1-р сарын 17
10 цаг 25 минут

Б.Улаанхүү: Дурсамж өгүүллэг

Манайх гэдэг айл найман хүүхэдтэй өнөр өтгөн тэр үеийн жирийн л нэгэн сайхан айл. Аав ээж хоёр минь арван хүүхэд төрүүлж хоёрыг нь хүн болгож чадаагүй ч таван хүүтэй гурван охинтой тэр үедээ бүлтэйд тооцогдсон малчин айл. Нэгдлийн тэмээ хариулж хэдэн хүүхдүүдээ өсгөж яваа хоёр ачтан.
Аав ээж хоёртоо талархаад баршгүй. Миний ээж хил залгаа Завхан аймгийн Дөрвөлжин сумаас бэр болж ирсэн хүн л дээ. Хаврын нэгэн нарлаг сайхан өдөр нутагтаа очиж аавынтайгаа зусахаар ээж санал гаргаж аавтай ярилцаж тохирсон билээ. Олон жил нутагтаа очиж зуслан тааруулаагй болохоор тэр биз. Тэр нэгэн зун манайх гэдэг айл Завхан цагаан булан гэж ээжийнхээ өссөн нутагт очиж зусахаар боловоо ,Ээж минь хөл нь газар хүрэхгүй баярлаж байсныг тодхон санаж байна. Сайх газар хоёр сумын хилийн зааг нутаг л даа.

Нэлээд зайтай газар учраас шөнө хагаслаад ачаалана гээд найман сайхан номхон ат уялаа. Ёстой шөнө хагаслаад л ачаалж эхэллээ шүү. Нойр хүрч байгаа гэж жигтэйхэн. Үүр хаяар ч байхад хөсөг хөдөллөө. Манайх нэгдлийн тэмээ хариулж байсан болохоор жар гаруй ботготой ингэтэй тэднийгээ зарим нь туугаад зарим нь хэдэн богоо туугаад зүүн урд зүгийг чиглээд нүүдэл явлаа даа.Хөх таана хүмүүл хамар цоргисон цэлийсэн сайхан талаар нүүдэл явсаар жин үдийн нар шарж эхэлэхэд зорьсон газраа ирлээ.тэнд холгүй зуслан тааруулсан нутгийн айлын эгч нүүдэл ирж байгаа бараанаар цай тавагтай идээгээ барьсаар ирлээ. Ээж аавтай мэнд усаа мэдээд дуу шуу болоод л. Ингээд нүүгээд ирнэ чинээ санасангүй гэх мэт яриа хөвөрсөөр, тэд хуучин цагийн эртний сайн танилууд болох нь тодорхой байна,
Завхан голын хөвөөнд хэдэн давхар байшин мэт маш өндөр налуу эргээр хашигдсан эргэн доогуураа зуслангийн сайхан, голоо дагасан ширгэтэй үзэсгэлэн бүрдсэн сайхан нутагт ийнхүү зуслан таарууллаа. Миний ээжийн аав “Охин ах” гэж олноо өргөмжлөгдсөн цагаан сахалтай настай буурал аав минь хамт зусахаар нүүн ирж мөн тэр нутгийн адуучин Нүрзэд нүүеэ гэж сайхан айл бас ямаачин Лхагва ах гээд дөрвөн айл хамт бууж голоо дагсан олон цагаан гэрүүд ярайж нууранд шумбаж буй хун мэт байгалийн үзэсгэлтэйгээ хослоод үнэхээр нэг жаргалын орон мэт таатай харагдана.
Би гэдэг амьтан өдөржин усанд үеийнхээ нөхөд болон, дэрсхэн өссөн эрэгтэй дүүгээ дагуулан Завхан голд өдөржин шумбаж наранд биеэ шарж ганц жаргана даа. Завхан гол их өргөн тарж урсана. тээр тэнд голын нойтон арал дээр хоёр тогоруу өндгөлсөн байгаа нь харагдаад л байдаг байлаа ,Нэг өдөр усанд шумбаж байгаад гэнэт тэр арал дээр очмоор санагдаад болдоггүй шүү дүүгээ хоёулаа тэр арал дээр очиж тогорууны ангайхаа үзэх үү одоо лав ангайхаа болчихсон байх учиртай гэсэн чинь дүү дургүйцээд байна аа.
Тогоруу алгаддаг аймаар хараалтай шувуу гэж ээж хэлсэн би явахгүй гэж байна би явмаар байдаг хань байдаггүй дүүгээ эргүүлдсээр байгаад дагуулаад явлаа, Хоёр эх эцэг тогоруу нь ирээгүй байгаа нь харагдаж байгаа ус гаталж жирийсээр байгаад очлоо доо,.


