4-р сарын 25
16 цаг 10 минут

Батлан хамгаалахын сайд н.энхболд олон улсын аюулгүй байдлын москвагийн VIII бага хуралд үг хэллээ

ОХУ-ын Батлан хамгаалах яамнаас олон улсын аюулгүй байдлын асуудлаар жил бүр зохион байгуулдаг ээлжит энэ бага хурал энэ жил найм дахь удаагаа болж, түүнд гадаад улсуудын Батлан хамгаалахын сайд, Зэвсэгт хүчний жанжин штабын дарга нар, эрдэм шинжилгээ судалгааны байгууллагын судлаач, шинжээчид, Нэгдсэн үндэстний байгууллага, Европын аюулгүй байдал, хамтын ажиллагааны байгууллага, Тусгаар улсуудын хамтын нөхөрлөл, Хамтын аюулгүй байдлын гэрээний байгууллага, Шанхайн хамтын ажиллагааны байгууллага, Олон улсын улаан загалмайн хороо зэрэг байгууллагуудын төлөөлөл, бүгд 111 орны 1000 гаруй зочид төлөөлөгчид оролцож байгаа ажээ.

Бага хуралд оролцогчдод ОХУ-ын Ерөнхийлөгч В.Путин мэндчилгээ дэвшүүлснийг ОХУ-ын Аюулгүй байдлын зөвлөлийн нарийн бичгийн дарга Н.Патрушев уншиж танилцуулжээ. Бага хуралд ОХУ-ын Батлан хамгаалахын сайд С.Шойгу, Гадаад хэргийн сайд С.Лавров, Гадаад тагнуулын албаны захирал С.Нарышкин нарын зэрэг хүмүүс илтгэл тавьж олон улсын аюулгүй байдлын гол асуудалд ОХУ-ын байр суурийг илэрхийлжээ.

Тус бага хурлын хэлэлцсэн асуудалтай холбогдуулан гадаадын батлан хамгаалах, зэвсэгт хүчний удирдагчид үг хэлсний дотор Монгол Улсын Батлан хамгаалахын сайд Н.Энхболд Олон улсын энхийг сахиулах ажиллагаанд Монгол Улсын оролцооны талаар мэдээлж үг хэлсэн байна.

Батлан хамгаалахын сайд Н.Энхболд бага хуралд оролцох үеэрээ ОХУ-ын Батлан хамгаалахын сайд С.Шойгутай хоёр талын уулзалт хийж, салбарын хамтын ажиллагааны асуудлуудаар санал солилцжээ. Сайд С.Шойгу өнгөрсөн онд эх орондоо халуун дотноор хүлээж авсанд талархал илэрхийлээд Орос, Монголын цэргийн болон цэрэг-техникийн хамтын ажиллагаа өндөр түвшинд хөгжиж байгааг тэмдэглэв.

Батлан хамгаалахын сайд Н.Энхболд Олон улсын аюулгүй байдлын ээлжит бага хурлыг амжилттай зохион байгуулж байгаад  ОХУ-ын Батлан хамгаалах яаманд баяр хүргээд, халуун дотноор хүлээн авч буйд талархал илэрхийлэв. Мөн хоёр орны цэрэг-техникийн хамтын ажиллагаа шинэ түвшинд гарсныг тэмдэглэж цаашид улам өргөжинө гэдэгт итгэлтэй байгаагаа илэрхийллээ.

Уулзалтаар С.Шойгу Монгол Улсад цэрэг-техникийн буцалтгүй тусламж үзүүлэх тухай хоёр улсын Засгийн газар хоорондын хэлэлцээрийн үйлчлэлийг урт хугацаагаар сэргээхээр ажиллаж байгаа тухай мэдээлээд Халхын голын байлдааны ялалтын 80 жилийн ойг тэмдэглэх хүрээнд Оросын Армийн Александровын нэрэмжит дуу бүжгийн эрдмийн чуулга, уран нислэгийн  үзүүлбэрийн “Стрижи” нисэх багийг оролцуулахаа баталгаажуулсан байна. Н.Энхболд энэ ойг угтаж Дорнод аймгийн Халхгол сумыг Орос Улсын тусламжаар жишиг сум болгох бүтээн байгуулалтын ажил амжилттай явагдаж байгаад талархал илэрхийлээд ойн баярын арга хэмжээнд ОХУ-ын Ерөнхийлөгч В.В.Путин ирж оролцоно гэж найдаж байгаагаа мэдэгдсэн байна.

