад хэн авах вэ дээ” гэв.


Нөөцийн мах шинэ махны үнэтэй адил байхад хэн авах вэ

Нөөцийн мах нийлүүлэх гэрээтэй дэлгүүрүүдрүү утсаар холбогдож, зарим зүйлийг тодруулав. Сүхбаатар дүүргийн 5 дугаар хорооны “мөнгөн ундраа” дэлгүүрийн худалдагч “Манай дэлгүүртэй гэрээ хийгээд нөөцийн мах нийлүүлж байгаа. гэхдээ гэрээний дагуу хугацаандаа хэвийн хэмжээгээр тогтмол өгдөггүй нь хүндрэлтэй байна. Учрыг нь асуухаар олон шалтгаан тоочдог” гэв. Мөн 7-н буудлын ойролцоох “Отгонбайгал” дэлгүүррүү утсаар холбогдоход, “Нөөцийн мах 40 кг ирсэн. Борлуулалт муу байна. худалдах үнэ нь энэ хавьд өндөрт тооцогдоно. Манай энэ хавьд мах дөрвөн мянга гаруй төгрөгийн л үнэтэй байгаа шүү дээ. Тиймээс ийм үнэтэй нөөцийн мах авах хүн алга” хэмээн худалдагч нь ярилаа. Ер нь нөөцийн махны чанар муу, яс ихтэй, хэтэрхий үнэтэй байна гэх шүүмжлэл жилийн жилд оволздог. Гэсэн ч яамны нөхөд энэ жил ч өмнөх алдаагаа давтаж буй бололтой. Нэгэнт хүн тоож авахааргүй мах бэлтгэхийн төлөө улсын төсвөөс өчнөөн тэрбумаар нь үрэх шаардлага байхгүй байна.

"ЗАСГИЙН ГАЗРЫН МЭДЭЭ" СОНИН

6
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

6 сэтгэгдэлСэтгэгдэл бичих

122.201.22.253Зочин   • 5 сарын 17. 3 цаг 39 минут

Mal, mah unetei bolhoor uhen hatan avtsgaadag baij... manaihan sonin humuus shuu. Harin nuutsiin mah belddeg tuldaa mahnii uniig bariad bgaa yum shuudee.

202.179.27.73Зочин   • 5 сарын 16. 20 цаг 40 минут

нөөцийн мах гэж нэг луйвар шүү дээ

202.179.27.87ИРГЭН   • 5 сарын 16. 17 цаг 53 минут

МАН-ЫН МАХНЫ ЧЕНЖҮҮДИЙН ТӨРӨӨС ХУЛГАЙ ХИЙДЭГ ШИЛДЭГ АРГА ЗАЛЬ.ЗАСАГ ТӨР ГЭЖ БАЙДАГ БОЛ ЭНЭ МЭТИЙН ИЛТ ХУЛГАЙ ХИЙЖ БАЙГАА ХУЛГАЙЧУУДАА ОЛЖ ИЛРҮҮЛЭХ УХААН ХҮЧ БАЙМААР ЮМ ДАА. АРД ТҮМЭН ТЭНЭГ БИШ.

121.163.78.70Зочин   • 5 сарын 16. 17 цаг 46 минут

ЗӨВ ард бид .бүгд шаардаж хэлэх газар нь хэлэх хэрэгтэй эс бөгөөс ирэх хавар ахиад л үнэтэй махаа авна шүү ..Энэ цөөн тооны зальт этгээдийн ашиг хонжоо олох арга нь босон байна.Үүнийг зогсоогооё ......

121.163.78.70Зочин   • 5 сарын 16. 17 цаг 38 минут

ӨВӨЛ--ХОНЬ..2600-----3000 ҮХЭР...2800 ----3200.....ҮНЭТЭЙ БАЙСАН...ОДОО ХАВАР ЯАГААД ИЙМ ӨНДӨР ҮНЭТЭЙ БОЛДОГЮМ БЭ....ӨВӨЛ ҮНЭ ХЯМД НЬ НӨӨЦӨЛЖ АВААД ОДОО ЗАРАХ ЁСТОЙ БИШҮҮ.?ШАЛГАХ ХЭРЭГТЭЙ ЭНЭ ГЭМТ ХЭРЭГ МӨН.!!!!!!!!

