2019 оны 7-р сарын 23
11 цаг 13 минут

Нийслэлийн ЗДТГ-ын явуулын ажлын байр Баянгол, Сүхбаатар дүүргүүдэд ажиллалаа

Нийслэлийн Засаг даргын Тамгын газрын явуулын ажлын байранд Хотын захирагч С.Амарсайхан ажиллаж, өнөөдөр Сүхбаатар, Баянгол дүүргүүдэд очиж, иргэдийн аюулгүй, ая тухтай байдлыг хангах, орчныг тохижуулах талаар нийслэлийн холбогдох агентлаг, дүүргүүдийн удирдлагуудад үүрэг чиглэл өгч ажиллалаа.

С.Амарсайхан: Тохижилтын ажлыг яаралтай хэрэгжүүлэх  нь зүйтэй

Хотын захирагч С.Амарсайхан өнөөдөр Сүхбаатар дүүргийн 12, 13-р хороо, 32-ын тойрог орчимд ажиллалаа. 32-ын авто зам дагуу хүнд даацын машин механизмууд олноор байрлаж элс хайрга ачиж буулгах, борлуулж байгаа нь гудамжны өнгө үзэмжид сөргөөр нөлөөлөхөөс гадна иргэдийн ая тух, аюулгүй байдалд эрсдэл учруулж байгаа юм.

Сүхбаатар дүүргийн Засаг дарга Х.Болормаа “32-ын тойргоос хойшоо “Сод Монгол” ШТС хүртэл 800 м газарт ногоон байгууламж бүхий явган хүний зам барих тохижилтын ажил хийхээр дүүргээс хөрөнгө төсөвлөсөн байгаа. Зураг төсөл нь батлагдсан. Хийх комдани нь ч шалгарсан. Тохижилтын ажлыг өнөө маргаашгүй эхлүүлнэ. Энд байрлаж байгаа машин механизм эзэмшигчдэд мэдэгдэл хүргүүлсэн. Жолооч нар нүүх газрыг заагаад өгчихвөл хүлээн зөвшөөрч байна гэдгээ хэлсэн” хэмээн танилцууллаа.

Хотын захирагч С.Амарсайхан “Тохижилтын ажлыг яаралтай эхлүүл. Бид энэ хүмүүст зогсох талбай олж өгөхгүй бол тохижилтын ажлыг хийж болохгүй гэсэн зүйл байж болохгүй. Мэдээж энэ хүмүүс амжиргаагаа залгуулж байгаа нь тодорхой. Гэхдээ хотын төвдөө хүнд машин механизмыг ингээд байлгаж байж болохгүй. Энэ хавьд айл өрх олонтой, хүүхэд багачууд их явдаг. Аюулгүй байдал хангагдахгүй байна. Өнөө маргаашгүй энэ газрыг чөлөөлөхийг шаард” хэмээн үүрэг чиглэл өглөө.

Үерийн даланд хог асгасан иргэдэд хариуцлага тооцож, өөрсдөөр нь цэвэрлүүлэх шаардлагатай гэв

Сүхбаатар дүүргийн 13-р хорооны иргэд хотын захирагчид хандаж хүсэлтээ илэрхийллээ. 13-р хороонд усны худаг байхгүй, гудамжуудад уулын дайрга асгаснаас болоод явган явахад хүндрэлтэй болсон, Сэлбэ голын үерийн даланд шөнө оройн цагаар том оврын автомашинтай хүмүүс ирж хог, шороо ихээр асгаж байгаа талаар хотын захирагчид дуулгаж, энэ асуудлыг нэг тийш нь шийдэж өгөхийг хүслээ.

Иргэдийн хувьд эндээ олон жил  суурьшиж байгаа учраас хөрсний бохирдол маш ихтэй, гүний худаг гаргах боломжгүй гэдгийг дүүргийн Засаг дарга Х.Болормаа хэллээ. Хотын захирагч С.Амарсайханы зүгээс гүний худаг гаргах боломгүй бол зөөврийн худаг барих асуудлыг УСУГ-ынхантай хамтраад судалж үзэх чиглэл өглөө.

