2019 оны 5-р сарын 25
11 цаг 02 минут

Миний царай муутай эхнэр /Бодит амьдралаас сэдэвлэв/

Нүүр дүүрэн сэвхтэй, шодон гэзэгтэй, жижигхэн биетэй шаазгай шиг бүсгүй амьдралыг минь гийгүүлэх чинээ санасангүй явж дээ, би.

Арван хэдэн насанд сэтгэл гижигдэн, хорин хэдэн насанд шувуу шиг нисгэж, 40 хэвийгээд ирэхээр хүндлэл болон хувирдаг хайрыг хүн бүр өөр өөрийнхөөрөө илэрхийлж бас хүлээж авдаг. Миний хувьд шувуу шиг дүүлэн нисэх цаг хэдийнэ өнгөрсөн. Эрчүүдийн нүдэнд төдийлөн өртөхөөргүй царай муутай жижигхэн бор хүүхэн миний эхнэр. Эрээ цээргүй ингэж хэлснийг минь өршөөгөөрэй. “Царай муутай...” ингэж хүүхэд шуухад, хөгшин хөвөөгүй шивнэлддэгийг тэр минь зүрх сэтгэлээрээ мэдэрдэг юм. Яагаад сонсох биш мэдэрдэг юм гэж үү? Хань минь миний агсамнан хашигчихыг бүү хэл шувуудын жиргээ, усны урсгал, уянгалаг бүхнийг сонсох хувьгүй хүн. Арван хуруугаараа хэл хийж, амьтны ааш аягийг нүүрнийх нь хувирлаар төсөөлдөг дөө.

Бүтэн заяагүй бүсгүй хүнд аархал омгоо гаргалаа гэж бодож байна уу? Тийм үе байсаан, байсан. Харин одоо бол үгүй. Хоёр хөөрхөн хүүгээ дагуулаад хорвоогийн нарыг өдөр бүр баяртайгаар тосдог болсон доо, энэ жижигхэн бор бүсгүйн ачаар.

Хэдэн арван жилийн өмнө би гэдэг хүн тамтаггүй архичин байлаа. Аймгийн арслан хүн ингэж явах ч гэж дээ гэж аав ээж минь үглэнэ. “Бөхийн нэр гутааж, дэвжээ бузарлах нь. Хаа таарсан газраа унаж тусан хүний дэвсгэр болсон чи, ахиж зодоглохгүй байвал таарна” гэж аавын байдгаараа хашгирч байсан нь одоо ч чихэнд сонсогддог юм. Шилтэй шингэнд толгойгоо мэдүүлэхээс өмнө бие хаа, үс зүс, хүч чадал тэнцсэн сайхан бөх явсан даа, би. Арслаан... гэж тал засах залуус, ааль дэвсэн нүд талимаарах хүүхнүүдийн задалсан архи, өргөсөн хундаганы ард гарсаар нэг л мэдэхэд жолоогоо алдсан байсан юм даа.

Аймгийн “Арслан” цолоороо аархаж, үс зүсний сайханд задарч явахад минь гоо бүсгүйчүүд олон байсансан. Нүүр дүүрэн сэвхтэй, шодон гэзэгтэй, жижигхэн биетэй шаазгай шиг бүсгүй амьдралыг минь гийгүүлэх чинээ санасангүй явж дээ, би. Өмнөөс ирж яваа найз минь зам буруулан зугтаж, өрөвдөл зэмлэл, үзэн ядсан харцанд ээрэгдэж явсан цаг. Хаалгаа тайлж өгөх айл амьтан ховордсоор л...

Сэтгэлийн тэнхээгүй амьтан бол доо би. Бөх хүний ёс жудаг, нэр хүндийг уландаа гишигсэндээ гэмшин, зүрх сэтгэл минь үйрэх шиг болдог байж билээ. Архины бөглөө мултах шалтаг шатгаан энэ болдог байсан байж магад. Сэтгэл толгой хоёроо татах тэнхэлгүй явахад эхнэр маань надад тусалсан юм.

