4-р сарын 22
8 цаг 20 минут

Хаягдал дугуйг ашиглан амьдрах орчноо тохижуулж буй залуус

Автомашинд хэрэглэх боломжгүй болсон дугуйгаар төрөл бүрийн амьтан, цэцгийн мандал, хүүхдийн тоглоомон машин, гулсуур, сүүдрэвч, саравч, сандал, ширээ гэх мэт эд зүйлсийг хийж орчин тойрноо тохижуулах боломжтой аж. Үүнийг Орхон аймгийн Жаргалант сумын хэсэг залуус санаа нийлэн, санаачлага гарган хийж эхэлжээ. Ингээд энэхүү ажлын санаачлан гүйцэтгэж буй Т.Сүлдбаатар хэмээх залуутай цөөн хором ярилцсан юм.

-Юуны өмнө өөрийгөө танилцуулахгүй юу?

Намайг Т.Сүлдбаатар гэдэг. Одоо 28 настай. Орхон аймгийн Жаргалант суманд амьдардаг. Надад эзэмшсэн мэргэжил байхгүй. Есдүгээр ангиа төгсөөд л хувиарааа ажил хийгээд, газар тариалан эрхлээд л явж ирсэн.

-Хаягдал дугуйг ашиглаж тоглоом, цэцгийн мандал хийдэг гэсэн. Хэзээнээс хийж эхэлсэн бэ?

Энэ хавраас эхэлсэн. Нэг сар л болж байна. Сумынхаа гарын уртай, хөдөлмөрч залуустай санаа нийлэн энэ ажлыг эхлүүлээд байна. Надтай хамтарч нийлсэн таван хүн бий.

-Нэг сарын хугацаанд хэдий хэрийн бүтээл хийсэн бэ?

Нэлээд олныг хийсэн. Үнэндээ тэд гээд хэлчих тоогоо мэддэггүй ээ.

-Ямар төрлийн тоглоом хийдэг юм бэ?

Хүүхдүүдийн хамгийн их сонирхдог  машин, танк, туулай,  баавгай, хун зэрэг амьтад. Тоглоомын хувьд гулсуур, сүүдрэвч сандал, ширээг хүртэл хийж байна.   

-Бүтээлүүдээ захиалгын дагуу хийдэг үү. Эрдэнэт хотын иргэд захиалдаг уу. Улаанбаатар хотоос захиалга ирдэг үү?

Тиймээ захиалгаар хийж, хүргэж өгч, суурилуулж өгөх үйлчилгээг хийдэг. Одоогоор Эрдэнэт хотын албан байгууллагууд, болон ойролцоох амралтын газруудаас ихэвчлэн захиалга их байна. Үйл ажиллагаагаа явуулж эхлээд удаагүй байгаа учраас Улаанбаатар хотоос захиалга ирээгүй ээ. Хэрэв захиалга ирвэл бид хүргэж өгч болно.

-Дугуйгаар юм хийх их хэцүү юм шиг санагдаж байна. Бат бөх чанартай зүйлийг хүссэн хэлбэр, дүрсээрээ өөрчлөх их хэцүү байх?

Мэдээж тийм амархан ажил биш л дээ. Хүн хүч, багаж хэрэгсэл ашиглаж байж л хийж байгаа.

-Нэг амьтан хийхэд хэр хугацаа зарцуулдаг вэ?

Зураг дээрх баавгай туулайг бол нэг өдрийн дотор л хийсэн байгаа. Танк машин зэрэг гар ажиллагаа ихтэй зүйлийг хийхэд бүтэн өдөр зарцуулдаг.

-Дугуйг олоход хэцүү байдаг уу. Хаанаас авдаг юм бэ?

Дугуй засварын газраас машинд ашиглах боломжгүй болсон дугуйг бөөндөж авч хийдэг.

-Анх хаягдал дугуйг ингэж ашиглая гэсэн санаа хэрхэн төрсөн бэ?

Манай нэг таньдаг ах зөвлөсөн юм. Хашаанд байгаа дугуйнуудаар эхлээд хийгээд үзвэл ямар вэ гэсэн. Тэгээд тургшилтын маягаар хийгээд үзсэн чинь болмоор юм шиг санагдсан. Тэгээд л хийж байгаа. Бид төмрөөр зуух, яндан, хашаа, хайс, хашааны гүйдэг хаалга зэргийг гагнаж хийж байна.

