2-р сарын 28
8 цаг 30 минут

Хятадын байгалийн хийн импорт ба Монголын нүүрсний  экспорт

Нүүрсний импортоос  Монгол Улсад орж байгаа орлого  хэдийнэ нэг их наяд төгрөгийг  даваад байгаа. Энэ хэрээрээ төсөвт төвлөрөх орлогын багагүй хэсгийг хар алтны экспортоосоо оруулдаг.

БНХАУ-ын хувьд  одоогоор манай нүүрсний цорын ганц зах зээл бөгөөд  харин энэ талаараа Монголтой өрсөлдөгч ОХУ, Австрали, Индонези гэхчлэн олон өрсөлдөгчид бий. Эдгээрээс  Австрали Хятадын нүүрсний хэрэглээний 44 хувийг дангаараа хангадаг, үүнээсээ Австрали жилд 64 тэрбум ам.долларын ашиг хүртдэг гэх  тоо баримтыг   www.abc.net.au- гийн мэдээнд дурдсан нь буй. 

Австралийн Статистикийн  байгууллагын мэдээгээр тус улс 2018 онд 386 сая тонн эрчим хүчний  болон коксжих нүүрс экспортолсон гэжээ. Үүнээс 89 сая тонныг нь Хятадад нийлүүлжээ. Энэ бүхнээс харвал энэ хоёр улсын хувьд авч өгөлцөж сурсан худалдааны сайн түншүүд гэлтэй.

Гэхдээ энэ сарын эхнээс л Австрали Хятадын хооронд, ялангуяа нүүрсний экспорт импортод таагүй байдал бий болоод байна.  Эхнийх Австралийн коксжих нүүрсний гол бүс нутаг Куэнсланд мужид үер болж төмөр замын дэд бүтэц  болон уурхайнууд усанд автсан гэх мэдээлэл.

Харин хоёр дахь нь БНХАУ-ын Засгийн газар Австралиас нүүрс импортолдог гол шугам болох Далянь боомтоо тодорхойгүй хугацаагаар хаасан  явдал болов. Тус боомтоор импортлох нүүрсний хэмжээг  2019 онд 12 сая тонноос хэтрүүлэхгүй гэжээ.

Бүр  ноцтой нь гэвэл “БНХАУ-ын эрх баригчид 2019 оны хоёрдугаар сарын 1-нээс эхлэн 40 хоногийн хугацаанд Австралийн нүүрсийг хил нэвтрүүлэхгүй байх хориг тавив. Шаардлагатай гэж үзвэл уг хоригийн хугацааг сунгах болно” гэсэн хэвлэлийн мэдээлэл байгаа юм. Үүнийг ОХУ-ын Vesti.ru сайт  мөн мэдээлсэн.

Хятад улсын хувьд нүүрснээс илүү байгалийн шатдаг хийн импортод ач холбогдол өгч байгаа. Шинжээчдийн тооцсоноор Хятад улс 2023 он гэхэд байгалийн хийн хэрэглээгээ 37%-иар нэмэгдүүлэх бөгөөд тэр үедээ жилд 171 тэрбум шоо метр хий импортлох тооцоо гаргажээ.

Харин үүний хариуд Авсрали “Хятадад нийлүүлж буй нүүрсний экспортын дөнгөж 1,8%-ийг   Далянь боомтоор дамжуулдаг болохоор энэ нь тийм ч их хэмжээний нүүрс биш. Энэ нь нүүрсний  экспортод төдийлөн нөлөөлөхгүй гэсэн тайлбарыг хэлж байх юм.  Гэхдээ л Хятадын энэ шийдвэрийн улмаас Австралийн дотоодод эдийн засгийн сөрөг хандлагууд хэдийнэ ажиглагдаж эхлээд байна. Тухайлбал, дээрхи мэдээлэл гарсаны дараахан  Австрали долларын ханш унаж,  уул уурхайн BHP компанийн хувьцаа 0,42, мөн New Hope Group-ийн хувьцаа 3,55%-иа тус тус буурчээ.

Худалдааны хоёр том түншийн хооронд ийнхүү  “цээлийн ус цалгисан нь”  улс төрийн учир шалтгаантай хэмээн ажиглагчид онцолж байгаа юм. Тэгснээс хэрэглээ  хэрэгцээ гэхчлэн эдийн засгийн утгаараа бус гэлцэж байна. Энэ ч үнэний ортой байх.