121.163.78.70Үнэнг   • 5 сарын 16. 17 цаг 25 минут

Хөөе нөхөд дарга нар минь ээ ..наад нөөцийн чинь яагаад ийм өндөр үнэтэй байгаа юм бэ .Ард түмнээ хямд махаар хангаж эх орон ард түмнийхээ төлөө ажил хийж байна уу ....аль эсвэл хэн нэгэн этгээдтэй хуйвалдан мөнгө олох..хожих ажил хийж байгаа юмуу....Энэ үнийг хэн гэдэг дарга тогтоов олоод олон нийтэд зарлаад өгөх..өндрийг нь авхуулаад өгөх сэтгүүлч байна уу .энэ бүхнийг сурвалжлаад өгөөч энэ нөөц мах худалдаалах чинь танил талтай хүний ашиг олох хэрэгсэл болж түүнээс ард түмэнд буян болох асуудал биш болжээ.Үүнийг Хүрэлсүх сайдын чихэнд дуулга

Шинэ мэдээ

Эрдоган: Жамаль Хашоггигийн амийг хөнөөсөн хэргийн "нүцгэн үнэн"-ийг ил болгоно5 минут 52 секундын өмнөГерман улс АНУ-ын шийдвэрийг хатуу шүүмжилжээ10 минут 52 секундын өмнөБаянзүрх дүүрэгт “ХҮҮХЭД ХАМГААЛАГЧ“ тѳслийг эхлүүллээ15 минут 52 секундын өмнөД.Соёлчхүү: "Том" ажлуудын сүүдэрт жижиг асуудлууд орхигдоод байна20 минут 52 секундын өмнөӨнөөдөр С.Батцэцэг тэргүүтэй 4 бөх барилдана25 минут 52 секундын өмнө2018 оны дэлхийн хамгийн үзэсгэлэнтэй 10 эмэгтэй30 минут 52 секундын өмнөДэлхийн хамгийн урт далай дамнасан гүүр өнөөдөр нээлтээ хийнэ35 минут 52 секундын өмнө"Хулгайчийг барихын үлгэр" буюу 195 саяын зам40 минут 52 секундын өмнөМ.Сономпил “Залуу Монгол”-ынхоо дансаар 264 сая төгрөгийн хахууль авчээ50 минут 52 секундын өмнөПутины мэдэгдэлтэй танилцахыг Горбачев Трампт уриалав55 минут 52 секундын өмнөУИХ-ын гишүүн Ж.Энхбаяр Хотын даргад хууль бус газрын зөвшөөрлийг цуцлах шаардлага хүргүүллээ1 цаг 1 минутын өмнөБ.Шоовдор хүрэл медалийн төлөө барилдана1 цаг 1 минутын өмнөОюутолгойд тавьж буй олон шаардлага биелбэл төр, засаг Монголынхоо төлөө ажиллаж буй нь харагдана1 цаг 6 минутын өмнөБ.Бямбадорж, Ө.Батзул нар хүрэл медаль хүртэх эсэхээ шийднэ1 цаг 11 минутын өмнөНийслэлийн Засаг дарга бөгөөд Улаанбаатар хотын захирагч С.Батболд Бээжин хотод ажиллаж байна1 цаг 16 минутын өмнөӨсвөр насны 20 хүүхдийг хугацаанаас нь өмнө суллалаа1 цаг 21 минутын өмнө“Halloween” кино нээлтээ хийсэн даруйдаа шилдэг кинонуудын жагсаалтыг тэргүүлжээ1 цаг 26 минутын өмнөНогоон гэрлийн асах цагийг уртасгах боломж байна уу1 цаг 31 минутын өмнөБайнгын хороод хуралдана1 цаг 36 минутын өмнө“Заан залуудай” комикс Өвөр Монголд хэвлэгдэн гарлаа1 цаг 41 минутын өмнөЛ.Төртогтоход Дэлхийн медаль ойрхон байлаа1 цаг 46 минутын өмнө23 байршилд газар эзэмших эрхийн ДУУДЛАГА ХУДАЛДАА зарлалаа1 цаг 56 минутын өмнөДОХ-ын нийт 266 тохиолдол бүртгэгджээ2 цаг 6 минутын өмнөЭ.Бөхбат: 227 цэцэрлэгийн 10 мянга гаруй эцэг, эх “Kinder police”-д оролцоно2 цаг 16 минутын өмнөТөрсөн эгчийгээ шатааж хөнөөсөн залуугийн хэргийг шүүхэд шилжүүллээ2 цаг 26 минутын өмнөСурвалжлага: Налайхын нүүрс эрэлттэй бас үнэтэй байна2 цаг 36 минутын өмнөЖэксонвиль хотод зэвсэглэсэн этгээд олон хүнийг шархдуулжээ2 цаг 41 минутын өмнөГ.Янжинлхам: Үхэл амьдралын зааг дээр байгаа ч би амьдрахыг хүсч байна2 цаг 46 минутын өмнөӨнөөдөр болох үйл явдлууд2 цаг 51 минутын өмнөМашин үйлдвэрлэлээ мануфактур маягаар эхэлвэл стандарт хаана вэ2 цаг 56 минутын өмнө
© 2008 - 2018 он. Зохиогчийн эрх хуулиар хамгаалагдсан.