2019 оны 5-р сарын 24
11 цаг 52 минут

Алтан Ургийн Чин ван Ханддоржийн ойг чимээгүй өнгөрөөх нь бусармаг явдал

Монгол Улсын Ерөнхийлөгч Х.Баттулга, УИХ-ын дарга Г.Занданшатар, Ерөнхий сайд У.Хүрэлсүх Танаа
 
Та бүгдийн амар амгаланг эрж, улс орноо ардчилал, зах зээлийн замаар удирдан жолоодох үйлсдээ улам амжилт олохыг хүсэн ерөөе.
 
Монгол төрийн тусгаар тогтнолын төлөө, монголын ард түмнийг манж, хятадын улс төрийн эзэрхийлэл, дарлал, мөлжлөгөөс ангижруулахын төлөө алтан амь, алд биеэ үл хайрлан тэмцэж явсан, төрийн гарамгай зүтгэлтэн, Эрдэнэ дайчин чин ван М.Ханддоржийн мэндэлсний 150 жилийн ой энэ жил тохиож байна.
 
Алтан ургийн удам угсааг дорд үзэж, төрийн залгамж чанарыг устган, эрхэндээ оруулах гэж балчир хүүгийнх нь толгойг тасдаад өөрт нь царан дээр тавин өгч байсан Манжийн хааны түүх бол дэлхий дахинд хэзээ ч гарч байгаагүй харгис явдал билээ. Тийм бэрх гашуун зовлон амсах болсон нь түүний зүрх ямагт Монгол эх орноо тусгаар улс болгохын төлөө байсных нь шийтгэл юм. Энэ эх оронч хүний түүхэн ойг хэзээ, хэрхэн тэмдэглэх тухай сурагч үгүй байсаар хагас жил өнгөрлөө. Төрийн түүх гэдэг алтан урагийн түүх гэдгийг бид мэднэ.
 
Буддын шашны тэргуүн, Занабазарын хойт дүрийн хувилгаан гэх Богд Жавзандумбын монгол улсын эрх чөлөө, тусгаар тогтнолын төлөө оруулсан хувь нэмэр их ч хэрэв Монгол төр гэж байдаг бол алтан урагийн эх оронч Хандоржийн ойг ийм чимээгүй өнгөрөөх нь түүхийн ой санамжийг Монголын ард түмэнд мартагнуулж байгаа бусармаг явдал мөн.
 
Чин ван Ханддорж улс эх орныхоо язгуур эрх ашиг, эрмэлзлэл ийг нэгтгэн эрх чөлөөний хувьсгалд хүргэн, гадаад бодлогыг хөгжүүлэн, тусгаар тогтнолоо дэлхий дахинд зарлан тунхаглах ариун үйлсэд нэгэн биеэр зүтгэсэн билээ. Алтан ургийн олон хан байсаар атал цаг үеийн байдлыг сайтар ойлгож Богдыг хаан ширээнд залгамжлах саналыг чухамхүү Чин ван Хандорж санал гаргасныг түүх гэрчилнэ. Тусгаар Монгол улсын Гадаад яамны анхны сайд, дэргэдээ сургууль байгуулан ард түмний боловсрол соёлын төлөө зүтгэж байсан тэрбээр бусдын гарт амиа алдсан юм. Түүний ойг тэмдэглэхгүй байх нь өнө удаан жил Монгол улсыг авч явсан алтан ургийн түүхийг энэ цагт ч дахиад хэлмэгдүүлж байгаагийн жишээ болж түүхэнд үлдэнэ.
 
Чин ван Ханддоржийн 150 жилийг ойг улс даяар өргөн тэмдэглэх талаар та бүхнийг эх оронч санаачилга гарган хэрэгжүүлэхийг уламжилья.
 
Монгол Улсын баатар, сансрын нисгэгч Жүгдэрдэмийн Гүррагчаа
Монгол Улсын соёлын гавьяат зүтгэлтэн Санжаажавын Оюун
Монгол Улсын соёлын гавьяат зүтгэлтэн Дашцэрэнгийн Гунгаа
Шинжлэх ухааны гавьяат ажилтан Чүлтэмийн Лхагважав
Монгол улсын урлагийн гавьяат зүтгэлтэн Сэрээтэрийн Давгадорж
Ханд вангийн нийгэмлэгийн тэргүүн Дамдинжавын Энхтайван
Ханд вангийн нийгэмлэгийн гишүүд Булган аймгийн яруу найрагчид
 
