2019 оны 9-р сарын 23
10 цаг 00 минут

Баянхошуу, Сэлбэ дэд төвийн бүтээн байгуулалт 70 гаруй хувьтай хэрэгжиж байна

Улаанбаатар хотын Ерөнхий төлөвлөгөөнд хотын хөгжлийг тэнцвэртэй болгох хүрээнд 6 дэд төвтэй байхаар тусгасан. “Гэр хорооллыг хөгжүүлэх хөрөнгө оруулалтыг дэмжих хөтөлбөр” төсөл нь уг дэд төвүүдийг бий болгох суурь “Дэд бүтэц”-ийн ажлуудыг хийж байна. Төсөл 3 үе шаттайгаар нийт 9 жилийн хугацаанд 6 дэд төвийн нийгмийн болон инженерийн дэд бүтцийн ажлыг хийж гүйцэтгэнэ. Одоогоор төслийн 1-р үе шат Баянхошуу, Сэлбэ дэд төвүүдэд 70 гаруй хувьтай хэрэгжиж байна. Цаашид төслийн II үе шатанд Дамбадаржаа болон Дэнжийн мянга III үе шатанд Шархад болон Толгойт дэд төвүүдэд бүтээн байгуулалтын ажлууд хийхээр төлөвлөн ажиллаж байгаа юм. Нийслэлийн Засаг дарга бөгөөд Улаанбаатар хотын Захирагч С.Амарсайхан өнөөдөр уг төслийн хэрэгжилтийн явцыг газар дээр нь очиж шалган, үүрэг чиглэл өгч ажиллалаа.

Сэлбэ дэд төв ашиглалтад орсноор 100 гаруй ААН, 3000 гаруй өрх дулаанд холбогдох боломжтой

““Гэр хорооллыг хөгжүүлэх хөрөнгө оруулалтыг дэмжих хөтөлбөр” төслийн I үе шатны хүрээнд Сэлбэ дэд төв Сүхбаатар дүүргийн 14-р хороонд барьж буй 28Мвт хүчин чадалтай гурван зуух бүхий дулааны станцын барилга угсралтын ажил 50 гаруй хувьтай хэрэгжиж байна. Сэлбэ дэд төвд уг дулааны станцыг барьж ашиглалтад оруулснаар 50 айлын орон сууц, 51-р цэцэрлэг, 35-р сургууль гэх мэт төрийн болон хувийн 100 гаруй аж ахуй нэгж, 3000 гаруй өрх дулаанд холбогдох бүрэн боломжтой болно. Жилдээ 40 мянган тонн нүүрс зарцуулдаг байх тооцоо гарсан байгаа. Барилга угсралтын ажлыг 2020 оны тавдугаар сарын 31-нд дуусгах төлөвлөгөөтэй ажиллаж байна” хэмээн “Гэр хорооллыг хөгжүүлэх хөтөлбөр төсөл”-ийн дулааны инженер Х.Цолмонбаяр танилцууллаа.

Сэлбэ дэд төвийн хүрээнд өнөөдрийн байдлаар 4.1 км дулааны шугам барихаас 2.8 км, 3.9 км цэвэр усны шугам барихаас 2.6 км, 5.5 км бохир усны шугам барихаас 3.8 км, 3.7 км авто зам барихаас далангийн ажлыг хийж, хучилт хийхэд бэлэн болсон байгаа аж. Мөн ус дамжуулах найман ЦТП барихаас бүгдийнх нь барилгын ажлыг эхлүүлээд дотор заслын ажлууддаа орсон байна.

Нийслэлийн Засаг дарга бөгөөд Улаанбаатар хотын захирагч С.Амарсайхан “Бид хариуцсан ажлаа чанартай гүйцэтгэж байгаа ААН-үүдээ дэмжээд, чадахгүй байгааг нь жагсаалтаас гаргахаар ажиллаж байна. Санхүүжилт дутаж байгаа зүйлгүй, хотоос шалтгаалах асуудал байхгүй тохиолдолд зохион байгуулалтаа сайжруулж ажиллах хэрэгтэй. Гадны нэг компанитай хамтраад тендер авчихдаг. Эргээд хөрөнгө мөнгө, хүн хүчнээсээ болоод маргалддаг байдлаас болоод хотын ажил удааширдаг, ухардаг асуудал байж болохгүй. Цаг хугацаагаа шахаж ажилла. Сарын дараа ахин ирж шалгах болно” хэмээн гүйцэтгэгч компанийн удирдлагуудад үүрэг өглөө.