-Хамт ажил эхлүүлсэн хүмүүс тань ямар мэргэжилтэй хүмүүс вэ. Хэдэн насны хүмүүс байдаг вэ?

Суман дээр ажлын байр олоход хэцүү шүү дээ. Ялангуяа залуу хүмүүсийн хувьд зүгээр суугаад байхад хэцүү байдаг. Тиймээс 25-28 насны ойр зууртаа юм хийчихдэг гарын уртай гэсэн хэдэн залуучууд санаа нийлээд хамтраад энийг хийж байгаа.

-Автомашины хэрэггүй болсон дугуй хэрэггүй хэвээр байгаад л байдаг. Үүнийг иргэд өөрсдөө энэ мэтээр ашиглаад орчноо тохижуулж болох юм шиг ээ.

Хүн өөрөө хичээгээд хийвэл хүүхэддээ зориулаад хашаандаа тоглоом хийгээд өгчихөд хэрэгтэй шүү дээ. Заавал их мөнгө зарж материал авах шаардлагагүй. Өөртөө байгаа дугуйгаа л ашиглачихна.

-Сумын иргэд хэр дэмжиж байна вэ?

Зуны цагаар бол цэцэрлэгт хүрээлэнг ингээд тохижуулчихвал үзэмжийн хувьд  ч таатай орчин нөхцлийг нь бүрдүүлээд өгчихнө шүү дээ. Дээрээс нь манай сумын иргэд хашаагаа тохижуулья гээд их захиалга өгч байна. Мөн сумын захиргаанаас бидний ажлыг дэмжээд Нутгийн удирдлагын ордны урд талбайг чимэглэж, тохижуулах санал тавьсан байгаа. Биднийг энэ ажлыг дэмжиж, урам зориг өг цаашид үйл ажиллагаагаа өргөжүүлээрэй гэж ерөөдөг.

-Хийсэн бүтээлүүд нь үнийн хувьд ямархуу байдаг вэ. Дугуйгаа хэдэн төгрөгөөр авдаг вэ?

-Тоглоом нь жижиг, томоосоо шалтгаалаад өөр, өөр үнэтэй байна. Дугуйгаа 500 төгрөгөөр авдаг. Нэг амьтан хийхэд 3 ширхэг дугуй ордог. Хийсэн бүтээлүүд маань 10-50 мянган төгрөгийн хооронд үнээ тохиролцоод хийдэг.  

-Өдөрт хичнээн захиалга орж ирдэг вэ?

Өдөртөө 40-50 амьтан захиалгын дагуу хийдэг. Голдуу хун, цэцгийн мандал эрэлттэй байна. Гадаа дулаарч байгаа болохоор сүүдрэвч, саравч хийх захиалга ирж байна.  Бидний ажлыг дэмжиж захиалга өгөх хүмүүс 89150504 дугаарын утсаар холбогдох боломжтой. 

-Та бүхний цаашдын зорилго юу вэ?

Цаашлаад энэ үйл ажиллагаагаа өргөжүүлээд, төмөр болон модон эдлэл, тоглоом хийж, илүү олон хүнийг ажлын байраара хангаж ажиллахыг хүсдэг. Манай суманд чинь гартаа уртай авьяастай хүн их байдаг юм. Тэгэхээр илүү олон хүнийг ажлын байртаа болгоод, амьдралд нь тус нэмэр болох ажил л хийхийг хичээдэг.

 Х.Соёл-Эрдэнэ

18
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

18 сэтгэгдэлСэтгэгдэл бичих

202.9.42.97Зочин   • 4 сарын 23. 8 цаг 15 минут

Дугуйгаар хийсэн тоглоом хүн болон байгальд хор хөнөөлтэй гэдгийг мэддэггүй юм байх даа.