2019 оны 05 сарын 23
11
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

11 сэтгэгдэлСэтгэгдэл бичих

64.119.20.240иргэн   • 2019, 5 сарын 26. 10 цаг 05 минут

Үндэсний их эрх чөлөөний хөдөлгөөнийг эхлүүлсэн хүний нэг нь Занабазарын удмын ноён Дашням тэргүүлж Ханд ван удаалсан жинхэнэ үнэн түүхийг хэн ч дурсахгүй дурсахыг хүсдэггүй нь зоригт Монголчуудыг тэргүүнгүй бахархалгүй байлгах далд санаархал биш гэж үү. Тэдний санаачлага дундаас өөрөө Монголыг эзэгнэх гэсэн далд муу санаатай 8-р богд Жавзандамбыг дээдлээд байх шаардлага байхгүй. Энэ нь жинхэнэ эх орончдыг бүдэгрүүлж Монголыг Монгол бус хүн удирдаж байсан мэт харагдуулах гэсэн увайгүй оролдлого. Түүхээ сайн унш.

66.181.186.83оогий   • 2019, 5 сарын 25. 21 цаг 06 минут

Манжийн талд ажиллаж байсэн Занабазартай энэ агуу хүнийг зүйрлэх аргагүй.Ард түмнээ манжид дагаар оруулсан хүн бол яах аргагүй занабазар шүү үүнийг мартах аргагүй.

203.91.118.180Зочин   • 2019, 5 сарын 25. 22 цаг 22 минут

2 цаг үеийн 2 өөр хүн. аль алинд нь алдаа оноо байгаа. Ханддорж чин ван бол аргагүй л монголын төрийн том түшээ. Занабазар ч төрийн том зүтгэлтэн. урлагийн алтан үеийг тодорхойлогч. шашны зүтгэлтэн. үзэл бодол нь аядуу үл гүйцэлдэх. Ханддорж ван бол тусгаар тогтнохын тулд зэвсэг барин тэмцэх гэдэг дээр бат итгэсэн хүн байсан. тэр цаг үе тохироо бүрдсэн байсан.

202.9.45.167Зочин   • 2019, 5 сарын 25. 11 цаг 26 минут

гаднын үхсэн ламын тухай валентины баяр гэж тэмдэглэж байснаас моголын эх оронч өвөг дээдсийнхээ ойг тэмдэглэж дурсаж хойч үедээ уламжлуулан мэдүүлэх нь маш чухал байна гэвч үүнээс өнөөгийн ихэс дээдэс маань жаахан жийрхээд байдаг юм шиг харагдах юмдаа

66.181.178.207чагнаа   • 2019, 6 сарын 1. 4 цаг 02 минут

Энэ ч харин болж байна шүү. Санал нийлж байна. Социализмын үеэс интернационалист болох гэж, үндэсний үзэлтэн болохгүй гэж гадныханд далдганасаар, тэр нь уламжлал болсоор ирсэнийгээ бид одооноос засахгүй бол дахин засаад байх цаг үгүй болж байна...

203.91.115.45Зочин   • 2019, 5 сарын 24. 16 цаг 08 минут

Урвагч Занабазарын ойг тэмдэглэснээс л дээр дээ.

202.131.234.194Зочин   • 2019, 5 сарын 24. 15 цаг 24 минут

Яалтчгүй тэмдэглэх ёстой. одоогийн төрийн тэргүүнүүд цус холилдсоноо батлах гээгүй л бол

202.9.45.165Зочин   • 2019, 5 сарын 24. 13 цаг 16 минут

Би санал нэгтэй байна.Алтан ургийнхан оройлон Монгол улсыг өнөөдөрт авчирсан тэдний ухаанаас хятад,оросын ухаан давж гарч чадаагүй юм.Үхсэн буурын толгойноос атан тэмээ айна гэдэг шиг алтан ургийн минь өвөг дээдэсийн шарилтай газар шорооноос тэд айж эзлэн авч чадаагүй юм.Алтан ургийнхан манжаас аваад одоог хүртэл хэлмэгдсээр байгаа....тэднээр бахархах бүх зүйлийг устгасан гэж хэлж болно.Бахархах юмгүй ард түмэн үгүй болно.Манай монголчууд гадны улсын баярыг их тэмдэглэж байгаа шүү дээ.

202.126.89.227Mgl   • 2019, 5 сарын 24. 12 цаг 14 минут

Энэ хунийг мартаж болохгуй.Бас л бусдын гарт урэгдсэн эх оронч.Урд зугийнхний ажил гэж боддог.

202.55.188.46Зочин   • 2019, 5 сарын 24. 11 цаг 58 минут

За боль доо. Ганц ч болтугай ой алгасч үзье л дээ энэ чинь.

