2019 оны 6-р сарын 11
10 цаг 25 минут

“Нисдэг жаал” Ш.Энхийн-Од

Дэлхийн хэмжээний мэргэжлийн сагсан бөмбөгийн тэмцээнийг дэлгэцээр үздэг байсан цаг саяхан. Харин одоо эх орондоо олон орны сагсан бөмбөгийн шилдгүүд оролцсон тэмцээнийг анх удаа зохион байгууллаа. Энэ спортыг сонирхогчид өнгөрсөн долоо хоногт Д.Сүхбаатарын талбайд зохиосон 3х3 төрлийн 18 хүртэлх насны ДАШТ-ийг үзэж, багаа хөгжөөн дэмжив. Эрэгтэй, эмэгтэй ангилалд 40 баг оролцсон энэ тэмцээнд манай тамирчид ялангуяа, эрэгтэй баг чамлахааргүй амжилттай оролцож, фэнүүдийнхээ цөсийг хөөргөв. Тодруулбал, хөлбөмбөгийн “Талын хөх чоно” баг Брунейн багтай энэ сарын 7-нд 2022 оны ДАШТ, 2023 оны ААШТ-ий урьдчилсан шатны эрхийн төлөө тоглож 2:0-ээр буулгаж авсан байна.
 
“FIBA 3Ч3 U18 World Cup 2019” ДАШТ
 
Монгол Улсын ерөнхий сайдын ивээл дор зохиогдсон энэ тэмцээнд 33 орны 40 багийн 160 гаруй тамирчин оролцсон. 3х3 U18 ангилалд өрсөлдсөн манай эрэгтэй баг АНУ, Латви, Гүрж, Беларусын багтай С хэсэгт оноолт таарсан. Харин хэсгийнхээ эхний тоглолтыг Латвийн багтай хийж 20:16 харьцаагаар буулгаж авснаар тэмцээнийг амжилттай эхлүүллээ. Ингэснээр хэсэгтээ дөрвөн хожилтойгоор тэргүүлсэн АНУ ард бичигдсэн. С.Тулгаа дасгалжуулагчийн удирдлага дор хоёр сар бэлтгэл хийснээ харуулж А.Батхуяг, Л.Авирмэд, Ө.Пэрэнлэйжамц, Ш.Энхийн-Од нар өрсөлдөгч багуудтайгаа эн тэнцүү тоглолтыг үзүүлснээр хөгжөөн дэмжигчдээ баярлуулав. Ийнхүү үзэгчдийнхээ анхаарлыг татсан манай сагсчид дараагийн тоглолтдоо Беларусийн багийг 21:15, Гүржийн багийг 18:16-гаар хожжээ.
Гэвч энэ сарын 6-нд хэсгээсээ гарах тоглолтод АНУ-ын багт 21:10-ын харьцаатай хожигдож, хэсгийнхээ II байрт шалгарлаа. Харамсалтай нь хасагдах шатны А хэсгээс шалгарсан Туркийн багтай хагас шигшээд тоглох эрхийн төлөө тоглож 21:18-аар буюу гурван бөмбөгийн зөрүүтэй ялагдсанаар тэмцээнээ өндөрлөсөн. Гэвч чамлахааргүй амжилт үзүүлж шилдэг найман багийн тоонд багтаж өөрсдийгөө хэн бэ гэдгийг баталж,сагсан бөмбөг хэмээх спорт Монгол Улсад хөгжсөнийг үзэгчдэд төдийгүй бусад орноос ирсэн багийнханд мэдрүүлж чадлаа. Цахим ертөнцөд сагсан бөмбөг сонирхогчид энэ тэмцээний онцлох тамирчнаар Ш.Энхийн-Одыг онцолж байна. Мөн багийнхаа тоглолтыг дэмжсэн сонирхогчид цахим ертөнц дэх “Mongolian 3х3 Basketball Association/MGL 3Ч3” хуудаст тэдэнд урам хайрласан үгийг харамгүй бичсэн байв.
 
Тухайлбал, “Та дөрөвт амжилт, Энхийн-Од сайн байна. NBA-д тоглоорой. Амжилт залуусаа, үнэхээр үүнийг бахархал гэнэ” гэх мэтээр урам хайрласан үгсээр багаа дэмжиж байгаагаа илэрхийлжээ. Мөн тэмцээний эхний хоёр өдөр тоглолтын явцад тоглогч бүрийг авсан оноогоор нь байр эзлүүлэхэд Ш.Энхийн-Од багтсан байна. Тэрээр хоёр өдрийн тоглолтод 22 оноо авснаар ОХУ-ын багийн тамирчин Данил Чикаревын хамт тоглогчдын жагсаалтыг тэргүүлсэн юм.
 
