2019 оны 6-р сарын 1
12 цаг 50 минут

Э.Энгүүнбат: П.И.Чайковский шиг алдартай хөгжмийн зохиолч болно

МУГЖ С.Батсүхийн шавь, авьяаслаг бяцхан дуучин Э.ЭнгҮҮнбатыг “Зочин”-ыхоо хойморт урьж ярилцлаа. Тэр бээр 5 дугаар сарын 9-ний өдөр ОХУ-ын Москва хотод болсон Аугаа их Эх орны дайны ялалтын баярын тоглолтод оролцож “Смуглянка” дууг гоцлон дуулсан билээ.

“Болор од” хүүхдийн найрал дууны улсын уралдааны ялагч “Бадмаараг” хамтлагийн найрал дуучидтай Улаан талбайд ая дуугаа өргөж, Монгол Улсынхаа нэрийг дэлхийн тайзнаас дуудуулах нэр хүндтэй урилгыг түүнд  ОХУ-аас ирүүлснийг дурдахад таатай байна. Түүнийг хурандаа нарын “Чандмань өлзийт аялгуу” тоглолтод оролцон ая дуугаа өргөх үеэр нь уулзаж ярилцсан юм.

Юуны өмнө дүүдээ баяр хүргэе. ОХУ-ын урилгаар Ялалтын баярын тоглолтод ая дуугаа өргөөд ирсэн шүү дээ...

-Маш их баярлалаа. Би “Бадмаараг” хамтлагийн ах, эгч нартайгаа  ялалтын баярын тоглолтод оролцож, “Смуглянка” дуугаа гоцлон дуулсан. Үзэгчид халуун дотно хүлээн авсан, сэтгэл их өндөр байна. Миний дуулахыг интернэтээр Монгол, Оросын зөндөө олон хүн үзэж, магтаалын үгийг маш ихээр бичсэн байна гэж ээж маань хэлсэн.

Ямар мундаг юм бэ, Энгүүнбатаараа бахархаж байна шүү... 

-Баярлалаа.  

Хэзээнээс дуулж эхэлсэн бэ, том болоод дуучин болох уу?

-Би нийслэлийн 116 дугаар сургуулийн нэгдүгээр ангид сурдаг, долоон настай. Дуу, хөгжимд үнэхээр их сонирхолтой, миний хамгийн анх дуулж сурсан дуу маань “Маамуу нааш ир”. Тэгээд дөрвөн настайгаасаа эхлээд ээж маань орос дуунууд зааж өгсөн. Орос дуу дуулахад эхэндээ хэцүү байсан. Яагаад гэвэл би үгээ тод, цэвэр хэлж чаддаггүй байсан юм. Харин одоо том болчихсон болохоор тийм алдаа гаргах нь багассан. Ээж минь магтаад л байгаа. Манай ээж орос, англи, франц, польш хэлтэй. Орос сургууль төгссөн болохоор орос хэлийг сайн сурсан байх. Бусдыг нь харин яаж сурсныг бүү мэд. 

Тайзан дээр дуулах агшинд ямар мэдрэмж төрдөг вэ?

-Дууныхаа утга, агуулгыг маш сайн ойлгож, мэдэрч дуулах ёстой, тэгвэл үзэгчдийн сэтгэлд хүрнэ гэж С.Батсүх багш минь зөвлөдөг. Тийм болохоор би орос дуунуудынхаа утгыг ээжээрээ яриулж ойлгоод чин сэтгэлээсээ дуулдаг. Хүмүүс ч сэтгэл өндөр хүлээн авч, халуун алга ташилтаар намайг мялаадаг. Тэр үед надад үнэхээр сайхан санагддаг юм. Бас миний дуулахыг сонссон ах, эгч нар нүдийг минь хардаг болоосой гэж ерөөдөг. Тэр хүмүүсийн ерөөлөөр би хардаг болно гэдэгтээ итгэдэг.

Миний дүү урын сандаа хэдэн дуутай болсон бэ?

-“Катюша”, “Маленькая страна”, “Миллион алых роз”, “Прекрасное далеко” зэрэг орос, “Дуут нуур”, “Сүүдэргүй сэтгэлтэй ээж”, “Бороон чимээ”, “Ботго” зэрэг монгол дуунууд дээр ажиллаж байгаа. С.Батсүх багш болон өвөө, эмээ маань намайг маш сайн дэмждэг. Удахгүй энэ дуунуудаараа цомог гаргах талаар ярьж байгаа. Бас цаашдаа бие даасан тоглолт ч хийнэ.

Мөрөөдлөөсөө манай уншигчидтай хуваалцахгүй юу?

