2019 оны 2-р сарын 18
11 цаг 55 минут

Э.Баасанжалба: Архивын лавлагаа авах гэж аймаг, дүүрэг хооронд явах шаардлагагүй болсон

Нийгмийн даатгалын ерөнхий газрын Хэвлэл мэдээлэл, олон нийттэй харилцах асуудал хариуцсан мэргэжилтэн Э.Баасанжалбаас нийгмийн даатгалын лавлагаа, мэдээллийг шуурхай олгодог болсон талаар тодрууллаа.

  • Нийгмийн даатгалын байгууллага лавлагаа мэдээллийг шуурхай олгодог болсон тухай сонслоо. Энэ талаар мэдээлэл өгөхгүй юу?

Нийгмийн даатгалын байгууллага хоорондоо болон гуравдагч байгууллага руу даатгуулагчийн шимтгэл төлөлтийн мэдээллийг дамжуулах үйл ажиллагааг цахимжуулсан гэж хэлж болно. Иргэд даатгуулагчид нийгмийн даатгалын сангаас тэтгэвэр, тэтгэмж тогтоолгох, төлбөр зардал авахдаа аймаг, дүүргийн нийгмийн даатгалын хэлтэс хооронд архивын бүрдүүлэлтээ өөрсдөө хөөцөлдөж, цаасан лавлагаа авдаг байсныг өөрчилсөн. Жишээлбэл нийслэлийн Сонгинохайрхан дүүргийн өндөр настан тэтгэврээ тогтоолгохоор материалаа өгөхөд Увс аймагт ажилласан жил нь баталгаажаагүй байсан гэж тооцвол тухайн иргэн өөрөө явж Увс аймгийн нийгмийн даатгалын хэлтсээс цаасан лавлагаа авдаг байсан. Харин одоо Сонгинохайрхан дүүргийнхээ нийгмийн даатгалын хэлтсийн тэтгэврийн байцаагчид хүсэлт бичээд өгчихөд л хангалттай. Иргэний өмнөөс хэлтсүүд хоорондоо архивын мэдээллийг цахимаар солилцож эхэлснээр даатгуулагчийн ажлыг хөнгөвчилж, цаг, мөнгийг хэмнэж байгаа хэрэг юм.

  • Бусад байгууллагаас шаарддаг нийгмийн даатгалын лавлагааг олгоход ямар нэг сайжруулалт хийгдэж байгаа юу?

Даатгал төлснөөр нийгмийн даатгалын сангаас үзүүлдэг 30 төрлийн үйлчилгээг авахаас гадна нийгмийн харилцаанд ороход даатгал “батлан даагч”-ийн үүрэг гүйцэтгэдэг гэж хэлж болно. Арилжааны банкнаас зээл хүсэхэд, элчин сайдын яаманд гадаад зорчихоор виз мэдүүлэхэд, худалдан авалт гүйцэтгэлтэй холбоотой сонгон шалгаруулалтад ороход мөн хууль шүүхийн байгууллагаас даатгуулагчийн санхүүгийн байдлыг тодорхойлох зорилгоор шимтгэл төлөлтийн тодорхойлолт буюу лавлагаа шаарддаг. Өмнө нь улсын хэмжээнд 10-аадхан машинаас үнэт цаасаар, эсвэл Нийгмийн даатгалын ерөнхий газраас цаасан хэлбэрээр л авдаг, хүртээмж багатай байсан. 2018 онд төрийн үйлчилгээний ХУР системд холбосноор улсын хэмжээнд байгаа 100 гаруй ТҮЦ машинаас авах боломжтой болсон. Гэвч заавал ТҮЦ машин байрласан газарт очно, хураамж төлнө гээд иргэдэд бүрэн хялбаршиж чадахгүй байгааг харгалзан, манай Мэдээллийн технологийн төвөөс шинэ програмыг ашиглалтад оруулсан. Одоо Нийгмийн даатгалын ерөнхий газрын вэб сайт руу нэвтрэн “Даатгуулагчид зориулсан вэб” хэсгээс шимтгэл төлөлтийн тодорхойлолтоо хаанаас ч хэзээ ч харах, хэвлэн ашиглах боломжтой болсон. http://daatguulagch.ndaatgal.mn/userweb/#/account/login Энэхүү лавлагааг бусад гуравдагч байгууллагууд хүчин төгөлдөрт тооцож хүлээн авна.

  • Гэрээсээ ч хэвлээд аваад очиход хүлээн авна гэж үү? Хуурамч лавлагаа гарах эрсдэлтэй юм биш үү?

Үүнийг тооцоолж шалгах програмыг мөн хэрэглээнд нэвтрүүлсэн байгаа. Вэбсайтнаас хэвлэсэн лавлагаа бүр тусгай нууцлал бүхий QR кодтой. Даатгуулагчийн нийгмийн даатгалын шимтгэл төлөлтийн тодорхойлолтыг шалгах програмаар лавлагаа шаардсан гуравдагч байгууллага давхар хянах боломжтой. http://data.ndaatgal.mn:8080/checklav Ингэснээр ямар нэг байдлаар хуурамч, лавлагаа тодорхойлолт үйлдэх боломжгүй гэж хэлж болно.

  • “Даатгуулагчид зориулсан вэб”-ээс лавлагаа хэвлэхэд шууд нэвтрэх үү? Ямар нэг төлбөр хураамжтай юу?