Тэгсэн чинь өндөг нь хагарч ангайхаа гараагүй байна аа, Хараад байсан чинь ер нь бараг хагарах гээд байгаа янзтай хальс нь хүрэнтээд нэг л сонин харагдаад байна шүү. Би бодлоо нас бас овоо болчихсон 13 хүрээд байгаа үел дээ ерөөсөө ангайхайгий нь гаргаад тавьчихъя гэсэн чинь дүү айж байна гээд буцаад зугтаж байна жоохон тойрлоо бодлоо. дүү цаашаа л яваад байна эргэж хараад л яваад байхын, Тогоруу чинь сонин амьтан байгаан үүр гэж хэдэн усанд урсаж ирсэн өгөрсөн хоёр гурван хөх модны мөчир хөндлөн дагуу тавьмаар болоод үүр засчихна ерөөсөө нэгийг нь эхлээд хагалж үзье гэж бодоод нөгөө хөндлөн тавьсан өгөр модоор тоншоод хагаллаа тэгсэн чинь арайл хагарах болоогүй байж нүцгэн улаан юм ангалзаад гараад ирлээ шүү ам нь ангалзаад өрөвдөлтэй харагдаад байна. За ер нь нөгөөхийг нь оролдож болохгүй юм бна энэ гарсан ангайхаа амьдарч чадахгүй нь тодорхой харагдаад байна. Эхийг нь ирэхээс өмнө явъя гээд яаран сандран хальсыг нь нойтон шороонд нуучихаад л жирийчихлээ дүү дээрээ очоод ээж аавд хэлж болохгүй гэдгийг хатуу санууллаа даа харьж ааруул тараг жаал цохиод эргээд л усанд шумбахаар гарлаа даа нөгөө хоёр тогоруу яасан бол гээд харсан чинь ирчихсэн харагдаж байна сүртэйч юм над харагдсангүй орой нар ташлаа оройн саам эхэллээ дээ ингэ ботгоо татаж өгчихөөд жаал энүүгээр тэрүүгээр тоглож гүйж байгаад гадаа нэг муу гудас дэвсээд нэг дээл нөмрөөд дүүтэйгээ унтаад өглөө дөө


