4-р сарын 17
13 цаг 50 минут

Анна Хамилтон Доннел: Өргөмөл үр

Хаврын сүүл сар, бараг л сургууль амрах үе байлаа. Ингээд л Маргаретын эцэс төгсгөлгүй сунжирсан уртаас урт, уйтгарт зуны амралт эхлэх шив.
Зуны амралтыг байнга л хамтдаа гар гараасаа хөтлөлцөн гадуур зугаалж өнгөрөөдөг Нелл, Энэми, Маргарет нарын жаргалтай үе ард хоцоржээ.

 

Харин одоо эсрэгээрээ, долоо хоногийн амралтаар хүртэл Энэми зүүн зүгт, Маргарет чанх баруун тийш зам салан явах болж дээ. Энэхүү чулуун хана зүүнээс баруун руу босох нь тэр. Энэ байдал Маргаретын хувьд хүний нүднээс далдхан хамар хашааны дор бодол болон суух хэсэгхэн хормыг өөртөө зориулахад хүргэнэ. Энэ байдал нь түүнийг зүгээр л өрөвдөлтэй, ганцаардсан, золгүй нэгэн болгох адил.
 
Ийн суух зуур ханан хашааны нөгөө талд шивэр авир хийх хэсэг бүлэг ховч охидын яриа сонсогдох нь тэр. “Би нэг зүйл сонссон! Тэр өөрийн хийсэн хэргийнхээ горыг амсаж байгаа нь өөдөө хаясан чулуу өөрийн толгой дээр гэдэг дээ. Тэрнийг бидэнтэй тоглооч гэхэд ч ирэхгүй. Түүнийг дуудаад ч яах юм бэ? Тэр чинь хэн ч биш ш дээ. Зүгээр л нэг үрчлэгдсэн амьтан” гэх сонсдов.

 

“Хүүе, чи юу гэчих вэ?” гэж хий л сонсож зогссон олон нэгэн дуугаар ам уралдан асуухад, гайхшран “Дахиад нэг хэл дээ” хэмээн хажуухнаас нь Роди Шарп амаа хурцална.
 “Тэрнийг үрчлэгдсэн, өргөмөл охин гэж байна аа. Тэгээд л тэр. Өргөмөл амьтан тэрнээс өөр ямар нь л биднийг хамт тоглооч гэхэд ирэхгүй хэрэн тэнүүчилж явав л гэж дээ. Тэгээд ч миний бодоход бид тэрэнд хангалттай л сайн байсан биз дээ?” гэлээ.

 

Маргарет түүн дээр гишиглэх мэт хүйтэн хөндий үг хаялах энэхүү яриаг сонсон хашааны буланд зүрх сэтгэлээ тайтгаруулахыг хичээх аядан дэмий л сууна. Энэ бүхнийг сонсоход нь хүртэл хүнд тустал тийм ойрхон, хэрэв хажууд нь байна гэвэл түүнд амьсгалахад нь хүртэл бэрх байх байсан буй за.

 

“Чи хэтэрхий дэгсдүүлээд байна ш дээ!” Би чиний хэлсэн нэг ч үгэнд итгэхийг хүсэхгүй байна. Тэр ээжээрээ үнэн голоосоо бахархдаг. Зүгээр л үнэн зүрхнээсээ шүү!” хэмээн Роди Шарп түүнд эрэлхэг гэгч нь палхийтэл хэлэх нь тэр.
Роди Шарп “Тэр энэ талаар юу ч мэдэхгүй” хэмээн яриагаа яарангуй дахинүргэлжүүлэх нь, түүний дууны өнгө аяс хүртэл чимээгүйхэн сонсож суух хөөрхий Маргаретын чихэнд яг зүрх зүсэх мэт бяцхан жад хутгаар сийчихтэй адил сонсдоно. “Түүний гэрийнхэн үүнийг бүгд Маргаретаас нуудаг. Манай эмээ ч ийм зүйл болохыг зөвшөөрөхгүй, итгэхийг ч хүсэхгүй байх” гэж хэлэх нь тэр.

