2019 оны 9-р сарын 4
12 цаг 35 минут

Д.Асардарь: Гоё зохиолтой мюзиклын дүр дээр ажиллахыг хүсдэг

Үзэгчдийн дунд хүлээлт үүсгээд байгаа "Надтай үлдээч" уянгын драмын жүжгийн гол дүрийг амилуулж буй Улсын драмын эрдмийн театрын залуу жүжигчин Д. Асардарьтай ярилцлаа.

-Анхны гол дүрээ амилуулах гэж байгаад тань баяр хүргэе. Театрын урлагт тэр тусмаа залуу хүний хувьд тайзны гол дүр гэдэг их чухал байх?

-Баярлалаа. УДЭТ гэдэг том айлын албан ёсны гишүүн болоод нэг жил болж байна. Анхны гол дүр маань театрын үндсэн ажилтан болсны нэг жилийн ой дээр тохиож байгаа учир миний хувьд маш их баяртай байгаа. Мөн надад маш их үүрэг хариуцлага ногдож байна.

-Яагаад жүжигчин мэргэжлийг сонгох болсон юм бэ?

-Арван жилийн сурагч байхдаа МҮОНТ-ийн “Хэцүү анги” киноны олны хэсэгт тоглож байсан. Тэр мөчөөс л камерын өмнө байгаа мэдрэмж их гоё санагдаж жүжигчин болъё гэж шийдээд, СУИС-д шалгалт өгч тэнцсэн. Ингэж л жүжигчин гэх эрхэм хүндтэй алдрын эзэн болсон доо.

-“Надтай үлдээч” уянгын драмын жүжгийн онцлог юу вэ?

-Энэ бүтээлийн онцлог нь одоогийн нийгмийн өнгө төрхийг залуусын хайр сэтгэлээр илэрхийлсэн. Мөн бидний гэр бүл, найз нөхдийн хооронд амьд харилцаа үгүй болж тэр тусмаа залуус бараг л фэйсбүүкээр хосоо харж сонгодог болчихсон байна. Дан ганц залуус ч гэлтгүй эцэг эхчүүд хүүхдийнхээ юу бодож, юу хүсэж, ямар үзэл бодолтой байгааг мэдэхгүй өөрсдийн хүслээр байлгахыг хүсэж байгаа гэх мэтчилэн асуудлуудыг хөндөж гаргаж байгаа.   

-Жүжигчин болгонд өөрийн бүтээж байсан хамгийн хайртай, сэтгэлд үлдсэн дүр байдаг байх.  Харин таны хувьд?

-Дүр бүтээнэ гэдэг бол маш том зүйл. Би бол театрын урлагт суралцсаар яваа үнэхээр балчир жүжигчин. Би өөрийгөө дүр бүтээсэн гэж үнэхээр хэлж чадахгүй нь. Харин дүр дээр ажиллах гэдэг үгэн дээр яривал, тэр дүрийг Д.Асардарь гэдэг хүн өөрөөсөө өөр хүнийг  бие сэтгэлээрээ мэдрээд,  илэрхийлж гаргана гэдэг их чухал учраас ажиллаж байсан дүр болгон маань сэтгэлд хоногшиж үлдсэн.  

-Өөрт оногдсон дүр дээр ажиллахдаа юуг чухалчилдаг вэ?

-Эхлээд зохиолоо маш сайн уншиж судлаад надтай харьцаж байгаа дүрүүдийн текстүүдийг уншина. Ерөнхийдөө миний талаар бусад дүрүүд юу ярьж байна гэдэг нь миний хувьд их чухал. Түүнээс үндэслээд дүр дээр ажиллахад илүү дөхөм болдог. Мөн амьдрал дээр энэ хүний дүртэй адилхан тийм хүнийг бодож дүрийн судалгаагаа маш сайн хийнэ. Ийм маягаар дүр дээрээ ажилладаг.  

-Мэдээж хүн болгонд нэгээс илүү сонирхол байдаг. Таны хувьд жүжигчин гэдгээс илүү эсвэл дараагаар нь орох сонирхол бий юу?

-Би анх СУИС-д жүжигчний шалгалт өгөхдөө давхар эстрад дуулаачийн ангид шалгалт өгөөд  тэнцэж байсан. Гэсэн ч яагаад ч юм жүжигчний мэргэжлээ сонгочихсон. Ер нь дуулах. бүжиглэх дуртай. 

-Театрын урлагаас гадна дэлгэцийн урлагт хэр ойр хүн бэ. Кино урлагт хичнээн дүр дээр ажиллаж байв?

-Жүжигчин хүний хувьд мэдээж ойр байхыг хичээдэг киноны саналууд ч ирдэг. Хамгийн анх гэвэл МҮОНТ-ийн “Хавар” гэдэг олон ангит кинонд тоглож байсан. Түүний дараагаар найруулагч Сэнгэдоржийн “Би Нар” хүүхдийн киноны гуравдугаар улирлын ангид, мөн найруулагч Б.Чингүүний “Love and Sex” кинонд тоглосон.

