8-р сарын 8
14 цаг 30 минут

“Унжаад байхаар Унаад ирээсэй”-гийн үлгэр

Урьд нэг цагт нээх залхуу, арчаагүй хүүхдүүдтэй айл байжээ. Аав, ээж хоёр нь тэднийгээ өсгөхөөр үүрийн гэгээнээс, үдшийн бүрий хүртэл ажилладаг. Ажилласны хэрээр аж ахуй нь цэцэглэж, амьдрал ахуй нь дээшилж гэнэ.

Харин хүүхдүүд нь гэртээ гэдсээ илээд унтаж байдаг. Сэрээд уйдвал ээж, аавыгаа муулж, идэх юм тийм ч их биш байна хэмээн цэцэрхэцгээнэ. Нэг жилийн намрын сүүлээр ээж, аав хоёр нь хол газар явахдаа хөл нь дөрөөнд, гар нь ганзаганд хүрсэн хүүхдүүддээ арчаатайхан байхыг захиад, аргал түлээг нь бэлдээд, дулаан хөнжлийг нь зэхээд бүүр хонины гургалдайнууд чанаж орных нь толгойн харалдаа зүүж өгөөд явжээ.

Аав, ээжийг явсны дараа өвөл болж хүйтэрсэн тул хүүхдүүд нь хөнжилдөө шургаж аваад өндийгөөд үмхэж болох гургалдайгаа зулгаан нам хэвтсэн гэдэг. Сүүлдээ өндийгөөд хүрэх гургалдай ч үгүй болж, өөвгөр гэрт нь жавар хургаад босошгүй болжээ. Энэ үед арчаагүй хүүхдүүдийн хэн нь ч босч гал түлээгүй бөгөөд аав, ээж хоёрынхоо арчаагүй, ажилгүйг дуудалцан унинаас өлгөөтэй гургалдайг “Унжаад байхаар унаад ирдэг болоосой” хэмээн загнасаар өлсөж, хөлдөж үхсэн гэдэг.

Саяхан “Эрдэнэс-Тавантолгой” ХК тайлангаа тавьж гүйцэтгэх захирал Б.Ганхуяг нь 373,3 тэрбум төгрөгийн цэвэр ашигтай ажилласан тухай ярьсан суовалжилга хүргэсэн дээ. Тэр үед зарим нөхөд “худлаа худлаа, шоудаж байгаан, манайхан ашигтай ажиллуулж чадахгүй ээ” гэх мэтээр чарлалдацгааж байсан.

Гэтэл сая засаг баригч намын хурал дээр ерөнхий сайд У.Хүрэлсүх “Улс орны маань амьдрал эргэж дэвжиж байна. 2014-2016 онуудад ихээхэн буурч байсан Уул уурхайн салбарын олборлолт, экспорт сүүлийн 2 жил дараалан тогтвортой нэмэгдэн өсч байна. 2017 оны эхний хагаст 18,9 сая тонн нүүрс экспортод гаргаж байсан бол 2018 оны эхний байдлаар 18 сая тонн нүүрсийг экспортод гаргаж нийтдээ 1,4 тэрбум ам долларын ашиг олсон байна” хэмээн илтгэлдээ дурдлаа. Манайхан яахав өнөөх зангаараа “хаана байгаан тэр сайхан өсөлт чинь, би өлсөөд байна, ажилгүй гэртээ хэвтэж байгаа бидэнд мэдэгдэх юм алга, та нар дээгүүрээ идэж уугаад сайхан байгаа биз, газар нутгаа ухаж Хужаад зарахаа боль” гэх мэтээр шаагилдлаа.

Миний эхэнд бичсэн үлгэр хийгээд энэ цагийн Монгол иргэдийн сэтгэхүй хоёрын ахуй дүр нь ангид боловч ааш, авир нь агаар нэгэн бус уу. Бид өмнөх он жилүүдэд бүдчиж, буцаж өнхөрч ч үзсэн. Харин өнөөдөр алдаагаа ардаа хийж, урагшлах аргуудыг бага багаар олсоор байна бусуу? Нэг бол байнга л алдаад, ашиггүй мөлхөөд байж байх ёстой улс юм уу? гэж асуумаар санагддаг.

Миний хувьд бэлэн мөнгө тараахыг ерөөсөө ч дэмждэггүй хүн. Харин арилжаанд оруулах, ашиг орлого болгох боломжтой 1072 хувьцаагаар дамжуулан иргэдийг санхүүгийн зах зээл рүү оруулах санаачлагыг 100% дэмжиж байгаа.

“Эрдэнэс-Тавантолгой” ХК-ны хувьцааны мэргэжилтний хэлснээр иргэд бид үнэхээр арчаагүй байгаа юм билээ. Тусдаа мэдээллийн төв байгуулаад, 1800-1072 гэдэг тусгай дугаараар зөвлөгөө өгөөд, 21 аймагт салбар бүхий аж ахуйн нэгжүүд таны хувьцааг баталгаажуулахаар ажиллуулж байхад нийт иргэдийн тун чамлалттай хувь нь буюу 40 хүрэхгүй хувь нь хувьцаагаа баталгаажуулсан байна.

Уул уурхайнхан улс орноо зарж байна, улс төрчид унхиагүй байна, ууж идэх зүйлсийн үнэ хадлаа, Улаанбаатарт амьдрах арга алга хэмээн орилж байгаа тэмцэгч сэтгэхүйтэй иргэн та ядаж хувьцаагаа баталгаажуулаад ав.

