2019 оны 7-р сарын 1
14 цаг 20 минут

“Санхүүгийн манлайлал 2019” хөтөлбөр амжилттай хэрэгжиж дууслаа

Санхүүгийн манлайлал 2019 хөтөлбөр амжилттай хэрэгжиж дууслаа

ХААН Банк 22-35 насны залуусын санхүүгийн боловсролыг дээшлүүлэхээр “Санхүүгийн манлайлал 2019” хөтөлбөрийг анх удаа Аксэл Фишэр академитай (АФА) хамтран 12 долоо хоногийн турш хэрэгжүүллээ. Өнөөдрөөс гурван сарын өмнө тус хөтөлбөрийг олон нийтэд зарлаж, 1,000 гаруй онлайн хүсэлт хүлээн авснаас салбар бүрийн манлайлагч 30 залуусыг сонгон шалгаруулсан билээ. Хөтөлбөрийн гол зорилго нь залуусыг санхүүгийн мэдлэг, зөв дадалд суралцуулах, хувийн болон өрхийн санхүүгээ цэгцтэй төлөвлөх чадвар суулгах улмаар тэднээр дамжуулан нийгэмд эерэг нөлөөлөл бий болгох зорилготой байсан юм.



Хөтөлбөрийн хүрээнд санхүүгийн болон хувь хүний хөгжлийн танхимын сургалт орохоос гадна, багаар ажиллах, нэтворкинг арга хэмжээнд оролцож туршлага судлах, танилцах аялал болон ганцаарчилсан уулзалт хийж мэргэжлийн багшаас хувийн дасгалжуулалт авах зэрэг олон сонирхолтой үйл ажиллагааг хэрэгжүүлсэн билээ. Онцгойлон дурдахад, менторинг буюу хувийн дасгалжуулалтыг анх удаа туршиж, АФА aкадемийн мэргэжлийн багш нар бүх оролцогчидтой нэг бүрчлэн уулзаж тэдэнд тусгайлсан зөвлөгөөг өгч ажилласан юм.
 
Өнгөрсөн гурван сарын турш “Санхүүгийн манлайлал 2019” хөтөлбөр маш амжилттай хэрэгжиж, 2019 оны 6-р сарын 26-ны өдөр хаалтын ажиллагааны үеэр, өөрийгөө дайчилж, бусдыгаа манлайлсан нэг шилдэг оролцогч ХонКонгод сургалтад хамрагдах эрхийн эзэн боллоо.


Оролцогчдын хувьд хөтөлбөр хүлээлтээс давсан байж чадлаа хэмээн нэгэн дуугаар хэлж байлаа. Учир нь тэд дан ганц санхүүгийн онолын мэдлэгт суралцана гэх төсөөлөлтэй байсан ч амьдралын туршлага, практик дээр суурилсан, сонирхолтой сургалт, хичээлүүдэд хамрагдсан нь илүү онцлог байсан хэмээж байв. Манлайлагч 30 залуус маань хөтөлбөрөөр дамжуулан өөрийн үнэт зүйлсээ тодорхойлж, асуудлаасаа зугатдаггүй, нүүр тулж шийдвэрлэдэг болсон, цаашид зөвхөн өөрсдөө суралцаад зогсохгүй, нийгэмдээ түүчээлэн ажиллах болно гэдгээ амлаж байв.



