2019 оны 7-р сарын 11
9 цаг 06 минут

Наадмын хуушуурын тухай наргиа

-Монгол наадмыг хуушуургүйгээр төсөөлөх аргагүй. Гадаадын зарим сурвалжид “Монголчуудын эрийн гурван наадамд морь, бөх, сур хуушуур орно” гэж бичсэн байдаг гэсэн.

-Монгол хуушуурыг а.нимгэн, б.супер нимгэн, в.ультра хөнгөн гэж ангилна.

-Наадмын анхны хуушуурыг хайраад “Өднөөс хөнгөн, сумнаас хурдан болог (борлог!)” гэж ерөөдөг байжээ.

-Хуушуурын мах анхдагч уу, гурил анхдагч уу гэдэг мөнхийн асуулт одоо болтол хариугаа хүлээсээр...

-Зарим хуушуураас мах олддоггүй нь "хоосон чанар мөөн" гэж лам нар хэлдэг

-"Хамгийн сайн хуушуур бол идэж амжаагүй хуушуур" гэж Аристотель хэлсэн байна.

-Манайх ардчилсан орон учраас бүх иргэн өөрийн хуушуурыг хийх, эвлэлдэн нэгдэж хуушуурдах эрхтэй байдаг.

-Хуушуурыг ууж хэрэггүй гэж эмч зөвлөж байна.

-Хуушуурыг “халуунаараа халуун” ба “хөрсөн халуун” гэж хоёр хуваана. Халуунаараа хуушуурыг пээчинд халаасан, тосонд халаасан, халуунаар нь байлгасан, наранд ээсэн, гарын алгаар халаасан, амьсгаагаараа халаасан гэж ангилна.

-Эрдэмтэд хуушуурыг насжилтаар нь уржигдрын шинэ, өчигдрийн шинэ, өнөөдрийнх шиг шинэ гэж ангилжээ.

-Хуушуур хавтгай байдаг нь глобалчлал, технологийн дэвшлийн үрээр дэлхий хавтгай болохыг бэлгэдсэн хэрэг байжээ гэж археологичид хэлж байна.

-Монголчууд 70 сая жилийн өмнө хуушуур хийдэг байсны нэгэн баталгаа бол тиранозавр Батаар юм.

Батаарын яс нь олдсон боловч мах нь олдоогүй билээ.

-Хуушуурын мах маш бага, харин гурил хавьгүй их буй нь хүн ам цөөтэй ч нутаг дэвсгэр том гэсэн санаа ажээ.

-Хуушуур жижгэрэхийн хэрээр үнэ нь нэмэгдэж байдаг нь жижиг улс ч үнэ цэнэтэй байдгийн бэлгэдэл ажгуу.

-Хуушуураас хордсон тохиолдол байдаг ч түүгээр хүн цохиж, дүрж алсан удаа үгүй тул хүмүүнлэг энэрэнгүй хүнс гэлтэй

-Зарим нутагт морины хүүхэд хөнгөн байхыг бэлгэдэж хуушуураа нимгэлдэг.

-Хуушуурын махыг илүүдэл жинтэй иргэн цөөрөхийг бэлгэдэн зориуд багасгадаг.

-Гэрэлтсэн нимгэн хуушуур нь "ирээдүй гэрэлтэх"-ийг бэлгэдсэн ерөөл агуулна.

-Монголчууд хүндэтгэлтэй юмаа “хуушуур” хэмээн авгайлдаг ба улс орныхоо удирдагчдын нэрийг цээрлэж “Төрийн гурван хуушуур” хэмээн ахайлах нь бий.

-Хятадууд хуушуурын маханд янз бүрийн нарийн ногоо байцаа жууцай хольсоор нарийн хоол болгох бодлоготой, харин оросууд гурилд нь дрож нэмж хөөлгөсөөр байгаад пирожки болгох санаархалтай хэмээн монголчууд сэжиглэдэг. Эдгээр хандлагыг Нарийн хуушуурын бодлого, өргөн хуушуурын бодлого гэнэ.

-Ардын хувьсгал ялахаас өмнө ард түмэнд хуушуур олддоггүй, түүнийг зөвхөн баячууд иддэг байсан хэмээн хувьсгалт түүхнээ бичжээ.

-Ардын засгийн жилүүдэд бүх хуушуурыг нийгэмчилсэн ба хувьдаа хуушууртай байхыг хориглодог байжээ. Харин ардчилсан хувьсгалаар хуушуурыг хувьчилсан төдийгүй, хайруулын тавгийг нь үнэгүй өгсөн байна.

-Ардчилсан хувьсгалын дараагаар “Нээлттэй хуушуурын бодлого”, “гурав дахь хуушуурын бодлого” зарласан байна.

