2019 оны 8-р сарын 1
13 цаг 05 минут

Тал нутгийн өнгө хийгээд Морин шуургатай нэгэн үдэш

Сүхбаатар аймаг эртнээсээ зураач, урчууд хийгээд үе дамжсан уран дархчуудаараа алдартай билээ. Тухайлбал, Монголын орчин цагийн дүрслэх урлагийг үндэслэгчдийн нэг ардын зураач Д.Амгалан гуайгаас эхлээд МУ-ын урлагийн гавьяат зүтгэлтэн, уран барималч Д.Дамдимаа, Х.Цэгмэд, зураач Я.Оюунчимэг, Дарьгангын алдарт уран дархан М.Балдан-Осор, М.Зундуй гээд нутаг усныхаа нэр алдрыг дуурсгасан олон арван авьяастан энэ нутгийн бахархал юм.

Уран бүтээлийн баялаг түүх, намтартай өвөг дээдсийнхээ өвийг өнөө цагт тээн уламжилсаар ирсэн Сүхбаатар аймгаас төрөн гарсан авьяаслаг зураач урчуудын “Тал нутгийн өнгө” нэртэй уран бүтээлийн хамтарсан үзэсгэлэн өнөөдөр /2019.07.29/ 17 цагт Монголын Урчуудын Хорооны үзэсгэлэнгийн танхимд нээлтээ хийлээ. Энэхүү үзэсгэлэнд ахмад зураач МУЭ-ийн гишүүн, зураач Ё.Бадарч, Б.Гантулга, Б.Буд, Я.Адьяа, Ж.Дүүрэнтөгс, уран дархан Ш.Даваадорж, Баатарчулуун болон одоо ид бүтээн туурвиж байгаа залуу үеийн төлөөлөл болох Соёлын гавьяат зүтгэлтэн Ц.Энхтайван, МУЭ-ийн шагналт зураач М.Эрдэнэбаяр, Д.Булгантуяа, Д.Батзориг, Н.Амарсайхан, Д.Амараа зэрэг 40 орчим авьяаслаг уран бүтээлч шилдэг уран бүтээлээрээ оролцож, уран зураг, уран баримал, монгол зураг, ваар урлал, сийлбэр, уран дархан, уран бичлэг, чимэглэх урлагийн төрлөөр туурвисан нийт 60 орчим бүтээл үзэсгэлэнд дэлгэн тавьжээ.

Сүхбаатар аймгийн зураач, урлаачид анх 2011 онд тус аймгийн соёл, урлагийн өдрүүдээр нийслэлчүүдэд уран бүтээлээ танилцуулж байсан. Түүнээс хойш найман жилийн дараа ийнхүү Сүхбаатар нутгаас төрөн гарсан авьяастнуудын бүтээлийн дээжийг нийслэлчүүд таалан соёрхох боломж нээгдэж буй нь энэ. Үзэсгэлэн ирэх сарын 6-ны өдрийг хүртэл үргэлжилнэ.

Урчуудын эвлэлийн үзэсгэлэнгийн танхимд “Тал нутгийн өнгө”-ийг толилуулах үеэр нэгэн номын хурим болсон нь Монгол Улсын Соёлын гавьяат зүтгэлтэн, яруу найрагч, сэтгүүлч Ай.Төмөр-Очирын шүлэг, найраглалын түүвэр болох “Морин шуурга”. Энэхүү түүвэрт шударга ёсны ташуурын далайлттай шүлэг найраглал, захидал, нийтлэл, ярилцлагууд нь багтсан байна. Тэрбээр номынхоо талаар “Би Монголын улс төрийн 30 жилийн үйл амьдралыг яруу найраг, гоозүйн хэлээр, яруу найрагчийн энэлэн шаналанг нэгтгэж бичсэн. “Морин шуурга” бол тэнгэрийн шуурга биш, тэнэгүүдийн шуурга юм. Нийгмийнхээ 30 жилийн шуургыг үгээр зурлаа. Морио чононд идүүлж байхад зүгээр хараад сууж байдаг малчин байдаггүй шиг, Монголоо нохойд тасдуулж байхад би “хаая хүүе” гэхгүй бол болохгүй. Тиймээс Монголын их төрийг ариусгах “Морин шуурга” гэж ном бичсэн. Морин шуурга Монголыг аварахаар исгэрч байна.” хэмээн өгүүлсэн юм.

