2019 оны 5-р сарын 31
14 цаг 40 минут

Үзэгч хүүхдүүдийг суудлаас нь өндөлзүүлсэн “Mongoloo kids” брэндийн загварын шоу

Үндэсний өв соёл, зан заншлыг бүтээлдээ шингээн хүүхдүүдэд бэлэг барьдаг “Mongoloo kids” брэнд үүсгэн байгуулагдсанаасаа хойш 3 жил болж байна. Мэдээж тэдний үйлчлүүлэгч нь хүүхдүүд.  Гурван жилийн хугацаанд багагүй үйлчлүүлэгчтэй болж өнөөдөр анхны албан ёсны хүүхдийн загварын шоуг амжилттай зохион байгууллаа.

Шоунд тус брэндийн загварын гурван коллекц хувцасыг авьяаслаг бяцхан хүүхдүүд өмсөж хүрэлцэн ирсэн хүүхэд багачууддаа сонирхуулсан юм. Үндэсний хувцас, өдөр тутмын хувцас, гоёлын даашинз гэсэн коллекцуудыг танилцуулан тайзан дээр загварлаг гэгч нь алхаж буй бяцхан загвар өмсөгчдийг тэнд цугласан олон өхөөрдөн байлаа. Гурван коллекц тус бүр дээр 30 өөр загвар дэлгэж, нийт 92 загварыг танилцуулсан юм.  Эдгээр загварыг хүрэлцэн ирсэн хүүхдүүд суудлаасаа өндөлзөн байж шимтэн сонирхож байсан бөгөөд гоё даашинзтай болох хүсэлтэй байгаагаа хэлж байсан юм.

"Mongoloo kids" брэндийн  гол зорилго нь Монгол хүүхдийг багаас нь хувцасаар нь дамжуулан монгол соёл, ахуй, хувцасны уламжлалыг сонирхолтой байдлаар танин мэдүүлэх гол зорилготой. Үүнд тус шоуны гол агуулга оршиж байгаа юм.  

Загварын шоу энэ жил анх удаа зохион байгуулагдаж байгаа ч цаашид жил бүр уламжлал болгон зохион байгуулж, олон шинэлэг загварыг танилцуулж байх болно гэдгийг тус брэндийн үүсгэн байгуулагч, загвар зохион бүтээгч Г.Ундрам хэлж байлаа.

Ингээд шоуны үеэр түүний сэтгэгдлийг нь сонссон юм.

-“Mongoloo kids брэнд хүүхдийн хувцасны загварын шоуг анх удаа зохион байгуулж байна. Шоуг зохион байгуулж байгаа хүний хувьд сэтгэгдэлээ хуваалцахгүй юу?

-Сайн байна уу. “Mongoloo kids” брэнд байгуулагдаад хэдийнэ 3 жил болсон байна. Өнөөдөр анхны загварын шоугаа зохион байгуулж байна. Маш олон хүүхэд, эцэг, эхчүүд бидний загваруудыг үзэж, шоуг минь дэмжихээр хүрэлцэн ирсэн байна. Маш их баяртай байна.

Энд ирсэн хүүхдүүд 6 дугаар сарын 1-ний баяраа хамт тэмдэглэхээс гадна авьяаслаг багачуудын урлагийн тоглолт, загварын үзүүлбэр үзэж, ирсэн хүүхэд бүр бэлэг авч, охид гарандаа маникюр хийлгэж нэг өдрийг баярлан өнгөрүүлж байна.

Бидний зорилго бол монгол хүүхдийг багаас нь хувцасаар нь дамжуулан монгол соёл, ахуй, хувцасны уламжлалыг сонирхолтой байдлаар танин мэдүүлэх юм. Тиймээс ч уг шоуны загвар бүрт монгол уламжлалт хувцасны өнгө аясыг шингээсэн байгаа.

 Мэдээж анхны юм бүхэн асар их туршлага хуримтлуулдаг. Дараа жил  дахин энэ шоу зохион байгуулагдана. Тиймээс жилээс жилд энэ шоу маань хүүхдүүдэд илүү өгөөжтэй байна гэдэгт итгэж байна.

