11-р сарын 8
11 цаг 22 минут

Авто зогсоолуудад цэнэглэгч суурилуулах ажил эхэллээ

Нийслэлийн Засаг даргын дэвшүүлсэн “Ногоон хот” зорилтын хүрээнд цахилгаан автомашины хэрэглээг нэмэгдүүлэх алхмууд хийгдсээр байна. Өнөөдөр цахилгаан автомашины цэнэглэгч станцыг нийслэлийн өмчийн нийтийн эзэмшлийн авто зогсоол, талбайд байрлуулах ажил албан ёсоор эхэллээ.

Цэнэглэгч төхөөрөмж худалдан авах, суурилуулах, ашиглах, орчныг тохижуулах, тэмдэгжүүлэх, засвар үйлчилгээг өөрийн хөрөнгөөр, мэргэжлийн байгууллагуудаас тавьсан хууль ёсны шаардлага, олон улсын стандартад нийцүүлэн хийж гүйцэтгэх урилгыг хоёр удаа нээлттэй зарласны дагуу “Глобал моторс” ХХК, “Номин ойл” ХХК, “Топологи” ХХК-иуд санал ирүүлсэн юм. Эдгээр аж ахуйн нэгжүүд хэрэглэгчийн аюулгүй байдлыг дээд зэргээр хангах, 2018 онд багтаан цэнэглэгчүүдийг ашиглалтад оруулах үүрэг хүлээж байгаа бөгөөд манай улсын хувьд шинэ тутам энэхүү үйлчилгээтэй холбоотой аюулгүй ажиллагааны заавар, зөвлөмжийг ил харагдахуйц, энгийн ойлгогдохуйц байдлаар хийж байрлуулах, цахилгаан машины хэрэглээг сурталчлах ажлыг давхар хийж гүйцэтгэнэ.

Нийслэлийн Засаг даргын Тамгын газар, Байгаль орчны газраас Улаанбаатар хотын агаарын бохирдлын 10 хувийг эзэлж байгаа автомашины яндангаас гарах хорт утааг багасгах, байгаль орчинд үзүүлэх сөрөг нөлөөллийг бууруулах, эдийн засгийн хэмнэлттэй, стратегийн ач холбогдолтой цахилгаан тэжээлт автомашины хэрэглээг нэмэгдүүлэх зорилгоор авто замын хөдөлгөөнд дугаарын хязгаарлалтгүй оролцуулж, зам ашиглалтын төлбөрөөс чөлөөлөөд байгаа билээ.

Цахилгаан тэжээлт автомашины хэрэглээ дэлхий нийтэд 2008 оноос эрс нэмэгдсэн ба түлшинд зарцуулах эдийн засгийн хэмнэлт, байгаль орчны хүчин зүйл, нийгмийн эерэг өөрчлөлт, нэр хүндийн баталгаа болдог зэрэг шалтгаан нь иргэдийн худалдан авалтад гол нөлөө үзүүлж байна. 15-20 жилийн дараа томоохон автомашин үйлдвэрлэгчдийн үйлдвэрлэх автомашины 90 хувийг цахилгаан автомашин эзлэх судалгаа гарсан байдаг. Дэлхийн хамгийн том автомашины зах зээл болох БНХАУ шатахуунаар ажилладаг автомашины үйлдвэрлэлийг зогсоохоор төлөвлөж буй бол Энэтхэг улс 2030 он гэхэд бүх автомашиныг цахилгаан хөдөлгүүртэйгээр үйлдвэрлэх зорилт тавин ажиллаж байна. Их Британи болон Франц улсууд ойрын 20 жилийн дотор бензин болон дизель түлшээр ажилладаг автомашины худалдааг зогсоохоо мэдэгдээд байгаа билээ.

Уур амьсгалын өөрчлөлтийн талаарх Парисын хэлэлцээрээр улс орнуудын хүлээсэн үүрэг, амлалт, цахилгаан автомашин, түүний сэлбэг хэрэгсэл үйлдвэрлэгчдийн төлөвлөлтөөс үзэхэд 2025 он гэхэд цахилгаан машины хэрэглээ 40-70 саяар нэмэгдэх хандлагатай байгаа. Нийтийн эзэмшлийн зам, талбайд байрлах цэнэглэгч станцын тоо жилд 72 хувиар, цахилгаан машины үйлдвэрлэл 60 хувиар өсч байна. Үүнд байгальд ээлтэй сэргээгдэх эрчим хүчний эх үүсвэр, хэрэглээний өсөлт, цэнэг хураагуурын технологийн шинэчлэл шийдвэрлэх үүрэг гүйцэтгэсэн юм.

Манай улсын хувьд цахилгаан автомашины хэрэглээг дэмжих хамгийн чухал эдийн засгийн ач холбогдол нь импортоор авдаг шатахууны зардлыг бууруулж, вальютын нөөцийг хэмнэн, дотоодын эрчим хүчний эх үүсвэрийг ашиглах явдал юм.

