АЛДРЫН ЭЗЭД: Хоёр биенээ хурцалж бас хөглөж яваа ихэр шатарчид буюу ирээдүйн их мастерууд

Спорт гэдэг олон төрөл. Төрөл бүр нь тэр хэрээрээ сонирхолтой бас онцлогтой. Тэр дундаа оюуны спорт буюу шатрын спорт нь хүүхэд багачууд төдийгүй залуусын хүртэл тархийг "хөглөж", ухааныг тэлдэг учиртай.

Манай Zaluu.com сайт Монголынхоо спортын шилдэг тамирчид, баг дасгалжуулагчдынхаа  тэмцээн уралдаан, амжилт ололт, бэлтгэл сургуулилалт болон эгэл амьдралынх нь талаарх олон зүйлсийг элдэв нэмэлт хачиргүйгээр өгүүлэхийн тулд уншигчид та бүхэндээ 7 хоног бүр "АЛДАРЫН ЭЗЭД" цуврал ярилцлага, нийтлэлийнхээ буланг бэлтгэн хүргэх болно.

Ингээд хамгийн эхний дугаартаа нэгэн гэгээлэг бяцхан тамирчдын амжилт ололтыг хүргэх болно. Тэд хэдийгээр зургаахан настай хэдий ч тив дэлхийн тэмцээнд эх орныхоо нэрийг аль хэдийнээ өндөр өргөж яваа ихрүүд билээ.

Саяхан Тайланд улсад болсон Зүүн Азийн өсвөрийн шатрын аварга шалгаруулах 4 дэх удаагийн тэмцээнээс стандарт, рапид, блиц гэсэн 3 төрөлд Монголын баг багаараа алтан медаль авлаа. Тэмцээнд 13 орны 260 гаруй өсвөрийн тамирчид оролцсоноос Монголын багийн ихэр охид бүх төрөлд медаль авсан нь багийн амжилтад ихэд нөлөөлсөн талаар багш нь бахархан ярьж байв. 4 наснаасаа шатрын спортоор хичээллэж эхэлсэн ихэр охид 2 жилийн хугацаанд шаггүй сайн шатарчид болж тус тэмцээнээс  5 цом, 15 медаль авчээ.

Ихэр охидын аавыг С.Отгонбаяр гэдэг. С.Отгонбаярынх 4 хүүхэдтэй. Тэд бүгд шатарчид. Том ах О.Чингүүн нь шатрын спортын дэд мастер цолтой. Харин удаах ах О.Чинзориг нь тэр бүр шатрын тэмцээн уралдаанд оролцоод байх зав байдаггүй ч мундаг шатарчин хүү аж.

“Шатрын ихэр охид” болох О.Энхжин, О.Мөнхжин нар хоёр ахаараа анхны нүүдлээ заалгаж, хамтдаа өрсөлдөн тоглосоор тэмцээн уралдаанд оролцох хэмжээнд хүрч, цаашлаад Олон улсын тэмцээнд оролцох болжээ.

Биднийг сурвалжлахаар очиход ихэр охид тэмцээнд оролцож байсан бөгөөд хүн орж ирж байгааг ч үл анзааран анхаарлаа төвлөрүүлжээ. Тоглолт дуусч О.Энхжин хожиход О.Мөнхжин хожигдчихлоо гээд уйлав. 

 Гэртээ ах нартайгаа шатар тоглож чөлөөт цагаа өнгөрүүлдэг ихэр охид амралтын өдрөөр ууланд авирах дуртай. Өглөө эртлэн босч бэлтгэлээ базаагаад Богд уул руу алхаж хөдөлгөөн хийдэг аж. Олон цагаар сууж тоглодог шатрын спортынхонд хөдөлгөөн их чухал тул ээж Л.Отгонжаргал нь ийн санаа тавьдаг бөгөөд одоо бассейнд явуулж хөдөлгөөнтэй байлгана гэж байв.

Л.Отгонжаргал: Пөөх шатар тоглодог ихэр охид гээд л хүмүүс их өхөөрддөг

Ихэр охидын ээж Л.Отгонжаргалтай цөөн хором ярилцсанаа хүргэж байна.

-Таны 4 хүүхэд 4-үүлээ шатрын спортоор хичээллэж багагүй амжилт гаргаж байна. Аав, ээж хоёр нь бас шатар тоглодог уу?

-Үгүй бид хоёр нүүдэл мэдэхээс цаашгүй. Хүүхдүүдээ гадаад, дотоодын  тэмцээн уралдаанд явахад нь би л дагаж явна. Тэгсээр байгаад шатрын спортын талаар мэдлэгтэй болоод байгаа.

