2019 оны 9-р сарын 16
13 цаг 15 минут

Виктор Тадаши Итакүсү: Монголчууд яагаад хүчтэй байдгийг мэдэхийг хүсч байна

Японы домогт тамирчин самбо, жүдогийн спортын мастер  Виктор Тадаши Итакүсү Монголд анх удаа ирж буй. Тэрбээр амралтын хоёр өдөр Өвөрхангайд болсон жүдо бөхийн улсын аварга шалгаруулах тэмцээнд тамирчидтайгаа хамт оролцоод өнөөдөр нутаг буцаж байна. Түүнийг Улаанбаатарт хэдхэн цаг саатах үед нь уулзаж ярилцлаа.

-Монголд ирэх урилгыг анх хэрхэн хүлээж авав. Мэдээж олон ажил амжуулахаар төлөвлөсөн байх?

-Гавьяат дасгалжуулагч Г.Энхбаярын урилгаар жүдогийн тэмцээнд хүүхдүүдээ дасгалжуулахаар ирсэн. 11 тамирчин, асран хамгаалагчид гээд 20-уулаа ирсэн. Мэдээж тэмцээндээ амжилттай оролцож ялахыг хүсч байна. Мөн Монголд ирсэн хамгийн том зорилго бол Монгол, Японы найрамдалт харилцааг улам сайжруулж, бэхжүүлэхийг хүсч байна.

-Манай хоёр улсын спортын хамтын ажиллагаа хэр өргөжиж байна вэ?

-Миний хувьд Монгол, Япон улс маш дотно найрамдалт харилцаатай  гэж боддог. Миний Монголд ирсэн бас нэг том зорилго бол монголчууд яагаад ийм хүчтэй байдгийг судалмаар байна. Японы сумод Монголчууд түрүүлэхийг хараад яагаад ийм хүч чадалтайг нь өөрийн биеэр харж мэдрэхээр ирсэн. Миний бодлоор Монгол Улс зун халуун, өвөл тэсгим хүйтэн, адуу маллаж биеийн хүнд хүчир ажил хийж нүүдэлчин уламжлалтай учраас монгол хүн хүчтэй байдаг байх.

-Монгол тамирчдын барилдааны онцлогийг хэрхэн хардаг вэ. Магадгүй монгол тамирчдыг дасгалжуулахыг хүсдэг байх?

-Япон хүмүүс барилдааны талбар дээр техникийн талдаа маш сайн байдаг. Харин Монгол хүн биеийн чадал, барилдааны ур чадвараараа илүү. Монголд жүдо, самбогоор тамирчдыг дасгалжуулах боломж олдвол заавал ирэх болно. Монгол тамирчид техникийн чадварыг ур чадвар, бяр тэнхээтэй төгс хослуулж чадвал ирээдүйд Монгол орон спортын хаан улс болох байх.

-Та дунд сургуульд багшилдаг юм билээ. Шавь нараа хэрхэн бэлтгэдэг вэ?

-Би Күмамото мужийн төв ахлах сургуульд багшилдаг. Дунд, ахлах, их сургуульд багшилж самбогийн суурийг нь заадаг. Би жүдо, самбод үнэхээр дуртай. Миний бодлоор биеийн чадал, оюун ухаан сэтгэл санаагаа нэгтгэж байж хүчтэй болдог. Сэтгэл, бие, техник гурвыг хослуулж чадвал амжилт гаргана гэсэн үг байдаг. Тиймээс би шилдэг тамирчин олохын тулд Японыг бүхэлд нь тойрсон.

Миний самбогоор барилдахдаа хийдэг хамгийн гол мэх бол өчих. Хүмүүс цэвэр ялахыг хүсдэг бол өчих мэх хийж байгаа тохиолдолд өрсөлдөгч маань “Бууж өглөө” гэж биед гурван удаа хүрэх мөчид жинхэнэ ялалтын амтыг мэдэрдэг. Миний шавь нар дандаа мундаг тамирчид, аваргууд байдагт би хамгийн их бахархдаг. Тэрдундаа миний заасан өчих мэхээр амжилт гаргадаг болохоор бахархалтай сайхан санагддаг.

