2019 оны 8-р сарын 20
12 цаг 00 минут

Д.Одсүрэн: Германы театрт гоцлол бүжигчин хийнэ гэдэг том боломж

Өдгөөгөөс 12 жилийн өмнө авьяас чадвараараа шалгарч, Германы бүжигчдийн нүдэнд өртөж эх орноосоо мордсон хүү одоо Германы театр гоцлол бүжигчнээр ажиллаж байна. Түүнийг эх орондоо ирээд байхад нь цөөн хором ярилцлаа.

-Бүжигчний мэргэжил яагаад сонгох болов. Хэзээ бүжиглэж эхэлсэн бэ?

-Намайг Дагвын Одсүрэн гэдэг. Би Баянхонгор аймагт төрсөн. Баянхонгор аймгийн “Тэмүүжин” театрт хүүхэд байхаасаа бүжиглэж байгаад Хөгжим бүжгийн коллежид сонгодог бүжгийн ангид элсэж ороод 2003 онд төгссөн. Тэрнээс хойш Монголын дуурийн театрт бүжиглэж байсан. Тэр хугацаандаа маш олон балетын тэмцээнүүдэд явж тодорхой хэмжээний амжилтууд үзүүлсэн. Нуриев гэж хүний нэрэмжит тэмцээнд “Өсөх ирээдүйтэй бүжигчин” гэдэг шагнал аваад Герман компанитай гэрээгээр ажиллах эрх авсан. Тэр цагаас хойш өдийг хүртэл 12 жил Германд гурван театрт бүжиглэчихээд байж байна. Германы театруудад бүжиглэж байхдаа үнэхээр авьяаслаг, урлагийн төлөө явсан гайхалтай урлаг судлаачид болон уран бүтээлчидтэй ажилласан учраас маш их юм сурсан. Монголынхоо нэрийг Европын тайзнаа гаргаж яваадаа баярладаг.

-Германы театрт гоцлол бүжигчин хийдэг гэхээр үнэхээр үнэлэгдэж чаджээ?

-Ямар ч газар гоцлол бүжигчин хийнэ гэдэг сайхан боломж. Тэр компанийн бүхий л бүжигчдээс илүү байж байж гоцлол бүжигчин хийнэ.

-Тэнд бүжиглэнгээ янз бүрийн олон улсын тэмцээн уралдаануудад оролцдог уу?

-2007 оноос эхэлээд би тэмцээн уралдаанд оролцох мөрөөдөлгүй болчихсон. Яагаад гэхээр тэмцээнд ороод юм сураагүй. Тэнд жинхэнэ тогоонд нь чанагдаад, нэмж шинэ зүйл сурах нөхцөл ховорхон гардаг.

-Чамаас өөр дэлхийн тайзанд бүжиглэж байгаа монгол бүжигчин байна уу?

-МУГЖ Д.Алтанхуяг ах байгаа. Одоо АНУ-д ажиллаж байгаа байх. Германд бүжигчнээр сургууль төгссөн хоёр гурван хүүхэдтэй таарсан.

-Германы компанитай гэрээ байгуулж ажилладаг юм байна. Тодорхой шаардлага шалгуур тавьдаг байх тийм үү?

-Тэгэлгүй яахав. Тэр компаниуд тодорхой хэмжээний стандарттай. Иймэрхүү чадвартай бүжигчин авна гэсэн дүрэмтэй. Миний хамгийн сүүлд таван жилийн гэрээтэй ажилласан “Ballet am Rhein”  гээд Дюсельдорф, Дюсельбург гээд хоёр хотод тоглолт хийдэг. 50 гаран бүжигчинтэй. Тэнд хүүхдүүдийг сонгож авахдаа цаанаасаа төрмөл авьяастай хүүхдүүдийг авдаг. Тэдний нэг болж сонгогдсондоо би азтай хүн.

-Монголдоо ямар ажлаар ирсэн бэ?

-Би Монголын Дуурийн театрт Португалийн бүжиг дэглээчийг авчираад бүхэл бүтэн сарын сургалттай, тавилттай бүжгэн жүжгийн сургалт хийлгэсэн. Европын бүжгийн хөгжлөөс бага ч гэсэн нэвтрүүлсэн гэж бодож байна. Би монгол хүн хэвээрээ. Бүжигчин болж урлагийн мэргэжил эзэмшсэн болохоороо Европт очиж ажиллаж амьдарч байгаа. Цаашдаа сурч мэдсэн зүйлээ Монголдоо аль болох авчирч, залуу бүжигчдэд зааж  сургах юмсан гэж боддог. Монголдоо суурин амьдрана гэж бодохгүй байна. Эндээ ч бүжиглэнэ. Европдоо ч бүжиглэнэ. Цаашшлаад Тайландад бүжиглэх санаатай байна. Дэлхийн хаана бүжиглэхийг хүсч байна тэр бүгдэд бүжиглэнэ. Сурах зүйл маш их байна.

-Хамгийн том зорилго чинь юу вэ?

-Хамгийн том зорилго маань мундаг бүжиг дэглээч болох. Дэлхийн ямар ч том бүжгийн компани бүжгэн жүжгийг тэдэн удаа  тоглоно гэсэн хуваарьтай байдаг. Манай компани жилд 100 тоглолт хийнэ гэхэд 4 юм уу 5 том балетын нээлт болдог. Тэр балетуудыг маш олон алдартай бүжиг дэглээчдийг авчираад тавиулдаг. Бүжиг дэглээчдийг яаж ажиллаж байгааг харахад үнэхээр гайхалтай. Тиймээс бүжиг дэглээчийн ангид ажлынхаа хажуугаар суралцаж байгаа. Бүжигчин хүн сэтгэлзүйн хувьд маш хатуу чанга байж юу ч гэж хэлж байсан хүлээж аваад явах ёстой.

