2019 оны 5-р сарын 13
14 цаг 46 минут

Д.Долсүрэн: Цэцэг шиг хөөрхөн охидоо хайраар дүүрэн байлгаарай

БЭРДЭЭ
Гэгээхэн хайрандаа уягдаад
Гэгээлэг амьдрал мөрөөдөөд 
Гэргий заяандаа хөтлөгдөөд 
Гэрээ орхиод ирсэн охин минь

Голомт залгах хүүг минь хайрлаж
Годгор биеэ хувааж ижий болсон
Гэнэн томоогүй залуу насандаа 
Гэрийг минь зорьж ирсэн охин минь

Хүүгээ хайрлахын хирээр 
Хүнийрхдэггүй шүү ээж нь 
Хүндлэл хүлээхийн хирээр 
Хайлж уярдаг шүү ээж нь

Аймаар хадам байхыг хүсэхгүй ээ
Айлын бэр байхын учрыг ойлгоно
Охин үрийн минь заяа ижил болохоор
Охиноо л гэж хайрлана аа бэр минь

Хадмын нүдээр хялайж харвал
Хүүгийн минь заяа гомдоно шүү дээ
Эрх танхил охидоосоо ялгавал
Эхийн цагаан сүү ээднэ шүү дээ
Д.Долсүрэн. 2019.05.11.

МАНАЙ НУТГААР ЗОЧЛООРОЙ
Майдар эргэх цагаар манай нутгаар нэг зочлоорой
Манай, чиний үгүй найрсаг түмнээр нэг дайлуулаарай
Орой нь өөдөө Очирваань хайрханд минь очиж мөргөөрэй
Очирт мөнгөн дуулгаа нуухгүй бол заяа түшлээ гэж ойлгоорой

Манай нутгийн уулсын орой, үүлэн дунд умбахыг хараарай
Магнайдаа мөнх ногоон арцтай Гурван Мянганыг тольдоорой
Ам бүхнээс нь урсах мөнгөн хархирааг чимээлээрэй
Андиа гэгээнтний алтан суварга гэрэл цацрахыг бишрээрэй

Ар царамд нь ургасан хос сүмбэрүүнд нүд баясгаарай
Асганд хоржигнох уулын тагтны уснаас амсаж нэг үзээрэй
Ой шуугиж, олон шувууд дуулан жиргэхийг сонордоорой
Онгон талаар тарвага тачигнаж, үнэг шогшрохыг хараарай

Говь, хангай хосолсон гоёхон байгальд бууж мордоорой
Гоньд, гогодны үнэр хамар цоргихыг мэдэрч таашаагаарай
Зэгзгэр хүзүүгээ сунган эрхлэх хос хунгийн сүрэг
Зэгст нууранд цэнгэн жаргахыг харж сэтгэл баясаарай

Уруул исгэх айраг амталж, хонон өнжин тухлаарай 
Уртын дууны шуранхайд уярал авч тайвшраарай
Ухаант өвгөдтэй хууч хөөрч, ухаарал өвөрлөн буцаарай
Урин цагаар манай нутгаар нэг зочлон саатаарай
Д.Долсүрэн. 2019.05.10

ЦЭЦЭГ ШИГ ОХИНОО ХАЙРААР ДҮҮРЭН БАЙЛГААРАЙ 
Амь биенээс тань дэлбээлсэн хээнцэр сарнай
Алган дээр чинь гялтганан буусан алтан од
Ургаж гүйцэхээрээ хүний эрхэнд орчихдог юм шүү 
Ургийн газар очихоороо амаргүй жимээр алхдаг юм шүү

Алдрайхан охин үрээ хайраар дүүрэн байлгаарай
Алгын чинээхэн охиноо аминаасаа илүү хайрлаарай
Аав ээжийнхээ хайранд л зөвхөн жаргадаг юм шүү
Амьдрал хэмээх хөлгүй далайд сэлэх гэж зовдог юм шүү

Гараас тань хөтлөн шулганасан бяцхан охиноо
Газарт хүргэхгүй тэвэрч хайрлаад баярлуулаарай
Омголон залуу нас нь омогтой эрийн дэргэд шаналж
Орчлонд ижий болох гэж олон зовлон туулдаг юм шүү

Гэрээ гийгүүлэн алтан нарны цацраг атгаж ирсэн дагина 
Гэрэл цацруулсан охин үрээ хайраар дүүрэн байлгаарай
Тунгалаг хархан нүдийг нь хайраар гэрэлтүүлээрэй
Турьхан жаахан биеийг нь өвдөж шаналахаас сэрэмжлээрэй