 

Гэхдээ л Роди Шарпын эмээгийн юу гэх нь хэнд хамаатай юм бэ гэсээр бөөгнөрсөн олны гайхан цочирдсон өнгө аяс итгэж чадахгүйн сацуу хөөрхийлөлтэй золгүй өргөмөл охиныг өрөвдсөн яриа болж хувирлаа. Тэдний өөрсдийнх нь л нэг. Гэвч тэд өдөр бүр, цаг тутамд үг нэг бүрээр нь салган ӨРГӨМӨЛ хэмээн хочлон үсэглэх нь лавтай. Тэд өмнө нь түүнийг тэдэнтэй хамт тоглохыг уриалдаг байсан ч одоо түүний өрөвдөлтэй хувь тавилан түүнийг гайхаш алдуулна.
“Яагаад, яагаад тэр гэж? Тэр тэгээд гэр оронгүй, золбин нэгэн байсан гэж үү дээ?” хэмээн нэг нь уулга алдана. “Үнэхээр, үнэнээсээ тэр энэ талаар юу ч мэдээгүй байсан гэж үү дээ?”

 

“Өө, бурхан минь гэж. Бодохоос хүртэл аймшигтай юм аа. Та нар тэгээд түүнийг мэдэж байсан хэрнээ энэ бүхнийгээ нууж байсан болов уу гэсэн бодол төрөхгүй байна гэж үү дээ?” хэмээн хэн нэгний ярих нь хүртэл энэ бүхэн нууц байсан, надаас бүхнийг нууж байсан гэсээр зөөлөн чийглэг зүлгэн дээр хэвтэх нь хүртэл түүнд хүндээс хүнд, бэрхээс бэрх, сэтгэл өвтгөж, зүрх зүсэгдэм ....Энэ бүх бодол толгойд хөвөрсөөр л, тэдний аймшигтай хэрцгий яриа үргэлжилсээр л.
“Энэ бүхэн зүгээр л гутамшигтай юм аа. Тийм биш гэж үү дээ? Хэрэв ийм зүйл та нарын хэн нэгэнд тохиолдсон бол гэж бодож үзсэн үү? Үгээр хэлшгүй тийм аймшигтай мэдрэмжийг?”

 

"Бодоод үз дээ. Үдэш “Сайхан амраарай, ээж ээ” гээд ээжийгээ үнсэхэд тэр чиний ээж биш байна гээд.....”
Маргарет гараараа өөрийгөө тумлайдан ширэлдсэн өвсөн дээр өнхрөн...... энэ бүхэн.....юу болох нь энэ вэ? Ямар аймшигтай зүйл гэхээрээ......! Түүний айж балмагдсан энэ байдал хором, мөч бүрт түүнийг улам бүр азгүй, золгүй, өрөвдөлтэй нэгэн болгож байлаа.

 

Тэгээд энэ гутамшиг, ичгүүр зэрэгцэн, яг л энэ бүх адгийн хийгээд муу ёрын байдал түүнийг айдас дунд отоод хүлээж байсан гэлтэй. Тэгээд л түүний ээлж иржээ. Айх, ичих зэрэгцсэн Маргарет зүлгэн дээрээс босохдоо мэдрэх тэр хачин мэдрэмжийг үгээр хэлж, үзгээр бичишгүй, ямартай ч урьд өмнө нь ийм гутамшигтай байдалд орж байсангүй. Ердөө есхөн настай түүний хувьд энэ бүх болж өнгөрсөн зүйлийн хажууд тэр зүгээр л нэг золгүй, өрөвдөлтэй бяцхан охин гэдгээ мэдрэн суух, ийм мэдрэмжийг өдий насандаа амсана гэдэг......! Ийм байдалтай босоод хатагтай Стрээтэрийнх, тэгээд цаашлаад номлогчийнх, мөн Энимигийн хажуугаар өнгөрөн гэртээ харих замаа дөтөлдөг ч болоосой гэсэн бодол! ᠌Тэд бүгд түүнийг цонхоороо хараад ‘Хөөе, нөгөө өргөмөл охин явж байна” гэж шаагилдах вий гэсэн түүний айдас. Ийнхүү Маргарет нүдээ аних төдийд л магадгүй тэд түүнийг хараад хуруугаараа чичлэн, хатагтай Стрээтэрийн булцгар хуруу, номлогчийн савхан хуруу мөн Энимигийн богинохон бор хуруу, түүнийг чиглэн зааж байгаа дүр зургийг төсөөлөн, түүнийг толгойноосоо авч хаяхыг хүсээд ч дийлсэнгүй. Зөвхөн чи л золгүй, өргөмөл нэгэн гэсэн үгс оюун бодолд нь хөвөрсөөр.......