-“Театр оскар гэж шагнал хүртэж байсан талаараа ярихгүй юу?

-“Театр оскар” гээд Зүүн Европын орнуудад ихэвчлэн болдог. 2012 онд тэр шагнал гардуулах ёслолд би гоцлол бүжигчний номинацид нэр дэвшээд энэ төрлөөр театр оскарын шагнал авсан. Уран бүтээлчдийг бүтэн жилийн хөдөлмөрөөр нь үнэлж, бусад өөр компаниудын гоцлол бүжигчидтэй харьцуулж байж тэр шагналыг өгдөг. Энэ шагналыг авсандаа их баярладаг.

-Монголдоо олон жилийн дараа ирэхэд ямар санагдав. Өөрчлөгдөж үү?

-Би гурван жилийн өмнө ирсэн. Гурван жилийн хугацаанд үнэхээр өөрчлөгдсөн байна. Гайхалтай барилгууд баригдсан байна. Гудамжинд явж байхад хаана яваагаа ч мэдэхгүй байх жишээтэй. Танигдахын аргагүй гайхалтай өөрчлөгджээ. Монголчууд тэгэхээр хөгжиж байна. Хүмүүс нь соёлтой болчихож. Гэрлэн дохиогоороо гарч байна. Би гэрлэн дохиогүй газраар гарах гээд зогсож байтал тэнд хүмүүс гэрлэн дохио хүлээгээд зогсож байсан. Түүнийг хараад маш их баярласан. Миний эх орон, гадны орнуудаас дутахгүй хөгжиж байна.

Б.БУРМАА

3
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

3 сэтгэгдэлСэтгэгдэл бичих

202.179.25.158zochin   • 9 сарын 8. 11 цаг 55 минут

amjilt chuseei

103.9.90.98munhk   • 8 сарын 21. 8 цаг 07 минут

мундаг байна амжилт дахин дахин амжилт хүсье

66.181.161.91Зочин   • 8 сарын 20. 12 цаг 53 минут

Гайхалтай

Шинэ мэдээ

ДАШТ: ОУХМ Г.Баярхүү эхний ялалтаа байгууллаа46 минут 32 секундын өмнөХалдлагын улмаас газрын тосны борлуулалт тавин хувиар буурчээ4 цаг 19 минутын өмнө121 см хумстай эрэгтэй дэлхийн дээд амжилтыг тогтоов4 цаг 24 минутын өмнөДэлхийн хамгийн сайхан үндэстэн шалгаруулахад манай улс дөрөвдүгээрт оржээ4 цаг 29 минутын өмнөАнгараг гарагийн тухай сонирхолтой баримт4 цаг 34 минутын өмнөЭдвард Сноуден: Би Кремлийн өмнө сэлфи хийдэггүй4 цаг 39 минутын өмнөШар айрагны гаж нөлөө4 цаг 44 минутын өмнөОХУ: Ажлын дөрвөн өдрийг турших асуудлыг хэлэлцэнэ4 цаг 49 минутын өмнөКрасноярск хот 25 жилийн дараа ДАШТ-ийг хүлээн авна4 цаг 54 минутын өмнөБүсгүйчүүдийн гоо сайхан ба тэдний темпрамент4 цаг 59 минутын өмнөАвстралийн дугуйчин шаазгайн дайралтад өртөж нас баржээ5 цаг 4 минутын өмнөБеларусь Венесуэл рүү эм тариа илгээнэ5 цаг 9 минутын өмнөТурк “С-400” системийн хоёр дахь хэсгийг хүлээн авжээ5 цаг 14 минутын өмнөBox office: "IT: Chapter two" тэргүүлж байна5 цаг 19 минутын өмнөАНУ-ын стратегийн нөөцөөс газрын тос ашиглахыг зөвшөөрчээ5 цаг 24 минутын өмнөРегбигийн домогт тамирчин Гарет Томас ХДХВ/ДОХ туссан гэдгээ зарлалаа5 цаг 29 минутын өмнөӨлгий хотын халаалтыг ирэх сарын 1-нээс өгнө5 цаг 34 минутын өмнөЖенерал Моторсын 50,000 орчим ажилтан ажил хаяна5 цаг 39 минутын өмнөУулын эрчимт алхалтын УАШТ энэ бямба гарагт болно5 цаг 44 минутын өмнөЭрүүл байхын тулд их зажилж идээрэй5 цаг 49 минутын өмнөВидео: "Чарлигийн сахиусан тэнгэрүүд" киноны дуу бэлэн болжээ5 цаг 54 минутын өмнөЛи Көцян ОХУ-д айлчилж байна5 цаг 59 минутын өмнөБ.Эрдэнэбатыг яллагдагчаар татжээ6 цаг 1 минутын өмнөМалчид, иргэд, тариаланчид, хадланчидад зориулсан мэдээ6 цаг 4 минутын өмнө“Ниссан мотор”-ын захирал огцорчээ6 цаг 9 минутын өмнөДуут хавдар илэрчээ6 цаг 14 минутын өмнөХүүхэд хамгааллын явуулын үйлчилгээ өнөөдөр нээлтээ хийлээ6 цаг 16 минутын өмнөСонгомол бөхийн ДАШТ-д Оросын баг тамирчид хоёр медаль хүртжээ6 цаг 19 минутын өмнөНайз бүсгүйнхээ үнэнчийг шалгах гээд цагдаад баригджээ6 цаг 24 минутын өмнөДэлхийн озоны давхаргыг хамгаалах өдөр тохиож байна6 цаг 25 минутын өмнө
© 2008 - 2019 он. Зохиогчийн эрх хуулиар хамгаалагдсан.