Үүний дараа Сэлбэ дэд төвийг түшиглэн Чингэлтэй дүүргийн 18-р хороонд баригдаж буй 240 хүүхдийн цэцэрлэг, мэргэжил сургалт үйлдвэрлэлийн төвийн барилгын ажлын явцтай танилцсан юм. “Цэцэрлэгийн барилгын ажил 70 гаруй хувьтай, МСҮТ-ийн барилга 60 орчим хувийн гүйцэтгэлтэй явж байна. Энэ ондоо багтаан барилгын ажлаа дуусгаад, ашиглалтад хүлээлгэн өгнө” хэмээн Цаст констракшн компанийн гүйцэтгэх захирал Н.Баярцэцэг ярилаа.

С.Амарсайхан: Бизнес Инкубатор сургалтын төвийн барилгыг хүлээн авах хугацааг долоо хоногоор хойшлуулна

“Гэр хорооллыг хөгжүүлэх хөрөнгө оруулалтыг дэмжих хөтөлбөр” төслийн хүрээнд одоогийн байдлаар Баянхошуу дэд төвд 240 хүүхдийн цэцэрлэг бүрэн тоноглолын хамт, бохирын 4.1 км шугамын ажлуудыг бүрэн ашиглалтад оруулан хүлээлгэн өгсөн байна. Бизнес Инкубатор сургалтын төвийн барилга бүрэн баригдаж дууссан ирэх долоо хоногт ашиглалтад хүлээлгэн өгөхөөр болсон байна. Түүнчлэн Баянхошуу дэд төвийн 227, 163, 78-р цэцэрлэгүүд, 76-р сургууль, дүүргийн Эрүүл мэндийн 3-р амбулатори гэх мэт олон барилга байгууламжуудыг төвийн дулаанд холбох нийт 30 км дулааны хос шугамын ажлууд хийж байгаагаас 15.8 км хос шугамын ажлыг хийж гүйцэтгэсэн байна. Ажлын явц 50 хувьтай хэрэгжиж байгаа аж. Мөн дэд төвийг түшиглэн газар дээрээ үлдэх сонирхолтой иргэдэд зориулан 20 айлын орон сууц барихаар төлөвлөн таван айлын газрыг бүрэн чөлөөлж дууссан байна. “Энэ хавийн гэр хорооллыг шилэн кабелд холбохоор ажил хийгдэж байгаа. Ажил 80 гаруй хувьтай явж байна. Мэдээлэл холбооны байр баригдаж байна. Энэ ажил маань хугацааны хувьд бага зэрэг хоцрогдолтой явж байгаа” хэмээн “Улаанбаатар хотын гэр хорооллыг хөгжүүлэх хөрөнгө оруулалтыг дэмжих хөтөлбөр” төслийн ерөнхий зохицуулагч Д.Авирмэд ярилаа.

