12-р сарын 3
10 цаг 15 минут

“Гал голомт ариун байхад гай барцад холуур өнгөрдөг”

Монголчуудын эрт­нээс даган мөрдөж ирсэн уламжлалууд алдаг­даж буйг бид өдөр тутмын амьдралаасаа харж болно. Дэлхий даяаршихын хэрээр хүн төрөлхтөн өөрчлөгдөж байна. Дэлхийн хувьслыг дагаад үндэстэн бүхний онцлог цаашлаад хүний мөн чанар алдагдаж буйг хэн ч анзаардаггүй. Энэ нь хэвийн үзэгдэл мэт боловч хэн нь хэн бэ гэдгээ аажмаар мартаж буй “аюулын харанга” юм. Хондлой дээрээ хөх толботой төрдөг учир монголчуудыг дээд тэн­гэрээс заяатай, тэнгэрлиг ард түмэн хэмээдэг. Гэвч хөх толбо нь өдрөөс өдөрт бүдгэрч буй тухай зарим буурлууд ярьдаг. Бид бас л тоодоггүй. Бид өмнөх дугаартаа монгол уламжлал хэрхэн устаж буй тухай өгүүлсэн. Энэ удаагийн цувралдаа ч эртнээс даган мөрдөж ирсэн зарим уламжлал ямар байсан тухай сануулахаар бэлтгэлээ.

ГАЛ ТАХИХ МОНГОЛ УЛАМЖЛАЛ АЛДАГДАЖ БАЙНА

Монголчууд галаа дээдэл­дэг ард түмэн. Гал голомт цэвэр ариун байвал тэр айлын ажил үйлс бүтэмжтэй байна хэмээн бэлгэшээдэг. Тиймээс галдаа хар модноос өөр юу ч хийлгүйгээр тахин дээдэлдэг ажээ. Балчир байхад эмээ өвөө минь тулганд бурхан байдаг хэмээн домог ярьдаг байсныг тод санаж байна. Галаа баярлуулъя хэмээн өөхний өөдөс, шар тос хийхэд тулган дахь гал бадамлан асч, баярлан хөөрч буй мэт дүрэлздэг байсан цаг саяхан. Тэгвэл монголчуудын энэ уламжлал мартагдахад хүрчээ. Ижий аавтайгаа амьдардаг зарим нь л галаа дээдлэхээс залуу гэр бүлүүд галаа хэрхэн хүндэлж, дээдлэх тухай мэдэхгүй байгаа нь харамсалтай. Ихэнх нь тохилог байранд амьдардаг тул гал голомт гэдэг ямар учиртай болох, хэрхэн тахих тухай мэдлэг алга. Тиймээс айлын хиймор лундааг бадраах учиртай тулга нь зөвхөн хог чихэх зориулалттай дөрвөлжин хайрцаг болоод нэгэнт уджээ. Энэ тухай “Гэсэр” сүмийн хамба лам Б.Болд “Монголчууд галаа тахих эртний уламжлалтай. Чингис хааны үеэс галаа дээдэлж, тахиж ирсэн. Гал голомт ариун байвал гай барцад холуур өнгөрдөг. Учир нь гал гэдэг тухайн айлын хамгаалалт юм. Бүсгүй хүний бадраасан галанд өрхийн тэргүүний хийморь лундаа хамтдаа бадамлаж явдаг. Тиймээс галдаа элдэв бохир зүйл хийхгүй, ариун байдлыг нь алдагдуулахыг цээрлэх учиртай. Орчин үед залуу гэр бүл галаа дээдэлж мэдэх­гүй байна. Эсвэл ямар ч хамаагүй өдөр галаа тахиулъя гээд хүрээд ирдэг. Өнөөдөр л тахиад өг гэх жишээтэй. Гэвч гал тахих тусгай өдөр гэж бий. Хүссэн үедээ тахих боломжгүй. Галаа баярлуулах нь өөрийн дэг, ёс, уламжлалтай. Мөн орчин үеийн орон сууцанд амьдардаг залуус гал түлэх, галаа тахих боломжгүй учир өсч төрсөн эцэг, эхийн гал голомтод очиж гал шүтээндээ мөргөж, тахих учиртай” гэсэн юм.