Шөнө дундын үед л юм шиг байгаан зүүн чихээр хатгаж өвдөөд л сэрлээ дээ жоохон хэвтлээ болохоо байлаа шүү ,Муу ээжийгээ л дуудлаа хүний л эх юм болсон хойно дороо л сэрээд гүйгээд гараад ирлээ ,Яасан миний хүү яав л гэж байна чихээр хатгаад байна,Гэсэн чинь за ээж нь шар тос халаагаад ирье битгий усны галуу шиг өдөржин усанд битгий байж байл даа гээд амандаа үглэсээр гэрлүүгээ орлоо тэр хооронд нөгөө чих хатгах чинь ёстой эрчээ автал хатгаж өглөө дөө уйллаа ,Ээж шар тос авчираад л чихрүү хийлээ нэмэр алгаа би орилоод сүйд боллоо доо тэр чимээнээр ,Буурал аав минь сэрээд хүрээд ирлээ
Яав юу болов л гэж бна хүүгийн чихээр хатгаад сүйд болох нь яанаа аваа л гэж байна ,
Тэр хооронд бараг ухаан балартах нь ээ аав ч гараад ирлээ сандралдаад л явчихалгүй яахав дээ
Зүгээр унтсан хүүхэд гэнэт ийм аймаар орь дуу тавьж орлихоор айлгүй яахав дээ буурал аав миний хүү хаагуур явсан юу хийсэн л гэж байна усанд шумбасан л гэлээ хачин юмаа гээд л тэврээд гэрлүүгээ орлоо манай буурал аав бурхан тахилтай тэр үед хаалттай байсан болохоор авдартаал голдуу байдаг юм л даа бурхнаа гаргаад хонх дамар болоод л явчихлаа би ер нь үхэх нээ тэвчих арга алга буурал маань хажууд ирээд миний хүү өчигдөр юу хийсэн хаагуур явсан гэж байна дахиад л, хэлэхгүй бол үхэхнээ ерөөсөө, өрөөсөн чихэн тал шуу гүйгээд л тэнэ болтол хавдаж эхэллээ шүү болохоо байлаа хэллээ тогорууны өндөг хагалсан л гэлээ шүү, ээ элээ халаг минь одоо яадаг билээ тэгж л таараа юу гэж зүв зүгээр байсан хүүхэд ингэх вэ л гээд үглээд байгаа бололтой миний ээж одоо яанаа ааваа гээд л аварлын нүдээр аавруугаа харах юм, Хөгшин аав дүнгэнэтэл ном уншаад л байна нэмэр алга даа за ингээд л үхдэг юм байж дээл гэсэн шүү юм бас зурс бодогдоод байгаа юмаа тэр чинь ээж л тэврээд л нулимс нь гараад л байна үүр хаяар ч байтал ашгүй арай гэж жоохон намдах шинжтэй болло шүү би уйлсаар л байгаа нар ч цухуйлаа би нам унтаж үд болж байхад сэрлээ дээ тэгсэн л ээж ааваа танай нөгөө нялх хөх ишиг үхчихлээ чацага алдсан байх юм сүүндээ л пологдчих шиг боллоо гээд гүйгээд ороод ирлээ буурал аав дуугүй л байна энгийн үед бол харж хайхарсангүй гээд сүйд болох хүн л дээ За тэгээд би бүүр овоо болжээ өрөөсөн чихэн тал бол тэнэ болчихсон байгаа босоод ирлээ хэвт л гэж байна үгүй л гэлээ хөгшин аав загнаж гарлаа даа амьтны үр алж өөрөө үхэх гэж байгаагаа харав уу чи дахиад тэгдэг болоорой чи гээд л бууж өглөө шүү баахан загнуулж аваад толинд өөрийгөө хармаар санагдаад болдоггүй ээ очоод харсан чинь бурхан минь өөрийгөө хараад зочоод эгээтэйл арагшаа савж унасангүй хүн аймаар дүртэй болчихож хөхрөөд хүрэнтэйд шаар үлээчихсэн юм шиг болж чих хатгах нь гайгүй гэх дээ чим чим гээд л байгаа 3 хоноод зүгээр боллоо хуучин хэвэн дээ орлоо усандаа шумбалаа жаргалтай сайхан зун өнгөрлөө дөө сургууль даа явах цаг боллоо усан дотор байсаар байгаад гурийсан туранхай хар юм л боллоо доо сургууль даа явлаа манайх ч нутаг нүүсэн хэрэг өвөл боллоо хавар гурван сард сурагчидад нэг сарын амралт өгдөг юм амралтаараа буурал аавруугаа явах боллоо доо Буурал аав минь Дөрвөлжингийн нутагт алдарт Сар хайрханыхаа урд доор цагаан усандаа хаваржиж байхад нь очлоо доо. Өвөөтэйгээ хэд хоног сайхан л байлаа хэдэн хониных нь төл авсан шиг, миний өвөө адуучин байсан хүн л дээ тэтгэвэртээ гараад олон жил болж байгаа хэдэн сайхан адуутай адуун дотор нь сэтэртэй өнжмөл дэлтэй онгоц шиг сайхан цагаан морь байдаг юм,Хэдэн адуугаа аваад ирсэн байгаа тэрүүхэн баруун тийшээ дэрстэй хужиртай сайхан бүрдэн дотор тэр сэтэртэй цагаан морь нэг хул гүү бас нэг жороо бор морь тэр гуравыг чөдөрлөөд бусдыг нь сул орхичихно нөгөө хэдэн адуу нь чөдөртөө гуравыгаа унага шиг дагана ,

