2018 оны 10-р сарын 8
12 цаг 05 минут

Эмэгтэй хүнд хэзээ ч хэлж болохгүй үгс

Эмэгтэй хүн гэдэг эмзэг турьхан атлаа эргэцүүлэн бодохдоо гаргууд байдаг. Таны бодолгүй хэлсэн ганц үгэнд ухаангүй ихээр гомдох атлаа ердөө чанга гэгч нь тэврэхэд чимээгүйхэн баярлаж, чамаас өөр хэнийг ч ингэж хайрлаж чадахгүйгээ мэдэрдэг юм. Ингээд та бүхэндээ эмэгтэй хүнд хэзээ хэлж болохгүй үгсийг сонирхуулъя.

 

1. Чи нэг л онцгүй харагдаж байна

Тухайн эмэгтэй үнэхээр өвдсөн, сульдсан харагдаж байвал чи онцгүй харагдаж байна гэх нь түүнд хайргүй, эсвэл түүнийг үзэн ядаж байгаа мэт сэтгэгдэл төрүүлэхүйц хоосон хөндий санагдана. Харин түүнд өвчин зовлон тохиолдсон хэцүү байхад нь та яагаад багахан ч гэсэн анхаарал хандуулж, халамжилж чадахаараа тус болж болохгүй гэж?

2. Галзуу амьтан

Магадгүй таны хэлдэг үнэн ч байж болно.Гэхдээ л шууд нүүр лүү нь харж байгаад “Галзуу” гэж хэлэх нь түүнд ямар хүнд тусахыг төсөөлж байна уу? Урьд өмнөхөөсөө илүүтэй галзуу мэт аашилж, таниас холбоогоо таслахдаа ч хүрч болно. Иймд тохиромжтой мөчийг харж байгаад эвээр тайлбарлаад үзэхийг зөвлөе.

3. Би хүсэхгүй байна

Эмэгтэй хүн ингэж хэлээд хэрэггүй л болов уу? Элдвийг төсөөлөн харахдаа гаргууд тэд шууд л тэр бүгдийг өөр дээрээ тусгаж, хүндээр хүлээж авна. Таныг өөр бүсгүйтэй болчихож, намайг тоохоо байчихаж гэх мэтчилэн хэцүүхэн байдал үүсгэнэ. Мөн тэр өөрөө секс хийхийг хүсэхгүй байсан ч таныг хүсэх л юм бол өөрийгөө умартаж байдаг гэдгийг санаарай.

4. Групп секс хийх үү?

Тэр таны найз бүсгүй, эсвэл таалагддаг бүсгүй тань бол хэзээ ч ингэж хэлэхгүй байсан нь дээр. Ямар ч эмэгтэй хүн ийм зүйл сонсоод баяртай хүлээж авна гэж байхгүй шүү дээ. Яаж ч бодсон найз залуугаа өөр бүсгүйтэй хуваалцахыг хэн хүснэ гэж?

5. Өмнө нь хичнээн залуустай болзож байсан бэ?

Дийлэнх бүсгүйчүүд өнгөрсөн амьдралаа сөхөж тун дургүй. Ихэвчлэн тэдний харилцаа таагүй байдлаар төгссөн байх тул түүний эмзэг асуудлыг нь хөндөх гэсний хэрэггүй. Хэрвээ та үнэхээр түүндээ хайртай бол өмнөх амьдрал хэнд хамаатай юм бэ? За яахав тэр хариуллаа гэж бодъя. Тэр эргүүлээд таниас асууна, харин танд хариулахад амар байх уу? Тиймээс өөрийгөө ч гэсэн хэцүү байдалд бүү оруулаарай.

6. Найзуудыг чинь үзэн ядаж байна

Яахав түүний найзууд галзуу солиотой аашилж таны дургүйг хүргэдэг байж мэднэ. Гэхдээ энэ талаараа найз бүсгүйдээ хэлээд хэрэггүй, хэрүүл л болно. Та түүний найзуудтай биш зөвхөн түүнтэй хамт амьдрах тул бусад хүмүүст тэгтлээ ач холбогдол өгсний хэрэггүй. Хэрэв үнэхээр тэсгэл алдаад найзуудыг нь ямар их үзэн яддаг гэдгээ хэлж орхивол бөөн хэрүүл үүсэх нь гарцаагүй.