-Хүүхдүүдээ яагаад шатрын спортоор хичээллүүлэх болсон юм бэ?

-Манай аав шатар тоглодог хүн байсан. Ер нь би өвөөгийнх нь хүсэл биелэж байна гэж боддог. Спорт хүүхдийг төлөвшүүлдэг гэдэг шүү дээ. Шатар тоглодог хүүхэд сууж сурна. Тэвчээртэй байж аливаа зүйлийг өргөн хүрээнд харж шийдвэр гаргадаг юм болов уу гэж боддог.

Тэрнээс биш шатрын спортоор насан туршид нь явуулна гэж бодоогүй. Гэтэл хүүхдүүд минь өөрсдөө тэмцээн уралдаандаа оролцоод цаашдын том, том олон улсын тэмцээнд оролцох эрх аваад оролцохоор болчихдог.

Шатар их давуу талтай спорт юм билээ. Юу гэхээр юмыг олон талаас нь харж удаан бодож зөв шийдвэр гаргадаг болно. Мөн сүүлийн үед хүүхдүүд гар утас, телевиз их харж, цахим тоглоом өдөр шөнөгүй тоглох боллоо гээд л байдаг шүү дээ. Тэгэхэд шатар тоглодог хүүхдүүд тэгэхгүй. Хичээл номоо хийчихээд л шатраа л бариад авна. Телевиз ч асааж үзэхгүй. Тэгээд л хоорондоо тоглоод арга туршлага судлаад сууж байдаг.

Харин манай ихэр охидын тухайд би хөгжим бүжигт дуртай урлаг уран сайхны хүн болгоно гэж бодоод энэ талаар яаж хөгжүүлэх вэ гээд судлаж байтал том ах О.Чингүүн нь Англид болсон шатрын тэмцээнд оролцож, хоёр төрөлд нь түрүүлсэн юм. Тэгээд ирэнгүүтээ эмэгтэй хүүхдүүд шатар тогловол амжилтанд хүрдэг юм байна гээд хоёр дүүдээ шатрын нүүдэл зааж  өгсөн. Тэгэхэд ихрүүд их сонирхож сүүлдээ гэрийнхэнийгээ тоглоё гээд тайван суулгахаа больсон л доо.

-Хүүхдүүдээ хожоод медаль авах мөчид юу бодогддог вэ?

-Шатрын тэмцээн уралдаан бусад спортыг бодвол хаалттай болдог юм шигээ. Эцэг, эхчүүд нь гадаа л хүлээгээд сууна шүү дээ. Заримдаа зөвшөөрөл авч зураг дарчихаад л гарна. Тэгээд байнгын хүлээлттэй яаж байгаа бол доо гэсэн бодолтой тэр урт цагуудыг хүлээж өнгөрүүлдэг. Хамгийн багадаа нэг тоглолт нь 1 цаг 30 минут үргэлжилдэг. Тэгээд л хожоод л гараад ирэхээр нь мэдээж хүүхдүүдээрээ бахархдаг. Цаашдаа улам ихийг сургаж амжилтыг нь ахиулахын төлөө, тэднийгээ хөгжүүлэхийн төлөө хичээдэг.

-Нэг тоглолт нь л багаар бодоход 1 цаг 30 минут үргэлжилнэ гэхээр тэр хэрээр бэлтгэлийг удаан хийдэг үү. Өдөрт хэдэн цагийн бэлтгэл хийдэг вэ?

-Ийм жаахан хүүхэд хэдэн цагаар сууж тоглодог болохоор нь заримдаа өрөвддөг. Мэдээж өргийн ард хожигдоно гэж суухгүй шүү дээ. Тийм болохоор олон цагаар тэвчээртэй суудаг. Бэлтгэл дээр бол хүүхдийн анхаарал хурдан хугацаанд төвлөрөөд сатаардаг гэдэг утгаар нь завсарлага авах байдлаар өдөрт 1, 2 цаг л бэлтгэл хийдэг. Харин тэмцээн уралдаанд явах болохоор нь сарын өмнөөс өдөрт 2-3 цаг тогтмол бэлтгэл хийдэг.

-Хоёр ихэр шатарчид маань багштай юу?

-Охидод анх ах нь шатрын нүүдэл заасан ч сонирхоод тоглоод сурахаар нь баярлаад багштай болгоё гэж шийдсэн. Анхны багш нь н.Дамдин гэж багш бий. Түүнээс хойш бараг таван багш сольсон байна. Зарим нь өвдөөд явчихна. Зарим нь ажил нь амжихгүй гэсээр таван багш сольжээ. Одоо Ц.Энхбат багшийн удирдлага дор бэлтгэл сургуулилтаа хийж байна.