“МОНГОЛ ЁС ЗАНШИЛ, УЛАМЖЛАЛЫН ТУХАЙ ГАРЫН АВЛАГАТАЙ БОЛМООР БАЙНА”

Хэрэв санаандгүй байдлаар тулганд зохисгүй зүйл орвол арц уугуулж, тулгыг ариусгах ёстой аж. Галыг зөвхөн номын хүчтэй хүн л тахих учиртай. Түүнээс хүссэн хүн бүхэн энэ үйлийг хийж болохгүй. Галаа тахихын тулд эхлээд хонины гурав дахь үе сүүл бэлдэх ёстой. Энэ нь идээний дээдийг бэлгэддэг аж. Галаа тахих өглөө гэрийн эзэгтэй эртлэн босч цайныхаа дээжийг тэнгэр бурхандаа өргөнө. Харин гэрийн эзэн тулгаа цэвэрлэж, гал тахих үйл явцад бэлтгэнэ. Улмаар  овог нэрээ бүтнээр нь хэлж таниулан өвөг дээдсийн гал, өөрийн гал, үр удмын гал голомт ариун дагшин байж үргэлжид мандан бадарч байхын ерөөлийг айлтгаад, өнгийн хадаг, өвчүү, шар тос, арц, ганга тэргүүтнийг галдаа өргөх ёстой. Энэ үеэр гэрийн эзэд өвдөгнөөс доош далдлах хувцас өмсөхөөс гадна заавал малгай өмссөн байх ёстой юм байна. Ийнхүү галаа тахиснаар тухайн айлын ажил үйлс бүтэмжтэй байж, нэг ёсны аливаа муу зүйлийн хаалга хаагдаж, хамгаалалт болдог юм байна. Монгол ёс заншил судлаач, доктор, профессор Б.Адилбиш “Монголчууд бид түүхээ мартаж байна. Монгол хүн хэзээ л гал голомт руугаа нулимдаг байлаа. Гэтэл ёс уламжлалаа мартсан эрээ цээргүй авир байнга ажиг­лагдах боллоо. Монгол эр хүн ховор болжээ. Ханиа дээдэлдэг бүсгүй ч цөөхөн болсон харалган үе. Гэрийн эзнээ ороод ирэхэд цайныхаа дээжийг барих нь дэлхийн хаана ч байхгүй монгол ухаан, монгол уламжлал байсан. Гэтэл бид гадны соёлд л уусаад байх юм. Хэдийгээр орчин үе рүү алхах нь зөв ч уламжлалаа мартахгүй байх нь монгол хүний нэн тэргүүний үүрэг юм шүү. Бид гал голомтоо тахихаас эхлээд идээ будааны дээжийг бурхан тахилдаа өргөж, эр нөхрийнхөө үгийг сонсч, шийдвэрийг нь хүндлэхээс эхлээд хүмүүсийн анзаардаггүй юм шиг мөртлөө монгол хүнийг тодотгосон агуу түүх, уламжлалтай ард түмэн байсан. Гэвч энэ бүхэн мартагдаж байна. Бид дэлхийн уран зохиол гэж хошуурахаас өмнө монгол ёс заншил, уламжлалын тухай гарын авлагатай болмоор байна. Хойч ирээдүй болсон хүүхэд багачууддаа бид ийм уламжлалтай ард түмэн байсан шүү хэмээн бичгээр ч болтугай үлдээх нь чухал. Миний бие 2014 онд “Монгол уламжлал” гэсэн ном гаргасан. Гэвч сонирхож, унших нь тун ховор бололтой юм” гэв. Үнэхээр монголчууд бид дэлхийд юугаараа онцгойрох вэ гэвэл ахуй соёл, монгол уламжлал ёс заншил билээ. Гэтэл бид өөрсдийн язгуур чанараа гээсээр уджээ.

“МОНГОЛД СААТАХАД ӨНӨӨХ МОРЬ БОЛОН ҮХЭР ТЭРЭГ НЬ АЧААНЫ МАШИНААР СОЛИГДСОН БАЙНА”

Японы монгол судлаач Ёшихо Харамүчи нэгэн нийтлэлээ “Монголчууд язгуур чанараа алдаж буй нь” хэмээн нэрлэжээ. Нийтлэлд “Эзэн Чингис хаанаараа омогших дуртай монголчуудын аж амьдрал он цагийн эрхэнд өөрчлөгдөж байна. Долоон жилийн өмнө Монголд очиход нүүдэлчин амьдрал нь ихээхэн сонирхол татаж байлаа. Тэд монгол гэрээ морин тэргэнд ачаад хэдэн киломертрийн цаана бэл­чээрийн соргогийг сор­чилж буудаг байв. Харин өнгөрсөн зун Монголд саата­хад өнөөх морь болон үхэр тэрэг нь ачааны ма­шинаар солигдсон байна. Хэдхэн жилийн дотор ийнхүү өөрчлөгдсөн нь сайшаалтай ч монгол уламжлал нь үгүй болсонд жаахан сэтгэл гонсойв” хэмээн бичжээ. Бид ахуй соёлоосоо хэрхэн хурдтай­гаар холдож байгааг япон судлаачийн бичсэн ганцхан өгүүлбэрээс харж болно. Хэдийгээр XXI зууны иргэд гэдгээрээ дэл­хийн соёлтой хөл ний­лүүлэн алхах учиртай ч монгол хүн гэдэг язгуур чанараа хэзээ ч алдаж болох­гүйг бид бодох, санах цаг хаяанд иржээ. Дэлхийн цээ­жинд гурван саяулаа бид эртний уламжлал, ёс заншилаа энэ хэвээр мартсаар байвал нэг л өдөр монгол хэмээх үн­дэс­тэн байсан эсэх нь мэдэг­дэхгүй, түүхийн хуудаснаа­с арчигдан одох вий.