Нэг өглөө харсан чинь хэдэн адуу алга аа ,Буурал аав минь хэлж байна дээшээ өндөр эргэрүү явсан байх учиртай гадаа байгаа хүрэн атыг унаад яв нөгөө чөдөртөө гуравын хазаар мартав мөрийг нь мөшгөөд яв холдоогүй л байх гэж байна ,Хүрэн атаа унаад л мөрийг нь олоод л дагаад тэшүүлж явсан чинь дэрсэн дотор уртаа татлаганы олс хэвтэж байна өгөршөөд хужир ургаад их л удсан болтой юмаа нөгөөхийг бууж аваад сайхан бугуйл шиг дугуйлж эвхээд тэмээнийхээ урд бөхөнд хийчихлээ ,Хэдэн адууныхаа мөрийг дагаад л гүйлгээд байлаа даа ,Ёстой буурал аавын минь хэлснээр өндөр эргэний доод талаар явжээ нээх удалгүй бараа нь харагдлаа яваад очсон сэтэртэй цэнхэр өрөөлдчихсөн нөгөө хоёр нь чөдөртөө байна ,Сэтэртэй цэнхэрээ хөлд нь суусан чинь баригдах янз алга эргэлдээд ердөө чөдөрлүүлэхгүй юм ,Ядаад нөгөө өндөр эргэний нэг адуу шахчихмаар тохойруу оруулж шахаж үзлээ бас л баригдахгүй юм уур хүрээд муу сэдрэг баригдсангүй гэж хараагаад морины хомоол шидээд жижиг чулуу ч шидэж үзлээ бүүр баригдах шинж алга тэгээд нөгөө өгөр олс санаанд ороод ирлээ шүү нөгөөхөө бугуйл болгож эвхээд эвтэйхэн зөөлөн шидсэн чинь орж байна бариад авлаа нөгөө өгөр олсоороо ногтлох гэсэн чинь толгойгоо шидлээд цохиж унагачих гээд хамар нь тачигнаад ногтлуулахгүй юм арай гэж ногтлоод авлаа нөгөө чөдөртөө хоёроо хүзүү хүзүүнээс нь холбоод сэтэртэй цагааныхаа хүзүүнд уяад хөтлөөд л явж өглөө шүү удсангүй гэртээ ирлээ ороод ирсэн чинь буурал маань цай чаначихсан сууж байна ,цайгаа уучхаад Балхаа аагантынд очоод тийм тийм юм аваад ир гэж байна. Тэгээд гадагшаа гарснаа орж ирээд чи сэтэртэй морь юугаар оосорлосон юм бэ гээд л их л сандрангуй асууж байна.

Хээр олс таарахаар нь оосорлоод ирсэн гэсэн чинь ээ бурхан минь юу хийх чинь энэ вэ одоо яадаг билээ гээд л загнаад сүйд боллоо доо ,Би дотроо айж байна аа нээрэй сэтэртэй морь өгөр олсоор оосорлоод би нээрэй тэнэг хүн юм аа гэж бодоод дотроо их л эмээж байна буурал минь загнаж байснаа яв нөгөө хэлсэн юм аваад ир гээд хэдэн төгрөг өглөө нөгөө хүрэн атаа унаад л цагаан усаа өгсөөд л жонжуулж өглөө дөө замдаа олон л юм бодож байна сэтэртэй морь уурлаад сүйд хийх юм биш байгаа даа одоо яанаа гэсэн юм бодоод л аминдаа л гэмшээд яваа нь тэр,Зорьсон газраа ирлээ захисан юмыг нь тоо ёсоор авлаа буцаад л жонжууллаа даа. Хүрээд ирлээ хэдэн адуу баруун талруу харагдаж байна. Тийш нь аваачиж чөдрөлсөн болтой сэтэртэй цэнхэр харагдаж л байна. Одоо бас л загнах байх даа гээд л их л гэмшингүй яваад орлоо буурал аав минь өө их сайхан зантай сууж байна. Авчирсан юм үзлээ за ашгүй дээ л гэж байна. Цайгаа уугаад сууж байсан чинь за миний хүү одоо айлтгүй дахиж битгий цаадахаа элдэв юмаар оосорлож байгаарай өөрийнх нь хазаараар л оосорлож бай болдоггүй юм шүү дээ хүү минь цаадах чинь ууралчихаад арцаа үнэрлэж өгдөггүй тойрч сэлүүрдээд дайрчих гээд болдоггүй аав нь юм мэдэхгүй жоохон хүүхэд буруу юм хийсэн байна өршөөж үзээрэй гээд л гуйгаад номыг нь уншаад байсан чинь хэсэг дайрчих гэж байснаа арцаа сайхан үнэрлээд эвшээгээд газар хөрвөөж шилгээгээд сайхан тайвширлаа.