-Монголчууд хуушуурыг тавьж хонох дургүй. Учир нь Чингэс хаан багадаа найман шарга хуушуураа тавьж хоноод хулгайд алдаж байжээ.

-Хуушуурын тухай шилдэг ишлэл олон. “Монголын хуушуурыг 200.000.000-д хүргэх хэрэгтэй” Сталин. “Хуушуурд, хуушуурд, бас дахин хуушуурд” Ленин. “Миний хуушуураас бурхан гуйсан ч бүү хазуул” Модун.

-Хуушуурын тухай олон сайхан дуу ХХ зуунд зохиогджээ. “Миний хуушуурын бараа”, “Арав дахь хуушуураа идье”, “Тэмээн дээрээс хуушуур ойрхон” гэх мэт.

-Монголын зохиолчид хуушуурын тухай олон сайхан бүтээл туурвисны заримаас дурьдвал: “Хоёулаа миний хуушуур”, “Гологдсон хуушуур”, “Алс газар хуушуурдахаар одохуй”, “Улаанбаатарын хуушуураас берлинбургер хүртэл”

-ХХ зууны Монголын яруу найрагчид “Би хаана хуушуурдаа вэ”, “90 хуушуурын дууль”, “Алтан шар хуушуур”, “Шөнийн талд хуушуур үнэртэнэ”, “Боржгоны бор хуушуур”, “Хуушууртайгаа байхад би цатгалан байсаан”, “Пискаревын гуанзнаас олдсон хуушуур”, “Есөн эрдэнийн хуушуур” гэх мэт олон шилдэг бүтээл туурвижээ.

-Хуушуураа магтан дуулсан олон сайхан мөр бадаг ард түмний сэтгэлд хоногшсон юм. Жишээ нь, “Миний монголын хуушуур бусдын нутагт гурилаа гээдэггүй...”, “Зүлгэн дээр гуанзаа бариад, зүгээр л нэг хуушуурдах юмсан”, "Хуушуураа хөргөгчинд муудсан байхыг харлаа, хувьгүй тогооч оо, би”...

-Хуушуурын сэдэвтэй олон арван дууг одоо ч аялсаар байна. Тухайлбал, “Үе үехэн шүлс гоожмоор, үнэн хонгор (шаргал) хуушуур юм аа хө” , “Гурилаа тайл, хуушуур минь”...

-Мөн түлэгдсэн ч гэсэн амт чанараа алддаггүй монгол хуушуурын тухай “хар хархан хуушуур” дуу олон түмэнд машид үнэлэгджээ...

-Монголчууд “Хуушуур гурав хуваагдавч буузны дайтай” хэмээн бахархдаг. Мөн “Аавын бийд гуанз хэсч, агтын бийд хуушуур ид”, “Могойн эрээн гаднаа, хуушуурын эрээн дотроо” хэмээн хэлэлцдэг аж...

-Монгол хуушуурыг махныхаа сиймхийгээр хөх цоорхойтой байдаг тул дэлхий нийт андахгүй.

9
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

9 сэтгэгдэлСэтгэгдэл бичих

192.82.65.120Зочин   • 2019, 7 сарын 16. 14 цаг 57 минут

Манайхан одоо хуушуур хийнэ гэж зарих нэг нь ёстой л гурилддаг болсон.Дугаарлаж байж хуушуур аваад идтэл тосонд хайрсан гурил дотор талд нь үзэгдэх төдий махтай. Дургүй хүрээд гүйж явсан нохойд хаяж өгтөл ирж үнэрлэж үзээд гүйгээд явж билээ. Нохой ч тоохгүй хуушуур битгий хийж байгаач зарим нэг мөнгө хайгч нөхдөө.

220.72.196.103Zochin   • 2019, 7 сарын 13. 18 цаг 17 минут

Zubhun naadamiin huushuuraar mask tabihiig goo saihanchidiin grupt zubulsun bn le delgerenguig olon ulsiin goo saihan ch wwwwwwwwwwewssss orj uzenuu

176.158.21.29mongol bysgyi   • 2019, 7 сарын 13. 16 цаг 29 минут

Naadmiin talbai xeseed tos daasan xuushuur idex ch saixan daa

66.181.161.34Зочин   • 2019, 7 сарын 12. 11 цаг 34 минут

Хөөрхөн л авсан байна ш дээ. Зүгээр л сайхан хөнгөн инээд, наргиа байна. Сайхан наадацгаагаарай.