-Надад олон гоё мөрөөдөл бий. Хамгийн том мөрөөдөл бол Оросын нэрт хөгжмийн зохиолч П.И.Чайковский шиг алдартай хөгжмийн зохиолч болох. Үүнээс гадна алдартай дуучин болно.

Ямар хичээлдээ хамгийн дуртай вэ?

-Биеийн тамир, дуу хөгжим, дүрслэх урлаг, математик л даа. Гэсэн хэдий ч би бүх хичээл дээр онц сурдаг.

 Чиний бахархал юу вэ?

-Монгол Улсаараа л бахархана шүү дээ.

Удахгүй хүүхдийн баяр болох гэж байна. Үеийнхээ найзуудад хандаж юу хэлэх вэ?

-Бүгдээрээ сайхан баярлаарай. Бас хүүхэд бүр ирээдүйд мөрөөдлөө заавал биелүүлээрэй.   

Ярилцсанд баярлалаа. Дүүдээ мөрөөдлөө биелүүлж, монголчуудынхаа бахархал болсон мундаг хөгжмийн зохиолч болоорой гэж ерөөе.

Ахмад Д.МэндбаЯр

"Соёмбо" сонин

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Хан-Уул дүүрэгт сайжруулсан түлшний борлуулалт, түгээлж хэвийн явагдаж байна9 сар 17. 19:03Маргааш цахилгаан шугам тоноглолд засвар үйлчилгээ хийх хуваарь9 сар 17. 18:20Малчид, иргэд, тариаланчид, хадланчидад зориулсан мэдээ9 сар 17. 18:10АНУ, БНАСАУ-ын ажлын яриа хэлэлцээ эхэлж магадгүй байна9 сар 17. 18:00Египет Өмнөд Судан руу тусламж илгээжээ9 сар 17. 17:55Цэвэршилтийн үед эстрогены дутагдлын улмаас эмэгтэйчүүдэд ясны сийрэгжилт үүсдэг9 сар 17. 17:50Бүх цаг үеийн шилдэг 500 дуу: №26 Otis Redding, ‘(Sittin’ on) the Dock of the Bay’9 сар 17. 17:45Зүүдэндээ бөгжөө залгижээ9 сар 17. 17:40Германд хоёр хүний суудалтай агаарын таксиг туршжээ9 сар 17. 17:35Кальцийн дутагдалыг нөхөх арга9 сар 17. 17:30Муур таныг сүнснээс хамгаалдаг уу9 сар 17. 17:25Хосуудын давж гардаг зургаан үе9 сар 17. 17:20ИЛЛЮМИНАТ буюу нууцат барилга байгууламж9 сар 17. 17:15Дэлхийн түүхийг өгүүлэх 60 гэрэл зураг9 сар 17. 17:10“Вон Браун” сансрын зочид буудал 2027 онд сансарт хөөрч, аялалаа эхлүүлнэ9 сар 17. 17:05АНУ, БНХАУ худалдааны асуудлаар ирэх пүрэв гарагт уулзалт хийж магадгүй байна9 сар 17. 17:00“Монголын эзэнт улсын түүх” цуврал 5 боть зохиолын тухай9 сар 17. 16:56МУГЖ Б.Дашдондогийн аргагүй ганцхан амраг9 сар 17. 16:55Дубайн баячуудын үрэлгэн амьдралыг харуулсан сонирхолтой зургууд9 сар 17. 16:50Орчин цагийн эмэгтэй Ерөнхийлөгчид9 сар 17. 16:45Айрагны ач тус9 сар 17. 16:40АНУ, Япон худалдааны татварын асуудлаар эхний тохиролцоонд хүрчээ9 сар 17. 16:35Г.Занданшатар иргэдтэйгээ хамтарч авлигатай тэмцэнэ9 сар 17. 16:33Дэлхийн хамгийн том саламандер гүрвэлийг олжээ9 сар 17. 16:30“Miss Universe Mongolia” тэмцээний ялагч Баасан гаригт тодорно9 сар 17. 16:28Хятад олимпын тамирчдадаа орос кино үзүүлнэ9 сар 17. 16:25Хүүхдийн сүүн шүдийг хамгаалах аргууд9 сар 17. 16:20Шинэ Maybach-тай танилц!9 сар 17. 16:15Маршал Ю.Цэдэнбалын хөшөөнд цэцэг өргөж, хүндэтгэл үзүүлэв9 сар 17. 16:11О.Бат-Өлзий: Энэ бол 33 жилийн өмнөх есдүгээр сарын 16 байлаа9 сар 17. 16:10
© 2008 - 2019 он. Зохиогчийн эрх хуулиар хамгаалагдсан.