8-р сарын 16
11 цаг 00 минут

Б.Ундрал: Амьжиргааны боломжтой айл өрхүүд халамжаас татгалзаж байна

Хүүхдийн мөнгөний олголттой холбоотой асуудлаар ХНХЯ-ны Нийгмийн хамгааллын бодлогын хэрэгжилтийг зохицуулах газрын дарга Б.Ундралтай ярилцлаа.

-Хүүхдийн мөнгийг 80 хувьд нь олгохоор шийдвэрлэсний дагуу амьжиргааны түвшин тогтоох судалгааны босго оноог дахин тогтооно гэж байсан. Хэд болгож өөрчилсөн бэ?

-2017 онд Хөдөлмөр, нийгмийн хамгааллын яамнаас харьяа агентлаг болох Хөдөлмөр, халамжийн үйлчилгээний ерөнхий газартай хамтраад өрхийн амьжиргааны түвшин тогтоох судалгааг хийж гүйцэтгэсэн. Энэ судалгааг гурван жил тутамд зохион байгуулж өрхийн мэдээллийн нэгдсэн сангаа шинэчилсэн байгаа. Хүүхдийн мөнгийн хувьд өмнө нь нийт хүүхдүүдийн 60 хувьд нь олгож байсныг нэмэгдүүлж 80 хувьд нь хүүхдийн мөнгийг өгөхөөр шийдвэрлээд байна. Үүнтэй холбогдуулан холбогдох тооцоо, судалгаа яг энэ өдрүүдэд үргэлжилж байна. Судалгааны ажил есдүгээр сарын эхээр дуусна. Энэ судалгаатай холбоотойгоор бид босго оноог дахин шийдвэрлэнэ.

-Өнөөдрийн байдлаар нийт хэд орчим хүүхэд хүүхдийн мөнгөө авч байна вэ?

-УИХ-аас гаргасан шийдвэрийн дагуу өнөөдрийн байдлаар бид нийт хүүхдүүдийн 80 хувь буюу 902 мянган хүүхдэд хүүхдийн мөнгө олгоод байна.

-Хүүхдийн мөнгийг энэ он дуустал 80 хувьд нь олгох боломжтой юу?

-УИХ-аас холбогдох шийдвэрүүдийг гаргаж, шаардлагатай төсөв санхүүгийн асуудлыг бүгдийг нь шийдвэрлэсэн байгаа. Тиймээс сар бүр орох ёстой өдрөө хүүхдийн мөнгө хүүхдүүдийн данс руу ороод явна.

-Нийт хэдэн төгрөгийн зарцуулахаар төлөвлөөд байгаа вэ?

-Өмнө нь 60 хувьд нь хүүхдийн мөнгө олгохоор шийдвэрлээд холбогдох төсөв санхүүг нь шийдвэрлэсэн байсан. Энэ хавар гарсан шийдвэрийн дагуу үүн дээр нэмээд шаардлагатай 40 гаруй тэрбум төгрөгийг төсөв нэмж суулгасан байгаа.

-Олон нийтийн дунд амьжиргааны төвшин харьцангуй боломжтой айлууд хүүхдийн мөнгө авахаас татгалзаж байна гэсэн яриа их гарах боллоо. Энэ тал дээр та хариулт өгөөч?

-2017 оны өрхийн амьжиргааны түвшин тогтоох судалгааг шинэчлэхдээ айл бүрээр орж мэдээлэл цуглуулдаг. Тэгвэл зарим нэгэн айл өрхүүд өөрсдөө судалгаанд хамрагдахгүй, ямар нэгэн байдлаар халамж авахыг хүсэхгүй байна гэдгээ гарын үсэг зурж албан ёсоор илэрхийлсэн байдаг. Энэ маань юуг илэрхийлж байна вэ гэвэл манай салбарын бусад халамж болон хүүхдийн мөнгийг авахаас татгалзаж байна гэсэн үг юм.