Түүнчлэн Сэлбэ голын далан дотор барилгын хог, шороо асгаж байгаа автомашины зураг, улсын дугаар баримттайгаа байгаа бол УБЗАА, Тээврийн цагдаагийн албатай хамтраад зөрчил гаргасан этгээдэд хариуцлага тооцох, үерийн даланг өөрсдөөр нь цэвэрлүүлэх талаар шаардлагатай бүх арга хэмжээг авч ажиллах 14 хоногийн хугацаатай үүрэг даалгаврыг Сүхбаатар дүүргийн Засаг дарга Х.Болормаад өгөв

Цэцэрлэгийн газраас авсан компанийн газар эзэмших эрхийг цуцлахыг үүрэгдэв

Хотын захирагч С.Амарсайхан Сүхбаатар дүүргийн 13 дугаар хороод ажилласны дараа Нийслэлийн Засаг даргын явуулын ажлын байрандаа сууж, Баянгол дүүргийн 12-р хороонд очиж ажиллав. Тус хорооны 15 дугаар цэцэрлэгийн газраас 1500 мкв талбай нь хувийн ААН-ийн мэдэлд очсон байна. Үүний улмаас 15 дугаар цэцэрлэгийн өргөтгөл барих боломжгүй нөхцөл үүссэн байна. Хотын захирагч энэ асуудлыг газар дээр нь очиж судлан, зориулалтын дагуй ашиглаагүй тус газрын эрхийг цуцлахчиглэлийг холбогдох албан тушаалтнуудад өглөө.

Нийслэлийн Засаг дарга явууллын ажлын байрандаа иргэдийн төлөлөлийг хүлээн авч уулзаж, санал солилцлоо. БГД-ийн 12-р хорооны Засаг дарга Х.Ганхуяг “Манай хорооны 15 дугаар цэцэрлэгийн барилгыг 1998 онд “Авзага трейд” ХХК барьж улсад хүлээлгэн өгсөн байдаг. Анх 5100 мкв газартай байсан. Гэвч 2004 онд тус компанийн мэдэлд 1500 мкв газар нь очсон байдаг. Миний бие цэцэрлэгийн өргөтгөл барих хүсэлтэй байгаагаа шат шатны байгууллагад энэ газрын асуудлыг шийдэж өгөхийг хүсэн хандаж байсан ч өнөөдрийг хүртэл ямар ч үр дүнд хүрээгүй. Манай хороо хоёр цэцэрлэгтэй. Нийтдээ 250 хүүхэд хүлээн авах хүчин чадалтай. Цэцэрлэгийн хүрэлцээ маш муу. Энэ газрын асуудлыг шийдэж өгөхийг хүсье” хэмээлээ.

Хотын захирагч С.Амарсайхан “Газрын зохион байгуулалтын албанаас энэ газрын мэдээллийг нягтлах хэрэгтэй. Энэ газарт барилга байшин бариулахгүй. 2004 оноос хойш ямар ч ашиглалтгүй байсан байна. Газар эзэмших эрхийг нь яаралтай цуцлаад, олон нийтийн зориулалтаар тохижуул. Энэ хавийн тоосгон гараашуудыг цэгцлэ. Хот төлөвлөлтийн бодлого, иргэдийн амьдрах орчны аюулгүй байдлыг хангах зэрэгт нийцэхгүй байна” хэмээв. 

Хотын захирагч С.Амарсайхан Явууллын ажлын байрны 77120000 утсанд хандсан иргэдтэй холбогдож, тэдний санал хүсэлтийг сонсож, холбогдох албан тушаалтнуудад судлан шийдвэрлэхийг чиглэл болгож ажиллалаа. 

Нийслэлийн ЗДТГ-ын Хэвлэл мэдээлэлтэй харилцах хэлтэс 

3
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

3 сэтгэгдэлСэтгэгдэл бичих

202.179.27.182сувдмаа   • 2019, 7 сарын 23. 11 цаг 54 минут

орон сууцны 1 давхарын айлуудад блоконийг шийдэж өгөөч хаана хандах вэ

150.129.140.66Зочин   • 2019, 7 сарын 23. 11 цаг 46 минут

Buun shou

122.201.22.148зочин   • 2019, 7 сарын 23. 11 цаг 29 минут

Улаанбаатар хотын тагтаа шувуу маш их болж байгааг анхаарч бүх орон сууцны дээвэр агааржуулалтанд ариутгал хийж дахин үүрлэхгүй болгох арга хэмжээ авч өгөөч.