6
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

6 сэтгэгдэлСэтгэгдэл бичих

103.229.121.249Зочин   • 2018, 11 сарын 9. 7 цаг 43 минут

Zob rultei mashiniig oruulj irehiig horigloe

103.57.95.79Зочин   • 2018, 11 сарын 9. 12 цаг 18 минут

Өөр юу гэмээр бна

66.181.178.214Zochin   • 2018, 11 сарын 8. 16 цаг 24 минут

Buruu rulitei tergiig orj irhiig horgileo.20jiliin daraa ulaanbaatar hotod hodolgoond oroltshiig buur horiyo neg standarttai bolyo

103.57.95.151Зочин   • 2018, 11 сарын 8. 14 цаг 09 минут

МӨНГӨ ИДЭХ АРГАА ОЛЖ ЯДАХ ЮМ АА. ХАА БАЙНАА? ТЭР ОЛОН ЦАХИЛГААН МАШИНУУД ЧИНЬ?

59.153.114.142Футурист   • 2018, 11 сарын 8. 12 цаг 05 минут

Монголд одоо явж байгаа ЦАХ машинууд Со, Жап, Европоос хэрэглээнээс гараад ирэх үед манайд орж ирнэ. Тэр болтол өөрсдийн цах машиныг хөгжүүлэх хэрэгтэй байна.

103.29.144.2Зочин   • 2018, 11 сарын 8. 12 цаг 04 минут

Ха Ха нефтийн үйлдвэрээ яах вэ. өрөө төлөөд зогсох уу . Том оврын ачааны машин л түлшээр явах уу. 50 жил ашиглахгүй бол цнефтийн үйлдвэрийн ашиг гэж юу байна.

Шинэ мэдээ

Дохио!!! Цаг агаарын аюултай үзэгдлээс сэрэмжлүүлэх мэдээ21 минут 2 секундын өмнөД.Трамп ерөнхийлөгчийн сонгуулийн гол өрсөлдөгчдөө нэрлэжээ31 минут 2 секундын өмнөГ.Занданшатарын “Нэг Монгол нэг зүгт. Хөгжил бол цэгцрэх хөдөлгөөн” ном “Университетская книга” төслийн Гран при шагнал хүртлээ35 минут 3 секундын өмнөТанд хэрэгтэй санаанууд: Цэцгийн мандал36 минут 2 секундын өмнөАмерикийн сансрын нисэгч эмэгтэй дээд амжилт тогтоохоор зэхэж байна41 минут 2 секундын өмнөБНХАУ-ын анхны “хуруу шил”-ний хүүхэд ээж болжээ46 минут 2 секундын өмнөХорт хавдраар нас барсан бүсгүйн энэ захидал таны амьдралыг өөрчилнө51 минут 2 секундын өмнөСерхио Агуэро: Финалдахад 3 тоглолт үлдлээ56 минут 2 секундын өмнө“Patriot” зенитийн пуужингийн системийг нийлүүлэх асуудлаар шинэ санал тавьжээ1 цаг 2 минутын өмнөНохой нэрээр нь дуудахад баярладаг бол муур болгоомжилж, үл итгэдэг1 цаг 7 минутын өмнө“D13 Esports” баг Малайз улсад болох тэмцээнд урилгаар оролцоно1 цаг 12 минутын өмнөЯдуу буурай орны иргэд үхэж байхад Нотр- Дамд хандивлагч баячууд хаана байсан бэ1 цаг 17 минутын өмнөӨсвөрийн бөхчүүд улсын аваргаас багаараа мөнгөн медаль хүртжээ1 цаг 22 минутын өмнөХ.Тэргэл: Хадам ээж1 цаг 27 минутын өмнөКонсейсо: Ливерпүүл бол яах аргагүй дэлхийн хүчирхэг баг болсон1 цаг 32 минутын өмнөУЕП-ын орлогчоор М.Чинбат, С.Алиманцэцэг нарыг томиллоо1 цаг 34 минутын өмнөИзраилын Засгийн газрыг байгуулах үүргийг Биньямин Нетаньяху хүлээлээ1 цаг 37 минутын өмнөТайванийг өөрийн болгох Бээжингийн “нууц хөзөр”1 цаг 42 минутын өмнөДэлхийн шуудан холбооны дүрмийн есдүгээр нэмэлт протоколыг соёрхон батлах тухай хуулийн төслийг баталлаа1 цаг 42 минутын өмнөХөтлөгч Ууганаа хүүхдүүдээс үл ялгарна1 цаг 47 минутын өмнөКим Жөн Ун тактикийн зэвсгийн туршилтыг удирдан явуулжээ1 цаг 52 минутын өмнөЖ.Харден трибл-дабл хийн цуврал 2-0 боллоо1 цаг 53 минутын өмнөУс цацах баяр1 цаг 57 минутын өмнөБензиний шар гэрэл чинь асаалттай удаан явбал юу болох вэ2 цаг 2 минутын өмнө“Walt Disney” Нотр-Дамыг сэргээн засварлахад зориулж 5 сая ам.доллар хандивлана2 цаг 7 минутын өмнөОБЕГ: Богд ууланд гарсан галыг унтраахаар ажиллаж байна2 цаг 8 минутын өмнөЖүжигчин Цоомоо “од” юм байна2 цаг 12 минутын өмнөШинэчилсэн “Boeing 737 MAX”-ийг сүүлийн удаа туршжээ2 цаг 17 минутын өмнөСансарт зочид буудал хөөрөх нь2 цаг 22 минутын өмнөЦЕГ: "Никель Ганбаа" нарт холбогдох хар тамхины хэргийн нотлох баримтууд алдагдаагүй2 цаг 22 минутын өмнө
© 2008 - 2019 он. Зохиогчийн эрх хуулиар хамгаалагдсан.