Сэтгүүлч, найрагч гавьяат маань уран зураг, тэр дундаа таталбар зурагт гаргууд нэгэн. Тиймдээ ч номын баярт ирсэн зочдодоо зориулж, найман шарга морийг таталж зурсан нь үнэхээр сонирхолтой үзүүлбэр боллоо.

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

Нойргүйдээд байвал зөгийн балтай найзлаарай1 цаг 46 минутын өмнөАжлын хажуугаар хүүхдүүддээ анхаархад цаг тань хүрэлцэхгүй байна уу1 цаг 51 минутын өмнөБуйлны үрэвсэл гэж юу вэ1 цаг 56 минутын өмнөБаянзүрх сумын Мандал толгойд “Хийморь” шүтээнийг цогцлоов2 цаг 1 минутын өмнөЭнэтхэгийн ерөнхий сайд хог түүжээ2 цаг 6 минутын өмнөКПОП: (G)-IDLE энэ сар эгч нарыгаа тэргүүллээ2 цаг 11 минутын өмнөМанай гэр бүлүүдэд байдаг нийтлэг зовлон нь хардалт2 цаг 16 минутын өмнө3 нас хүртэл нь хүүхэддээ заавал заах хэрэгтэй зүйлс2 цаг 21 минутын өмнөТанд хэрэгтэй зөвлөгөө: Арьсаа чийгшүүлэх аргууд2 цаг 26 минутын өмнөГадаад боксчид буриад хэлийг дэмжлээ2 цаг 31 минутын өмнөНарны эрчим хүчээр цэнэглэдэг автомашинуудын уралдаан эхэлжээ2 цаг 36 минутын өмнөБүх цаг үеийн шилдэг 500 дуу: №14 Bob Dylan, ‘Blowin’ in the Wind’2 цаг 41 минутын өмнөБяцхан балетчид “Vibe” олон улсын наадмаас хүрэл медаль хүртлээ2 цаг 43 минутын өмнөЧ.Хүрэлбаатар: Төсвийн 2 их наяд төгрөгийн алдагдлыг бонд гаргаж зээл авч нөхөхгүй2 цаг 46 минутын өмнөХүүхдээ хувийн зохион байгуулалт сайтай сурагч болгох аргууд2 цаг 46 минутын өмнөСургалтын төлбөрийн оронд хуванцар сав, хог авдаг сургууль2 цаг 51 минутын өмнөС.Амарсайхан: Нийслэлийн эмнэлгүүдийн түргэн тусламжийн парк шинэчлэлийг 50-60 хувьд хүргэнэ2 цаг 53 минутын өмнөИран улс 40 тэрбум ам.долларын байгалийн хийн нөөц илрүүлжээ2 цаг 56 минутын өмнөМетал урсгал залуучуудын төлөвшил, хувь хүний хөгжилд сайнаар нөлөөлдөг гэв3 цаг 1 минутын өмнөШударга Иргэдийн Нэгдсэн Эвсэл намын УИХ дахь Зөвлөлийн ээлжит хурал боллоо3 цаг 6 минутын өмнө"Doctor Sleep" ирэх сарын 8-нд нээлтээ хийнэ3 цаг 6 минутын өмнөСанаанд оромгүй хөгжилтэй байдлаар унтаж буй хүмүүсийн зурагнуудаас3 цаг 11 минутын өмнөУИХ-ын дарга шахмал түлшний асуудлаар ажлын хэсгийнхэнтэй уулзаж байна3 цаг 15 минутын өмнөНаяад жилийн өмнөх трактор3 цаг 16 минутын өмнөОрос дасгалжуулагч, герман довтлогчтой Кыргызстаны шигшээ баг3 цаг 21 минутын өмнөТомуугийн эсрэг вакциныг ямар тохиолдолд хийхгүй вэ3 цаг 26 минутын өмнөАмьд харилцааг бий болгоцгооё3 цаг 31 минутын өмнөБичлэг: 81 настай, алдартай жүжигчин Жейн Фондаг баривчилжээ3 цаг 35 минутын өмнөОрос, Бельги, Итали, Польшийн баг "Евро-2020"-д оролцох эрхээ халаасаллаа3 цаг 36 минутын өмнөД.Бартанбаатар: Эрдэнэт үйлдвэрт хүний нөөцийн менежментийн алсын хараатай, зөв бодлого хэрэгжиж байна3 цаг 39 минутын өмнө
© 2008 - 2019 он. Зохиогчийн эрх хуулиар хамгаалагдсан.