2018 оны 7-р сарын 27
9 цаг 29 минут

Турахыг хүсвэл их ярь, хооллох үедээ сайн бур, гаа сайн үнэрлэ

-Та бидний биеийн жин ходоодноос төдийгүй, бас уураг тархинаас ч хамаардаг болохыг олон улсын шинэ судалгаа харуулж байна-

Д.ЭНХЭЭ

 

ШИРЭЭНИЙ АРД ЯРИА ХӨӨРӨӨ ӨРНҮҮЛЭХ АШИГТАЙ

 

Танилын хүрээ их байх тусам хүн барагтай бол таргалдаггүй хэмээн Огайогийн их сургуулийн эрдэмтэд өгүүлсэнийг kp.ru мэдээлжээ. Гэхдээ мэдээжийн хэрэг, нийгмийн сүлжээний танилуудыг биш амьд яриа хөөрөөг өгүүлж байгаа хэрэг.

Үүнд хоёр шалтгаан бий. Нэгдүгээрт, ярилцаж хөөрөлдөхийн хэрээр хүн эрчим хүч зарцуулна. Тийм ээ, идэвхтэй халуун ярианы үед бид илчлэг (калори)-ээ алдах буюу “шатаадаг”. Хэмжээгээр бага л даа. Гэхдээ цагт 100 килокалори гэдэг бол мэдэгдэхүйц гэсэн үг. Найз бүсгүйтэйгээ бүтэн цаг бурахад идсэн жигнэмэгийнхээ талыг зарцууллаа л гэсэн үг. Дашрамд өгүүлэхэд, италичууд таргалдаггүйн учир үүнд байдаг байх. Тэд тухтай, удаан сууж, элбэг дэлбэг, хамгийн гол нь сэтгэлийн хөдөлгөөн маш ихтэй хооллодог. Нөгөөтэйгүүр танил ихтэй хүн өөрийн эрхгүй их хөдлөх хэрэг гарна. Хэн нэгэнтэй уулзаж учрах хэрэг гарна. Нөгөөтэй нь ажлын байрнаас өөр газар чухал асуудал ярилцаж хэлэлцэх хэрэгтэй болно гэх мэт.

Хоёр дахь шалтгаан нь биохимийнх. Хэргийн учир нь ам яриа сайтай хүний уураг тархи байнгын тонуст байдаг. Эрдэмтдийн хэлж ярьдгаар бол нейротрофикийн хүчин зүйлийн төвшин дээшилж өндөр байна гэсэн үг. Харилцан ярианы үед өөх тосны солилцоо хариуцсан нейронууд идэвхжиж, өөх тосны солилцоо дуу муутай хүнийхээс илүү түргэн явагдана.

 

ГААНЫ ҮНЭР ӨЛСӨХ ТӨВИЙГ “УНТРААДАГ”

 

Эрүүл мэндтэй холбоотой янз бүрийн асуудалд үнэрээр засах эмчилгээ үр дүнтэйг бүгд мэднэ. Тухайлбал, жүрж, нимбэгний үнэр биеийн ерөнхий тонусыг дээшлүүлдэг бол, шилмүүст ургамлынх салхинд цохиулж ханиад авахаас сэргийлнэ, арцны үнэр толгой өвдөлтийг намдаана.

Америкийн баруун Виржинийн их сургуулийн хоол хүнс судлаачид илүүдэл жинг хасахад тустай янз бүрийн үнэр байдгийг нотолсон байна. Үүнийг 3000 эмэгтэйг оролцуулсан туршилт харуулжээ. Тэдэнд хоол идэхийн өмнө төрөл бүрийн ургамлын үнэр үнэрлэхийг санал болгосон аж.

Ингээд сэнгэнэтэл сэрүү татуулсан гааны хурц үнэр юм идэх дуршлыг илүү сайн бууруулж, бодисын солилцоог идэвхжүүлж байгааг олж тогтоосон байна. Тухайлбал, мароккагийн гааны биофлавоноидууд (ургамлын идэвхтэй бодисууд) уураг тархины гүнд буюу гипоталамуст байрлах өлсөх төвийг тайвшруулан түр зуур “унтраадаг” ажээ.