 

Ямар нэг зүйлийг хийх л хэрэгтэй. Түүний хийж чадах ямар нэг зүйл байж л таарна. Зүгээр л тэр одоо яг эхлэх л хэрэгтэй.........

 

“Би одоо бүхнийг олж мэдлээ. Би ийм зүйл байдаг, ийм зүйл болно чинээ төсөөлж ч байсангүй. Би хэн нэгэн шиг байж чадсангүй. Зүгээр л хаягдаж хоцорсон өнчин нэгэн, өөрийгөө хэн байснаа, өөрийгөө хэн болохоо гэнэтхэн ийм байдалтай олж мэднэ гэдэг зүрх зүсэм....Хэрвээ...Хэрэв би үнэнийг эрт мэдсэн бол сэтгэлийн ийм гүн ангалд унах байсан ч уу, үгүй ч үү. Магад ч үгүй би сэтгэлийн томоос том шархтай л үлдэх байсан байж болох. Бүх зүйл хангалттай. Би одоо хамт байх, хамт амьдрах эрхгүй хүмүүсийнхээ дундаас холдон алга болох болно. Энэ бүхнийг бичихэд хүртэл хуруу минь чичирч, сэтгэл зүрх эмтэрч, хэзээ ч минийх байгаагүй ээждээ одоог хүртэл хайртайгаа яалтай..... Үүнийг харах тоолондоо та намайг яг л сарнайн улаан өнгөтэй, алаг нүдэн цэцэг цэнхэр өнгөтэй, элсэн чихэр чихэрлэг амттай байдгийн адил намайг санан дурсах буй за.
МАРГАРЕТ” гэжээ.

 

Ийнхүү захиагаа дагжин чичрэн байж айдас дунд бичиж үлдээгээд, ор руугаа тэмтчин сэм орлоо. Магадгүй, тэр унтахаар хэвсэн байх. Ямар ч байлаа гэсэн түүнийг ор руугаа явав уу, үгүй юу хаалганы цаана аав, ээжийнх нь ярих сонсогдов. Энэ бүхэн түүнд тийм ч сонин байсангүй. Тиймээс зүгээр хэвтэнгээ тэдний яриаг сонссоор ...

 

“Неллиг энэ бүхнийг олж мэднэ гэдгийг би эртнээс гадарлаж байсан. Түүнийг гэртээ ирэхээр нь энэ бүхнийг түүнд илүү найрсгаар, эвээр хэлэх хэрэгтэй. Тийм биз дээ, Хэнри? Тэр бусдаас үүнийг сонсож байснаас энэ нь илүү дээр. Хөөрхий, бяцхан охины минь сэтгэл эмтэрнэ шүү дээ...” хэмээн ээжийг нь хариулах зуур Хэнри “Хэрвээ бурхан бидэнд ийм сайхан бяцхан үр заяагаагүйсан бол бид түүнийг үрчилж авахгүй л байсан” хэмээн ярилцах хооронд Маргарет хөнжлөө хуу татаж, цурхиртлаа уйлан нулимс асгаруулсаар шатны уруу гүйн одлоо. Гомдол тарчлал, айдас түгшүүр, түүнийг элэглэн дооглох, энэ бүхэн хэдийнэ ард хоцоржээ. Тэд бяцхан охины зүрх сэтгэлдээ ойлгох гэж оролдож байсан том сэтгэлийн дарамт, ачааг хөнгөлж өгсөн нь энэ бололтой. Энэ бүх айдас түгшүүр, гутамшиг, дооглол тохуурхал ахиж хэзээ ч, дахин хэзээ ч ирэхгүй. Маргарет “Уухай, уухай! Энэ бол ялалт. Энэ бүх гуниг харуусал анхнаасаа түүнийх биш байсан” гэж бодов. Түүний сүнс хүртэл өнгөрснийг мартан урагш тэмүүлж байлаа.