112.72.12.8Зочин   • 4 сарын 22. 19 цаг 58 минут

Энэ хүмүүсийн санаа нь зөв ч хаягдал дугуй бол тэр чигээрээ хор халуун наранд хорт хий ялгаруулдаг манай нэг том дарга хаягдал дугуй хайлуулж хүүхдийн тоглоомын талбайн дэвсгэр хийдэг цехд очоод магтаад бсан мал шүү одоо зарим байрны тоглоомын талбайн ойр зун ойртох аргагүй муухай үнэртдэг 5-н жил үнэр нь гарахгүй эхнээсээ хуулж хаяж бна маш хортой

45.117.32.137Зочин   • 4 сарын 22. 17 цаг 14 минут

Боловсролын яам, Мэргэжлийн хяналтын байгууллага хаягдал дугуйгаар янз бүрийн тоглоом хийж байгаа цэцэрлэгийн эрхлэгч нарт арга хэмжээ тооцох хэрэгтэй химийн хорт хий ялгаруулж үр хүүхдүүдийг чинь хордуулж байхад сайхан байна гэж баярлаж байгаа хүмүүс хүүхдүүдийнхээ ирээдүй хойчийг боддоггүй өнөөдрөө харж амьдрах юмдаа.

45.117.32.137модон хийц   • 4 сарын 22. 16 цаг 47 минут

хог л бол хог тэр тусмаа хүүхдүүдэд бүр хортой ийм тоглоом хийж хүүхдүүдээ хорлоод байхын шууд устгал хий мэргэжэлийн хяналтын байгууллага хориглосон

49.0.184.30Зочин   • 4 сарын 22. 14 цаг 16 минут

sdaa yumaa chvsda.

202.9.42.99Зочин   • 4 сарын 22. 13 цаг 25 минут

xog shuu dee xiix gej bgaa bol zoriulaltiin mod chuluugaar xii

103.9.90.98Алтанбулаг   • 4 сарын 22. 12 цаг 04 минут

сэлэнгэ аймгийн Алтанбулагт зөндөө байдаг, тэр сумынхан санаа авч хиймээр юм даа

203.217.139.225Ганзориг   • 4 сарын 22. 10 цаг 42 минут

Их олон дугуйнууд хаймар биет нар салхинд хална, хөрнө, ууршина.дээр нь чанаргүй будагнууд, орчны агаар ямар байх бол?Тэр хавийн оршин суугчидад аюултай байж мэдэх юм.

202.70.33.242Зочин   • 4 сарын 22. 13 цаг 04 минут

Чиний машины дугуй нар салхинд халаад,хөрөөд,ууршаад хэцүү байдаг юм уу? хаягдал дугуй хог болж байхаар ингээд байж байвал зүгээр биш үү

202.21.115.242Зочин   • 4 сарын 22. 15 цаг 40 минут

mashind dotorhoi hugatsaand yabaad solidog, gazart bol yazrana yalzrana huldunu halna havdar uusgedeg, huuhduud toglono ter chigeeree hor shuu itgehgui bol google deed uzeerei

202.70.33.242Чимэг   • 4 сарын 22. 9 цаг 54 минут

Залуусаа баяр хүргэе, дугуйгаа зүсээд нөгөө талыг ашиглаж өөр зүйл хийвэл бүр ашигтай байхаа,бас хуванцар эдлэл ашиглах хэрэгтэй мод төмөр бол үнэтэй хүнд материал байх

202.21.108.160Зочин   • 4 сарын 22. 9 цаг 37 минут

Амжилт залуусаа.

103.206.195.230Зочин   • 4 сарын 22. 9 цаг 37 минут

Хөөрхөн л юм хийчихэж дээ...

202.131.243.190Zochin   • 4 сарын 22. 8 цаг 59 минут

Mergejliin hunees zovlolgoo avaad hor yalgaruulalatiig bagasgah yamar bolomj bgaag sudlah ni zov. medeej 2-3davharlaj zoriulaltiin rezinii budgaar budah alham bol ehniih ni baih. Mon hayagdal dugui bolovsruulah uildver bolgood orgojuuleh heregtei. Sanaa zov zaluustaa amjilt husie. Ulam orgojin telj, sumiinhaa ajilgui zaluuchuudiig ajliin bairaar hangaj ajillahiig husie.

59.153.114.109Zochin   • 4 сарын 22. 8 цаг 54 минут

Mundag zaluuchuud bn amjilt

103.206.193.66Өнөэрдэнэ   • 4 сарын 22. 8 цаг 49 минут

Хийх хүсэл сэтгэлийг нь үнэлүүштэй...нөгөө талаас энэ нь хүний биед хортой гэдгийг их бодолцож ойлгоорой.