Ер нь хүүхдийг шатрын спортоор хичээллүүлээд амжилтыг нь ахиулья гэж бодож байвал ганцаарчилсан бэлтгэл хийлгэх хэрэгтэй юм билээ. Дугуйлан, клубт явуулахаар 10 юм уу 20 хүүхдэд нэг багш заана шүү дээ.

-Хоёр ихэр тэмцээн дээр, бэлтгэл дээр ч тэр хоорондоо тоглодог байж таарна. Хоорондоо их өрсөлддөг байх?  

-Хоёулаа болохоор нэг талаараа хоёр биенийгээ дасгалжуулааад байдаг. Нөгөө талаараа өрсөлдөнө. Хожигдсон нь уйлна. Муудалцана. Ингэж хоорондоо өрсөлддөг учраас шатрыг их хурдан сурч, ахиж дэвшиж байна гэж боддог.

-Ер нь шатрын спортод ихэр тамирчин байдаг уу?

-Би том хүүгээ шатар тоглож эхэлсэн цагаас эхлээд 13 жил тэмцээн уралдаанд нь хамт дагаж явж байна. Энэ хугацаанд ихэр шатарчид гэж сонсоогүй.

-Ихэр гэхээр хүмүүс их өхөөрддөг байх даа?

-Тийм. Ихэр юм уу. Пөөх гээд л хүмүүс их өхөөрддөг л дөө. Багш нар нь ч гэсэн “Би ихэр шавьгүй. Ихэр шавьтай болмоор байна” гээд дуртай авдаг.

Сая 8 сард Тайландад болсон тэмцээнд Азийн шатрын холбооны ерөнхийлөгч шагнал гардуулсныхаа дараа хүрч ирээд “Хоёр ихэр юм уу. Ямар гоё юм бэ. Шатарчин ихэр охид байна. Хамт зургаа авахуулья” гээд зургаа авахуулсан. 

Ингээд дөнгөж сургуулийн босгыг алхаж байгаа ч гайхалтай амжилтын эзэд болж чадсан “Шатрын ихэр охид” болох О.Энхжин, О.Мөнхжин нартаа  спортын их амжилт хүсье.

 

17
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

17 сэтгэгдэлСэтгэгдэл бичих

89.187.174.34Зочин   • 8 сарын 22. 9 цаг 32 минут

Хар нялхаараа бж яасан ч олон багш сольсын. Зүүн азийн тэмцээнд ангилалд нь 7 8хан хүүхэд оролцсон юм бна шүү дээ

37.175.141.30Yeee yasan oolgon ymbee   • 8 сарын 21. 1 цаг 27 минут

Yasan oolgon mundag bytshan ohiduud vee! Amjilt husyee bytshan shatarchdad

64.119.23.53Зочин   • 8 сарын 20. 23 цаг 43 минут

Мундаг

31.164.62.64unshigch   • 8 сарын 20. 20 цаг 06 минут

mundag, hoorhon hyyhdyyded bygded ni az jargal. eryyl enh, amjilt Hysen erooe

202.9.44.145Зочин   • 8 сарын 20. 18 цаг 49 минут

neg ni yag aav nuguu ni yag eej tanai shatarchdad ulam ih amjilt husye

202.126.88.73зочин   • 8 сарын 20. 15 цаг 46 минут

Монголын ирээдүй мундаг

202.131.243.190ДЭЭГИЙ   • 8 сарын 20. 15 цаг 12 минут

Шатарчин Ихэр охидод спортын өндөр амжилт хүсье, Сайн байна Баяр хүргье,

122.201.19.99Зочин   • 8 сарын 20. 14 цаг 53 минут

myndag

66.181.161.125Uugii   • 8 сарын 20. 12 цаг 22 минут

Amjilt huurhun ohidoo

66.181.169.66Solongoo   • 8 сарын 20. 12 цаг 06 минут

Yostoi mundag yumaa Ulam ih amjilt gargaarai 2 shn ohin mini

202.9.44.147Зочин   • 8 сарын 20. 12 цаг 01 минут

estoi mundag ymaa 2 xuurxun oxindo bayr xvrgie

202.179.31.4Зочин   • 8 сарын 20. 9 цаг 24 минут

Otgoogiin 2 ohind bayr hurgey

202.21.113.238uka   • 8 сарын 20. 9 цаг 17 минут

Mundaguuddaa eruul enhiig husey

119.40.98.162123   • 8 сарын 20. 9 цаг 11 минут

Ямар хөөрхөн юм бэ. Улам их амжилт гаргаж, улс эх орон, эцэг эхийнхээ нэрийг мандуулж яваарай. Аз жаргал, эрүүл энх, амжилт бүтээлийн дээдийг хүсье. Би бас ихэр охидтой. Ихэр хүүхдүүд хөөрхөн шүү.

