2018 оны 5-р сарын 30
14 цаг 51 минут

Д.Содном: Багануурт станц байгуулснаар цахилгааны өртөг буурна

Монгол Улсын Ерөнхий сайд асан, гавьяат эдийн засагч Д.Содном

Монгол Улсын 14 дэх Ерөнхий сайд Д.Содномтой эрчим хүчний асуудлаар цөөн хором ярилцлаа.

-Манай Улсын эрчим хүчний бие даасан, найдвартай хангалт ямар байгаа вэ?

-Манай улс цахилгаан эрчим хүчний хэрэгцээнийхээ 20 орчим хувийг хөрш улсуудаас авч хангаж байна гэсэн мэдээ саяхан сонинд гарсан. Дулааны эрчим хүчний хэрэгцээ хангагдаагүй байгаа нь бүгдэд тодорхой. Мөн цахилгаан станцууд 30 гаруй жилийн настай буюу хуучирсан, шинэчлэх шаардлагатай гэсэн мэдээ гарсан байна билээ. Энз бүхнээс үзэхэд манай улсын эрчим хүчний бие даасан болон найдвартай хангалт асуудалтай байгаа.

-Энэ салбарын талаар төр ямар бодлоготой байх ёстой вэ?

-Цахилгаан эрчим хүчнийхээ хэрэгцээг дотоодын эх үүсвэрээс бүрэн бөгөөд найдвартай хангадаг байх нь улсын аюулгүй байдалд, эдийн засаг нийгмийн хөгжилд шийдвэрлэх ач холбогдолтой.

Ийм учраас дэд бүтцийн, үүний дотор эрчим хүчний салбарыг эхний ээлжид хөгжүүлэх бодлого хэрэгжүүлж байхыг улс орнуудын төр засаг эрхэмлэдэг.

Манай улс ийм бодлого хэрэгжүүлж чадахгүй байна. Эрчим хүчний салбарыг түрүүлж хөгжүүлж байх тууштай бодлого барьж, түүнд хөрөнгө хүчний нөөцийг төвлөрүүлээгүйн уршгаар өнгөрсөн гучаад жилд шинээр том чадлын цахилгаан станц барьсангүй. Улаанбаатар хотод V Цахилгаан станц, Тавантолгой, Шивээ овоо, Багануурын нүүрсний орд дээр цахилгаан станц барих тухай гучаад жил ярьсан боловч нэг нь ч хэрэгжсэнгүй. Энэ нь төрийн эрх барьж байгаа манай улс төрийн намуудад зөв бодлого тодорхойлж тууштай хэрэгжүүлэх чадвар сэтгэл байдаггүйтэй холбоотой.

Нүүрс түлж цахилгаан дулаан үйлдвэрлэдэг станцуудыг жигд ажиллуулах, өглөө оройн болон өвөл зуны оргил хэрэглээний хэрэгцээг хангахад зайлшгүй шаардагдаж байдаг усан цахилгаан станцыг Эгийн голд барих асуудал шийдэгдэхгүй байна. Энэ нь Сибирийн усан цахилгаан станцуудын хямд өртөгтэй цахилгааныг манай улсад борлуулж байх бизнесийн сонирхол болон цахилгаан эрчим хүчний хангалтаар Монгол Улсыг хараа хамааралдаа байлгах бодлогоор Орос улсын зүгээс “Сэлэнгэд станц барьчихвал Байгаль нуур сүйрнэ гэх сүржин шалтгаанаар саад хийж байгаатай холбоотой.

-Багануур тэргүүтэй төслүүд хэрэгжсэнээр ямар үр дүнд хүрэх бол?

-Багануурын нүүрсний уурхайг түшиглэн том чадлын цахилгаан станц барих шаардлага бий.Улмаар нүүрсний тээврийн зардал байхгүй болж цахилгааны өртөг хямдарна. Улаанбаатар хотод цахилгаан станц барихгүй, харин дулааны хэрэгцээг хангахад зориулсан дулааны станцуудыг Амгалангийн дулааны станцын төслийн адилаар байгуулах нь зөв. Оюутолгойн уурхай болон Говь болон Баруун бүсийн цахилгааны хэрэгцээг хангах том цахилгаан станцыг Тавантолгойн нүүрсний ордын дэргэд барих шаардлагатай. Хүч чадлыг нь багасгаж Оюутолгойд барих санал гарвал хэрхэвч зөвшөөрч болохгүй.