Цэцэг цэврүү шиг охиноо хайраар дүүрэн байлгаарай
Цэнгэл жаргалтай үе нь аавынхаа гэрт л байдаг юм шүү
Дугараг хөөрхөн нүднээс нь нулимс бүү унагаарай
Дун шиг жижигхэн зүрхийг нь хайраар дүүрэн байлгаарай

Бурхан шиг хиргүй сэтгэлийг нь чагнаж сонсож байгаарай
Булбарай жаахан биеийг нь гоёж гангалж баярлуулаарай
Замбуулинд бид чинь мөнх амьдрах ч биш дээ
Заяа төөрөгийг нь мэдээд дагаж явах ч биш дээ...
Д.Долсүрэн. 2019.04.26

Цэцэг шиг хөөрхөн охидоо хайраар дүүрэн байлгаарай.

1
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1 сэтгэгдэлСэтгэгдэл бичих

203.91.115.43Зочин   • 5 сарын 15. 10 цаг 19 минут

huurhun

Шинэ мэдээ

Дэлхийн "хамгийн шилдэг" паспортыг нэрлэжээ11 сар 21. 18:00Харвардын их сургууль 34 жилийн судалгаагаар эрүүл амьдрах дүрэм гаргажээ11 сар 21. 17:55Роналду нууцаар хуримлажээ11 сар 21. 17:50ФОТО: Эргэн ирэлтийг нь хийхийг хүлээдэг эмэгтэй кпоп хамтлагууд11 сар 21. 17:45ФОТО: Будапешт хотын үзэсгэлэнт өвөл11 сар 21. 17:40ОЛОН ӨНГӨ: Амьдралыг бүтээгч агшнууд11 сар 21. 17:35Германд хүүхдээ вакцинд хамруулаагүй эцэг, эх 2750 ам.доллар хүртэлх мөнгөөр торгуулна11 сар 21. 17:30Ангараг гариг дээр шавж амьдардаг нь тогтоогджээ11 сар 21. 17:25Цээл суманд 4,3 магнитутын хүчтэй газар хөдлөлт боллоо11 сар 21. 17:20Абэ Шинзо Японы бүх цаг үеийн түүхэн дэх дээд амжилт тогтоолоо11 сар 21. 17:15Санаандгүй авч, түм, буман хүнийг гайхшируулсан зургууд11 сар 21. 17:10Google улс төрийн сурталчилгааг хориглоно11 сар 21. 17:05Инстаграмд хамгийн их орлоготой орос одод11 сар 21. 17:00Өмнөд Солонгос цэргийн алба хаагчдын тоог 1.300-аар цөөлнө11 сар 21. 16:55Б.Сарантуяа: “Гоёл Медикал” үйлчлүүлэгчиддээ 100 хувийн сэтгэл ханамжийг амладаг11 сар 21. 16:54Шүдний чулуу гэж юу вэ11 сар 21. 16:50К.Макгрегор яаралтай тусламжийн албанд сая ам.доллар хандивлав11 сар 21. 16:45Хөдөө аж ахуйн биржийн брокерын "эрх олгох сургалт"11 сар 21. 16:43Боливид сонгууль явуулах хуулийг батлахыг хүсжээ11 сар 21. 16:40Дэлхийд шинэ улс мэндлэх гэж байна11 сар 21. 16:35Онгоц, галт тэрэг өндөр хурдны интернеттэй болно11 сар 21. 16:30Путин ЗСБНХУ тарж бутарсан шалтгааны тухай ярив11 сар 21. 16:25Цахилгаан эрчим хүч хэмнэх энгийн аргууд11 сар 21. 16:20Одон орны физикчид хамгийн хүчтэй гамма цацрагийг бүртгэжээ11 сар 21. 16:15Эх хэл бичгийн багш нар ур чадвар, бүтээлээрээ өрсөлдлөө11 сар 21. 16:10Өдрийн тойм: Монголбанкны Ерөнхийлөгчийг чөлөөлж, Оюутолгойн гэрээг өөрчлөх эхлэлийг тавилаа11 сар 21. 16:07БНХАУ есөн мужийнхаа хөдөлмөрийн хөлсний доод хэмжээг нэмэгдүүлнэ11 сар 21. 16:05Шорон дотроос залилан хийж сая ам.доллар луйварджээ11 сар 21. 16:00Салхинцэцэг өвчнөөс урьдчилан сэргийлье11 сар 21. 15:55Дэлхийн телевизийн өдрийн талаарх сонирхолтой 12 баримт11 сар 21. 15:50
© 2008 - 2019 он. Зохиогчийн эрх хуулиар хамгаалагдсан.