2-р сарын 17
14 цаг 00 минут

Казахстан, Монгол улс хоорондын худалдааны эргэлт 67.4 сая ам.долларт хүрснийг мэдээлэв

Монгол Улсын Их Хурлын дарга Г.Занданшатар Бүгд Найрамдах Казахстан Улсаас Монгол Улсад суугаа Онц бөгөөд Бүрэн эрхт Элчин сайд Калыбек Ибрагимович Кобландинийг хүлээн авч уулзав.

Ноён Элчин сайд К.Кобландин Монгол Улсын Их Хурлын даргаар сонгогдсонд нь УИХ-ын дарга Г.Занданшатарт баяр хүргээд, тус улсын парламент Мажилисийн тэргүүн, ноён Нурлан Ныгматулиний мэндчилгээг, энэ оны  есдүгээр сарын 23-24-нд Астанад болох Евразийн орнуудын парламентын спикерүүдийн IV зөвлөлдөх уулзалтад оролцох урилгын хамт гардууллаа.

УИХ-ын дарга Г.Занданшатар ноён Н.Ныгматулиний баяр хүргэсэн мэндчилгээ ирүүлсэнд гүнээ талархаж байгаагаа илэрхийлээд, Астанад болох Зөвлөлдөх уулзалтад оролцохдоо баяртай байх болно гэлээ.  

Элчин сайд К.Кобландин хоёр орны харилцаа сүүлийн жилүүдэд амжилттай өргөжин хөгжиж байгааг тэмдэглэж, 2018 оны байдлаар хоёр орны худалдааны эргэлт 67.4 сая ам.долларт хүрснийг мэдээлэв. Тэрбээр хоёр орны эдийн засгийн харилцаанд уул уурхайн салбарын хамтын ажиллагаа ихээхэн ирээдүйтэй болохыг тэмдэглээд, 2018 оны III сард Астанад болсон Засгийн газар хоорондын комиссын хуралдаанаар хамтран ажиллах Санамж бичиг байгуулсан, Монголд алт цэвэршүүлэх хамтарсан үйлдвэр байгуулахаар тохиролцсоныг дурдаж, УИХ-ын дарга Г.Занданшатарыг энэ асуудалд анхаарлаа хандуулахыг хүслээ.

Түүнчлэн бүс нутгийн “Алтай - Бидний хамтын гэр” төслийн хүрээнд Казахстан, БНХАУ, Монгол, ОХУ хамтран соёл, хүмүүнлэгийн харилцаагаа хөгжүүлэх, улмаар хил орчмын худалдаа, дамжин өнгөрөх тээврийн өргөн боломжийг ашиглахын чухлыг онцолсон юм. Энэ бүс нутгийн төвд Монголын “Цагаан нуур” чөлөөт бүс оршдог нь “Монгол-Орос-Казахстан-Хятад” гэсэн маршрутаар тээвэрлэх ачааны урсгалыг нэмэгдүүлэх, бүс нутгийн тээврийн томоохон зангилаа болох боломж байгааг тэмдэглэлээ. Энэ хүрээнд ОХУ-ын нутаг дэвсгэр дэх 300 км авто замыг засаж сайжруулах асуудлыг Оросын талд хамтран тавьж, шийдвэрлүүлэх нь чухал байгаа тул Монголын тал анхаарлаа хандуулна гэдэгт найдаж байна гэв.

Элчин сайд К.Кобландин уулзалтын үеэр Казахстан-Монголын хооронд агаарын тээврийн шууд нислэгтэй болох талаар нэгэнт тохиролцсон асуудлыг хойшлуулалгүй шийдвэрлэх, Улаанбаатар дахь Казахстаны Элчин сайдын яамны шинээр баригдах барилгын орох, гарах гарц буюу замын асуудалд учирсан хүндрэлийг шийдэхэд анхаарч өгнө үү гэв.

УИХ-ын дарга Г.Занданшатар ноён Элчин сайдын хөндсөн асуудал, санал хүсэлтэд анхааралтай хандаж, нааштайгаар шийдвэрлэх талаар холбогдох байгууллагуудад үүрэг чиглэл өгнө гэлээ.  

Тэрбээр Казахстан Улстай тогтоосон харилцааныхаа цар хүрээг цаашид улам өргөжүүлэх нь манай гадаад бодлогод томоохон байр суурь эзэлдгийг тэмдэглээд, нүүдэлчний соёл, зан заншил, аж төрөх ёс ойролцоо, үндэс угсааны түүхэн хэлхээ холбоотой бидний хувьд харилцаагаа улам гүн гүнзгий, олон талтай болгох шаардлага бий. Алтай язгуурын улс орнуудын холбоо байгуулах, энэ хүрээнд Монгол, Казахстан, Кыргыз, Турк, БНСУ зэрэг орныг оролцуулсан хамтын ажиллагааны шинэ механизм бий болгох ёстой гэж үздэг эрдэмтэн, судлаачид ч байдаг.