“Санхүүгийн манлайлал 2019” хөтөлбөрийн хаалтын арга хэмжээний үеэр шилдэг оролцогчоор шалгарсан М.Долгорсүрэн: “Энэхүү хөтөлбөрийн ялагч болсондоо маш их баяртай байна. Хөтөлбөрийн тухайд зөвхөн санхүүгийн болоод хувь хүний хөгжлийн хөтөлбөр байсангүй, бүхэл бүтэн амьдралын сургалт, дасгалжуулалт байж чадлаа. Тус хөтөлбөрийг анх зарлахад нь л бүртгүүлж тэнцэх юмсан хэмээн бодож байсан. Учир нь миний үеийн залуус мундаг ажиллаж, хангалттай хэмжээний мөнгө олж чадаж байгаа ч хэт үрэлгэн, зөв зарцуулдаггүй, зардлаа бичиж тэмдэглэдэггүй, хадгаламж үүсгэдэггүй байгаа нь маш тод ажиглагддаг. Би өөрөө ч тийм байсан. Гэхдээ одоо бол бүх зүйл өөрчлөгдсөн хэмээн ам бардам хэлж чадна. Би сургалтын агуулга, хичээлүүдээс маш их зүйлс сурч, амьдралдаа хэрэгжүүлж байгаа. Мөн оролцогчдыг давхар хөгжүүлэхээр АмЧам, Монголын бизнесийн зөвлөл зэрэг байгууллагуудаас зохион байгуулдаг нэтворкинг арга хэмжээ, уулзалтуудад хамруулж байсан нь туршлага болж өгсөн. Бусад оролцогчдын тухайд бид маш дотно болцгоож, өөрсдийн амьдралд гарч буй өөрчлөлтөө нэгэнтэйгээ хуваалцаж, сургалтаа тэсэн ядан хүлээдэг байсан. Ямартай ч залуусын санхүүгийн боловсролд үнэтэй хувь нэмэр оруулахаар энэхүү хөтөлбөрийг хэрэгжүүлсэн ХААН Банкны хамт олон, хамтран ажилласан АФА академийн багш нартаа баярлалаа” хэмээн сэтгэгдлээ хуваалцсан юм.

ХААН Банкны зүгээс хөтөлбөрийн үеэр олон сонирхолтой үйл ажиллагаанууд зохион байгуулснаас Төв аймгийн Баяндэлгэр сумын нутагт орших Сүүний кластер фермд танилцах аялал зохион байгуулж, оролцогчдодоо жижиг дунд бизнес, эрчимжсэн аж ахуй, дотоодын үйлдвэрлэлийн тухай ойлголт өгсөн юм. Мөн олон нийтэд санхүүгийн боловсрол олгох багийн даалгавар хамгийн олон хүнийг хамарсан үр өгөөжтэй нь байв. Оролцогчид багт хуваагдан олон нийтэд санхүүгийн боловсрол олгох сургалтууд зохион байгуулсан бөгөөд энэ хугацаанд нийт 1,335 хүнд санхүүгийн боловсрол, мөнгөө хэрхэн зөв зарцуулах тухай чухал мэдээллийг өгчээ.

Хөтөлбөр дуусах мөчид үйл ажиллагаагаа нэгтгэн дүгнэхэд зохион байгуулагчдын зорьсноос илүү үр дүн гарсанд, оролцогч залуус маань илүү идэвхитэй, тэмүүлэлтэй байсанд хамтран хэрэгжүүлэгч талуудын зүгээс маш их баяртай байгаа билээ. Хөтөлбөрийн дараа бид оролцогч залуустайгаа дахин уулзалт хийж, хэрхэн өөрчлөлт гарсан тухай ярилцан мэргэжлийн дасгалжуулалтыг үргэлжлүүлнэ.

Энэхүү хөтөлбөр нь тэдний санхүүгийн боловсролоо дээшлүүлэх, санхүүгийн зөв арга барилд суралцаж, түүнийгээ амьдралдаа хэрэгжүүлэх урт аяллын зөвхөн эхний алхам байсан юм. Цаашид хөтөлбөрөөс сурч мэдсэн зүйлсээ өөрсдийн гэр бүл, эргэн тойрны хүмүүстээ түгээсээр байх болно гэдэгт итгэлтэй байна.