103.26.195.188Зочин   • 4 сарын 22. 8 цаг 38 минут

Сүрхий залуус байна. Ажил хийж байгаа хүмүүст шүүмжлэх, гоочлох, болохгүй, бүтэхгүй гэх мэтийн дарамт их мэдэгч , өөрсдөө хөдөлмөрлөж үзээгүй шүүмжлэгчдээс ирнээ ирнэ. Тэдэнд болдог юм ерөөсөө байхгүй шүүмжлэх нь л тэдний ажил

202.131.229.34Зочин   • 4 сарын 22. 8 цаг 23 минут

Юмханаар юм хийх нь сайшаалтай ч хаягдал дугуй хор ялгаруулдаг гэдгийг бас тооцоолох хэрэгтэй. Ялангуяа хүүхэд тоглох газар дэмий байх.

Шинэ мэдээ

Эрхэлсэн ажилдаа амжилт гаргасан цагдаагийн алба хаагчдыг цол, тэмдгээр шагналаа7 сар 18. 18:12УИХ-ын нэгдсэн хуралдаанаар тогтоолын төслүүдийг хэлэлцэж баталлаа7 сар 18. 17:04Хоёр дахь хүүхэд мэндэлсний дараа таны мэдрэх 11 зүйл7 сар 18. 17:00Хүн төрөлхтөн улам мулгуу болж байна гэв7 сар 18. 16:55Зургаан настай хүү 4600 удаа суниажээ7 сар 18. 16:50Маргааш цахилгаан шугам тоноглолд засвар үйлчилгээ хийх хуваарь7 сар 18. 16:45"Game of Thrones" цуврал 32 төрлөөр Эммигийн шагналд нэр дэвшлээ7 сар 18. 16:40ДОХ-ын хоёр тохиолдол нэмж бүртгэгджээ7 сар 18. 16:35Зуны амралтаараа уншвал зохих 10 ном7 сар 18. 16:30“Чернобыль” “Эмми авардс”-ын 19 номинацид нэр дэвшлээ7 сар 18. 16:25"Гаатуу"-гийн гараас мултрахгүй7 сар 18. 16:2071 жил ханилсан хос нэг өдөр таалал төгсчээ7 сар 18. 16:15''Гурван охин” хамтлагийн дуучин Х.Ану ээж болжээ7 сар 18. 16:10Лимонтой ус биеэс хорт бодисыг гадагшлуулдаг7 сар 18. 16:05МУГТ Н.Төгсцогт найз бүсгүйгээ танилцуулав7 сар 18. 16:00Чарльз Баркли “шинэ од” Зайон Уильямсонд турахыг зөвлөв7 сар 18. 16:00Б.Лхамдарь: Ургамал тоосоо гөвөх цагт цонхоо хаах хэрэгтэй7 сар 18. 15:55ДЭМБ-аас Конго улсад онц байдал зарлалаа7 сар 18. 15:50Чимээгүй, гэмгүй хохирогчид буюу Лидицегийн 82 хүүхдийн хөшөөний түүх7 сар 18. 15:45Т.Дэлгэрмөрөнгийн дэгжин гүнжүүд7 сар 18. 15:40Хар тамхины бүлэглэлийн толгойлогч Эль Чапо бүх насаараа хоригдоно7 сар 18. 15:30“The Hu” хамтлаг АНУ-д аялан тоглоно7 сар 18. 15:25Хөвсгөлд ослоор нас барсан 41 тохиолдол бүртгэгджээ7 сар 18. 15:20Ирэх сарын 9 хүртэл Үндсэн хуулийн төслийн хэлэлцүүлэгт бэлтгэнэ7 сар 18. 15:11Улаанбаатар-Дарханы замыг 11 дүгээр сар хүртэл ХААНА7 сар 18. 15:10Г.Аким: Би аялсан бүх улсын улсынхаа номын сангаар зочилсон7 сар 18. 15:05Эмбер Хердийг найз нь “мурив”7 сар 18. 15:00Меркель эрүүл мэндийн шалтгаанаар ажлаа өгөхгүй7 сар 18. 14:55Өдөр бүр йога хийснээр таны биед гарах 6 өөрчлөлт7 сар 18. 14:50“StarLadder - 2019 Major” тэмцээнд Монгол тоглогч өрсөлдөнө7 сар 18. 14:45
© 2008 - 2019 он. Зохиогчийн эрх хуулиар хамгаалагдсан.