Түүнчлэн Казахстаны хөдөө аж ахуй, аж үйлдвэрийн салбарын хөгжил дэвшил, түүний дотор уул уурхайн салбарт олсон ололт, баялгийн хуримтлал, хуваарилалт, дэлхийн улс орнуудтай хамтран ажиллаж, хөрөнгө оруулалтыг зөв, үр дүнтэй ашиглаж байгаа туршлага бидэнд ихээхэн үнэ цэнэтэй.

Энэ бол манай хоёр орны харилцаанд өргөн боломж, асар их ирээдүй байгааг батлан харуулж байна гэж уулзалтын төгсгөлд онцлон тэмдэглэлээ.

 

УИХ-ын Хэвлэл мэдээлэл, олон нийттэй харилцах хэлтэс

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

"Шарын гол майнинг" уурхайд ноцтой осол гарч, хүний амь эрсэдлээ3 цаг 1 минутын өмнөАварга хулсны баавгайг хоншоороор нь ялгаж таних цэсийг зохион бүтээжээ3 цаг 58 минутын өмнө“Brain wave” Англи хэлний уралдаант нэвтрүүлэг4 цаг 4 минутын өмнөЦэргийн дүйцүүлэх албаны бэлтгэл сургалт амжилттай явагдлаа4 цаг 13 минутын өмнөПабло Эскобарын тухай хамгийн сонирхолтой найман баримт4 цаг 21 минутын өмнөТөрийн 15 байгууллагын авлигын эрсдлийг тогтоожээ4 цаг 27 минутын өмнөБНСУ-ын хилээр хиам авч яваагаа мэдүүлээгүй бол 10 сая хүртэл воноор торгоно4 цаг 36 минутын өмнөМонгол улсын баг Азийн аваргын шилдэг наймд шалгарлаа4 цаг 43 минутын өмнөУулчдын ”түгжрэл”-ээс болж гурван хүн Эверестэд амиа алджээ4 цаг 50 минутын өмнөПотанин ба Засагт хан4 цаг 59 минутын өмнө“Хүүхдэд зориулав-2019” үзэсгэлэн худалдаа болж байна5 цаг 2 минутын өмнөХүүхдийг багаас нь зөв хооллож сургах5 цаг 9 минутын өмнөЛивийн хямрал: Хафтарын арми Триполийн өмнөд болон зүүн зүг рүү давшиж байна5 цаг 17 минутын өмнөДэлхийн хамгийн өндөр цалинтай хот5 цаг 24 минутын өмнөХатгалд их хэмжээний цас орж зам даваа хаагджээ5 цаг 33 минутын өмнөТэрбумтнууд ямар ном уншдаг вэ?5 цаг 41 минутын өмнөСайн дурын даатгал төлөгчийн шимтгэлийн хэмжээ5 цаг 49 минутын өмнө“Яг түүн шиг” шоуны дуэт5 цаг 57 минутын өмнөГ.Ариунбаяр: Зуны улиралд хүүхдийг айргаар угаах, элсэн дээр тоглуулах зэргээр дархлааг нь сайжруулаарай6 цаг 5 минутын өмнөНоён Бондгор Приусны үнэтэй гутлаар гангарч явна6 цаг 12 минутын өмнөТ.Ганболд: Би няцахгүй, шантрахгүй. Үнэн ялна6 цаг 21 минутын өмнө“Буур” аваргын буяныг тээсэн Өндөр аварга6 цаг 29 минутын өмнөЭнэ зун нийслэлийн ногоон бүсэд хүүхдийн 20 зуслан үйл ажиллагаа явуулна6 цаг 37 минутын өмнөМарадона баривчлагджээ6 цаг 45 минутын өмнөМаргааш бүх нийтийн цэвэрлэгээ болно6 цаг 53 минутын өмнөСүхбаатарын талбайн урд хэсгийн газрыг тохижуулах зураг төслийн уралдаан зарлалаа7 цаг 1 минутын өмнөХуавэй компани Андроидыг орлох үйлдлийн системээ 2020 оны хавар зах зээлд гаргана7 цаг 9 минутын өмнө“Болор одод” Москвад /2019.05.25/7 цаг 12 минутын өмнөЭнэ өдөр дэлхийн түүхэнд7 цаг 19 минутын өмнөБ.Жавхлан, М.Амарболд нарт  оноосон ялыг хэвээр үлдээв7 цаг 25 минутын өмнө
© 2008 - 2019 он. Зохиогчийн эрх хуулиар хамгаалагдсан.