Үргэлжлэл бий.

Ч.ГАНТУЛГА

Эх сурвалж:
0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

LIVE: Жүдо бөхийн ДАШТ8 цаг 35 минутын өмнөИрэх долоо хоногт цахилгааны хязгаарлалт хийгдэх газрууд9 цаг 32 минутын өмнөИрээдүйд хүүхдээ сайхан амьдруулахын тулд зааж өгөх ёстой 7 ур чадвар9 цаг 42 минутын өмнөШУУД: М.Уранцэцэг гавьяат ХҮРЭЛ медаль хүртлээ9 цаг 47 минутын өмнөОрост “Begaero” хэмээх нисдэг такси зохион бүтээжээ9 цаг 53 минутын өмнөАнжелина Жоли шиг болохын тулд 50 удаа мэс засал хийлгэжээ8 сар 25. 13:30ШУУД: Д.Амартүвшин гавьяат тэмцээнээ өндөрлүүлээ8 сар 25. 13:26Сонирхолтой биологи8 сар 25. 13:20ОХУ: Алтны худалдан авалтын НӨТ цуцалснаар эрэлт ихэснэ гэж тооцоолжээ8 сар 25. 13:10Хөвсгөл нуур орчмын бүсэд ус ашиглах гэрээ байгуулаагүй иргэн, ААН-үүд үйл ажиллагаа явуулахгүй8 сар 25. 13:00Тосонцэнгэлээс Улиастай чиглэлийн 114.2 км зам ашиглалтад орлоо8 сар 25. 12:45Итали: Гар утасны хамааралтай өсвөр насныхныг албадан эмчилнэ8 сар 25. 12:15Монголын баг Токиогийн олимпод “Michel & Amazonka” брендийн хувцас өмсөнө8 сар 25. 12:00Өнөөдөр СОНДГОЙ тоогоор төгссөн тээврийн хэрэгсэл хөдөлгөөнд оролцоно8 сар 25. 11:45Өнөөдрийн зурхай8 сар 25. 11:30Цаг агаарын мэдээ8 сар 25. 11:00Францад Их долоогийн дээд хэмжээний уулзалт эхэллээ8 сар 24. 15:10Д.Трамп Хятадын бараа бүтээгдэхүүний татварыг нэмэгдүүллээ8 сар 24. 15:05БНХАУ зэвсэг үл дэлгэрүүлэх асуудлаар яриа хэлэлцээ хийхгүй8 сар 24. 15:00“Qantas” дэлхийн хамгийн урт нислэгийг туршина8 сар 24. 14:55Орос Улс Дэлхийн нэгдүгээр дайнд8 сар 24. 14:5022 жилийн турш ганцаараа уул нүхлэсэн эр8 сар 24. 14:45Роналду, Месси нар Pornhub-ийн одууд8 сар 24. 14:40Ногоон цайны ач тус8 сар 24. 14:35Хонконгийн нисэх буудалд эсэргүүцлийн ажиллагаа явуулахыг хориглосон шийдвэрийг сунгажээ8 сар 24. 14:30К.Гоны эхнэр Японы шүүхийн тогтолцоог шүүмжилжээ8 сар 24. 14:25Гар утсаараа бусдыг гайхашруулсан бичлэг хийж, зураг дарах энгийн аргууд8 сар 24. 14:20Дэлхийн хамгийн баян хүнээс алх хадуур бүхий эд зүйлс худалдахаа зогсоохыг шаардав8 сар 24. 14:15Өөрийнхөө зөвийг батлах гэж цаг алдах хэрэггүй8 сар 24. 14:10“Пеппа торой”-г эзэмшигч компанийг худалдан авна8 сар 24. 14:05
© 2008 - 2019 он. Зохиогчийн эрх хуулиар хамгаалагдсан.