Үнэрээр хооллохыг шинээр хүсэгч нарт зөвлөхөд хүчээр дуртай хоол хүнснээсээ татгал­заж, өөрийгөө зовоох хэрэггүй. Бугуйндаа яльгүй гаатай тос түрхээд өдрийн турш түүнийгээ үнэрлэхэд хангалттай. Эсвэл хоол идэхийн өмнө аяга гаатай цай уухад болно. “Гаатай” хоолны туршилтад оролцсон эмэгтэйчүүдийн ихэнх нь өдөр бүр ердийнхөөс 200-300 килокалориор бага иддэг болсон буюу цэрийтэл цадахаа больсныг судалгаа хийсэн эрдэмтэд баталж байна.

 

УУРАГ ТАРХИ-ГОЛ АЯГАЛАГЧ

 

Бидний биеийн жинд юу идэж байгаа нь төдийгүй, юунаас идэж байгаа нь бас нөлөөлдөг болохыг хоол хүнс судлаачид баталж байна. Бага идэхийг хүсвэл бага аяганаас ид. Өчүүхэн бага аягалсан ч цадах боломжтой. Бид ихэвчлэн “нүдээрээ” хооллодог билээ. Цадсан тухай нүдээр өгсөн дохиог уураг тархи физиологийн буюу ходоодныхоос илүү хурдан хүлээж авдаг нь аль эрт тогтоогдсон баримт.

Турахыг хүсч байгаа хүмүүст тустай өөр нэг судалгаа нь хооллох хэмжээнд аяга тавагны өнгө бас нөлөөлдөг гэнэ. Корнеллыних сургуулийн мэргэжилтнүүд хоол хүнсний өнгө аяга тавагныхаа өнгөтэй нийцэж байвал 20 хувь илүү идсэнээ хүн анзаардаггүй.

Ингээд сайн дурынхны орол­цоотойгоор туршжээ. Турах оролдлого хийж байгаа хоёр бүлгийнхэнд улаан, цагаан өнгийн таваг өгсөн байна. Макароныг хүссэн хэмжээгээр таваглах, гэхдээ цагаан тавганд цөцгийн тостой сүмс, улаан тавганд улаан лоольтой сүмс хийхийг санал болгожээ. Харин хяналтын бүлгийнхэн өнгө харшуулах зарчмаар цөцгийн тосны сүмстэй цагаан макароныг улаан тавагнаас, “улаан” сүмстэй макароныг цагаан тавагнаас идэхээр зохицуулжээ. Дараа нь бүх тавагтай хоолыг жин дээр тавьж хэмжиж үзсэн байна.

Ижил өнгөтэй тавганд ижил өнгөтэй хоол аягалагсад хяналтынхнаас 17-22 хувиар их хэм­жээ­­гээр аягалсан байжээ. Хүнсчдийн тайл­бар­ласнаар орцын хэмжээнд тавих хүний анхаарлыг өнгөний харшил илүү төвлөрүүлж, илүүдэл жинтэй болохоос өөрийг нь сэргийлдэг юм байна.

Хөх, цэнхэр, хөх ягаан хүйтэн өнгийн аяга тавагхоол идэх дуршлыг бага төрүүлж, турахад илүү нөлөөлдөг байна. Усан ногоон, шар, улбар шар өнгийн аяга таваг хоол  идэх дур хүслийг улам хөдөлгөдөг тухай хоол хүнс судлаач Светлана Бережная өгүүлж байна.

Ажигласан өөр нэг сонирхолтой зүйл бол хүмүүс идэх хоол хүнсээ өөрөө аягалах (шведский стол буюу хүлээн авалтын үеэр өөрөө өөртөө хоол хүнс сонгож аягалах) үеэр 92 хувийн тохиолдолд организмын шингээж чадах хэмжээнээс илүү хэмжээгээр аягалж тавагладаг байна.