Нэгдүгээрт, нийгмийн даатгал гар утасны аппликэйшнд нэвтрэх кодоор, хоёрдугаарт иргэний тоон гарын үсэг (“Дан” систем)-ээр, өөр нэг боломж нь үүрэн телефоны операторын хэрэглэгч утасны дугаар болон регистрийн дугаар (“Дан” системийн нэг удаагийн нууц үг)-аараа нэг удаагийн нууц үг авч нэвтрэх боломжтой. Ямар нэг төлбөр төлөхгүй, орон зай, цаг хугацааны хязгаарлалтгүй болсон давуу талтай.

Ярилцсанд баярлалаа. 

 

 

7
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

7 сэтгэгдэлСэтгэгдэл бичих

176.179.135.162Зочин   • 2019, 2 сарын 20. 1 цаг 22 минут

ene alia salbadai n aurag yu ve zailaachee

202.9.43.96Зочин   • 2019, 2 сарын 19. 10 цаг 41 минут

алин рэзээний юмыг хиисэн болоод гаргах юмэнэ ман намын малууд бусдыг ѳѳрсѳд шигээ бодох юм Ѳмнѳ хийсэн ажил шүү

122.201.19.99зочин   • 2019, 2 сарын 19. 9 цаг 22 минут

Ерөнхий сайд сан Алтанхуяг энэ ажлыг хийсэн дэээээ

202.9.45.141Зочин   • 2019, 2 сарын 18. 15 цаг 17 минут

Niigmiin daatgal shinchlegdeed bna uu daa oilgomjtoi tailbarlasan bna bayarlalaa

66.181.179.161Зочин   • 2019, 2 сарын 18. 15 цаг 11 минут

bolj dee, hugshin nastai humuust ywdal chiregdel bolohgui

64.52.102.150Зочин   • 2019, 2 сарын 18. 15 цаг 09 минут

Сайхан мэдээ байна, амжилт хүсье

119.40.100.66Зочин   • 2019, 2 сарын 18. 14 цаг 05 минут

нийгмийн даатгал болж бнаа одоо бусад татвар гааль МХяналт тийм болох хэрэгтэй

Шинэ мэдээ

Халдашгүй байдлын дэд хороо Н.Номтойбаяр гишүүний бүрэн эрхийг түдгэлзүүлэх шийдвэр гаргалаа1 сар 24. 19:35Н.Номтойбаяр: Би өөрөө бүрэн эрхээсээ түдгэлзэх шийдвэр гаргана гэж хэлээгүй1 сар 24. 19:27ГХЯ-ны ТНБД Д.Даваасүрэн эрэн сурвалжлагдаж байгаа хүнд дипломат паспорт олгожээ1 сар 24. 18:05Турк Истанбулын хоолой төслөөс жилд 1 тэрбум ам.долларын орлого олно1 сар 24. 18:00Сансрын нисэгчид туршилтын зууханд жигнэмэг хийжээ1 сар 24. 17:55ДЭМБ электрон тамхины сурталчилгааг хязгаарлахыг уриалжээ1 сар 24. 17:50Хамгийн олон ихэр цуглуулж, Гиннесийн номонд оруулах ажил бүтэлгүйтжээ1 сар 24. 17:45Си Жиньпин дөрөвдүгээр сарын эхээр Японд айлчилж магадгүй1 сар 24. 17:40Египетийн 3,000 жилийн настай муммигийн дуу хоолойг сэргээжээ1 сар 24. 17:35Япончууд олимпийн наадмын ёслолын хувцсаа танилцууллаа1 сар 24. 17:30Улсын онцгой комиссоос сургууль, цэцэрлэгийг ирэх гуравдугаар сарын 2 хүртэл амраах шийдвэр гаргалаа1 сар 24. 17:29Стрессээ тайлж сурцгаая1 сар 24. 17:25АНУ-ын эрх баригчид Ираны эсрэг авсан хоригоо өргөтгөжээ1 сар 24. 17:20“Футзалын дээд лиг”-ийн тэмцээн 25-нд эхэлнэ1 сар 24. 17:15Таны биеийн тухай гайхалтай баримтууд1 сар 24. 17:10Макгрегор: Би ялахын тулд өлсгөлөн бар шиг дүүлнэ1 сар 24. 17:05Токиогийн Олимпын наадам эхлэхэд 6 сар үлдлээ1 сар 24. 17:00Шакил О'нилын хүү коллежийн сагсан бөмбөгөө орхилоо1 сар 24. 16:55Засгийн газрын цахим хуудсанд кибер халдлага үйлджээ1 сар 24. 16:50Везувий галт уулын хохирогчийн тархи шил болсон байжээ1 сар 24. 16:45Монгол бүжигчид дэд байрт шалгарчээ1 сар 24. 16:40Калифорнийн сургуулиуд нарны эрчим хүч ашиглаж байна1 сар 24. 16:35Яннис Адетокумбо хөлбөмбөгт нугасгүй1 сар 24. 16:30С.Гомбобаатар: Шонхорын бизнес улс төрөөс шууд хамаарч байна1 сар 24. 16:25Аюултай үед цагдаад мэдэгдэх боломжийг “Tinder” олгоно1 сар 24. 16:20Австралийн уран бүтээлч элсэн дээр аварга том коала зуржээ1 сар 24. 16:15Мал бүлэглэн хулгайлсан хэргийг шалгаж байна1 сар 24. 16:10Шүдэнд ээлтэй хоолны жор1 сар 24. 16:05Мэргэн Соломон хаан1 сар 24. 16:00Наро Банчэн гэгээн: Эцэг эх үр хүүхдээ тоолшгүй олон аюул ослоос хамгаалж байдаг1 сар 24. 15:55
© 2008 - 2020 он. Зохиогчийн эрх хуулиар хамгаалагдсан.