2019 оны 6-р сарын 14
8 цаг 20 минут

Б.Үржинханд: Сэлэнгэ аймагт гэмт хэргийн илрүүлэлт 17 хувиар өсчээ

Хойд урд хөрштэй хиллэдэг хилийн боомттой аймгуудад гэмт хэрэг зөрчил ихээр бүртгэгддэг. Тухайлбал, ОХУ-тай хил залгаа оршдог Сэлэнгэ аймагт энэ оны эхний таван сарын байдлаар иргэд, аж ахуйн нэгж, байгууллагаас гэмт хэрэг, зөрчлийн шинжтэй 1414 гомдол, мэдээлэл иржээ. Үүний 512 буюу 36,2 хувь нь гэмт хэргийн шинжтэй, 902 буюу 63,8 хувь нь зөрчлийн шинжтэй дуудлага мэдээлэл байна.

Үүний тодорхой хувийг хил орчмын хэрэг зөрчил буюу хар тамхи, хууль бус бараа тээвэрлэлт, зөвшөөрөлгүй эм эмийн зүйлсийг нэвтрүүлэхийг завдсан гэх мэт хэрэг зөрчлүүд эзэлдэг байна.  Тодруулбал, эм, эмийн хэрэгсэлийг хилээр хууль бусаар нэвтрүүлэх, гаалийн татвараас зайлсхийх гэмт хэрэг нийтлэг үйлдэгддэг аж. 

Тиймээс Сэлэнгэ аймгийн цагдаагийн газраас энэ төрлийн гэмт хэрэг зөрчлийг бууруулах зорилгоор Гаалийн газар, Тагнуулын газар, Хилийн цэргийн 0101, 0243 дугаар ангиуд, Гадаадын ингэний харъяатын газартай хамтран ажилладаг юм байна. 

Мөн Алтанбулаг боомтыг түшиглэн чөлөөт бүс ажилладаг учраас олон хүн цугларч эмх замбараагүй байдал үүсдэг тул Цагдаагийн ерөнхий газрын даргын тушаалаар 2018 оны долоодугаар сарын 30-ны өдөр Сэлэнгэ аймгийн Алтанбулаг сум, Чөлөөт бүсд цагдаагийн хэсэг байгуулагджээ.

-СЭЛЭНГЭ АЙМАГТ ГЭМТ ХЭРГИЙН ИЛРҮҮЛЭЛТ 17 ХУВИАР ӨСЧЭЭ-

Бид Алтанбулаг сумын цагдаагийн хэсгийн дарга, цагдаагийн дэд хурандаа Д.Нарантай уулзаж, хил дээр гардаг хэрэг зөрчлүүдийн талаар тодруулахад, “Сэлэнгэ аймгийн Алтанбулаг суман дахь хилийн боомт, Чөлөөт бүс 24 цагаар үйл ажиллагаа явуулдаг. Мөн Алтанбулаг суманд 500 гаруй иргэн ажиллаж байгаатай холбогдуулан цагдаагийн хэсэг байгуулах шаардлага тулгарсан. Тус хэсэг нь найман хүний бүрэлдэхүүнтэйгээр олон нийтийн аюулгүй байдлыг ханган ажиллаж байна. Хилийн орчимд залилах гэмт хэрэг ихэвчлэн гардаг. Мөн Монгол Улсын иргэд ОХУ-руу аялалаар болон албан ажлаар явахдаа согтууруулах ундааны зүйл хэрэглэж оочер дараалал дайрснаас болж төрийн албан хаагчидтай маргалдах зөрчил ихэвчлэн гардаг” гэв.

Харин аймгийн цагдаагийн газар хил орчмын гэмт хэрэг зөрчлийг бууруулах тал дээр хэрхэн анхаарч ажилладаг талаар Сэлэнгэ аймгийн цагдаагийн газрын ахлах мэргэжилтэн, цагдаагийн ахмад Б.Үржинхандаас тодруулахад,  “Алтанбулаг суманд гарч буй гэмт хэргийн тоо нэмэгдэх хандлагатай байна. Ерөнхийдөө Сэлэнгэ аймаг нутаг дэвсгэр томтой, 17 сумтай хүн ам ихтэй учраас хэрэг зөрчил гарах нь элбэг.

 Он гарснаас хойш эхний таван сарын байдлаар Улсын хилээр хууль бус бараа нэвтрүүлэхийг завдсан хоёр гэмт хэрэг бүртгэгдсэн. Энэ хэргийг цагдаагийн байгууллага харьяалан шалгадаг. Манай цагдаагийн газраас хилийн цэргийн 0101, 0243 ангиудтай байнгын хамтарч ажилладаг. Тэр дундаа улсын хилээр хууль бусаар бараа нэвтрүүлэх гэмт хэргийг хамтран илрүүлж байна. Алтанбулаг боомт орчимд эм болон эмийн зүйл хууль бусаар нэвтрүүлэх гэмт хэрэг зонхилон үйлдэгдэх болсон. Цагдаагийн байгууллагын техник хэрэгсэл харьцангуй сайжирсан ч бусад оронтой харьцуулахад дор үзүүлэлттэй байдаг. Бид гэмт хэрэг илрүүлэлтэд эрэлч нохой, техник хэрэгслээ түлхүү ашиглаж байна” гэв.