-Хүүхдийн хувцасыг сонгохдоо ээж аавууд загвар болоод материалыг чухалчилдаг шүү дээ. Mongoloo kids брэнд материалаа хэрхэн сонгодог вэ?     

-Материалны хувьд бид гоёлын материалыг сонгодог. Гэхдээ үүнийг бид хүүхдэд эвтэйхэн, харшил өгөхгүй байдлаар хийдэг. Торго, гялгар пластикан материал байсан ч доторыг нь даавуугаар хийж, хүүхдүүдэд чийг татахгүй байдлаар, хөлөргөхгүй, харшлахгүй байдлаар хийдэг. Харин өдөр тутмын хувцас болох цамц, өмд, дээлийг угааж ашиглах боломжтой, түргэн хэрэглээтэй хүүхдүүд байнга өмсөх боломжтой материалыг сонгодог.

-Тус брэндийн хувцас нь загвар болон материалаараа таашаагддаг учир эцэг, эхчүүд сонгодог байх. Энэ брэндийг сонгох давуу талыг нэрлэвэл?

-Мэдээж бид бүх зүйлийг бодолцож хамгийн сайнаараа хийж, хэрэглэгчиддээ сэтгэл ханамжийн баталгааг өгөхийн төлөө хичээж ажилладаг. Бид хоёр талаараа өмсөх байдлаар загвартай хийдэг. Энэ нь  нэг удаа өмсөх биш, хоёр байдлаар ашиглаж болох юм.  Өөрөөр хэлбэл, нэг хувцасыг өдөр тутамдаа нэг өмсөж байхад эргүүлээд гоёлын хувцас болгоод өмсөх загвараар өмсөхөөр хийдэг. Энэ нь хэн хэндээ хэрэгцээтэй шүү дээ.

Би өөрөө ээж хүн. Ер нь эцэг эхчүүд хүүхэддээ нэг хувцас авахад дараа жил нь багадчихдаг шүү дээ. Тэрийг бодолцож үзээд эсгүүр дээрээ бодолцож дээл, даашинз, гадуур хувцасыг хоёр жил өмссөн ч багадахааргүй хийдэг.

-Шоун дээр үзүүлж байгаа загваруудыг харсан хүүхдүүд авах хүсэлтэй байгаагаа илэрхийлж байсан. Сонирхсон хүүхдүүд хаанаас, яаж авах боломжтой вэ?

-Өнөөдрөөс эхлээд манай нэрийн дэлгүүрээр худалдаалагдаж эхэлнэ. Манай нэрийн дэлгүүр зайсангийн Оргил супермаркетийн зүүн талд “Zaisan star center”-ийн 3 давхарт байрлаж байгаа.

Х.Соёл

4
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

4 сэтгэгдэлСэтгэгдэл бичих

66.181.185.178одноо   • 5 сарын 31. 16 цаг 27 минут

хэтэрхий хүсэр юмаа

43.243.161.23Зочин   • 5 сарын 31. 14 цаг 52 минут

их хөөрхөн юм аа. Үнэ нь боломжийн бол олны хүртээл болж чадна. Амжилт хүсье

66.181.179.67Зочин   • 5 сарын 31. 12 цаг 28 минут

Ямар үнэтэй зарагдах юм бол . Дотоодых юм болохоор хэдэн зуун мянга болох биз.