Мөн Монгол Улстай хил залгаа ОХУ-ын Цэргийн тойргуудын хамтын ажиллагааны уламжлалыг сэргээж ОХУ-ын Дорнодын цэргийн тойрог Монгол Улсын Зэвсэгт хүчний хамтын ажиллагааг дэмжихээ сайд С.Шойгу илэрхийлээд тус тойргийн командлагч дэслэгч генерал Г.Жидко ойрын үед Монгол Улсад айлчлахыг нотлов. Түүнчлэн өнгөрсөн онд Монгол Улсад шилжүүлж өгсөн нисэх буудлын үйлчилгээний техник хэрэгслийг ашиглахад сургах мэргэжилтнүүдийг Монгол Улсад илгээх боломжтойгоо мэдээлсэн байна.

Батлан хамгаалахын сайд Н.Энхболд Монгол Улс Сирийн ард түмэнд хүмүүнлэгийн тусламж үзүүлж буй тухай мэдээлээд уг тусламжийн барааг Оросын тал тээвэрлэж хүргэхээр болсонд талархал илэрхийлэв. ОХУ-ын Батлан хамгаалах яамнаас зохион байгуулдаг Олон улсын цэргийн наадмын хүрээнд Монгол Улсад “Морин марафон” тэмцээн зохион байгуулахаар бэлтгэл хангаж байгаа тухай, Монголын Зэвсэгт хүчин энэ жил уламжлал болон оролцдог тэмцээнүүдээс гадна шинээр хоёр тэмцээнд багаа оролцуулах, мөн нэг тэмцээнд ажиглагчдаа илгээхээр төлөвлөж буйгаа мэдээлэв.

Хоёр талын уулзалтын төгсгөлд Оросын тал Кызылын кадетын сургуульд Монголын сурагчдыг үргэлжлүүлэн суралцуулах тухай гэрээ үзэглэж байгуулахад бэлэн болсныг Монголын талд өгөв. Уулзалт халуун дотно уур амьсгалтай өрнөж, талууд хамтын ажиллагааны онцлох үйл явдлуудыг тэмдэглэсэн ач холбогдолтой болов.

Бага хурлын явцад Батлан хамгаалахын сайд Н.Энхболд тус бага хуралд оролцож байгаа БНХАУ-ын Батлан хамгаалахын сайд хурандаа генерал Вэй Фөнхө, НҮБ-ын Ерөнхий нарийн бичгийн даргын Энхийг сахиулах ажиллагаа хариуцсан орлогч ноён Жан-Пьер Лакруа, ОХУ-ын Батлан хамгаалахын дэд сайд А.Фомин нартай уулзсан байна.

5
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

5 сэтгэгдэлСэтгэгдэл бичих

66.181.189.218Зочин   • 4 сарын 25. 23 цаг 17 минут

Ээээээ ккккк

112.163.72.99Зочин   • 4 сарын 25. 22 цаг 22 минут

Нөгөө цэрэг нас барсан асуудал яасан бэ

202.9.44.75Zochin   • 4 сарын 25. 21 цаг 42 минут

Enhbold oo Amerik gej altsagnaj tenegfej yavsanaas Oros ni tsaanaa l nunjigtei baigaa biz. dahij l Amerik gej daldagnaad uzeerei. lalar aa.

59.153.87.33Зочин   • 4 сарын 25. 21 цаг 10 минут

Энэ нэг сайд нэртэй псдаг алаад хүүрийг нь нохойд өгвөл таарна дөө үхэж далд ороосой билээ

202.126.89.220Зочин   • 4 сарын 26. 3 цаг 27 минут

Энэ оркуудын нэргуй хогийн бичээсуудийг эл болгохсон. Унэн будуулэг баагийнууд байх юм аа. Хэлж бичиж байгаа нь яг угаадас. Ямар хогийн царайлсан орк байгаа дол?!