Хаа байгаа газарт минь хүрээд ирнэ. Хоёр алгаа алдлаад дараа нь зүрхэн дээрээ аваачна. Тэгснээ долоовор хуруугаа гозойлгон, толгойгоо сэгсэрнэ. Өөр олон зүйл хуруугаараа ярина. Гэвч хүний урманд ганц ч үг ойлгохгүй, дэмий л дагаад явдаг байлаа. Орох оронгүй шахуу надад хоног төөрүүлэх сайхан боломж. Хичнээн ч удаа гудамжинд ухаанаа таслаж унав даа. Тэр бүрт жаахан бүсгүй суганыхаа махыг цочтол намайг чирдэг байсан даа. Нэг л мэдэхэд бид айл боллоо. “Овоо доо...” гэх хүн байхад, “Таарсан хоёр...” гэж элэг доог хийх нь ч байлаа. Гэртэй, гэргийтэй болсон ч би уусан хэвээр. Агсам согтуу тавина, ангаахай үрээ айлгана. Маргааш нь юу болсныг эхнэр маань надад ярьж өгнө. Яг л аймшгийн кино үзэж байгаа шиг сэтгэгдэл төрдөг байж билээ. Учир нь миний гаргасан уйваагүй үйлдлийг үглэж биш дүрсэлж хэлнэ. Эхнэр маань нүүрээ үрчийлгэнэ, нүдээ бүлтийлгэнэ, амаа дарвайлгана, бүр нударга зангидан сандал ширээ нүдэж үзүүлдэг байлаа. Эцэст нь хүүгээ очиж тэврээд бөмбөртөл уйлна.

Нэг л өглөө би эхнэр хүүхдээсээ дутахгүй уйллаа. Ууж согтсондоо биш, ухаарч ойлгосных... “Хөөрхий дөө ядарсан бүсгүй хүн, ингэж үйлийг нь үзэх гэж... “Би чамд хайртай гэдгээ хэлж чаддаггүй байсан. Яагаад гэвэл чи олон сайхан хүүхнүүдтэй уулзаж үерхдэг байсан болохоор. Одоо тэдний хэн нь ч алга. Харин би хэзээ ч чамайг орхихгүй. Яагаад гэвэл би чамд хязгааргүй хайртай” гэж хөөрхөн гэгч нь дохиж зангаад чадлаараа үүрч дүүрэн гулдчидаг сайхан сэтгэл, энхрий дүрийг нь яаж мартаж чадав аа. Түүний минь нүд нүүрнээс уур хилэн арилхаа байгаад удсан байна. Хайртын минь дүр төрх энэ биш. Угтаа би ханиасаа өөрийгөө олж харлаа. Уйлж өнжсөний маргааш нь архи уухаа больсон юм даа. Чадахаа больсондоо биш сэтгэл хүрээгүй хэрэг.

Аав ээж, анд нөхөд, хэлтэй хөлтэй хэн бүхэн хориглож дийлээгүй хар хорыг тэр минь л дийлсэн юм. Агуу хайр, уйгагүй зүтгэлээрээ... Би амьдралаа шинээр эхэлж чадсаан. Дэрсхэн хоёр хүү маань аавыгаа дуурайн ханайгаад л ... харин хань минь улам л жижигрэх шиг санагдана. Хааяахан би эхнэрээ хүүхдээс ялгаагүй өргөж, хүзүүн дээрээ суулгаж эрхлүүлдэг юм. Эрхэм хүнд минь ийм эрх бий. Өргөх тоолонд эв хавгүй дуу гарган хоёр гараа савчуулна. Анх харсан хүн жийрхэж магадгүй л дээ. Харин надад аз жаргалтайгаар цангинан инээх шиг сонсогддог юм.

Олон арван хүн нэг л өдөр архинаас гарчихсан нууцыг минь одоо хэр нь асуудаг. Үнэндээ би өөрөө ч хэлж мэдэхгүй нь. Магадгүй энэ хайрын увидас байх. Яагаад гэвэл эхнэрийн маань “Би чамд хайртай. Тийм болохоор хэзээ ч чамайг орхихгүй” гэж гараа алдлан зүрхэн дээрээ тавих хөөрхөн дүр нь одоо хэр нь нүдэнд харагддаг юм. Миний шинэ амьдрал эндээс л эхэлсэн. Ер бусын хайраас ...

Бодит амьдралаас сэдэвлэв. 
Зохиогч: Бямбаавал Нарангэрэл

ГОЁ өгүүллэг, тууж, роман - хуудаснаас...

15
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

15 сэтгэгдэлСэтгэгдэл бичих

182.160.34.173aa   • 6 сарын 1. 19 цаг 59 минут

уухаа болиод 3 жил болжээ Эхнэр минь л миний дэргэр улдсэндээ Тууний толоо хуухдуудийнхээ толоо архийг хаясандаа Одоо унэхээр тайван амьдарч байна даа Эхнэртээ баярлалаа гэж хэлэе дээ

66.181.161.34САНДАГ   • 5 сарын 26. 20 цаг 33 минут

МУНДАГ .САЙХАН ӨГҮҮЛЛЭГ БАЙНА. СЭТГЭЛ ГЭЖ АГУУ САЙХАН.ОЛОН ХҮН УНШИГ

202.179.26.109zochin   • 5 сарын 26. 10 цаг 08 минут

archi gej gaig yaandaa !!!, tegechdee tand az jargal chuseei

202.179.24.122Бадрал+   • 5 сарын 25. 12 цаг 03 минут

Сайхан юм анх удаа ийм сайхан зүйл уншлаа гэгээлэг энэ амьдралд гэрэл болж тодоос тод ассан тэр жижиг бүсгүй +

88.130.155.62Зочин   • 5 сарын 25. 0 цаг 24 минут

amidraliin hölgui ih dalaigaas hun ööriigöön oloh heregteidee...tegvel amidral aandaa bosood irdeg jm...