73.181.73.133o   • 5 сарын 31. 10 цаг 30 минут

Estoi hoorhon zulzagnuud bnaa

Шинэ мэдээ

Хүн ам, орон сууцны 2020 оны улсын ээлжит тооллого явагдана3 минут 48 секундын өмнөЛа-Маншийн хоолойд 39 цагаачийг саатуулжээ8 минут 48 секундын өмнөГ.Нэргүй: Угаарын хийн дуудлага эрс багассан13 минут 48 секундын өмнөАНУ-ын цэргийн зардал төлөхийг эсэргүүцэн солонгосчууд жагсав18 минут 48 секундын өмнө"Нүүдэлчин иж бүрдэл" хоолны газрыг хаалаа23 минут 48 секундын өмнөЦ.УЯНГА: Гэгээлэн төв хөгжлийн бэрхшээлтэй хүүхэд багачуудад бие даан хөгжих боломжийг бүрдүүлэн ажиллаж байна28 минут 48 секундын өмнөҮхрийн мах нэг килограмм нь 7500 төгрөгийн ханштай байна33 минут 48 секундын өмнөОРОСЫН уран гулгагчид бүх алтан медалийг хамлаа38 минут 48 секундын өмнөАрдын уран зохиолч Б.Лхагвасүрэн агсны “Боржигоны бор тал” шүлэг аялгуу болжээ43 минут 48 секундын өмнөКофены ашигтай арван тус48 минут 48 секундын өмнөИх Британийн арми цэргүүдийн үйлдсэн гэмт хэргийг нууж байжээ53 минут 48 секундын өмнөЦэцэрлэгт хүрээлэнд анааш машинтай мөргөлджээ58 минут 48 секундын өмнөХорт хавдартай 134 иргэнд 42 сая төгрөгийн дэмжлэг олгожээ1 цаг 4 минутын өмнөДэлхийн рекорд эзэмшигч оны шилдэгт нэр дэвшжээ1 цаг 9 минутын өмнөАвстралийн хоёр улс төрчийг Хятад руу орохыг хориглолоо1 цаг 14 минутын өмнөБилл Гейтс Жеф Безосыг ардаа орхиж, дэлхийн хамгийн баян хүнээр тодорлоо1 цаг 19 минутын өмнөСУМО ТОЙМ: Хакухо болон Тамаваши нар сэтгэл зүйн барилдаан хийлээ1 цаг 24 минутын өмнөЧ.Хүрэлбаатар: Хоёр жилийн өмнө батлагдсан хуулинд хориг тавьж болдоггүйг мэддэггүй юм уу1 цаг 24 минутын өмнөОрост хүүхдүүд хятад жүржнээс болж амиа алдсан тухай цуурхал гарчээ1 цаг 29 минутын өмнө"Нэр төрд халдлаа гэж гомдол гаргагчдын 33 хувь нь улс төрийн өндөр албан тушаалтан"1 цаг 34 минутын өмнөАспиринийг тогтмол хэрэглэх нь таны эрүүл мэндэд сөрөг нөлөөтэй1 цаг 39 минутын өмнөТАНЫ СОНГОХ 76: Аймгуудад хамгийн их дэмжлэгтэй яваа улстөрчид1 цаг 44 минутын өмнөМесси "Барселона"-тай гэрээгээ сунгахаар ярилцаж байна1 цаг 49 минутын өмнөОХУ: Өвлийн өвгөний төрсөн өдрийг тэмдэглэж байна1 цаг 54 минутын өмнөБ.САЙНБУЯН: Эх орныхоо амар амгалангийн манаанд үүрэг аваад ажиллана гэдэг эмэгтэй хүний хувьд тэр бүр олдохгүй завшаан1 цаг 59 минутын өмнөИталид 27: 0-ийн харьцаатай хожсон багийн дасгалжуулагчийг өрсөлдөгчөө хүндэтгээгүй хэмээн халжээ2 цаг 4 минутын өмнөМЕТРО хот: 40-өөс дээш насныхан үхэх нь ч хаашаа юм, жаахан соёлж2 цаг 9 минутын өмнөНДШ-ийг 2 хувиар нэмэх асуудалд Ерөнхийлөгч хориг тавихаар болжээ2 цаг 14 минутын өмнөКоби Брайнт Степлэс цэнтрт хүрэлцэн иржээ2 цаг 19 минутын өмнөКим Жөн Ун агаарын десантын цэргүүдийн сургуулийг удирдан явуулжээ2 цаг 24 минутын өмнө
© 2008 - 2019 он. Зохиогчийн эрх хуулиар хамгаалагдсан.