Шинэ мэдээ

Э.Оюунболд: Миний шээсийг сольсон байна. Би допинг хэрэглээгүй29 минут 30 секундын өмнөИндонезын нийслэлийг Калимантан арал руу шилжүүлэх саналыг албан ёсоор тавьжээ5 цаг 46 минутын өмнөХонконгийн жагсагчид дахин жагсахаар төлөвлөж байна5 цаг 51 минутын өмнө68 жил хамт амьдарсан хос нууцаа дэлгэв5 цаг 56 минутын өмнөНаранд түлэгдсэн арьсанд гурилтай сүүн маск тустай6 цаг 1 минутын өмнөЭртний очир алмааз олжээ6 цаг 6 минутын өмнөБиеэс давс гадагшлуулах арга6 цаг 11 минутын өмнөИх мэнгэтэй хүмүүс илүү удаан амьдардаг6 цаг 16 минутын өмнө61 нас хүрсэн Мадоннагийн амьдралын дүрэм6 цаг 21 минутын өмнөТокио 2020 Олимпийн бэлэгдэл Мираитова болон Сомэити6 цаг 26 минутын өмнөОХУ, БНАСАУ хамтын ажиллагаагаа гүнзгийрүүлэхээр тохиролцжээ6 цаг 31 минутын өмнөЗүүдний тухай сонирхолтой 10 баримт6 цаг 36 минутын өмнөНөхөрлөлүүд ойгоо хамгаалсны төлөө ашиг хүртэх ёстой гэв6 цаг 41 минутын өмнөЗаанаас суралцах амьдралд хэрэгтэй дөрвөн чанар6 цаг 46 минутын өмнөНил ягаан өнгө юуг илэрхийлдэг вэ6 цаг 51 минутын өмнөЖеннифер Лопес тайчигч бүжигчний дүрд тогложээ6 цаг 56 минутын өмнөФото: Кем Чин Уны олны өмнө дэлгэгдээгүй ховор агшин7 цаг 1 минутын өмнөЗалуу эмэгтэйн заавал унших НОМЫН жагсаалт7 цаг 6 минутын өмнөКазах Курес бөхийн Азийн аварга шалгаруулах тэмцээн Монголд эхэллээ7 цаг 11 минутын өмнөХомхой гарах шалтгаан болон эмчлэх арга7 цаг 16 минутын өмнөМессигүй “Барселон” Ла Лигийн улирлын эхний тоглолтод хожигдлоо7 цаг 21 минутын өмнөН.Анударь залуучуудын дэлхийн аваргаас мөнгөн медаль хүртлээ7 цаг 26 минутын өмнөКонор МакГрегорын хүн зодсон бичлэг ил болжээ7 цаг 31 минутын өмнөХовд голын усанд сүүлийн гурван сард зургаан иргэн осолдож амиа алджээ7 цаг 36 минутын өмнө“Үндэсний төв цэнгэлдэх хүрээлэн” төслийн концепц, Загвар зураг төсөл боловсруулах уралдаанд ирүүлсэн ... бүтээлд иргэд, олон нийт саналаа идэвхтэй өгөхийг уриалж байна7 цаг 41 минутын өмнөАмралтын өдрүүдээр үр бүтээлтэй байх 10 зөвлөмж7 цаг 46 минутын өмнөМонгол эмэгтэйн сувдан гоёл бас соёл7 цаг 51 минутын өмнө“Бавария” Коутиньог зээлээр авлаа7 цаг 56 минутын өмнөЯпоны импортын хаягдлын хяналтыг чангатгана8 цаг 1 минутын өмнөДомог Иньеста хараагүйчүүдийн хөл бөмбөг тогложээ8 цаг 6 минутын өмнө
© 2008 - 2019 он. Зохиогчийн эрх хуулиар хамгаалагдсан.