66.181.170.130Зочин   • 8 сарын 20. 8 цаг 55 минут

saihan ohiduudad bayar hurgie.

122.201.26.172Bold   • 8 сарын 20. 8 цаг 30 минут

Ih master bolj Mongol ulsiinhaa neriig undurt urguurei. 2 Jaahan duudee sain saihniig husen eruue.

66.181.179.13Зочин   • 8 сарын 28. 0 цаг 30 минут

Ихрүүддээ амжилт хүсьe. Ёстой мундаг юмаа

Шинэ мэдээ

Ховд аймгийн өрхийн эмнэлэгийн салбар зөвлөлийн мэндчилгээ4 цаг 2 минутын өмнөӨнөөдөр автомашингүй ӨДӨР4 цаг 14 минутын өмнөНомын баяр өнөөдөр үргэлжилж байна4 цаг 29 минутын өмнөӨнөөдрийн зурхай4 цаг 44 минутын өмнөЦаг агаарын мэдээ4 цаг 59 минутын өмнө“Ослын үеийн удирдлагын систем” сургалт боллоо5 цаг 24 минутын өмнөЦагаанхаданд галын улмаас хоёр машин, гурван айл шатжээ9 сар 14. 20:01Сүхбаатарын талбайд "Үндэсний номын баяр" болж байна9 сар 14. 15:30Засгийн газрын нээлттэй өдөрлөг даваа гаригаас эхэлнэ9 сар 14. 15:11Нефтийн олборлолтыг үргэлжлүүлэн бууруулна9 сар 14. 15:00КПОП: Хамгийн өндөр болон хамгийн намхан эрэгтэй уран бүтээлчид9 сар 14. 14:55Нэр хүндтэй их сургуульд хүүхдээ оруулахын тулд авлига өгсөн Холливүүдийн жүжигчин 14 хоног хоригдох ял сонслоо9 сар 14. 14:50Австралид гарын эрхий хурууных нь оронд хөлийн эрхий хуруу залгаж эмчилжээ9 сар 14. 14:45Ulaanbaatar MMC Energy шилдэг 8-д үлдлээ9 сар 14. 14:40БНХАУ-ын бараанд ногдуулсан татварыг нэмэх хугацааг хойшлуулжээ9 сар 14. 14:35Төрсөн өдрөөрөө дахин төрсөн минь9 сар 14. 14:30Адель салах өргөдлөө өгчээ9 сар 14. 14:25Шилдэг сургуулиудын жагсаалтыг Оксфордын их сургууль тэргүүлжээ9 сар 14. 14:20“Пивоны гүзээ” багасахгүй байх 10 шалтгаан9 сар 14. 14:15Уэйн Рүүни мөрөөдлөө ярив9 сар 14. 14:10Куба улсын эсрэг авсан хоригийг нэг жилээр сунгажээ9 сар 14. 14:05Өөскө жүжигчний мэргэжлээ тамирчнаар сольж, Азийн медальтан боллоо9 сар 14. 14:00Ерөнхийлөгч Трамп БНАСАУ-ын удирдагчтай шинэ хэлэлцээ хийхэд бэлэн байгаагаа илэрхийллээ9 сар 14. 13:55“Toyota Motors” компани “Pruis”-ийн шинэ загварыг туршлаа9 сар 14. 13:50Өнөөдөр бүх нийтийн цэвэрлэгээтэй9 сар 14. 13:47"Алмастай" цагдаа Эр Шене тааралджээ9 сар 14. 13:45Орон сууцны нэг давхарт зөвшөөрөлгүй хүнсний бүтээгдэхүүн худалдаж байжээ9 сар 14. 13:44Бүсгүйчүүдийн гоо сайхан ба тэдний темпрамент9 сар 14. 13:40Замын цагдаагийн гүүрэн гарцын үндсэн хөдөлгөөнийг даваа гаригт нээнэ9 сар 14. 13:35Дэлхийн хамгийн агуу хөшөө9 сар 14. 13:35
© 2008 - 2019 он. Зохиогчийн эрх хуулиар хамгаалагдсан.