Мөн Сэлэнгэ мөрний цутгалан буюу Эгийн голд усан цахилгаан станцыг барих ажлыг ойрын жилүүдэд эхлэх. Байгаль нуурын усны түвшин багасна гэдэг шалтгаан биш, шинэ барих станцын усан санг дүүргэх хугацааг байгаль нуурт нөлөөлөхгүй байхаар зохицуулж болохыг энэ талын мэргэжилтнүүд болон эрдэмтэд мэднэ. Хоёр улсын удирдлагын дээд түвшинд ярьж ойлголцож шийдэх боломжтой гэж хардаг юм. Түүнчлэн Шивээ-Овоогийн нүүрсний ордод станц барих эсэх асуудлыг БНХАУ-ын тал сонирхож, үйлдвэрлэх цахилгааныг үндсэндээ Хятад Улсад нийлүүлэх нөхцөлийг санал болговол зөвшөөрөх нь зүйтэй.

Харин баруун аймгуудын хэрэгцээг хангах зориулалтаар аль нэг нүүрсний уурхай дээр томхон станц барих, жижиг усан станц барих төлөвлөгөөг гаднаас импортлохгүй байх тооцооны үндсэн дээр боловсруулж хэрэгжүүлэх нь зүйтэй. Дүгнэж хэлбэл, Багануур, Тавантолгойн нүүрсний, Эгийн голын усан станц гэсэн гурван томхон станцыг барьснаар цахилгаан эрчим хүчний хэрэгцээг өөрийн эх үүсвэрээр хангах боломж бүрдэнэ.

5
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

5 сэтгэгдэлСэтгэгдэл бичих

202.9.40.189Зочин   • 2018, 5 сарын 30. 15 цаг 50 минут

Ухаантай өвгөдийнхөө үгийг төр, засгийн эрх мэдэлтэнүүд сонсоосой.

202.179.24.169zochin   • 2018, 5 сарын 30. 15 цаг 26 минут

Ene ovgon hytadaas avilgal avsan bish buzdee yagaad Baganuuriin tsahilgaan stantsiig demjeed bn be soliorch medemhiirch suuhaar gereegiig ni unshaad uz 9 tsent$

103.229.121.83Иргэн   • 2018, 5 сарын 30. 15 цаг 59 минут

Урд хөрш рүү цахилгаан экспортлож Монголдоо валют оруулж ирэх тухай ярьж байна шүү дээ. Д.Содном гуайн ярьж байгаа зүйлийн цаад санааг буруу ойлгоод буруу бичээд байна аа даа. Ахмадуудаасаа суралцахгүй бол алтан толгой байгаад ч нэмэргүй.

202.179.24.169zochin   • 2018, 5 сарын 30. 15 цаг 21 минут

Sodnom guia tanii ter ueiin erchim huch bishee hytadtai uridchilaad geree zasgiin gazar hiigeed 1 kbt 225 togrogoor hudaldaj avhaar geree hiisen odoo ongorson

112.72.14.107зочин   • 2018, 5 сарын 30. 15 цаг 12 минут

Эрчим хүчний өөрийн өртөг буурах тал байгаа ч концессийн хэлэлцээрт үүнийг тусгаж байж л гэрээ хийгдэнэ. Тэгэхээр концессийн гэрээ хийж буй тал манай эрчим хүчний үнэ тарифаар хийх үү. Тэд олон улсын эрчим хүчний жишиг үнийг л гэрээнд тусгах болов уу. Ингээд бодохоор ароай өөр төсөөлөл гарна. Энэ үнийг одооноос олон нийыт мэдэж эрчим хүчний үнийн өсөлтийг бодитоор ойлгуулах хэрэгтэй. Худлаа чээжний пангаар ярьж олон түмэнд буруу зөрүү ойлголт өгөх нь тийм ч аятай зүйл биш бизээ.