Эх сурвалж: “Зууны мэдээ” сонин

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Хоёрдугаар ээлжийн цэрэг татлага эхэллээ21 минут 34 секундын өмнө“Цахим орчны хүүхэд хамгаалал” форум болно25 минут 15 секундын өмнөТаеквондогийн Софиа гран при тэмцээн30 минут 15 секундын өмнөLIVE: Гаалийн албан татварыг хөнгөлж, буцаан олгох тухай, НӨАТ-аас чөлөөлөх тухай хуулийг хэлэлцэж байна30 минут 16 секундын өмнө"Маргааш бүх нийтийн гүйлт “Дүнжингарав” худалдааны төвийн урд талын зам дээр болно"35 минут 15 секундын өмнөАНУ Европын холбооны бараа бүтээгдэхүүнд татвар ногдуулжээ40 минут 15 секундын өмнөЯпонд хаан ширээнд залах ёслолын дараах баярын үйл ажиллагаа хойшлогдож магадгүй45 минут 15 секундын өмнө2019 оны нөлөө бүхий 100 эмэгтэйчүүд50 минут 15 секундын өмнөДэлхийн аваргын алт, хошой хүрэл медальтан Г.Баасансүрэн55 минут 15 секундын өмнөБ.Сүнжидмаа: Геологи хайгуулын салбарынхан 80 жилийн хугацаанд үр дүнтэй, амжилттай ажиллаж ирсэн57 минут 22 секундын өмнөБулган аймгийн төрийн байгууллагуудын үйл ажиллагаатай танилцаж, мэргэжил арга зүйн зөвлөгөө өгч ажиллалаа1 цаг 1 минутын өмнөЖүжигчин Сон Хэ Кю хуурамч мэдээлэл цацсан нитизүүдийн эсрэг гомдол гаргаж баривчлуулжээ1 цаг 6 минутын өмнө9 настай хүүхдийг мөргөж амь насыг нь хохироожээ1 цаг 11 минутын өмнөБүлэг 7 орны дээд хэмжээний уулзалт Трампын эзэмшилд болно1 цаг 16 минутын өмнө11 сарын 05нд болох "Залуу инженерүүдийн үндэсний чуулган"-ы салбар хэлэлцүүлэг Барилгын салбарын залуу инженерүүдийн уулзалтаар эхэллээ1 цаг 19 минутын өмнөБНХАУ-ын эдийн засгийн өсөлт урьдчилсан таамаглалд хүрсэнгүй1 цаг 21 минутын өмнөСүхбаатар дүүрэг дэх цагдаагийн газар “Гэр бүлийн хүчирхийллийн эсрэг үйл ажиллагаа”-г идэвхижүүлнэ1 цаг 26 минутын өмнө“Энхийн хавар” ажиллагааг зогсооно1 цаг 31 минутын өмнөЭрдэнэт үйлдвэрийн оёдолчид 3.3 тэрбум төгрөгийн хувцас оёжээ1 цаг 36 минутын өмнөДархан хот байгуулагдсаны 58 жилийн ой тохиолоо1 цаг 41 минутын өмнө"Eglish Open" тэмцээн: Аваргуудад халгаатай шөнө1 цаг 46 минутын өмнөИх Британи Европын холбооноос гарах эсэхээ маргааш шийдвэрлэнэ1 цаг 51 минутын өмнөУсаар дамжих гэдэсний халдвараас хэрхэн сэргийлэх вэ1 цаг 56 минутын өмнөLIVE: Замын хөдөлгөөний 14:30 минутын мэдээллийг дамжуулж байна2 цаг 1 минутын өмнөКаталонид бүх нийтийн ажил хаялт болно2 цаг 6 минутын өмнө2019-2020 оны өвөлжилтийн бэлтгэл, бэлэн байдлыг шалгах дадлага сургууль хийлээ2 цаг 11 минутын өмнө“NBA” их хэмжээний алдагдал хүлээжээ2 цаг 16 минутын өмнөДэлхийн хамгийн олон хүүхэдтэй ээж 44 дэхээ төрөөд зогсоно2 цаг 21 минутын өмнөМонголд анхны тэрбум ам.долларын орлоготой компани тодорлоо2 цаг 26 минутын өмнөУкрайны баг "Евро-2020"-д оролцох 5 дахь шигшээгээр тодорлоо2 цаг 31 минутын өмнө
© 2008 - 2019 он. Зохиогчийн эрх хуулиар хамгаалагдсан.