Японы Самбогийн холбоо тийм ч идэвхтэй ажилладаггүй. Тиймээс би сайн дураараа  Японыг тойрч хүүхдүүдэд самбо, жүдо заадаг. Энэ бүх зардлаа хувиасаа гаргаад явахаар эргэн тойрны зарим хүн гайхдаг ч миний чин хүсэл бол самбогийн спортыг хөгжүүлэхийн төлөө чадах бүхнээ хийх болно.

-Олимпод оролцож байсан уу. Токио 2020-д тамирчдаа дасгалжуулж байгаа юу?

-Олимпод нөөц тамирчнаар оролцож байсан. Олимпийн өмнөх бүх тэмцээнд түрүүлдэг ч олимпийн сорилго тэмцээнд оролцохдоо ялагдчихдаг. Яагаад тэгдэгийг нь ойлгодоггүй. Магадгүй аз дутдаг байх. \инээв\

Одоохондоо олимпод тамирчдаа дасгалжуулж амжаагүй байна. Миний спортоор хичээллэсний хамгийн том зорилго бол спортоор дамжуулж эх дэлхийд энх тайван тогтоохыг хүсдэг. Ямар нэг дүрэмгүйгээс эх дэлхийд дайн, үймээн самуун, муу зүйл болж байна. Харин спортоор олон хүнийг төлөвшүүлж амар тайван, сайн сайхныг тогтоохыг хүсдэг.

-Таны овог их содон. Орос овогтой япон самбо мастер болсон түүхээсээ товчхон ярихгүй юу?

-Миний самбогийн багш Виктор Кога гээд орос хүн байсан. Багш маань ЗХУ-ын спортын мастер цолтой. Жүдогоор барилдаж байхдаа олимпод оролцох зорилго тавьсан юм. Тэгээд барилдааны техникийг нь сонирхож байгаад олимпод оролцохын тулд самбогоор барилдахаар шийдэж 18 насандаа Виктор багшийн шавь болсон. Самбогоор хичээллээд хүүхдүүдэд заахад багш маань “Чи миний Виктор гэдэг нэрийг ав” гэж хэлсэн. Самбогоор багшлахдаа Виктор, жүдогоор хичээллэхдээ Тадаши нэрээ ашигладаг.

Намайг Виктороор овоглоход аав, ээж, ойр дотныхон, олон нийт маш сайхан хүлээж авсан. Аав, ээж маань алдартай тамирчныг мэддэг байсан учраас дэмжсэн. Тамирчидтайгаа тэмцээнд оролцоход дэвжээн дээр Виктор гэж дууддаг. Би ч гэсэн энэ нэрэндээ дуртай. Бахархдаг.

-Тив, дэлхийн олон тэмцээн уралдаанд амжилт гаргаж байв уу?

-Токиогийн жүдогийн аварга шалгаруулах “Их дуулга” тэмцээнд хоёр удаа түрүүлсэн. 1990 онд олон улсын тэмцээнд монгол тамирчныг ялж түрүүлж байсан. Жүдогийн дэлхийн хамгийн том тэмцээнд 60 кг-ийн жинд Д.Баттулга гэдэг тамирчинтай барилдаад ялсан.

-Монгол тамирчинтай барилдахад ямар санагдсан бэ?

-Тэр үед Д.Баттулга маш алдартай тамирчин байсан. Миний хувьд 18 настай залуухан тамирчин байлаа. Эргэн тойрны хүмүүс бүгд л энэ тэмцээнд туршлагатай бөх ялна гэж хэлж байсан ч би тэр үед хамаг хүчээ дайчлаад ялсан даа.

С.УЯНГА

Эх сурвалж:
1
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1 сэтгэгдэлСэтгэгдэл бичих

66.181.176.115Зочин   • 2019, 9 сарын 16. 21 цаг 43 минут

энэ ямар тэнэг **** бэ дураараа хуцаж бна даа.Энэ тэнэгийн хэлсэнээр зодог тайлахуу.Хүүхдийнхээ ирээдүйг боддоггүй хар толгойтой хонь шигээ эргүү ***** юмаа.