Түүнчлэн тоглолтын дөрөв дэх өдрийн онцлох тоглогчоор шалгарчээ. Багийнхны ярьснаар энэ амжилтад хүрэхэд тэд цуг байрлаж, бэлтгэлээ хийж байсан нь нөлөөлсөн ажээ.
Харин эмэгтэй ангилалд өрсөлдсөн манай эмэгтэй баг тэмцээний С хэсэгт Франц, Нидерланд, Филиппин, Чехийн багтай таарсан. Гэвч тоглолтын эхний өдөр манай эмэгтэйчүүд Филиппинд 20:14, Чехэд ганц оноогоор буюу 14:13-аар хожигдов. Улмаар энэ сарын 6-нд болсон хэсгээс гарах сүүлчийн тоглолтод Нидерландын багийг 11:10-аар хожсоноор анхны түүхэн ялалтаа байгууллаа. Харамсалтай нь ганц хожилтойгоор тоглолтоо өндөрлүүлсэн байна. Манай эмэгтэй багийн тоглогч Э.Энэрмаа тоглолтын эхний өдөр өндөр 16 оноо авснаар БНХАУ-ын тамирчин Хианглинг Вутай хамт хамгийн их оноо авсан тамирчдын жагсаалтыг тэргүүлжээ. Мөн багаараа XV байрт орсон байна. Ийнхүү дөрөв хоног үргэлжилсэн 3х3 төрлийн 18 хүртэлх насны тэмцээнд АНУ-ын эрэгтэй баг Туркийн багийг 18:17-гоор хожсноор аваргын цомын эзэн боллоо. Удаах байрт Турк, Аргентин орж мөнгө, хүрэл медаль хүртсэн байна. Харин ОХУ-ын баг хүрэл медалийн тоглолтод Аргентины багт 21:18-аар дийлдсэнээр IV байр эзэллээ. Мөн эмэгтэйчүүдийн төрөлд АНУ-ын баг түрүүлж, дараагийн байрт Шинэ Зеланд, Францын баг орж мөнгө, хүрэл медаль хүртсэн байна.
 
“Талын хөх чоно”-ууд анхны ялалтаа байгууллаа
 
 
Монголын шигшээ баг 2022 оны ДАШТ, 2023 оны ААШТ-ий урьдчилсан шатны эрхийн төлөөх тэмцээн Брунейн Даруссалам багийг 2:00 буулган авсан байна. Монголын хөлбөмбөгийн холбооны цэнгэлдэх хүрээлэнд энэ сарын 7-нд хийсэн тоглолтын ес дэх минутад багийн ахлагч Н.Цэдэнбал чөлөөт цохилтыг амжилттай гүйцэтгэснээр эхний гоолыг багтаа авчирлаа.
 
Ийнхүү тоглолтын эхний хагаст 1:0 давамгайлж эхэлсэн Монголын шигшээ баг хоёрдугаар үеийн 69 дэх минутад тоглогч Н.Наранболд дараагийн гоолыг хаалттай цохилтоос хийж хожлоо бататгав. Харин хоёр багийн хооронд хариу нэхэх тоглолт өнөөдөр Бруней улсын Боромей арлын Султаны нэрэмжит талбайд болох юм байна.
Энэ тоглолтын талаар “Medee.mn”цахим хуудаст “Талын хөх чоно” багийн Герман дасгалжуулагч Майкл Вайсс “Тоглолтын үр дүнд сэтгэл хангалуун байна. Гэхдээ ганц тоглолтоор шийдэгдэх асуудал биш. Тиймээс тайвширч болохгүй. Бид Бруней руу 12 цаг ниснэ. Залуус маань сайн амрах ёстой. Бидний хувьд хожлоо бататгаж, дахин тоглохыг хүсч байна. Бид эсрэг багийнхаа хамгаалалтын алдааг ашиглах хэрэгтэй. Гарааны 11 тоглогчдод сэтгэл хангалуун байна. Тэднийг үнэлэхгүй байж болохгүй. Ялангуяа, Н.Наранболд, Х.Цэнд-Аюуш, Д.Төрбат нар сайн байлаа. П.Энхбилэг ч мундаг байсан. Бид Брунейд 35 хэмийн халуунд тоглоно. Тиймээс нөхцөл байдал хэрхэн өрнөхийг мэдэхгүй байна. Гэхдээ бидэнд сайн нөөц бололцоо бий. Техникийн ур чадвар бидэнд байгаа гэдгээ харуулчихлаа. Манай багийн хамгаалалт сайн байсан учраас тоглолт 2:0-ийн харьцаатай өндөрлөлөө. Эсрэг багийн тоглогчид нутагтаа сайн тоглож чадна гэж харж байна. Тиймээс биднийг ямар нөхцөл хүлээж байгааг хэлж мэдэхгүй. Гэхдээ бид хожих боломжоо алдахгүй” гэж ярьсан байна. Өнөөдөр болох тоглолтын оноо, 6-нд болсон онооны нийлбэрээр хожсон нь анх удаа ДАШТ-ий урьдчилсан шатны эрхийн төлөө тоглох шийдвэрлэх давааг давах ажээ.
 
