7-р сарын 11
9 цаг 22 минут

М.Энхболд: Дэлхийд ганцхан монгол наадамдаа дэлгэр сайхан наадаарай

УИХ-ын дарга М.Энхболд Үндэсний их баяр наадмын мэндчилгээ дэвшүүллээ.

Бахархах түүх, омогших алдар, хайрлах эх орон нэгтэй, элгэн садан монголчууд аа, 

Та бүхэндээ Тулгар төрийн 2227, Их Монгол Улсаа байгуулсны 812, Ардын хувьсгалын 97 жил, Үндэсний их баяр наадмын мэндчилгээг Монгол Улсын Их Хурлын нэрийн өмнөөс болон хувиасаа өргөн дэвшүүлье. 

Монгол түмний гайхамшигт соёлын нэгэн тод илэрхийлэл, даян дэлхийд биднийг Монгол гэж танигдуулдаг эртний уламжлалт баяр МОНГОЛ НААДАМ эхлэх гэж байна. Монгол наадам бол зөвхөн баяр цэнгэл биш, ёс бэлгэдлийн, утга соёлын цогц бүрэлдэхүүн юм. 

Энэ жилийн наадмыг Та бид улсаа хөгжүүлж, иргэнээ дээдэлсэн нийгмийг цогцлоох эрхэм зорилгынхоо төлөө томоохон алхам хийсэн амжилтаар угтаж байна. 

Тасралтгүй уруудаж байсан эдийн засаг тасралтгүй өсөж байна. 

2017 оны эхний хагас жилд 676.0 тэрбум төгрөгийн алдагдалтай байсан нэгдсэн төсвийн тэнцвэржүүлсэн тэнцэл 12.9 тэрбум төгрөгийн ашигтай гарлаа. Татварын орлого өмнөх оныхоос 842.6 тэрбум төгрөгөөр  өсчээ. 

Гадаад худалдааны бараа эргэлт 1.3 тэрбум америк доллараар нэмэгджээ. Аж үйлдвэрийн салбарын үйлдвэрлэл 2018 оны эхний хагас жилийн урьдчилсан гүйцэтгэлээр 7.4 их наяд төгрөг болж, 2017 оны мөн үеэс 24.6% хувь өслөө. 

Хууль тогтоох дээд байгууллага УИХ арав гаруй жил ярьж, маргасан Тавантолгойн нүүрсний ордын талаар түүхэн чухал гэж хэлж болохуйц Тогтоол баталснаар ирэх онуудад эдийн засаг 10-аас дээш хувь өсөх боломж бүрдлээ. 

Хүүхдийн мөнгөн тэтгэмжийн хамрах хүрээг 80 хувьд хүргэлээ. Монгол Улсын иргэнд газар өмчлүүлэх хугацааг 10 жилээр сунгалаа. 

Эрхэм хүндэт иргэд ээ,

Эх оронч үзэл, улс үндэстнээрээ бахархах сэтгэл, сайхан ирээдүйг бүтээх эрмэлзлээр монгол хүн бүр бялхам дүүрэн байгаа гэдэгт би итгэдэг. Тийм маргаашийг бүтээж чадна гэдэгтээ бас, эргэлздэггүй ээ. 

Цөөхүүлээ хэрнээ олуулаа юм шиг том орон бол Монгол билээ. Бидний энэ хүч чадлын эх сурвалж нь зөвхөн эв нэгдэлдээ байдаг. Тиймээс эвийг эрхэмлэж, талцал хуваагдлаас хол байх нь эцэг дээдсийн захиж үлдээсэн алтан сургаал билээ. 

Аливаа сайн үйлс, бүтээх эрмэлзэл бүхнийг дэмжиж, гагцхүү хууль ёс, үнэн шударга засагласан нийгмийг бүтээхийн төлөө шамдацгаая. 

Монгол түмэн минь дэлхийд ганцхан монгол наадамдаа дэлгэр сайхан наадаарай. 

Хүлэг бүхэн хурдан, бөх болгон даваатай, сум тоолон мэргэн байг ээ.

