2019 оны 4-р сарын 1
10 цаг 35 минут

Б:Бядаа: Хүүтэй хүн бүр уншаарай

Б:Бядаа: Хүүтэй хүн бүр уншаарай 

Эрээн бараантай хорвоогийн замд бүдчиж явахдаа
Эрдэнэс олсон би азтай хүн
Энгэрт минь зүүгдэх нэг насны гоёлоо
Энэ орчлонгоос хүртсэн би жаргалтай хүн

Хэвлийдээ тээсэн арван сарын минь хугацааг
Хир удаан амьдрахаар биш хэн болсноороо нөхөж төлөөрэй миний хүү
Хэлж жишээлж зүйрлэмгүй төрөлтийн их өвдөлтийг
Хэнгэргийг минь цоортол дуулгах сайн мэдээгээр шагнаарай миний хүү

Даргын ширээнд сууж баяжаарай гэхгүй ээ ээж нь
Дорд үзэгдэж гудайхгүй л яваарай миний хүү
Мөнхийн ус , ач тус нэхэхгүй ээ ээж нь
Мөрөөдөлтэй, зорилготой л амьдраарай миний хүү

Сөхөрмөөр өдөр байхад бахархмаар өдрүүд түүнээс ч олон байдаг юм
Сүү амлаж өссөн болохоор шантрахгүй зүтгээрэй үр минь
Сөгдөж гуйсан мөртлөө ширвээд хаядаг хүн ч байдаг юм
Сайн муу бүхнийг ялгаж амьдраарай хүү минь

Эр өсч эсгий сунадаг жамтай хойно
Ээжийн хүү томоо эр болно
Эхнэр авч аав ч болно
Ээ дээ хүү минь хариуцлагатай л байдаг юм шүү

Аавынх нь гэрээс инээмсэглэл тодруулж авчихаад
Ад үзэж гомдоож л болдоггүй юм шүү
Арван сар ижий нь чамайг тээж өсгөсөн шиг
Алдрайхан үрийг чинь төрүүлэх гэргий түүнийгээ дээдлээрэй

Хүүтэй хүн алздаггүй юм гэсээн
Хөл нь дөрөөнд гар нь ганзганд хүрэхийн цагт
Хүүгээрээ бахархаж баярын нулимс унагах өдрүүдэд
Хүрэхэд тун ч ойрхон байна даа ижий нь

Эх хүн гэдэг чинь өвдөх бас үхэх эрхгүй байдаг юм
Ээжээ гэж дуудах үрсийнхээ төлөө л залбирдаг юм 
Сайн явахад нь ил магтаж 
Саар амьдрахад нь дотроо зэмлэж
Сайхан гэж муухай үед нь ч хэлдэг
Сайн дурын баатар юм шүү дээ

Тиймээс үр минь зөв л амьдраарай
Тээглэсэн чулууг түлхэх хүчтэй байгаарай
Тэвчишгүй хэцүүд ч нулимс бүү унагаарай
Тэгж байж л зорьсондоо хүрдэг хорвоо юм шүү дээ хүү минь

Б.Бядаа

---------------------

"Ээжээсээ уучлал хүсье"

Маргааш өглөөний нартай уралдаад ижийдээ яваад очихсон гэж
Магадгүй охин нь дандаа л боддог
Улирал солигдохоос урьтаж ижийдээ үнсүүлэхсэн гэж
Ухаандаа бол үргэлж л санадаг
Хэзээ ч юм тэр нэгэн өглөө гэрээсээ анх гарахад
Хурдхан ирээрэй гэж аминчлан захисан үгс тань
Хичээл сургууль ажил амьдрал дахь их замын нугачаанд
Хэрэглээгүй удсан номын хуудас шиг нугалаас үүсэн хуучрах шиг
Амандаа тарни шившиж сүүн цацлаа өргөн
Аминхандаа очихыг минь хүлээж ирэх зүгийг ширтэнэ
Уулын толгой бууралтаж, ногоорч, шарлахад
Утас цохихоос бусдаар үрийх нь бараа алсарна
Хааяахан нэг яаруухан очоод буцахад
Хамаг бүхнээ дэлгээд ажлаа умартан дэргэд минь өөрийгөө хүлж
Бишүүрхэж хүүхэд шиг инээмсэглээд яахаа мэдэхгүй уймарч
Буцах өдөр болоход битүүхэн гуниг тээн өрөөсөн хацрыг минь үнэрлээд үлддэг
Бага байхад чинь сайхан байжээ гэдэг ярианы сэжүүрт
Байнга л байхсан тэр үе шигээ гэх шиг санаашрал тодорно
Биеэ бодоорой гэж үрдээ үргэлж захидаг атлаа
Бодлогширсон төрх үрчлээтсэн царай өмнө минь инээмсэглэж харагдана 
Уучилаарай ээжээ үрээ уучил
Угтаа бол үр нь ч гэсэн дэргэд тань үргэлжид байхыг хүсэвч
Тааж зүйрлэмгүй хорвоогийн жамаар
Таниасаа охин нь холдоод байх юм
Өршөөгөөрэй ээжээ охиноо өршөө
Үүрээр сэрж сэтгэлээ бүү чилээ
Өөрийхөөрөө зөвөөр амьдарч сэтгэлийг тань дэвтээгээд
Өвсний толгой бууралтахаас урьтаж ээждээ охин нь яараад очноо