Мөн Сэлэнгэ аймгийн Цагдаагийн газраас аймгийн хэмжээнд үйлдэгдэж байгаа нийт гэмт хэрэг, зөрчлөөс урьдчилан сэргийлэх чиглэлд онцгой анхаарч олон талт арга хэмжээг төрийн болон төрийн бус байгууллагуудтай хамтран зохион байгуулдаг аж. Тухайлбал, “Нэг хором”, “Хүүхдийг гэмт хэргээс урьдчилан сэргийлье”, “Сар шинэ”, “Илрүүлэлт”, “Хилийн зөрчил”, “Бодис”, “Зөв тусгал” зэрэг нэгдсэн болон хэсэгчилсэн арга хэмжээг орон нутгийн төрийн болон төрийн бус байгууллагуудтай хамтран зохион байгуулжээ.

Үүний үр дүнд зөвхөн “Зөв тусгал” арга хэмжээний хүрээнд л гэхэд, аймгийн хэмжээнд 158 байгууллагын 5400 гаруй ажилтан, алба хаагчид, ерөнхий боловсролын 34 сургуулийн 6000 гаруй сурагчийг хамруулж, гэмт хэргээс урьдчилан сэргийлэх сургалт, нөлөөллийн ажлыг зохион байгуулан ажилласан байна.

Т.Од

 

 

 

 

 

 

 

1
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1 сэтгэгдэлСэтгэгдэл бичих

64.119.25.77иргэн   • 6 сарын 14. 9 цаг 30 минут

хххх гэмт хэрэг нь өсчихсөн юм биш үү.

Шинэ мэдээ

Японд олон мянган хүнийг нүүлгэн шилжүүлжээ10 сар 16. 18:10Малчид, тээвэрчид, тариаланчид, ард иргэдийн анхааралд10 сар 16. 18:05“Их 20”-ийн Сангийн сайд нар уулзана10 сар 16. 18:00Гар утасных нь цэнэг дууссанаас болж торгуулжээ10 сар 16. 17:55Линз болон хиймэл сормуусны сөрөг тал10 сар 16. 17:50Хөл бөмбөгийн хаалгачдын тухай сонирхолтой баримтууд10 сар 16. 17:45Бразилд зул сарын үеэр олон мянган түр ажлын байр бий болж магадгүй10 сар 16. 17:40Бүх цаг үеийн шилдэг 500 дуу: №12 Sam Cooke, ‘A Change Is Gonna Come’10 сар 16. 17:35Нидерланд: Ертөнцийн төгсгөлийг хүлээн 9 жил хонгилд амьдарчээ10 сар 16. 17:30Амьдралдаа өөрчлөлт оруулах 14 энгийн алхам10 сар 16. 17:25Таван настай малчин охины тухай баримтат кино бүтээгджээ10 сар 16. 17:20Хөгшрөлтийн үйл явцыг тухайн хүний алхалтын хурдаар тодорхойлох боломжтой гэв10 сар 16. 17:15Вакцин хүрэлцээгүйгээс мал хорогдсон гэж үзжээ10 сар 16. 17:10Хоакин Феникс гал унтраах машин мөргөжээ10 сар 16. 17:05НАСА-ын ахмад эрдэмтэн: Ангараг гарагт амьдрал байж болохыг бид 40 жилийн өмнө илрүүлсэн10 сар 16. 17:00Галт уулс хүн төрөлхтөнд ялагджээ: Саяны галт уулсын нөлөөлөл10 сар 16. 16:55АНУ-ын боксчин Патрик Дэй толгойдоо гэмтэл авч, эмнэлэгт хүргэгджээ10 сар 16. 16:50А.Хишигдалай: Айлын тогоо яах вэ, өөрийнхөө тооноор нар мандахыг харж байвал амьдрал сайхан10 сар 16. 16:45Яагаад мацаг барих хэрэгтэй вэ10 сар 16. 16:40Доналд Трампын бага охин Тиффани10 сар 16. 16:35Улаан-Үдэд Монголын иргэн 50 мянган доллараа дээрэмдүүлжээ10 сар 16. 16:32Биднийг интернэт ухаад сууж байх зуур дэлхий ертөнцийг өөрчилж буй 7 хүүхэд10 сар 16. 16:30Маргааш цахилгаан шугам тоноглолд засвар үйлчилгээ хийх хуваарь10 сар 16. 16:25Иран улс 40 тэрбум ам.долларын ашиг өгөх байгалийн хийн орд илрүүлжээ10 сар 16. 16:20“Harley-Davidson” цахилгаан мотоциклын үйлдвэрлэлээ зогсоожээ10 сар 16. 16:15Цөмийн дайн дэгдэх эрсдэл нэмэгдэж байгааг хэлжээ10 сар 16. 16:10Б.Жавхлан: Саарал жагсаалтыг улс төржүүлж, өндөр авахуулж байгаа нь сайн хэрэг10 сар 16. 16:06Зэрлэг ан амьтдын шилдэг зурагчныг тодруулжээ10 сар 16. 16:05Хятад АНУ-д эрс эсэргүүцлээ илэрхийлжээ10 сар 16. 16:00Б.Бат-Эрдэнэ: Ж.Мөнхбат гишүүн хөрөнгө, орлого нь яагаад огцом нэмэгдсэн талаар тайлбар ирүүлээгүй10 сар 16. 15:57
© 2008 - 2019 он. Зохиогчийн эрх хуулиар хамгаалагдсан.