Бид зогсолтгүй бүтээсээр...
0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Японд олон мянган хүнийг нүүлгэн шилжүүлжээ2 цаг 9 минутын өмнөМалчид, тээвэрчид, тариаланчид, ард иргэдийн анхааралд2 цаг 14 минутын өмнө“Их 20”-ийн Сангийн сайд нар уулзана2 цаг 19 минутын өмнөГар утасных нь цэнэг дууссанаас болж торгуулжээ2 цаг 24 минутын өмнөЛинз болон хиймэл сормуусны сөрөг тал2 цаг 29 минутын өмнөХөл бөмбөгийн хаалгачдын тухай сонирхолтой баримтууд2 цаг 34 минутын өмнөБразилд зул сарын үеэр олон мянган түр ажлын байр бий болж магадгүй2 цаг 39 минутын өмнөБүх цаг үеийн шилдэг 500 дуу: №12 Sam Cooke, ‘A Change Is Gonna Come’2 цаг 44 минутын өмнөНидерланд: Ертөнцийн төгсгөлийг хүлээн 9 жил хонгилд амьдарчээ2 цаг 49 минутын өмнөАмьдралдаа өөрчлөлт оруулах 14 энгийн алхам2 цаг 54 минутын өмнөТаван настай малчин охины тухай баримтат кино бүтээгджээ2 цаг 59 минутын өмнөХөгшрөлтийн үйл явцыг тухайн хүний алхалтын хурдаар тодорхойлох боломжтой гэв3 цаг 4 минутын өмнөВакцин хүрэлцээгүйгээс мал хорогдсон гэж үзжээ3 цаг 9 минутын өмнөХоакин Феникс гал унтраах машин мөргөжээ3 цаг 14 минутын өмнөНАСА-ын ахмад эрдэмтэн: Ангараг гарагт амьдрал байж болохыг бид 40 жилийн өмнө илрүүлсэн3 цаг 19 минутын өмнөГалт уулс хүн төрөлхтөнд ялагджээ: Саяны галт уулсын нөлөөлөл3 цаг 24 минутын өмнөАНУ-ын боксчин Патрик Дэй толгойдоо гэмтэл авч, эмнэлэгт хүргэгджээ3 цаг 29 минутын өмнөА.Хишигдалай: Айлын тогоо яах вэ, өөрийнхөө тооноор нар мандахыг харж байвал амьдрал сайхан3 цаг 34 минутын өмнөЯагаад мацаг барих хэрэгтэй вэ3 цаг 39 минутын өмнөДоналд Трампын бага охин Тиффани3 цаг 44 минутын өмнөУлаан-Үдэд Монголын иргэн 50 мянган доллараа дээрэмдүүлжээ3 цаг 47 минутын өмнөБиднийг интернэт ухаад сууж байх зуур дэлхий ертөнцийг өөрчилж буй 7 хүүхэд3 цаг 49 минутын өмнөМаргааш цахилгаан шугам тоноглолд засвар үйлчилгээ хийх хуваарь3 цаг 54 минутын өмнөИран улс 40 тэрбум ам.долларын ашиг өгөх байгалийн хийн орд илрүүлжээ3 цаг 59 минутын өмнө“Harley-Davidson” цахилгаан мотоциклын үйлдвэрлэлээ зогсоожээ4 цаг 4 минутын өмнөЦөмийн дайн дэгдэх эрсдэл нэмэгдэж байгааг хэлжээ4 цаг 9 минутын өмнөБ.Жавхлан: Саарал жагсаалтыг улс төржүүлж, өндөр авахуулж байгаа нь сайн хэрэг4 цаг 13 минутын өмнөЗэрлэг ан амьтдын шилдэг зурагчныг тодруулжээ4 цаг 14 минутын өмнөХятад АНУ-д эрс эсэргүүцлээ илэрхийлжээ4 цаг 19 минутын өмнөБ.Бат-Эрдэнэ: Ж.Мөнхбат гишүүн хөрөнгө, орлого нь яагаад огцом нэмэгдсэн талаар тайлбар ирүүлээгүй4 цаг 22 минутын өмнө
© 2008 - 2019 он. Зохиогчийн эрх хуулиар хамгаалагдсан.