2018 оны 11-р сарын 7
17 цаг 42 минут

Сурвалжлага: Аутизмтай хүүхдүүд эцэг эхийн хайраар дутдаггүй ч та бидний хайраар дутагддаг

         “Бурхнаас өгсөн дундуурхан тавиландаа
          Бууж өгөлгүй, тэмцэж яваа
          Сэтгэлдээ нартай бяцхан багачуудад минь
          Уужим хорвоог сөхрөлгүй туулах
          Урам зоригийг сэтгэлээсээ хайрласан
         Ухаант хүмүүстээ баярлалаа” гэх үгээр өнөөдрийн сурвалжлагаа эхлүүлье гэж бодлоо. Учир юу вэ гэвэл, бид энэ удаад Аутизмтай буюу оюуны бэрхшээлтэй хүүхдүүдийн ертөнцөөр аялсан юм.

Тодруулбал, Монголын тусгай олимпийн хорооны эрүүл мэндийн төслөөс оюуны бэрхшээлтэй хүүхдүүдийг нийгэмшүүлж, эрүүл амьдрах зөв дадалыг бий болгоно, нийгмийн харилцаанд идэвхтэй оролцдог болгох зорилгоор олон ажил зохион байгуулдагын нэг болох Эрүүл мэндийг дэмжих хамтарсан фитнес хөтөлбөрийн хаалтын арга хэмжээнд дээр очиж сурвалжлага хийх боломж олдсон юм.

Тус арга хэмжээн дээр очоод хамгийн түрүүнд төрсөн сэтгэгдэл бол тэд эцэг эхийн хайраар дутдаггүй ч та бидний хайраар дутагддаг, бусад хүмүүс өөрсдийг нь хараад гайхаж, цочирдолгүйгээр чин сэтгэлээсээ харьцаж, инээмсэглэн угтдаг сайхан нийгмийг мөрөөддөг юм байна гэх бодол байлаа.

Мөн тэд спортоор хичээллэх маш их дуртай, долоо хоног болгоны бүтэн сайн өдрийг тэсэн ядан хүлээж хамтарсан фитнес хөтөлбөртэй хамрагддаг гэдгийг эцэг эхчүүд нь онцлоод сайн дурынхан болон Монголын тусгай олимпийн хорооныхондоо баярлаж байгаагаа илэрхийлж байсан юм.

Харин Монголын тусгай олимпийн хорооны Эрүүл мэндийн төслийн захирал Г.Жавзандулам "Өнөөдөр хүүхдүүдээ хараад би маш их баяртай байна. Төсөлд анх ирэхдээ ямар байсан гурван сарын дотор хэрхэн өөрчлөгдсөнийг мэдрэх нь маш сайхан байна. Хэн, хэн ямар амжилттай байсан, ямар үр дүн гарснаа бид бэлхнээ мэдэж байгаа учир өнөөдөр тэр тухай ярихгүй. Харин яагаад хийх болсноо хэлэх учиртай байх. Оюуны бэрхшээлтэй хүүхдүүдэд зориулсан спортын хөтөлбөр төсөл огт байгаагүй. Тэдэнд байнгын хөдөлгөөн, дасгал сургууль хийх орчин, хамт олон дутагдаж байдгийг мэдэрсэн учир төслөө эхлүүлсэн. Ням гариг та бидний хүүхдүүдийн тэсэн ядан хүлээдэг өдөр болсон гэдэг үгийг би олон хүнээс сонссон. Энэ үг л бидний ажлын үзүүлэлт. Мөн нэг ч төгрөгийн цалин авахгүйгээр, сайхан сэтгэл гарган хүүхдүүдэд маань тусласан, дэмжин ажилласан сайн дурын залуучууддаа маш их баярлалаа гэж хэлмээр байна" хэмээн сэтгэл догдлон ярьж байсан юм.