Эрдэм төгс иргэнтэй, ирээдүй маргааш нь гэрэлтэй Монгол Улс маань мандан бадрах болтугай. 

 

МОНГОЛ УЛСЫН ИХ ХУРЛЫН ДАРГА МИЕЭГОМБЫН ЭНХБОЛД

АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

Шинэ мэдээ

​Улаанбаатар-Дархан, Дархан-Алтанбулаг чиглэлийн авто замыг 60 сая долларын хөнгөлөлттэй зээлээр шинэчилнэ1 цаг 49 минутын өмнөСирийг “Исламын улс”-аас чөлөөлөх нь Трампын гол зорилго1 цаг 54 минутын өмнөХөзрийн хаан, хатан, боолд хэнийг дүрсэлсэн байдаг вэ2 цаг 3 минутын өмнө”eDOC”-ийн гар утсанд зориулагдсан хувилбар хэрэглээнд нэвтэрлээ2 цаг 14 минутын өмнөЭхийн талын эмээ – хүүхдийн амьдралд хамгийн чухал хүн2 цаг 21 минутын өмнөНумын орд: Та замдаа тохиолдоод байгаа бүх саад бэрхшээлийг даван туулах болно2 цаг 24 минутын өмнөХүний амь замын эвдрэл үерийн гамшиг2 цаг 33 минутын өмнөТа үүнийг мэдэх үү: Ганга нуур2 цаг 41 минутын өмнөТа үүнийг мэдэхүү: Галуутын хавцал2 цаг 44 минутын өмнөТалархлын булан: Аавуудын группын аавуудад баярлалаа2 цаг 52 минутын өмнөЦахилгаан шугам сүлжээний ноцтой аваараас урьдчилан сэргийллээ2 цаг 54 минутын өмнөКубаас элэгний вирус, чихрийн шижингийн эм, бэлдмэл импортолж эхэллээ2 цаг 56 минутын өмнөИранд болсон газар хөдлөлтийн улмаас олон хүн бэртэж гэмтжээ3 цаг 1 минутын өмнөАй,Төмөр-Очир: Үсээ их ургуулж, үгээ хамаагүй хэлдэг гээд мултарсан даа3 цаг 8 минутын өмнөАйраг, мах хилээр авч гарах гэж байгаад баригджээ3 цаг 23 минутын өмнөХүүхдийн мөнгө авах хүсэлтэй өрхөөс судалгаа авч байна3 цаг 38 минутын өмнөСонгинохайрхан дүүрэгт айлын гэр шатжээ3 цаг 54 минутын өмнөАлдарт эрдэмтэн Стивен Хокинг нас барахаасаа өмнө дэлхий гарцаагүй сөнөх хугацааг хэлжээ4 цаг 8 минутын өмнөНӨАТ: Гурван хүн 10 сая төгрөгийн азтан болжээ4 цаг 24 минутын өмнөСүхбаатарын талбайд элэгний үзлэг оношилгоо хийнэ4 цаг 39 минутын өмнөЦалин, тэтгэвэрийн зээлийн журамд өөрчлөлт оруулжээ4 цаг 54 минутын өмнө"Таванбогд" компанийн галерейн байранд гал гарчээ4 цаг 59 минутын өмнөЦэцэрлэгийн бүртгэл энэ долоо хоногт эхэлнэ5 цаг 8 минутын өмнөӨнөөдрийн зурхай5 цаг 24 минутын өмнөЦаг агаарын мэдээ5 цаг 54 минутын өмнөБ.Янжмаа: Нэг аяга кофе нэг харааны бэрхшээлтэй хүнийг ажилтай болгоно6 цаг 54 минутын өмнөУлаанбаатар Гаруда баг Канадын гран прид өрсөлдлөө7 сар 22. 14:08Нагоя башёд сэкиваке Митакеуми түрүүллээ7 сар 22. 12:12Үерийн голомтод цэвэрлэгээний болон халдваргүйтгэлийн ажлыг зохион байгуулж байна7 сар 22. 11:34Тэмцээнд 600 гаруй тамирчин оролцож байна7 сар 22. 11:31
© 2008 - 2018 он. Зохиогчийн эрх хуулиар хамгаалагдсан.