7. Миний хуучин найз бүсгүй

Өөрийнхөө хуучин найз бүсгүйн талаар ам нээгээд ч хэрэггүй. Ингэснээр та тэсрэх бөмбөг тавьж байна л гэсэн үг. Тэд эхэндээ бага багаар таны яриаг сонсож, дотроо хадгалж байгаад эгзэгтэй мөчийг тааруулан дэлбэрч, таныг юу ч үгүй болтол ниргээд өгнө гэж мэдээрэй.

8. Бүгдийг нь идэх гэж байгаа юм уу?

Та сая юу гэсэн бэ? Үнэхээр тэгээд хэлчихлээ гэж үү? Тэднийг хоол, зууш идэх үед нь “Пөөөх… Чи яасан их иддэг юм бэ?”, “Ямар ховдог юм бэ?, Бүгдийг нь идэх гэж байгаа юм уу?” гэх зэргээр битгий шүүмжил. Энэ нь “Чи ч үнэхээр тарган юм аа”, “Яг гахай шиг харагдаж байна” гэж хэлж байгаагаас огт ялгаагүй хэрэг. Ер нь эмэгтэй хүн их иддэг байлаа ч, түүнийг шүүмжлэх эрх өөрөөс нь өөр хэнд ч байхгүй гэдгийг сайн санаж яваарай, залуусаа!

9. Тэр ч халуухан юм аа.

Хажуугаар тань халуухан бүсгүй зөрөн өнгөрөх төдийд л найз бүсгүй тань ам асууж, тэр халуухан байна уу? тэр хөөрхөн байна уу? гэхчлэн байцааж гарна. Хэрэв тэр бүсгүй үнэхээр халуухан байсан ч үүнийг найз бүсгүйдээ хэлээд хэрэггүй л болов уу. Зүгээр л дотроо хадгал. Энэ нь хэн хэнд нь дээр байх бөгөөд элдэв хэрүүл ч үүсгэхгүй.

10. Сарын тэмдэг чинь ирчихээ юу?

Бүсгүйчүүд сарын тэмдэг нь ирэхээр ааш зан нь таагүй болж, хувирч, ойлгомжгүй болдог. Тэдэнд сарын тэмдэг ирдэг гэдгийг та ч, би ч мэднэ. Тэгэхээр заавал асуух шаардлага байна гэж үү? Ойлгомжтой юмыг зүгээр орхиж, аль болох уур бухимдлыг нь төрүүлэхгүйгээр халамжилж, хайрлаж,басхүү идэх дуртай амттай зүйлсийг нь авч өгөөрэй.

11. Тайвшир

Бүсгүй танд ихээр бухимдаж, тань руу үсчиж дайрч байвал “Тайвшир” гэж хэлэх хэрэггүй. Энэ үг нь яг л “Алив дахиад жоохон уурлаадхаач, харъя” гэж л чихэнд нь бууна. Харин ийм үг сонссон бүсгүй таны үгэнд орж, тайвшрах бус харин ч дүрэлзэн асна гэж мэд. Иймд залуу минь арай өөр санаа бодож олсон нь дээр биз…

12. Юугаа бодоод байгаа юм?

Түүний юу бодож байгаа нь ойлгомжтой. Зөвхөн таны талаарх бодол толгойгоор нь дүүрэн эргэлдэж байдаг юм шүү. “Намайг өөр бүсгүйтэй хуурдаг болов уу?, ойрд яагаад хөндий байгаа юм бол? Би буруу зүйл хийгээгүй байгаа?” гээд л маш олон юм бодож байдаг. Харин та яг эгзгийг нь тааруулаад юу бодож байгааг нь асууж орхивол аянгын харанга дэлдэж, эсрэгээрээ таныг байцааж эхэлнэ гээч.

13. Энэ хүүхэд үнэхээр минийх гэж үү?

Хэрэв та санамсаргүй байдлаар эсвэл тоглоомоор жирэмсэн эхнэртээ “Энэ хүүхэд үнэхээр минийх мөн юмуу?” гэж асуувал дууслаа л гэсэн үг. Та долоо хоногийн дараа эмнэлгийн орон дээр л сэрэх байхдаа. Үүнээс гадна бүсгүйн сэтгэлд хэзээ ч мартагдахааргүй шарх сийлж орхисон та насан туршдаа гэмшиж амьдрах хэрэгтэй болно.

14. Чи тавьсан уу?