-Жүжигчин хүний хувьд бүтээхийг хүсдэг дүр байдаг байх?

-Мэдээж байлгүй яахав. Ер нь гоё зохиолтой мюзиклын дүр дээр ажиллахыг хүсдэг. Бас “Кармен” дуурийн Кармены дүр дээр ажиллаж өөрийгөө сорих юмсан гэж бодож явдаг.

-Ярилцсанд баярлалаа.

-Баярлалаа.

И.ШИНЭБАТ

 

 

 

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

ЧУУЛГАН: Төсвийн хүрээний мэдэгдлийн эцсийн хэлэлцүүлгийг хийж байна19 минут 20 секундын өмнөН’Голо канте: Би Челсидээ үлдэнэ20 минут 59 секундын өмнөД.Лүндээжанцан: Ерөнхийлөгчийг ард түмнээс сонгох сонголтыг хэвээр үлдээх нь зүйтэй23 минут 10 секундын өмнөАНУ-д их эвдрэл сүйтгэл учруулна хэмээн үзэж байна25 минут 59 секундын өмнөЭрчүүдийн 2020 оны загвар эмэгтэйлэг шинжийг агуулна30 минут 59 секундын өмнө“Google”-ийн эрүүл мэндийн төслийг шалгаж эхэлжээ ДЭЛХИЙД | ШИНЖЛЭХ УХААН35 минут 59 секундын өмнөИх Британид одоог хүртэл 6.000 айл хар, цагаан дүрст ТВ үздэг40 минут 59 секундын өмнөРэп дуучин Bad Azz шоронд амьсгал хураалаа45 минут 59 секундын өмнөЛос Анжелес Лейкэрс баг Финикс Сансыг талбайд нь буулгаж авлаа50 минут 59 секундын өмнөНэг кг хонины мах 5000-5500 төгрөгийн үнэтэй55 минут 59 секундын өмнөӨДРИЙН ТОЙМ: Д.Одбаярын хөл хорио цуцлагдаж, Ерөнхий сайд танхимаа бүрдүүлэх, сонгуулийг холимог тогтолцоо дэмжигдэв57 минут 36 секундын өмнөХөлбөмбөгийн одод ямар дуу сонсдог бол...1 цаг 1 минутын өмнөМАХН-аас Ерөнхийлөгч Х.Баттулга болон Ерөнхий сайд У.Хүрэлсүх нарт санал тавив1 цаг 2 минутын өмнөКанад: Хүүхдийн тэргэн дээр агааржуулагч унаж хоёр настай охин амьсгал хураажээ1 цаг 6 минутын өмнөТомуу, томуу төст өвчний тохиолдол 4.2 хувийг эзэлж байна1 цаг 9 минутын өмнөУлсын хэмжээнд гэмт хэрэг 9.3 хувиар буурсан байна1 цаг 10 минутын өмнөЭЗБХ: Олон талт конвенцид нэгдэн орох асуудлыг зөвшилцөв1 цаг 10 минутын өмнөЮвентусын хөлбөмбөгчид Роналдуг уучлал гуйхыг хүлээж байна1 цаг 11 минутын өмнөСтивен Хокинг: Хүн төрөлхтөнд мөхөж буй гаригаа орхиход 100 жил л үлдсэн1 цаг 16 минутын өмнөД.Одбаярыг долоон сая воноор торгож, хилийн хоригийг нь цуцлахаар болжээ1 цаг 21 минутын өмнөЦасны тухай содон бөгөөд сонирхолтой баримтууд1 цаг 26 минутын өмнөДональд Трамп Туркийн Ерөнхийлөгчид 100 тэрбум ам.долларын гэрээ санал болгожээ1 цаг 31 минутын өмнөБразилд нярай хүүхэд ээж аавтайгаа инээмсэглэн сэлфи татуулжээ1 цаг 36 минутын өмнөСтерлинг шигшээ багаас хасагдлаа1 цаг 41 минутын өмнөНийгмийн давхаргын ялгааг арилгахаар "элит" сургуулиудыг хаана1 цаг 46 минутын өмнөХүүхдэд зан үйлийн хохирол учруулсан багшийг 100 мянган төгрөгөөр торгох хуулийн заалттай1 цаг 51 минутын өмнөДэлхийн нефтийн эрэлт нэмэгдэнэ1 цаг 56 минутын өмнөЗургаан суманд ойгоос мод бэлтгэхийг хоригложээ2 цаг 1 минутын өмнө#TimberlandMongolia 7th Anniversary #Nature Needs eroes2 цаг 6 минутын өмнөД.Трампыг автомашинуудын татварыг дахин хойшлуулна хэмээн найдаж байна2 цаг 11 минутын өмнө
© 2008 - 2019 он. Зохиогчийн эрх хуулиар хамгаалагдсан.