 
Х.Оюунболд
Эх сурвалж: “Зууны мэдээ” сонин
4
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

4 сэтгэгдэлСэтгэгдэл бичих

49.0.153.7Зочин   • 6 сарын 12. 9 цаг 31 минут

Удам дамжсан элит тоглогч, сайн тоглож байна.НБА -д тоглох биз ээ.Гэхдээ нисдэг жаал гэх мэтээр хөөрөгдөх хэрэггүй л дээ.Майкл Жорданы хоч өөрт нь хүнддэнэ.Амжилт хүсье дүү минь. Улам шургуу сайн хөдөлмөрлөөрэй.

103.57.95.160Зочин   • 6 сарын 12. 7 цаг 09 минут

Энэ юу ч чадахгүй пацаан юм мэдэхгүй, боловсролгүй одоогийн сурвалжлагч нартаа их л мундаг амьтан харагддаг юм шиг байгаан

66.181.166.196зочин   • 6 сарын 11. 11 цаг 08 минут

Муу санаатай туучийнууд хүүхэд хөөргөж өндөрт нисгэж байж, өндрөөс унагаах гээд л

91.78.175.131Москва   • 6 сарын 11. 10 цаг 37 минут

Молодец..

Шинэ мэдээ

Маргааш согтууруулах ундаа худалдах, түүгээр үйлчлэхийг хориглолоо9 цаг 16 минутын өмнөГ.Занданшатар: Үндсэн хуулийн өөрчлөлт төр цэгцрэх их өөрчлөлтийг авчирна гэдэгт эргэлзэхгүй байна11 сар 14. 19:14ТЕГ-аас хүчирхийлэл, эмх замбараагүй байдал үүсгэхгүй байхыг "Монголын үндэсний фронт"-доос шаардлаа11 сар 14. 18:07Үндсэн хуулийн нэмэлт, өөрчлөлтийг 63 гишүүний 100 хувийн саналаар баталлаа11 сар 14. 18:01В.Путин: Шударга бус өрсөлдөөнийг дэлхийн худалдаанд улам их ашиглаж байна11 сар 14. 18:00Оросууд Хорватад үнэт эдлэлийн дэлгүүр тоножээ11 сар 14. 17:55Ханхүү Харри зул сарын баярыг хатан хааны гэр бүлтэй өнгөрөөхгүй11 сар 14. 17:50“Facebook” 3 тэрбум гаруй хуурамч хаяг устгажээ11 сар 14. 17:45Видео: Венец 50 жил тохиогоогүй их үерт автжээ11 сар 14. 17:40Оройн хоолоо оройтуулах нь ямар үр дагавартай вэ11 сар 14. 17:35АНУ-Мексикийн хилийн дагуу хана барих ажлыг шууд дамжуулна11 сар 14. 17:30Гоо сайхны бүтээгдэхүүний найрлагад орших хортой 5 химийн бодис11 сар 14. 17:25Хөршүүд хэрхэн өөрчлөгдөв11 сар 14. 17:20Брюс Ли: Түүний хайртай гэргий болон хүүхдүүд11 сар 14. 17:15Женнифер Лопес луйварчин эмэгтэйн дүр бүтээв11 сар 14. 17:10Чуулган түр завсарлалаа11 сар 14. 17:08Макрон аллага үйлдсэн Соколовыг хүндэт легионоос хөөж магадгүй11 сар 14. 17:05Зарим сумын малчдыг бусад аймгийн нутагт оторлуулах санал гаргажээ11 сар 14. 17:00Чөлөөт бөхийнхөн 2020 оны тэмцээний салхийг улсын аваргаараа хагална11 сар 14. 16:55З.Нарантуяа: Үндэсний хэмжээний том нам зөвшилцлөө гэж хэлчихээд, эргэхдээ ар хударгаар хуурдгийг харлаа11 сар 14. 16:52Хонконгийн тэмцлийн манлайлагч 23 настай Жошуа Вонгийн тухай баримтууд11 сар 14. 16:50Духандаа сүүлтэй гөлөг11 сар 14. 16:45Тарган муураа хууль бусаар авч нисээд баригджээ11 сар 14. 16:40Д.Трампт итгэл үзүүлэх эсэх асуудлаарх нийтийн сонсгол эхэлжээ11 сар 14. 16:35Шүүгч ээжийг нь тангараг өргөж байх үед хүүхдийг нь тэврэн, хамт байлцуулжээ11 сар 14. 16:30Хятадын мэргэжилтнүүд Ангараг дээр газардах аппарат туршжээ11 сар 14. 16:25Сонгуулийн холимог системийг унагаж, АН хэлэлцүүлгийг орхилоо11 сар 14. 16:23Олон мянган шувуудын цогцос олджээ11 сар 14. 16:20ЕСБХБ: Монгол Улсад оруулах хөрөнгө оруулалтаа хэвээр үргэлжлүүлнэ11 сар 14. 16:18З.Энхболд: Ерөнхийлөгчийн “Давхар дээлгүй сайд” саналыг дэмжихгүй бол хориг тавина11 сар 14. 16:15
© 2008 - 2019 он. Зохиогчийн эрх хуулиар хамгаалагдсан.