Заавал асуулгүйгээр царайнаас нь хараад мэдчихэж болох зүйл шүү дээ. Хэрэв бүсгүйд болж өнгөрсөн секс тэгтлээ сайхан санагдаагүй, дур тавиагүй тохиолдолд ингэж асуух юм бол тавлаж, хор шарыг нь малтаж байгаа мэт сэтгэгдэл төрүүлнэ. Зүгээр л юу асуух гэж байгаагаа бодож байвал зохилтой.

15. Чамайг үнсэж болох уу?

Хэтэрхий боловсон зан гаргах гэж байгаад алдаж орхисон залуус олон байдаг юм шүү. Та түүнээс үнсэж болох эсэхийг асуувал, бүсгүй өөрийг тань соёлтой гэхээсээ илүүтэй солиотой, өөртөө итгэлгүй амьтан байна гэж дүгнэнэ. Зүгээр л зоригтой, өөртөө итгэлтэй байж түүнийг үнс. Энэ чинь л түүнд илүүтэй сэтгэгдэл үлдээнэ шүү.

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Дэлхийн "хамгийн шилдэг" паспортыг нэрлэжээ11 сар 21. 18:00Харвардын их сургууль 34 жилийн судалгаагаар эрүүл амьдрах дүрэм гаргажээ11 сар 21. 17:55Роналду нууцаар хуримлажээ11 сар 21. 17:50ФОТО: Эргэн ирэлтийг нь хийхийг хүлээдэг эмэгтэй кпоп хамтлагууд11 сар 21. 17:45ФОТО: Будапешт хотын үзэсгэлэнт өвөл11 сар 21. 17:40ОЛОН ӨНГӨ: Амьдралыг бүтээгч агшнууд11 сар 21. 17:35Германд хүүхдээ вакцинд хамруулаагүй эцэг, эх 2750 ам.доллар хүртэлх мөнгөөр торгуулна11 сар 21. 17:30Ангараг гариг дээр шавж амьдардаг нь тогтоогджээ11 сар 21. 17:25Цээл суманд 4,3 магнитутын хүчтэй газар хөдлөлт боллоо11 сар 21. 17:20Абэ Шинзо Японы бүх цаг үеийн түүхэн дэх дээд амжилт тогтоолоо11 сар 21. 17:15Санаандгүй авч, түм, буман хүнийг гайхшируулсан зургууд11 сар 21. 17:10Google улс төрийн сурталчилгааг хориглоно11 сар 21. 17:05Инстаграмд хамгийн их орлоготой орос одод11 сар 21. 17:00Өмнөд Солонгос цэргийн алба хаагчдын тоог 1.300-аар цөөлнө11 сар 21. 16:55Б.Сарантуяа: “Гоёл Медикал” үйлчлүүлэгчиддээ 100 хувийн сэтгэл ханамжийг амладаг11 сар 21. 16:54Шүдний чулуу гэж юу вэ11 сар 21. 16:50К.Макгрегор яаралтай тусламжийн албанд сая ам.доллар хандивлав11 сар 21. 16:45Хөдөө аж ахуйн биржийн брокерын "эрх олгох сургалт"11 сар 21. 16:43Боливид сонгууль явуулах хуулийг батлахыг хүсжээ11 сар 21. 16:40Дэлхийд шинэ улс мэндлэх гэж байна11 сар 21. 16:35Онгоц, галт тэрэг өндөр хурдны интернеттэй болно11 сар 21. 16:30Путин ЗСБНХУ тарж бутарсан шалтгааны тухай ярив11 сар 21. 16:25Цахилгаан эрчим хүч хэмнэх энгийн аргууд11 сар 21. 16:20Одон орны физикчид хамгийн хүчтэй гамма цацрагийг бүртгэжээ11 сар 21. 16:15Эх хэл бичгийн багш нар ур чадвар, бүтээлээрээ өрсөлдлөө11 сар 21. 16:10Өдрийн тойм: Монголбанкны Ерөнхийлөгчийг чөлөөлж, Оюутолгойн гэрээг өөрчлөх эхлэлийг тавилаа11 сар 21. 16:07БНХАУ есөн мужийнхаа хөдөлмөрийн хөлсний доод хэмжээг нэмэгдүүлнэ11 сар 21. 16:05Шорон дотроос залилан хийж сая ам.доллар луйварджээ11 сар 21. 16:00Салхинцэцэг өвчнөөс урьдчилан сэргийлье11 сар 21. 15:55Дэлхийн телевизийн өдрийн талаарх сонирхолтой 12 баримт11 сар 21. 15:50
© 2008 - 2019 он. Зохиогчийн эрх хуулиар хамгаалагдсан.