 

Харин хаалган дээр гайхаш тасран шаналал харуусалтайгаар зогсох тэднийг дүүлэн нисэх адил бяцхан охин гайхшруулж орхих нь энэ. Тэд охиныг хоёр гараа дэлгэж тэврэн авлаа. Энэ бол бүхэлдээ шаналалд тарчилж байсан охины тэмцлийн ялалт, баяр хөөр, аз жаргал дүүрэн бяцхан охины халуун дулаан тэврэлт байлаа.
- Хөөх, та хоёр минь минийх, би ч та хоёрын охин. Бид бүгдээрээ бие биеэсээ олсон. Би золгүй өргөмөл, өрөвдөлтэй хэн нэгэн биш…

 

Тийм ээ, Маргарет Энимиг ч тодоос тод санаж байлаа. Түүний өрөвдөлтэй байдалд сэтгэл зүрхтэйгээ тэмцэн тарчилж байсан тэр бүх зүйл одоо ард хоцорлоо. Үүрд мөнх!
Маргарет магадгүй Неллиг тийм ихээр хайрлаж, өхөөрдөж чадахгүй л байх. Гэхдээ л тэр ᠌цаашдаа улам ихээр хичээх болно оо. Тэгээд ч түүний амьдрал бол бүхэлдээ тэр өөрөө өөрийгөө олох эрэл, өөрийгөө хайрлаж үнэлэх үнэлэмж гэлтэй.
Анна Хамилтон Доннел 
Орчуулсан О.Мөнхчимэг
0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Э.Оюунболд: Миний шээсийг сольсон байна. Би допинг хэрэглээгүй8 сар 17. 20:16Индонезын нийслэлийг Калимантан арал руу шилжүүлэх саналыг албан ёсоор тавьжээ8 сар 17. 15:00Хонконгийн жагсагчид дахин жагсахаар төлөвлөж байна8 сар 17. 14:5568 жил хамт амьдарсан хос нууцаа дэлгэв8 сар 17. 14:50Наранд түлэгдсэн арьсанд гурилтай сүүн маск тустай8 сар 17. 14:45Эртний очир алмааз олжээ8 сар 17. 14:40Биеэс давс гадагшлуулах арга8 сар 17. 14:35Их мэнгэтэй хүмүүс илүү удаан амьдардаг8 сар 17. 14:3061 нас хүрсэн Мадоннагийн амьдралын дүрэм8 сар 17. 14:25Токио 2020 Олимпийн бэлэгдэл Мираитова болон Сомэити8 сар 17. 14:20ОХУ, БНАСАУ хамтын ажиллагаагаа гүнзгийрүүлэхээр тохиролцжээ8 сар 17. 14:15Зүүдний тухай сонирхолтой 10 баримт8 сар 17. 14:10Нөхөрлөлүүд ойгоо хамгаалсны төлөө ашиг хүртэх ёстой гэв8 сар 17. 14:05Заанаас суралцах амьдралд хэрэгтэй дөрвөн чанар8 сар 17. 14:00Нил ягаан өнгө юуг илэрхийлдэг вэ8 сар 17. 13:55Женнифер Лопес тайчигч бүжигчний дүрд тогложээ8 сар 17. 13:50Фото: Кем Чин Уны олны өмнө дэлгэгдээгүй ховор агшин8 сар 17. 13:45Залуу эмэгтэйн заавал унших НОМЫН жагсаалт8 сар 17. 13:40Казах Курес бөхийн Азийн аварга шалгаруулах тэмцээн Монголд эхэллээ8 сар 17. 13:35Хомхой гарах шалтгаан болон эмчлэх арга8 сар 17. 13:30Мессигүй “Барселон” Ла Лигийн улирлын эхний тоглолтод хожигдлоо8 сар 17. 13:25Н.Анударь залуучуудын дэлхийн аваргаас мөнгөн медаль хүртлээ8 сар 17. 13:20Конор МакГрегорын хүн зодсон бичлэг ил болжээ8 сар 17. 13:15Ховд голын усанд сүүлийн гурван сард зургаан иргэн осолдож амиа алджээ8 сар 17. 13:10“Үндэсний төв цэнгэлдэх хүрээлэн” төслийн концепц, Загвар зураг төсөл боловсруулах уралдаанд ирүүлсэн ... бүтээлд иргэд, олон нийт саналаа идэвхтэй өгөхийг уриалж байна8 сар 17. 13:05Амралтын өдрүүдээр үр бүтээлтэй байх 10 зөвлөмж8 сар 17. 13:00Монгол эмэгтэйн сувдан гоёл бас соёл8 сар 17. 12:55“Бавария” Коутиньог зээлээр авлаа8 сар 17. 12:50Японы импортын хаягдлын хяналтыг чангатгана8 сар 17. 12:45Домог Иньеста хараагүйчүүдийн хөл бөмбөг тогложээ8 сар 17. 12:40
© 2008 - 2019 он. Зохиогчийн эрх хуулиар хамгаалагдсан.