Харин дараа нь бид хамтарсан фитнес хөтөлбөрт хамрагдсан хүүхдүүдийн төлөөлөл болгож Б.Амарболдын ээж М.Батжаргалтай уулзсан юм. Тэрбээр “Манай хүүхэд 14 настай энэ хөтөлбөрийн 11 долоо хоногийн арга хэмжээнд бүгдэд нь хамрагдсан. Хөтөлбөрт хамрагдаад танин мэдэхүйн мэдлэг нь тэлж, үгийн баялаг, хөдөлгөөн нь сайжирсан. Мөн эрүүл мэнддээ ч гэсэн маш зөв хандлагуудыг бий болгосон. Тодруулбал, манай хүүхэд ус бараг уудаггүй, ихэвчлэн ундаа уудаг байсан бол төслийн захирал Г.Жавзандуламын хэлсэн “Хүүхдүүдээ өдөр болгон дор хаяж гурван аяга ус ууж байгаарай” гэдэг үгийг сонсоод, маш сайн хэрэгжүүлж байгаа. Энэ мэтчилэн маш их өөрчлөлт, ахиц дэвшил гарсан учраас баяртай байна” гэдгээ онцолж байсан юм.

Хамтарсан фитнесс хөтөлбөрийн сайн дурынхны багийн гишүүн Б.Намуунзултай уулзаж зарим зүйлийг тодрууллаа.

 

-Яагаад эдгээр хүүхдүүдэд туслаж, хамтарч ажиллахаар болсон бэ. Хамтарч ажиллаад хэчнээн хугацаа өнгөрч байна?

-Би анх тусгай олимпийн хорооны сайн дурын ажилтнаар ажилладаг байсан. Тэгээд ийм хөтөлбөр хэрэгжих гэж байгааг сонсоод ажиллахаар шийдсэн. Учир нь би эдгээр хүүхдүүдэд бидэн шиг энгийн хүүхдүүдийн тусламж дэмжлэг ямар их хэрэгтэй чухал байдгийг мэднэ. Тиймээс долоо хоногийн ганцхан өдрийг энэ хүүхдүүдэд зориулаад цагийг хамт өнгөрөөж, сэтгэлийн дэм өгье гэж бодсон.  

-Яг ажиллаад үзэхэд ямар байна. Сэтгэгдэлээсээ хуваалцахгүй юу?

-Тэд нарыг өөрсдөөсөө ялгаатай гэдгийг мэдрүүлэхгүйгээр чөлөөтэй харьцаад хамт цагийг өнгөрүүлэх л хамгийн гоё байдаг. Учир нь энэ хүүхдүүд маш их сэтгэлээрэй цагаахан хүүхдүүд байдаг. Тэр ч утгаараа бидэн дээр ирээд ярихад нь, тоглоход нь, асуухад нь сайн сонсогч,  сайн хамтрагч нь байж, хүүхэд бүрийг баярлуулахыг хичээдэг. Ер нь бол хамгийн сайхан мэдрэмж шүү дээ.

Төсөлд хамрагдсан хүүхдүүдийн чадан яадан хэлж байгаа “гоё байсан, зөндөө их зүйл сурсан, багш нартаа баярлалаа” гэх үгнүүднээс асар их хичээл зүтгэл, чин сэтгэл, хүсэл тэмүүлэл мэдрэгдэж байсныг нуух юун.

Эцэст нь, Нийгэм бүхлээрээ тодорхой хэмжээний ойлголттой байвал аутизмтай хүүхдэд ч, ар гэрт нь тустай гэдгийг онцолж хэлмээр байна. Учир нь, нийгэмд эл эмгэгийн тухай мэдээлэл маш дулимаг байгаа учраас аутизмтай хүүхэдтэй таарахдаа үргэлж буруу талаас нь бодож, эцэг эхийг нь хүүхдээ буруу хүмүүжүүллээ хэмээн чичилдэг байна. Энэ нь хүүхдэд болон эцэг, эхчүүдэд маш их дарамт болдог аж. Тиймээс нийгэм эл эмгэгийн талаар мэдээлэлтэй болж, хэрвээ ийм эмгэгтэй хүүхэдтэй эцэг, эхтэй таарсан бол тэднийг ойлгож, тусалж байхыг уриалж байна.       