Шинэ мэдээ

Харри Кейн хет-трик хийж, Англи "бут ниргэлээ"5 минут 15 секундын өмнөТөрийн тахилгат уул Сутай хайрхан7 минут 55 секундын өмнөАлимыг хэрчиж, муутгахгүй хадгалах энгийн арга17 минут 55 секундын өмнөШинэ жилийн чимэглэлийг эрт хийх нь хүмүүсийг аз жаргалтай болгодог22 минут 55 секундын өмнөХоёр зууны баатар Микки Маусын тухай сонирхолтой баримтууд27 минут 55 секундын өмнөХотын захирагч С.Амарсайхан “Нэг хот-Нэг стандарт” зөвлөгөөний төлөөлөгчдөд үүрэг өгөв32 минут 55 секундын өмнөВ.БАЯРМАА: Насанд хүрэгчдийн 6 хүн тутмын нэг нь сэтгэцийн тулгамдсан асуудалтай байна37 минут 55 секундын өмнө”ЧИНГИСИЙН ЦОМ” Монгол туургатны холимог тулааны " МGL-1 FIGHTING CHAMPIONSHIP 13" зохион байгуулагдана42 минут 55 секундын өмнөСэлбэ дэд төвд барьсан 60 метр гүүрийн барилга угсралтын ажил дууслаа47 минут 55 секундын өмнөТЕГ: БНХАУ-ын 800 орчим иргэнтэй холбоотой худал мэдээлэл тараагаагүй52 минут 55 секундын өмнө#TimberlandMongolia 7th Anniversary #Nature Needs eroes57 минут 55 секундын өмнөАНУ-аас импортлох шувууны махан бүтээгдэхүүний хязгаарлалтаа цуцалжээ1 цаг 3 минутын өмнө“Акуа фитнесс” шинэ салбаруудаа нээлээ1 цаг 8 минутын өмнөЖижиг дунд бизнес эрхлэгчид “Хөгжлийн хөтөлбөр”-т хамрагдсан үр дүнгээсээ хуваалцлаа1 цаг 13 минутын өмнөБельгийн гоц ухаантан хүү 9 настайдаа их сургуулиа төгсөнө1 цаг 18 минутын өмнө23 настай австрали бүсгүй далд жирэмсэлжээ1 цаг 18 минутын өмнөДэлхийн цомын тэмцээнд оролцох Монголын багийн бүрэлдхүүн1 цаг 23 минутын өмнөИндонезод газар хөдөлжээ1 цаг 28 минутын өмнөСонины онцлох мэдээний тойм1 цаг 33 минутын өмнөХонконгт жагсагчдын халдлагад өртсөн эрэгтэй нас баржээ1 цаг 38 минутын өмнөФранцад 140 мянган байшин гэрэл цахилгаангүй болжээ1 цаг 43 минутын өмнөӨнөөдөр архи, согтууруулах ундаа зарахгүй1 цаг 43 минутын өмнөӨнөөдөр болох үйл явдлууд1 цаг 53 минутын өмнөЛ.Буянтогтох: Сургуулийн автобус явж эхэлснээр замын түгжрэл 10 орчим хувиар буурах боломжтой2 цаг 13 минутын өмнө100 мянгыг төлөөд бэлгийн дарамт үзүүл2 цаг 33 минутын өмнөДунд хугацаандаа мэдрэгдэж, урт хугацаандаа хэрэг болох ҮХНӨ Монголыг нэг алхам урагшлууллаа2 цаг 43 минутын өмнөҮндсэн хуулийн өөрчлөлт Ерөнхийлөгч Х.Баттулгад Монголыг 10 жил "эрхшээх" боломж олгов уу2 цаг 53 минутын өмнөЭнэ өдрийн зурхай3 цаг 13 минутын өмнөЦаг агаарын урьдчилсан мэдээ3 цаг 23 минутын өмнөМаргааш согтууруулах ундаа худалдах, түүгээр үйлчлэхийг хориглолоо11 сар 14. 22:58
© 2008 - 2019 он. Зохиогчийн эрх хуулиар хамгаалагдсан.