Сүүлийн үес Австрали  улс Хятадын компаниуудын  технологийн хөрөнгө оруулалтаас татгалзах болсон нь Бээжинг гэдийлгэх нэг шалтгаан болсон байх. Түүнчлэн Папуа Шинэ Гвиней орчимд  тэнгисийн цэргийн бааз байгуулахад Австрали улс АНУ-тай хамтран ажиллахаар тохиролцсон нь Номхон далайн бүс нутаг дахь Хятадын нөлөөлөл, эрх ашигтай шууд сөргөлдсөн гэж үзэх шалтгаан байгаа бололтой.

Хятадын харилцаа холбооны Huawei болон ZTE компаниудын  Австралид нэвтрүүлэхээр төлөвлөж байсан  5G сүлжээг үндэсний аюулгүй байдалд халтай хэмээн үзэж  өнгөрөгч оны наймдугаар сард хориглосон. Харин Хятад  үүний хариу болгож 2018 оны 11 дүгээр сард Австралийн үр тарианы импорттой  холбогдуулан  демпингийн эсрэг мөрдөн байцаалт эхлүүлээд байгаа  билээ.

Австралийн нүүрсний импортод тавьсан Хятадын хоригийн уг шалтааныг энэ мэт хоёр орны хоорондох далдхан  сөргөлдөөнтэй холбон тайлбарлаж байгаа ч  Хятад Улсын агаарын бохирдлыг бууруулах талаар олон улсын  өмнө хүлээсэн үүрэгтэй гэдгийг  холбож ойлгох шаардлага бас байгааг дурдалгүй өнгөрч боломгүй.

Австралид тавьсан хориг Монголын нүүрсний экспортыг дэмжих үү

Дээрхи хоригтой холбогдуулан Монголын нүүрсний  экспортод  үүлэн чөлөөний нар гийлээ, энэ оргил үеийг ашиглах ёстой гэсэн дэврүүн санал бодол  энд тэнд дуулдаж л байна. Мэдээж, нөлөөлөл байхыг үгүйсгэхгүй ч бидний боломж, тээврийн нөхцөл байдал яг хуучнаараа  байгаа ийм нөхцөлд  санаа байвч сачий хүрэхгүй гэдэгтэй адил. Өөрөөр хэлбэл нэгэнт зам харилцааны хязгаарлагдмал боломжтой  монголчуудын хувьд энэ богинохон циклийг  гайхамшиг болгоно гэдэг худал. Харин нүүрсний үнэ нэмэгдэж болох ч эрэлтээсээ л шалтгаална.

Нөгөөтэйгүүр  урд хөрш  нүүрсний импортоо жилээс жилд бууруулах хатуу бодлого баримталж байгаа гэдгийг  санах ёсой. Тухайлбал, Бээжин болон Хэбэй, Шаньдун, Хэнань, Тяньцинийн бүс нутгуудын нүүрсний хэрэглээг  2020 он гэхэд 10% бууруулах хатуу төлөвлөгөөтэй. Мөн Янцзи бүс нутагт энэ төрлийн  түлшний хэрэглээг мөн хугацаанд  5% хувь бууруулна.

Үүнээс гадна 2020 он хүртэл ган, кокс, үндсэн хөнгөн цагааныг үйлдвэрлэх шинэ хүчин чадал бүс нутгуудад үйл ажиллагаа явуулахгүй  байхаар баримт бичигт тусгасан.  Мөн тус улсын ган үйлдвэрлэлийн 25% -ийг эзэлдэг Хэбэй муж  үйлдвэрлэлийн хэмжээгээ бууруулж, 2020 он гэхэд нийт хүчин чадлыг 200 сая тонн хүртэл хорогдуулахаар төлөвлөж байна.

Тус улсын хувьд  нүүрснээс илүү байгалийн шатдаг хийн импортод  ач холбогдол өгч байгаа.  Шинжээчдийн тооцсоноор  Хятад улс 2023 он гэхэд байгалийн хийн хэрэглээгээ 37%-иар нэмэгдүүлэх бөгөөд тэр үедээ  жилд 171 тэрбум шоо метр  хий импортлох тооцоо гаргажээ.

Энэ бүхнээс эргэцүүлэхэд ирээдүйд Хятадын байгалийн хийн импорт Монголын нүүрсний экспортын үнэ цэнийг хэрхэн залах бол гэсэн асуулт  гарч байгаа юм.

П.Булган

5
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

5 сэтгэгдэлСэтгэгдэл бичих

203.91.115.44Зочин   • 2 сарын 28. 14 цаг 34 минут

Хар нүүрсээ хурдан борлуулахгүй бол 10 жилийн дараа хэнд ч хэрэггүй хог болно шүү

66.181.160.78Зочин   • 2 сарын 28. 14 цаг 14 минут

240 km tumur zamaa tavihgui shoroo manargaj zuusuur baital nuursnii zah zeel duusaj Orosiin hiin ue eheli bn.Jenkogiin krant.tanknii onol sain heregjlee gej.