Одоо алзахгүй ээ миний хүү гэж байна. Тэгснээ чи ер нь дандаа нэг хачин юм хийж явах юм даа Яаж хээрийн өгөр олсоор сэтэртэй морь оосорлох ухаан буудаг байна. Өнгөрсөн зун чи бас яалаа тогорууны өндөг хагалж амиа алдах шахсан тэр нялх хөх ишиг яагаад үхсэн гэж бодож байна чи чиний амины орноос өгсөн юм шүү дээ хүү минь тэгээгүй бол чи одоо энэ орчлонд байхгүй байх ёстой хүн. Гэдэг байгаа даа бурхан минь. Тэгж л юмны учир тайлагдсан юм даа тэр цагаас хойш огтны хамраас ч цус гаргалгүй өдий хүрлээ дээ юм гэдэг учиртай. — with Сартуулын Б.Улаанхүү.

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

Сэтгэгдэл бичих

Шинэ мэдээ

НӨАТ: 5 сая төгрөгийн 28, 10 сая төгрөгийн 1 азтан тодорлоо8 цаг 29 минутын өмнөАТМ машинаас мөнгө авахдаа анхаарах зүйлс2 сар 17. 15:00Төрөх эмнэлгүүд нэгдүгээр сард 6,124 хүүхдэд регистрийн дугаар олгожээ2 сар 17. 14:50“Шар хантаазтан"-уудын эсэргүүцэл үргэлжилсээр байна2 сар 17. 14:40Pixar-ын захирал Disney-д ирээд хийсэн өөрчлөлт2 сар 17. 14:30Трамп, Абег Нобелийн шагналд нэр дэвшүүлжээ2 сар 17. 14:20“Улаанбаатар өвлийн наадам 2019” үргэлжилж байна2 сар 17. 14:10Казахстан, Монгол улс хоорондын худалдааны эргэлт 67.4 сая ам.долларт хүрснийг мэдээлэв2 сар 17. 14:00Хезер Науэрт НҮБ-д суух байнгын төлөөлөгчийн албан тушаалаас татгалзлаа2 сар 17. 13:30Комьютерийн гар /кeyboard/-аа хурдан ашиглах 100 арга2 сар 17. 13:00Халуун ногооны түүхээс2 сар 17. 12:30Бойтог цэвэрлэх хялбар арга2 сар 17. 12:00Сант-Петербургт их сургуулийн барилга гэнэт нуржээ2 сар 17. 11:45НӨАТ-ын сугалааны азтанууд өнөөдөр тодорно2 сар 17. 11:30Архангай аймагт 4,6 магнитудын хүчтэй газар хөдлөлт болжээ2 сар 17. 11:15Өнөөдрийн зурхай2 сар 17. 11:00Цаг агаарын мэдээ2 сар 17. 10:00Обервартын нээлттэй тэмцээнд Б.Ганхайч, Г.Наранцэцэг нар Алтан медаль хүртлээ2 сар 17. 9:55ШУУД: Европын нээлттэй тэмцээн: Манай 3 жүдоч Алтан медалийн төлөө барилдана2 сар 16. 23:22Залуу оддын тоглолтын шилдэгээр К.Кузма шалгарлаа2 сар 16. 18:44Бахдам мэдээ: Хорт хавдраа ялан дийлсэн 20 хүүхэд "ЭРЭЛХЭГ БААТАР" медалиа гардан авлаа2 сар 16. 18:38"Бүх оддын тоглолт"-ын Супер тоглолт даваа гарагт болно2 сар 16. 17:54Дирк Новицки сүүлийн удаа Бүх оддын тоглолтонд оролцоно2 сар 16. 17:53"ДАШТ-2030"-ыг зохион байгуулах эрхийн төлөө 4 улс хамтран өрсөлдөнө2 сар 16. 15:00Хамгийн романтик нисэх онгоцны буудлуудыг нэрлэжээ2 сар 16. 14:55Үерт нэрвэгдсэн Эхимэ мужийн захиргаанд олон сая иен хандивлажээ2 сар 16. 14:50Нетаньяхугийн онгоц эвдэрчээ2 сар 16. 14:45Худалдаа, үйлчилгээний салбар хариуцсан мэргэжилтнүүд мэргэшсэн шинжээчийн сургалтад хамрагдлаа2 сар 16. 14:44Ангараг руу аялах тасалбарын үнэ 100 мянган ам.доллароос хэтрэхгүй гэв2 сар 16. 14:40NBA-ын шилдэг 10 (19.02.15)2 сар 16. 14:37
© 2008 - 2019 он. Зохиогчийн эрх хуулиар хамгаалагдсан.