-Хүүхдийн мөнгөө аваагүй нөхцөлд хэчнээн хугацаанд тус мөнгө тухай хүүхдийн дансанд байх вэ, буцааж татагдах нөхцөл бий юу?

-Тухайн хүүхдийн нэр дээр данс нээгээд мөнгийг нь шилжүүлдэг болохоор нэгэнт олгогдсон мөнгө буцааж татагдах боломжгүй.

 

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Э.Оюунболд: Миний шээсийг сольсон байна. Би допинг хэрэглээгүй8 сар 17. 20:16Индонезын нийслэлийг Калимантан арал руу шилжүүлэх саналыг албан ёсоор тавьжээ8 сар 17. 15:00Хонконгийн жагсагчид дахин жагсахаар төлөвлөж байна8 сар 17. 14:5568 жил хамт амьдарсан хос нууцаа дэлгэв8 сар 17. 14:50Наранд түлэгдсэн арьсанд гурилтай сүүн маск тустай8 сар 17. 14:45Эртний очир алмааз олжээ8 сар 17. 14:40Биеэс давс гадагшлуулах арга8 сар 17. 14:35Их мэнгэтэй хүмүүс илүү удаан амьдардаг8 сар 17. 14:3061 нас хүрсэн Мадоннагийн амьдралын дүрэм8 сар 17. 14:25Токио 2020 Олимпийн бэлэгдэл Мираитова болон Сомэити8 сар 17. 14:20ОХУ, БНАСАУ хамтын ажиллагаагаа гүнзгийрүүлэхээр тохиролцжээ8 сар 17. 14:15Зүүдний тухай сонирхолтой 10 баримт8 сар 17. 14:10Нөхөрлөлүүд ойгоо хамгаалсны төлөө ашиг хүртэх ёстой гэв8 сар 17. 14:05Заанаас суралцах амьдралд хэрэгтэй дөрвөн чанар8 сар 17. 14:00Нил ягаан өнгө юуг илэрхийлдэг вэ8 сар 17. 13:55Женнифер Лопес тайчигч бүжигчний дүрд тогложээ8 сар 17. 13:50Фото: Кем Чин Уны олны өмнө дэлгэгдээгүй ховор агшин8 сар 17. 13:45Залуу эмэгтэйн заавал унших НОМЫН жагсаалт8 сар 17. 13:40Казах Курес бөхийн Азийн аварга шалгаруулах тэмцээн Монголд эхэллээ8 сар 17. 13:35Хомхой гарах шалтгаан болон эмчлэх арга8 сар 17. 13:30Мессигүй “Барселон” Ла Лигийн улирлын эхний тоглолтод хожигдлоо8 сар 17. 13:25Н.Анударь залуучуудын дэлхийн аваргаас мөнгөн медаль хүртлээ8 сар 17. 13:20Конор МакГрегорын хүн зодсон бичлэг ил болжээ8 сар 17. 13:15Ховд голын усанд сүүлийн гурван сард зургаан иргэн осолдож амиа алджээ8 сар 17. 13:10“Үндэсний төв цэнгэлдэх хүрээлэн” төслийн концепц, Загвар зураг төсөл боловсруулах уралдаанд ирүүлсэн ... бүтээлд иргэд, олон нийт саналаа идэвхтэй өгөхийг уриалж байна8 сар 17. 13:05Амралтын өдрүүдээр үр бүтээлтэй байх 10 зөвлөмж8 сар 17. 13:00Монгол эмэгтэйн сувдан гоёл бас соёл8 сар 17. 12:55“Бавария” Коутиньог зээлээр авлаа8 сар 17. 12:50Японы импортын хаягдлын хяналтыг чангатгана8 сар 17. 12:45Домог Иньеста хараагүйчүүдийн хөл бөмбөг тогложээ8 сар 17. 12:40
© 2008 - 2019 он. Зохиогчийн эрх хуулиар хамгаалагдсан.