192.82.64.99Зочин   • 5 сарын 24. 16 цаг 08 минут

Өөрийгөө ялан дийлнэ гэдэг агуу зүйл шүү. Мундаг байна.

150.129.141.225Зочин   • 5 сарын 24. 13 цаг 20 минут

Uuhaa baigaad 3 sar bolj bna, er ni tsaashdaa uuhgui gej shiidsen

142.93.84.109Зочин   • 5 сарын 24. 12 цаг 58 минут

unuudur unshsan hamgiin saihan niitlel bna.az jargal husie

150.129.140.41Зочин   • 5 сарын 24. 11 цаг 55 минут

Тэр бүсгүйн зүрх чиний "тархины түгжээ"-г мулталжээ. Нэгэнт ухаан орсон юм чинь тэгш дүүрэн, төвшин амгалан амьдраарай гэж ерөөе.

202.21.107.97Зочин   • 5 сарын 24. 11 цаг 26 минут

az jargal husie

203.91.115.44Зочин   • 5 сарын 24. 11 цаг 01 минут

Нулимс цийлэгнүүлэн байж уншлаа. Аз жаргал хүсье

66.181.188.160Зочин   • 5 сарын 24. 10 цаг 24 минут

Аз жаргал,амар амгалан архигүй орчинд л бий болдог.Харин архи идээний дээж биш, өнгө нь цагаан ч хамрыг улайлгаж, нэр төрийг харлуулж,аз жаргалыг бусниулдаг чөтгөрийн хар хүч юм.Би ч бас архи ууж, алдаж явсан үе бий,бий

103.9.90.98Зочин   • 5 сарын 24. 10 цаг 14 минут

... ТАЙВАН САЙХАН АЖИЛ ҮЙЛС МИНЬ БҮТЭМЖТЭЙ САЙХАН БАЙНА...ХЭН Ч ТАНЫ АМРУУ АРХИ ЦУТГАХГҮЙ ӨӨРӨӨ Л ГЭР БҮЛ, БОСГОСОН АМЬДРАЛДАА ХАЙРТАЙ Л БОЛ ЭНЭ ИДЭЭНЭЭС НАСАН ТУРШДАА ТАТГАЛЗ... ТА ЧАДНА... АЙДАА АМЬДРАХ САЙХАААН... ТЭР ТУСМАА АРХИГҮЙ АМЬДРАЛ ЯМАР САЙХАН АМАР АМГАЛАН, АМТТАЙ ГЭЭЧ ЗАЛУУСАА.... НЭГ ӨДРИЙН Ч ӨМНӨ БОЛОВ ТАТГАЛЗАЖ ЭРҮҮЛ САРУУЛ УХААНААР ГЭР БҮЛ АМЬДРАЛАА ХАРЖ... САЙХАН ИРҮҮДҮЙРҮҮ ОМОГ БАРДАМ ТЭМҮҮЛЬЕ...

103.9.90.98Зочин   • 5 сарын 24. 10 цаг 11 минут

АРХИ ГЭЭЧ ИДЭЭНЭЭС ХОЛ ЯВАХ ХЭРЭГТЭЙ ЗАЛУУС МИНЬ... АРХИ ХЭЗЭЭЧ САЙН САЙХАН ЗҮЙЛ ДАГУУЛДАГГҮЙ ШҮҮ ГЭДГИЙГ УХААРААЧ....БИ УУДАГ БАЙСАААН... ӨӨРӨӨР ХЭЛБЭЛ БОЛОВСОН ЗАНГИАТАЙ АРХИЧИН БАЙСАН.... ЭХНЭР ХҮҮХЭД, ГЭР БҮЛ, ЭЭЖ, ААВЫНХАА САНААГ ЗОВООЖ... ХЭЛ АМ ТАТАЛЖ, ХЭРҮҮЛ ТЭМЦЭЛ ХИЙЖ БАЙСААААН...АЖЛАА ТАСЛАЖ АРХИ УУНА.. ЗА ТЭГЭЭД МУУХАЙ БҮХЭН ДАГАДАГ БАЙЛАА... ЭНЭ МУУХАЙ ИДЭЭГ УУХГҮЙ ГЭЖ ШИЙДСЭН МӨЧӨӨС ЭХЛЭЖ ГЭР БҮЛ, НАЙЗ, НӨХӨД, ХАНЬ, ИЖИЛ, ҮР ХҮҮХДҮҮД, ААВ, ЭЭЖИЙН МИНЬ САНАА СЭТГЭЛ, ТАЙВАН БАЙЖ, ХАНИЙ МИНЬ ХАЙР ХАЛАМЖ НЭМЭГДЭЖ, АЖИЛ АМЬДРАЛ МИНЬ...