Шинэ мэдээ

Хоолой өвдөж эхлэх үед эмгүйгээр эмчилж болно59 секундын өмнөХар тамхины хэргээр БНХАУ-ын хоёр иргэнийг нэг сарын хугацаанд хорихоор болжээ5 минут 59 секундын өмнө“Mitsubishi Electric” компани хакерын халдлагад өртжээ10 минут 59 секундын өмнөЭрэн хайх ажиллагаа үргэлжилж байна15 минут 59 секундын өмнөХерб Дин: Шүүгч хүн тамирчны эрүүл мэндийг хамгийн түрүүнд бодох ёстой20 минут 59 секундын өмнөЖүжигчин Г.Ананд согтуугаар жолоо барьж яваад хүний аминд хүрчээ25 минут 59 секундын өмнөЦэргийн бүртгэл эхэллээ30 минут 59 секундын өмнөПарагвайн шоронгоос 75 хоригдол хэрхэн оргосон бэ35 минут 59 секундын өмнөХунтайж Харри гаргасан шийдвэртээ "харамсаж" байна40 минут 59 секундын өмнөХятадад коронавирусээр халдварласан хүний тоо 198 хүрчээ45 минут 59 секундын өмнөОлны үг ортой эсэхийг шалгалаа50 минут 59 секундын өмнөМэйведер Хабибтай тулалдана гэж зарлав55 минут 59 секундын өмнө"Ливерпүүл" 21 дэх хожлоо авч, хоёрдугаар байрын багаас 16 оноогоор тасарлаа1 цаг 1 минутын өмнө“Эрдэнэт Үйлдвэр” ТӨҮГ-ын 40 жилийн ойд зориулан “Эрдэнэсийн өв” кино бүтээжээ1 цаг 6 минутын өмнөАШУҮИС-ийн захирал асан Г.Батбаатар “хүний их эмч”-ийн хуурамч диплом олгосон байж болзошгүй байна1 цаг 11 минутын өмнөАвто ослын улмаас 15 настай хүүхэд амиа алджээ1 цаг 16 минутын өмнөСонины онцлох мэдээний тойм1 цаг 21 минутын өмнөБНАСАУ-ын Гадаад хэргийн сайдыг шинээр томилсон гэж мэдээлжээ1 цаг 26 минутын өмнөБүтээсэн дуу болгон нь ХИТ болдог нэгэн репперийн шинэ уран бүтээл мэндэллээ1 цаг 31 минутын өмнөУлсын гуравдугаар төв эмнэлэг 2019 онд 16 төрлийн эмчилгээ, оношилгооны шинэ технологийг нэвтрүүлсэн байна1 цаг 36 минутын өмнөСУМО ТОЙМ: Тэрүнофужи Г.Ган-Эрдэнийн төгс эргэн ирэлт1 цаг 41 минутын өмнөНӨАТ: 10 сая төгрөгийн зургаан азтан тодров1 цаг 46 минутын өмнөИраны “Аль-Кудс”-ын тусгай хүчний шинэ дарга Исмаил Кани гэж хэн бэ1 цаг 51 минутын өмнөНамын бүлэг, зөвлөлүүдийн хуралтай1 цаг 56 минутын өмнөҮхань хотын нисэх онгоцны буудалд тусгай илрүүлэгч суурилуулжээ2 цаг 1 минутын өмнөӨнөөдөр болох үйл явдлууд2 цаг 6 минутын өмнөЙеменд пуужингийн цохилтын улмаас олон цэрэг амиа алджээ2 цаг 11 минутын өмнөЕрөнхийлөгч Дэлхийн эдийн засгийн чуулганд оролцохоор мордлоо2 цаг 16 минутын өмнө“Рro one clinic”-ийн гоо заслын эмч Б.Шүрэнцэцэг: Хөмсөг шилжүүлэн суулгах ажилбар хамгийн эрэлттэй байна2 цаг 26 минутын өмнөЖ.Бат-Эрдэнэ: Нэг мандаттай аймгуудыг хоёр мандаттай болгох нь зүйтэй2 цаг 46 минутын өмнө
© 2008 - 2020 он. Зохиогчийн эрх хуулиар хамгаалагдсан.