  

 

 Т.Гэрэл

 

 

 

1
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1 сэтгэгдэлСэтгэгдэл бичих

2.134.103.146Зочин   • 2018, 11 сарын 7. 22 цаг 55 минут

Аутизмтай хуухдийг оюуны бэрхшээлтэй гэх нь буруу! Сэтгэхуйн онцлогтой л хуухдууд.

Шинэ мэдээ

Автобус тоормосгүй болсон учраас осол гарсан хэмээн мэдүүлжээ7 цаг 53 минутын өмнөДуучин Нарагийн экс нөхөр Батцацрал дахин нэг хүний амьдралыг бусниулжээ8 цаг 57 минутын өмнөЗам даваа гүвээ хаагдаж, халтиргаа гулгаа үүсч болзошгүйг онцгойлон анхааруулж байна10 сар 19. 17:57Дулааны цахилгаан станцуудын шүүлтүүрийн ашиглалтын хугацаа дуусч байна10 сар 19. 17:52АНУ Европоос импортлодог зарим төрлийн бараанд нэмэлт татвар тогтоолоо10 сар 19. 15:00Түүхэнд анх удаа эмэгтэйчүүдийн баг задгай сансарт ажиллалаа10 сар 19. 14:55Ор сураггүй болсон нуурын эрдэмтэд тайлж чадсангүй10 сар 19. 14:50Ургац хураалт 83,9 хувьтай10 сар 19. 14:45Хэрэв 20-иод наснаас эхлэн таргалбал эрт нас барна10 сар 19. 14:40Нэг бүсгүйд дурласан эхнэр нөхөр хоёр10 сар 19. 14:35НӨАТ-ын сугалааны тохирол маргааш болно10 сар 19. 14:30Гэрийн нөхцөлд шүдний өнгөө сэргээх 8 алхам10 сар 19. 14:30Японы эзэнт гүрний ирээдүйн хувь заяа 13 настай хүүгийн мөрөн дээр10 сар 19. 14:25Ханхүүтэй гэрлэсэн орчин үеийн "Үнсгэлжин"-үүд10 сар 19. 14:20Каталонд бэртэж гэмтсэн хүний тоо 89 болжээ10 сар 19. 14:15Яармагийн замд явган зорчигч нарт зориулсан гэрлэн дохионы товчлуур ажиллана10 сар 19. 14:14Тарвага худалдан авсан, тээвэрлэсэн зөрчлүүдийг шалгаж байна10 сар 19. 14:10“Жокер” ашиг орлогоороо boxoffice-ийг дахин тэргүүлжээ10 сар 19. 14:05Автобус огт тоормосгүй болсон учраас осол гарсан хэмээн мэдүүлжээ10 сар 19. 14:00Нийслэлд хэрэгжүүлж байгаа төсөл хөтөлбөрүүдийн хэрэгжилтийг эрчимжүүлэхийг үүрэг болгов10 сар 19. 14:00Алан хядах ажиллагаанд бэлтгэж байсан сэжигтнийг баривчилжээ10 сар 19. 14:00Улайсдаг гэрлийн хэрэглээнээс татгалзъя10 сар 19. 13:55Нүдний зовхи яагаад татдаг вэ10 сар 19. 13:50Гоолиг Бритни Спирс залуу амрагаараа гоёв10 сар 19. 13:45Энэ ням гарагт хүчит бөхийн барилдаантай10 сар 19. 13:40Өнөөдөр "Дүнжингарав" худалдааны төвөөс Амгалан хүртэл замыг түр хаана10 сар 19. 13:36Abominable хүүхэлдэйн киног эсэргүүцсэн гурав дахь орон Малайз болов10 сар 19. 13:35Гэрээслэл үлдээгээд алга болсон эхнэр, нөхрийг олжээ10 сар 19. 13:30Б.Баднайнямбуу өсвөрийн сумод түрүүлж Японд очиж барилдах эрхээ авлаа10 сар 19. 13:25Инстаграм дахь хамгийн их дагагчтай 10 хэрэглэгчид10 сар 19. 13:20
© 2008 - 2019 он. Зохиогчийн эрх хуулиар хамгаалагдсан.