202.21.100.210Бүхнийг ХУУШУУРЫН ТӨЛӨӨ   • 2019, 7 сарын 12. 10 цаг 33 минут

"Хуушуурын нууц товчоо мину зээ"-гээр энэ жилийн наадмын нээлтийн урлагийн тоглолтыг 2 дох удаагаа эхлүүллээ...Сумын наадмын дэвжээнд салхин дээрээс ХУУШУУР үнэртэх САЙХАН...Хуушуурын гуанз бараадсан миний харцыг яагаад татаад л байна даа...Гил хар шөнийн зүүдэнд цал буурал үстэй ирэв үү? ХУУШУУР МИНЬ... Бэсрэг наадамд зодоглосон дуучид, хошин шогийнхон БӨХчүүдээс дутахгүй МАХ, шөлтэй, баян тарган харагдаж байгаа нь бахдууштай

202.55.188.34Зочин   • 2019, 7 сарын 12. 0 цаг 44 минут

Доо нээрэн элийртэл авч байгаа юм.

95.82.135.163narsar   • 2019, 7 сарын 12. 0 цаг 18 минут

hoorhon umaa

90.187.69.197Zochin germanaas   • 2019, 7 сарын 11. 19 цаг 38 минут

Mash saikhan bichjee. Ikhed ineelee. Hoshin shogiin medremjtei, busdiig bolon ooriigoo ch shoolj chaddag hun uhaantai baidag. Dakhin oor sedveer bicheerei.

202.179.24.218naadagch   • 2019, 7 сарын 11. 14 цаг 13 минут

shal balai yum

Шинэ мэдээ

Улсын хэмжээнд 15162 албан тушаалтан ХАСХОМ-ээ бүртгүүлээд байна1 минут 33 секундын өмнөФото: Дэлхийн эдийн засгийн чуулга уулзалтын эргэн тойронд14 минут 10 секундын өмнөЦахилгаан соронзон галт тэрэг ийм байна19 минут 10 секундын өмнө“Mitsubishi Electric” компанийн мэдээллийг Хятадын хакерууд хулгайлжээ24 минут 10 секундын өмнөСонины онцлох мэдээний тойм34 минут 10 секундын өмнөТөлбөрийн шинэ систем бий болгохоо мэдэгдэнэ39 минут 10 секундын өмнөӨнөөдөр болох үйл явдлууд44 минут 10 секундын өмнөБ.Сайнбаяр: Хуурамч шатахуунаас болж нэг жолооч жилдээ 500 мянган төгрөгийн зарлага гаргаж байна1 цаг 15 минутын өмнөЖ.Энх-Амгалан: Сургууль,цэцэрлэгийн хүртээмж 2020-2021 онд бүрэн шийдэгдэнэ1 цаг 35 минутын өмнөТатвар нэмснээс болж алдсан 893 тэрбум төгрөгтэй дүйцэх 6.7 тонн алтыг гишүүдээр төлүүл1 цаг 45 минутын өмнөЭнэ өдрийн зурхай2 цаг 5 минутын өмнөЦаг агаарын урьдчилсан мэдээ2 цаг 15 минутын өмнөХудалдан авалтыг нэмэгдүүлэх нь импортод нөлөөлөхгүй хэмээн мэдэгджээ1 сар 22. 18:00Аавынхаа чандрыг нийтийн 00-д орхиод явжээ1 сар 22. 17:55“Якутын Мисс 2020”-д оролцох үзэсгэлэнт якут бүсгүйчүүд1 сар 22. 17:50Фото: Австралид нүүрлэсэн байгалийн гамшиг1 сар 22. 17:45Английн Премьер лиг дэлхийн шилдгээр шалгарлаа1 сар 22. 17:40“Hugo Boss” компанийн борлуулалт өсжээ1 сар 22. 17:35Фото: Дуулиан тарьсан "Gucci" брэндийн эрчүүдийн хувцас загварын чиг хандлага1 сар 22. 17:30Нууц амрагууд хөлбөмбөгөөс болж азаартав1 сар 22. 17:25Грета Тунберг: Уур амьсгалын өөрчлөлттэй ганц мод суулгаад тэмцэх нь хангалтгүй1 сар 22. 17:20ВИДЕО: Лондогийн дерби өрсөлдөөнтэй явагдлаа1 сар 22. 17:15Чандлер Парсонс авто тээврийн осолд оржээ1 сар 22. 17:10Ханиаднаас салсан өчүүхэн туршлагаас1 сар 22. 17:05Турк, ОХУ-ын Батлан хамгаалахын сайд нар бүс нутгийн асуудлыг хэлэлцжээ1 сар 22. 17:00Аяга, таваг угаагч шингэний найрлага дах химийн бодис1 сар 22. 16:55Оскар 2020: Орос гаралтай Холливудын одод1 сар 22. 16:50Памела Андерсон дахиад л нүцгэллээ1 сар 22. 16:45Венесуэлийн эсрэг хориг арга хэмжээнд 15 нисэх онгоцыг оруулжээ1 сар 22. 16:40Хос гавьяатын 37 жилийн өмнөх зураг1 сар 22. 16:35
© 2008 - 2020 он. Зохиогчийн эрх хуулиар хамгаалагдсан.