Шинэ мэдээ

Халдашгүй байдлын дэд хороо Н.Номтойбаяр гишүүний бүрэн эрхийг түдгэлзүүлэх шийдвэр гаргалаа2 цаг 42 минутын өмнөН.Номтойбаяр: Би өөрөө бүрэн эрхээсээ түдгэлзэх шийдвэр гаргана гэж хэлээгүй2 цаг 50 минутын өмнөГХЯ-ны ТНБД Д.Даваасүрэн эрэн сурвалжлагдаж байгаа хүнд дипломат паспорт олгожээ4 цаг 12 минутын өмнөТурк Истанбулын хоолой төслөөс жилд 1 тэрбум ам.долларын орлого олно4 цаг 17 минутын өмнөСансрын нисэгчид туршилтын зууханд жигнэмэг хийжээ4 цаг 22 минутын өмнөДЭМБ электрон тамхины сурталчилгааг хязгаарлахыг уриалжээ4 цаг 27 минутын өмнөХамгийн олон ихэр цуглуулж, Гиннесийн номонд оруулах ажил бүтэлгүйтжээ4 цаг 32 минутын өмнөСи Жиньпин дөрөвдүгээр сарын эхээр Японд айлчилж магадгүй4 цаг 37 минутын өмнөЕгипетийн 3,000 жилийн настай муммигийн дуу хоолойг сэргээжээ4 цаг 42 минутын өмнөЯпончууд олимпийн наадмын ёслолын хувцсаа танилцууллаа4 цаг 47 минутын өмнөУлсын онцгой комиссоос сургууль, цэцэрлэгийг ирэх гуравдугаар сарын 2 хүртэл амраах шийдвэр гаргалаа4 цаг 48 минутын өмнөСтрессээ тайлж сурцгаая4 цаг 52 минутын өмнөАНУ-ын эрх баригчид Ираны эсрэг авсан хоригоо өргөтгөжээ4 цаг 57 минутын өмнө“Футзалын дээд лиг”-ийн тэмцээн 25-нд эхэлнэ5 цаг 2 минутын өмнөТаны биеийн тухай гайхалтай баримтууд5 цаг 7 минутын өмнөМакгрегор: Би ялахын тулд өлсгөлөн бар шиг дүүлнэ5 цаг 12 минутын өмнөТокиогийн Олимпын наадам эхлэхэд 6 сар үлдлээ5 цаг 17 минутын өмнөШакил О'нилын хүү коллежийн сагсан бөмбөгөө орхилоо5 цаг 22 минутын өмнөЗасгийн газрын цахим хуудсанд кибер халдлага үйлджээ5 цаг 27 минутын өмнөВезувий галт уулын хохирогчийн тархи шил болсон байжээ5 цаг 32 минутын өмнөМонгол бүжигчид дэд байрт шалгарчээ5 цаг 37 минутын өмнөКалифорнийн сургуулиуд нарны эрчим хүч ашиглаж байна5 цаг 42 минутын өмнөЯннис Адетокумбо хөлбөмбөгт нугасгүй5 цаг 47 минутын өмнөС.Гомбобаатар: Шонхорын бизнес улс төрөөс шууд хамаарч байна5 цаг 52 минутын өмнөАюултай үед цагдаад мэдэгдэх боломжийг “Tinder” олгоно5 цаг 57 минутын өмнөАвстралийн уран бүтээлч элсэн дээр аварга том коала зуржээ6 цаг 2 минутын өмнөМал бүлэглэн хулгайлсан хэргийг шалгаж байна6 цаг 7 минутын өмнөШүдэнд ээлтэй хоолны жор6 цаг 12 минутын өмнөМэргэн Соломон хаан6 цаг 17 минутын өмнөНаро Банчэн гэгээн: Эцэг эх үр хүүхдээ тоолшгүй олон аюул ослоос хамгаалж байдаг6 цаг 22 минутын өмнө
© 2008 - 2020 он. Зохиогчийн эрх хуулиар хамгаалагдсан.