Б.Бядаа 2016.05.17

 

1
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1 сэтгэгдэлСэтгэгдэл бичих

103.10.23.218Зочин   • 4 сарын 5. 18 цаг 45 минут

САЙХАН шүлэг байна. Цаашдын уран бүтээлд нь амжилт хүсье!

Шинэ мэдээ

Дэлхийн "хамгийн шилдэг" паспортыг нэрлэжээ11 сар 21. 18:00Харвардын их сургууль 34 жилийн судалгаагаар эрүүл амьдрах дүрэм гаргажээ11 сар 21. 17:55Роналду нууцаар хуримлажээ11 сар 21. 17:50ФОТО: Эргэн ирэлтийг нь хийхийг хүлээдэг эмэгтэй кпоп хамтлагууд11 сар 21. 17:45ФОТО: Будапешт хотын үзэсгэлэнт өвөл11 сар 21. 17:40ОЛОН ӨНГӨ: Амьдралыг бүтээгч агшнууд11 сар 21. 17:35Германд хүүхдээ вакцинд хамруулаагүй эцэг, эх 2750 ам.доллар хүртэлх мөнгөөр торгуулна11 сар 21. 17:30Ангараг гариг дээр шавж амьдардаг нь тогтоогджээ11 сар 21. 17:25Цээл суманд 4,3 магнитутын хүчтэй газар хөдлөлт боллоо11 сар 21. 17:20Абэ Шинзо Японы бүх цаг үеийн түүхэн дэх дээд амжилт тогтоолоо11 сар 21. 17:15Санаандгүй авч, түм, буман хүнийг гайхшируулсан зургууд11 сар 21. 17:10Google улс төрийн сурталчилгааг хориглоно11 сар 21. 17:05Инстаграмд хамгийн их орлоготой орос одод11 сар 21. 17:00Өмнөд Солонгос цэргийн алба хаагчдын тоог 1.300-аар цөөлнө11 сар 21. 16:55Б.Сарантуяа: “Гоёл Медикал” үйлчлүүлэгчиддээ 100 хувийн сэтгэл ханамжийг амладаг11 сар 21. 16:54Шүдний чулуу гэж юу вэ11 сар 21. 16:50К.Макгрегор яаралтай тусламжийн албанд сая ам.доллар хандивлав11 сар 21. 16:45Хөдөө аж ахуйн биржийн брокерын "эрх олгох сургалт"11 сар 21. 16:43Боливид сонгууль явуулах хуулийг батлахыг хүсжээ11 сар 21. 16:40Дэлхийд шинэ улс мэндлэх гэж байна11 сар 21. 16:35Онгоц, галт тэрэг өндөр хурдны интернеттэй болно11 сар 21. 16:30Путин ЗСБНХУ тарж бутарсан шалтгааны тухай ярив11 сар 21. 16:25Цахилгаан эрчим хүч хэмнэх энгийн аргууд11 сар 21. 16:20Одон орны физикчид хамгийн хүчтэй гамма цацрагийг бүртгэжээ11 сар 21. 16:15Эх хэл бичгийн багш нар ур чадвар, бүтээлээрээ өрсөлдлөө11 сар 21. 16:10Өдрийн тойм: Монголбанкны Ерөнхийлөгчийг чөлөөлж, Оюутолгойн гэрээг өөрчлөх эхлэлийг тавилаа11 сар 21. 16:07БНХАУ есөн мужийнхаа хөдөлмөрийн хөлсний доод хэмжээг нэмэгдүүлнэ11 сар 21. 16:05Шорон дотроос залилан хийж сая ам.доллар луйварджээ11 сар 21. 16:00Салхинцэцэг өвчнөөс урьдчилан сэргийлье11 сар 21. 15:55Дэлхийн телевизийн өдрийн талаарх сонирхолтой 12 баримт11 сар 21. 15:50
© 2008 - 2019 он. Зохиогчийн эрх хуулиар хамгаалагдсан.