66.181.177.162Зочин   • 2 сарын 28. 10 цаг 51 минут

МОНГОЛ АВСТРАЛИАС ИЛҮҮ ИХ НҮҮРС ЭКСПОРТОД ГАРГАЖ БГАА МӨРТӨӨ.1ТЭРБУМ $ ОЛЖ БАЙХАД АВСТРАЛИ БОЛХООР 70ТЭРБУМ $ .

202.9.43.38Zochin   • 2 сарын 28. 9 цаг 49 минут

Зүгээрээ Монгол ялна...кк

202.72.245.122с   • 2 сарын 28. 8 цаг 37 минут

хөнгөн сэтгэлээ хожоо хайгаа л бодож сэтгэх юм Технологийн хөгжил ,дэд бүтэцээ сайжруулаач

Шинэ мэдээ

Архангай аймагт дахин нэг уурхайг хаалаа5 цаг 22 минутын өмнөАНУ-тай нууц хэлэлцээ хийсэн гэж Н.Мадуро мэдэгджээ8 сар 23. 18:00Агаарын бохирдол сэтгэл санааны гүн хямралд орох магадлалыг нэмэгдүүлдэг8 сар 23. 17:55Та сэтгэлзүйн ямар хэв шинжтэй вэ8 сар 23. 17:50Цөснөөс нь 1898 чулуу гарчээ8 сар 23. 17:45Итали: Гар утасны хамааралтай өсвөр насныхныг албадан эмчилнэ8 сар 23. 17:40Монголын хөлбөмбөгчид Европт анх удаа тоглов8 сар 23. 17:35Америкийн анхны уугуул нутгийн иргэд Монголорхуу байсан гэжээ8 сар 23. 17:30Венесуэл БНАСАУ-д Элчин сайдын яамаа нээжээ8 сар 23. 17:25Кантас Эйрвэйс 19 цагийн шууд нислэг туршина8 сар 23. 17:20Та цэнхэр гадил байдаг талаар сонсож байсан уу8 сар 23. 17:15Мохамед Салах VAR-д дургүй8 сар 23. 17:10Загвар өмсөгч О.Билгүүний халуун шивнээ8 сар 23. 17:05Улаан бурханы вакцинжуулалтад хамрагдахыг уриална8 сар 23. 17:00Английн телевиз Владимир Путины тагнуулч байсан үеийн тухай кино бүтээж эхэлжээ8 сар 23. 16:55Ж.Болсонару: Амазоны түймрийг унтраах нөөц бололцоо хомс байна8 сар 23. 16:50Төгс арьстай болох ГАНЦ арга…8 сар 23. 16:45Л.Пүрэвдорж: “Төрийн мөнгөний бодлогын Үндсэн чиглэлийг УИХ-аас батална” гэсэн заалтыг Үндсэн хуулиас хасах ёстой8 сар 23. 16:41Хүүхдэдээ цагаан хоол идүүлж хатингаршуулсан эцэг эхийг яллав8 сар 23. 16:40Илон Маскийн сансарт илгээсэн автомашин нарыг бүтэн тойрчээ8 сар 23. 16:35Дөрвөн настай Х.Ивээл Оросын телевизээр оюун ухаанаа сорино8 сар 23. 16:30“Morrisons” компани дэлгүүрүүдээ хааж, ажилтнаа цомхотгоно8 сар 23. 16:25Малчид, ард иргэд, тариаланчидын анхааралд8 сар 23. 16:20Тейлор Свифт хуучний дуунуудаа шинэчилнэ8 сар 23. 16:15АНУ болон "Талибан" хөдөлгөөний төлөөлөгчдийн ээлжит хэлэлцээ эхэлжээ8 сар 23. 16:10ФОТО: Солонгосын хамгийн алдартай 25 кпоп эмэгтэй хамтлаг8 сар 23. 16:05Эрик Сегал ба гологдсон кино зохиолоос Бестселлер роман болж хувирсан түүний "Хайрын түүх"8 сар 23. 16:00Хонконгийн жагсаалын талаарх ташаа мэдээлэл бүхий “YouTube” сувгуудыг хаажээ8 сар 23. 15:55Форбес зөвлөж байна: Элон Маскын амьдралын 10 ДҮРЭМ8 сар 23. 15:50Б.Бямбадорж: Улсын эмнэлэг хувьдаа авах гэж гүйх ёс суртахууны доройтол, хэтийдсэн шунал надад байхгүй ээ8 сар 23. 15:45
© 2008 - 2019 он. Зохиогчийн эрх хуулиар хамгаалагдсан.