124.158.112.2Зочин   • 2019, 5 сарын 24. 13 цаг 30 минут

Уучлаарай зочин гуай. Өөрөө ууж идэхээс өөрийг боддоггүй ухвар мөчид нэгэн бололтой. Ойг орон даяар тэмдэглэнэ гэдэг нь зөвхөн найр наадам бус. Тэр хийсэн бүтээсэн зүйлс, алдар гавъяаг олонд таниулах, судлах, хүүхэд залууст эх оронч сэтгэлгээ суулгах олон төрлийн ажил байж болно.

Шинэ мэдээ

Б.Баатархүү: Б.Мөнхцэлмэгийг баривчлаагүй, хэлтэс дээр авч ирж тайлбар авсан1 сар 21. 19:48Ч.Улаан: Миний томилолт хуралдаан хойшлох шалтгаан болох учиргүйг албан ёсоор хэлье1 сар 21. 19:32Жуулчдад олгох визийн журмыг чангатгаж магадгүй байна1 сар 21. 18:00Oxfam: 2153 тэрбумтан 4.6 тэрбум хүнээс илүү баян байна1 сар 21. 17:55“Nestlé” компани веган зайдас үйлдвэрлэнэ1 сар 21. 17:502019 онд БНАСАУ-ын эдийн засаг 1.8 хувиар өсжээ1 сар 21. 17:45“Альфа үеийнхэн” гэж хэн бэ1 сар 21. 17:40Япончуудын 73 хувь нь “Токио-2020”-ыг үзэх хүсэлтэй1 сар 21. 17:40Хятадад нэг удаагийн хэрэглээний гялгар уутыг хориглолоо1 сар 21. 17:35Тайчигчид “хүч хэрэглэн” мөнгийг нь “сэгсэрчээ”1 сар 21. 17:30“Ювентус”-ын Роналду, Дибала нар гоолын баяраа тэмдэглэн үнсэлцэв1 сар 21. 17:25“Лалын улс” бүлэглэлийн шинэ толгойлогчийн нэрийг хэлжээ1 сар 21. 17:20Сонирхогчдын боксын дэлхийн аварга 100 мянган долларын шагналтай1 сар 21. 17:15Шри Ланкад хэт олон ихэр цугласнаас дээд амжилт эвдэх оролдлого бүтэлгүйтжээ1 сар 21. 17:10Д.Трамп Давост Иракийн Ерөнхийлөгч, Пакистаны Ерөнхий сайдтай уулзана1 сар 21. 17:05Месси шинэ амжилт тогтоов1 сар 21. 17:00Токиод ухаалаг тээврийн үйлчилгээг туршиж байна1 сар 21. 16:55М.Оюунчимэг: Гомдол гаргасан хүмүүс ХОМ-гийг маань буруу ойлгосон байна гэдгээ хэлсэн1 сар 21. 16:54Цагаан сар айсуй: Өргөн хэрэглээний бараа бүтээгдэхүүний үнэ нэмэгджээ1 сар 21. 16:50Сарын дотор танд гарцаагүй эерэг өөрчлөлт авчрах 15 челленж1 сар 21. 16:45Л.Болд: ХҮН-ын Т.Доржханд л Ёс зүйн дэд хороонд сүртэй бичиг өгөөд яваад байна1 сар 21. 16:43Дэлхий дахинд ажилгүйдлийн түвшин нэмэгдэнэ1 сар 21. 16:40БНХАУ: Усан доорх хамгийн урт метроны хонгил байгуулжээ1 сар 21. 16:35Тахилч А.Алтан-Очир: Цаг үедээ зохирч арга барил өөрчлөгдлөө ч соён гэгээрүүлэх чигийг ямагт баримтална1 сар 21. 16:31Украины “Boeing”-ийг газар-агаар ангиллын хоёр пуужингаар харваж сөнөөжээ1 сар 21. 16:302020.03.01 өдрөөс мөрдөгдөх БНСУ-ын визний журам шинэчлэгдэхээр боллоо1 сар 21. 16:2740 секундэд сая доллар алдсан бизнесмен1 сар 21. 16:25Хонконгийн зээлжих эрхийн зэрэглэлийг бууруулсантай санал нийлэхгүй байна1 сар 21. 16:20Боксын шигшээ багийн тамирчид олон улсын тэмцээнд амжилттай оролцлоо1 сар 21. 16:15Мэргэжлийн боксчин Ерөнхийлөгчийн өмнө элгээрээ хэвтэж хүндэтгэл үзүүлжээ1 сар 21. 16:10
© 2008 - 2020 он. Зохиогчийн эрх хуулиар хамгаалагдсан.