Ингэснээр танд санхүүгийн зах зээл дээр тоглогч болох, Эрдэнэс-Тавантолгой ХК-ны ашгаас хүртэх, өвлүүлэх, зарах, арилжих боломжууд үүсэх юм шүү.
“Унжаад байхаар Унаад ирэхгүй” хэмээн дээш харж хэвтдэг биш улс оронд үүсч байгаа эерэг өөрчлөлт бүрийг амьдралдаа ашиглаж, аж ахуйгаа өргөтгөж, баялаг бүтээгч болох талаар боддог ард түмэнтэй болмоор байна.

Ингэхэд ерөнхий сайд маань хувьцаагаа баталгаажуулсан юм болов уу?

Хүндэтгэсэн Г.Ариунчулуун

4
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

4 сэтгэгдэлСэтгэгдэл бичих

66.181.180.43Зочин   • 8 сарын 8. 19 цаг 20 минут

Энэ доогуур яг тэр гэдсээ илээд ээж, ааваа мцуулаад хэвтдэгийн жишээнүүд хэд хэд харагдана. Уг нь одоо манайхан сурч байгаа нь үнэн байх. Эрх биш идээ бээрээ шахаж, илүү дутуугаа хаяж сураа байлгүй дээ. бараг 30 жил болох гэж байна даа

203.91.115.44бат   • 8 сарын 8. 16 цаг 28 минут

Баталгаажуулах гэж юу яриад бна.Брокер дээр очиж данс нээлгэхыг хэлж бга юу.хэрэв биржээр зарахгүй бол тэр данс чамд ямарч хэрэггүй АРИУНАА .1072 БОЛ улс төрчдийн ардын тархи угаах тоглоом шүү дээ

139.5.216.237Зочин   • 8 сарын 8. 16 цаг 09 минут

1072 ч дашийн шоог болсон байхаа. Наад маамуунууд чинь чадахгуй, чадахгуй дээрээ мэдэмхий мэлгэрууд дээ.

202.179.30.194Ard tumen   • 8 сарын 8. 15 цаг 05 минут

Zuv shdee Ard tume =n gej neg iimerhuu l humuus shuudee idevhitei uursdiinhuu tuluu l baildaa

Шинэ мэдээ

Шуурхай: Цагдаагийн албан хаагчийг дайрч, хэргийн газраас зугтсан этгээдүүдийг дайчлан баривчиллаа7 цаг 38 минутын өмнөМалчид, тариаланчдад зориулсан мэдээ10 сар 15. 18:10Индонезид гамшгийн үеэр сураггүй болсон 5000 орчим хүн олдоогүй байна10 сар 15. 18:00Саудын Араб: Жамаль Хашоггигийн амийг хөнөөсөн гэх мэдээлэл үндэслэлгүй10 сар 15. 17:55Саудын Араб: Жамаль Хашоггигийн амийг хөнөөсөн гэх мэдээлэл үндэслэлгүй10 сар 15. 17:55Селенагийн өвөрмөц гоёлууд10 сар 15. 17:50Хөл өвдсөн үед хийх боломжтой долоон дасгал10 сар 15. 17:45Дайруулсан цагдаагийн биеийн байдал маш хүнд байна10 сар 15. 17:41БНХАУ, Малайз, Таиланд цэргийн хамтарсан сургуулилт хийнэ10 сар 15. 17:40Лонх дарс 558 долларын үнэ хүрэв10 сар 15. 17:35Хятад улс 2030 оноос сарны бүсийг судална10 сар 15. 17:30Ойрын гурван өдөр нийт нутгаар цаг агаар тогтуун байна10 сар 15. 17:25Гараа хэрхэн атгадгаар тань шинжье!10 сар 15. 17:20Амар мөрөн дээгүүр тавих гүүрний Хятадын талын хэсгийг барьж дуусчээ10 сар 15. 17:15Г.Дарамбазар: Хүүхэд “яагаад” гэж асуухгүйгээр тархиа бүтээж байдаг10 сар 15. 17:10Цагаачдыг тээвэрлэж явсан ачааны тэрэг осолджээ10 сар 15. 17:05”Манчестер Юнайтэд” шинэ эзэнтэй болно10 сар 15. 17:00Өвлийн улиралд Д аминдэмийн дутагдалаас хэрхэн сэргийлэх вэ10 сар 15. 16:55Ромын Пап Франциск Умард Солонгост айлчилж магадгүй10 сар 15. 16:50Гүрвэлзэх хөдөлгөөн сайжруулах 3 төрлийн смүүти10 сар 15. 16:45Дэлхийн аварга М.Анхцэцэгийн хайр хүрэм нэгэн агшин10 сар 15. 16:40Энэ долоо хоногт болох ТАВАН чухал ҮЙЛ ЯВДАЛ10 сар 15. 16:35Үйлийн үр байдаг итгэж амьдраарай10 сар 15. 16:34Өнгөрсөн 60 жилийн турш зөвхөн Пепси уусан эмэгтэй10 сар 15. 16:30Зуслангийн амуудад зурагт мэдээллийн самбар байрлууллаа10 сар 15. 16:25Юанийн ам.доллартай харьцах ханшийг буурууллаа10 сар 15. 16:20Эрдэмтэд Альцхаймерийн буюу санаж мартах өвчний үед алдагдсан санах ойг сэргээжээ10 сар 15. 16:16Ажил үүргээ гүйцэтгэж явсан цагдааг дайрч, хэргийн газраас зугтжээ10 сар 15. 16:15Саудын Арабад болох бага хуралд АНУ, Их Британи оролцохгүй байж магадгүй10 сар 15. 16:15Ш.Дулмаа: Яруу найрагч шүлгэндээ гунигаа шингээгээд сэгсэрч хаях хэрэгтэй10 сар 15. 16:12
© 2008 - 2018 он. Зохиогчийн эрх хуулиар хамгаалагдсан.