183.177.101.106БАТСҮРЭН   • 5 сарын 24. 9 цаг 38 минут

САЙХАН САЙХАН. АРХИГҮЙ Л БОЛ АМЬДРАЛ ЦЭЦЭГЛЭДЭГ ЮМ ШҮҮ. ЭНЭ ЁСТОЙ ҮНЭН.

Шинэ мэдээ

Японд олон мянган хүнийг нүүлгэн шилжүүлжээ1 цаг 39 минутын өмнөМалчид, тээвэрчид, тариаланчид, ард иргэдийн анхааралд1 цаг 44 минутын өмнө“Их 20”-ийн Сангийн сайд нар уулзана1 цаг 49 минутын өмнөГар утасных нь цэнэг дууссанаас болж торгуулжээ1 цаг 54 минутын өмнөЛинз болон хиймэл сормуусны сөрөг тал1 цаг 59 минутын өмнөХөл бөмбөгийн хаалгачдын тухай сонирхолтой баримтууд2 цаг 4 минутын өмнөБразилд зул сарын үеэр олон мянган түр ажлын байр бий болж магадгүй2 цаг 9 минутын өмнөБүх цаг үеийн шилдэг 500 дуу: №12 Sam Cooke, ‘A Change Is Gonna Come’2 цаг 14 минутын өмнөНидерланд: Ертөнцийн төгсгөлийг хүлээн 9 жил хонгилд амьдарчээ2 цаг 19 минутын өмнөАмьдралдаа өөрчлөлт оруулах 14 энгийн алхам2 цаг 24 минутын өмнөТаван настай малчин охины тухай баримтат кино бүтээгджээ2 цаг 29 минутын өмнөХөгшрөлтийн үйл явцыг тухайн хүний алхалтын хурдаар тодорхойлох боломжтой гэв2 цаг 34 минутын өмнөВакцин хүрэлцээгүйгээс мал хорогдсон гэж үзжээ2 цаг 39 минутын өмнөХоакин Феникс гал унтраах машин мөргөжээ2 цаг 44 минутын өмнөНАСА-ын ахмад эрдэмтэн: Ангараг гарагт амьдрал байж болохыг бид 40 жилийн өмнө илрүүлсэн2 цаг 49 минутын өмнөГалт уулс хүн төрөлхтөнд ялагджээ: Саяны галт уулсын нөлөөлөл2 цаг 54 минутын өмнөАНУ-ын боксчин Патрик Дэй толгойдоо гэмтэл авч, эмнэлэгт хүргэгджээ2 цаг 59 минутын өмнөА.Хишигдалай: Айлын тогоо яах вэ, өөрийнхөө тооноор нар мандахыг харж байвал амьдрал сайхан3 цаг 4 минутын өмнөЯагаад мацаг барих хэрэгтэй вэ3 цаг 9 минутын өмнөДоналд Трампын бага охин Тиффани3 цаг 14 минутын өмнөУлаан-Үдэд Монголын иргэн 50 мянган доллараа дээрэмдүүлжээ3 цаг 17 минутын өмнөБиднийг интернэт ухаад сууж байх зуур дэлхий ертөнцийг өөрчилж буй 7 хүүхэд3 цаг 19 минутын өмнөМаргааш цахилгаан шугам тоноглолд засвар үйлчилгээ хийх хуваарь3 цаг 24 минутын өмнөИран улс 40 тэрбум ам.долларын ашиг өгөх байгалийн хийн орд илрүүлжээ3 цаг 29 минутын өмнө“Harley-Davidson” цахилгаан мотоциклын үйлдвэрлэлээ зогсоожээ3 цаг 34 минутын өмнөЦөмийн дайн дэгдэх эрсдэл нэмэгдэж байгааг хэлжээ3 цаг 39 минутын өмнөБ.Жавхлан: Саарал жагсаалтыг улс төржүүлж, өндөр авахуулж байгаа нь сайн хэрэг3 цаг 43 минутын өмнөЗэрлэг ан амьтдын шилдэг зурагчныг тодруулжээ3 цаг 44 минутын өмнөХятад АНУ-д эрс эсэргүүцлээ илэрхийлжээ3 цаг 49 минутын өмнөБ.Бат-Эрдэнэ: Ж.Мөнхбат гишүүн хөрөнгө, орлого нь яагаад огцом нэмэгдсэн талаар тайлбар ирүүлээгүй3 цаг 52 минутын өмнө
© 2008 - 2019 он. Зохиогчийн эрх хуулиар хамгаалагдсан.