Хотын захирагчийн зүгээс Бизнес Инкубатор сургалтын төвийн барилгын гүйцэтгэгчид хандан хана, хаалга, хаалганы бариулаас шалны хулдаас хүртэл  чанаргүй, стандартад нийцэхгүй материалаар хийсэн байгааг нэн даруй солих үүрэг өглөө. Түүнчлэн “Нийслэлд 1980-аад оноос хийгдээгүй томоохон дэд бүтэц, бүтээн байгуулалтын ажил. Та бүхэн нийслэлийн том бүтээн байгуулалтад гар бие оролцож байгаагийн хувьд өндөр хариуцлагатай байх хэрэгтэй. Сайн ажиллаж байгаа ААН-үүд маш олон байгаа. Үүний хажуугаар төсвийн хөрөнгийг үргүй зарцуулж, чанаргүй гүйцэтгэлтэй ажиллаж байгаа ААН-үүд ч байна. Хотын удирдлагуудын болон миний зүгээс энэ хотод хэм хэмжээ, стандартыг тогтоох үүднээс хатуу шаардлага тавьж, зорилт тавьж ажиллаж байгаа. Аж ахуйн ажлуудыг зөв бодлоготой, чанартай хийж байж бидний ажил урагшлах болно. Бизнес Инкубатор сургалтын төвийн барилгыг хүлээн авах хугацааг долоо хоногоор хойшлуулна. Ашиглалтад ороогүй байхад хаалганы бариул салаад унах гэж байна. Шалны хулдаас, шатны чулуун хавтан, ханын эмжээр модноос авахуулаад барилгын үлдэгдэл хогоор хийсэн байна. Төсвийн хөрөнгөд ийм байдлаар хандаж хэрхэвч болохгүй. Маш өндөр өртгөөр барьж байгаа. Долоо хоногийн дотор энэ бүхнээ соль. Бусад компанийн удирдлагуудад хандан хэлэхэд иймэрхүү байдал гаргавал бид нураагаад дахин хийлгэнэ. Гэрээний эрх үүргээ хэрэгжүүлж торгууль тавина. Материалын сонголт чанар стандарт дээр анхаарч ажиллах хэрэгтэй. Та бүхэн хичээж ажиллахыг хүсье” хэмээв.

Үүний дараа Хилчин хороололд ажилласан юм. Баянхошуу дэд төвийг төвийн шугамд холбох ажлын хүрээнд эхний ээлжид Хилчин хорооллыг төвийн дулаанд холбох шугамын ажлыг бүрэн дуусч шугам хоолойн ус шахалтын туршилтын ажлууд хийж дулаан өгөхөд бэлэн болсон байна. Зөвхөн Хилчин хорооллын нийт 720 айл өрхүүд төвийн дулаанд холбогдсоноор Баянхошуу дэд төвийн жилийн нүүрсний хэрэглээ 6780 тонноор буурах аж.

“Баянхошуу дэд төвийн хүрээнд нийт 3.2 км дулааны шугам татаж дуусгаад, ашиглалтад оруулж байна. Хилчин хорооллыг эхний ээлжид төвийн дулаанд холбож байгаа. Цаашлаад нам даралтын таван зуухыг буулгана. Туршилт, тохируулгын ажил хийж дуусгаад энэ сарын 25 гэхэд Хилчин хорооллын дулааныг өгөхөөр төлөвлөсөн” хэмээн төслийн ерөнхий зохицуулагч Д.Авирмэд ярилаа.

Төслийн зорилго нь цаашид тухайн дэд төвүүд барилгажих, нийгэм эдийн засгийн хувьд бие даан хөгжих, өрсөлдөх чадварыг нэмэгдүүлэн, инженерийн болон дэд бүтцийн хангамжийг цогцоор нь шийдэх аж. Энэ нь Улаанбаатар хотод анх удаа хот шинэчлэл, хот байгуулалтын хүрээнд хийж буй урт хугацааны шийдэл юм.

 
4
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

4 сэтгэгдэлСэтгэгдэл бичих

66.181.161.87Зочин   • 9 сарын 23. 11 цаг 29 минут

Bayrlalaa

202.179.24.255Зочин   • 9 сарын 23. 9 цаг 53 минут

mundag zaluu amjilt husie

59.153.85.117Зочин   • 9 сарын 23. 9 цаг 46 минут

ene ded butsiin ajil xiigeed duush bgaa kompanuudaar gazariin xorsoo daxin sergeegeed xevendn oruulj boldoggui ymu dulaanii shugam ywuulax geed gazariin orvongoor erguulchixeed erguuleed saixan yzlana gej bxgui ymaa mashin ywj boloxgui ovon dovon bolgood xaychiin xotiin dargaa davxar xeleed ywaarai

202.55.188.45Зочин   • 9 сарын 23. 11 цаг 07 минут

Gazar uhaj baigaa nohdoos ajil ehlehees omno sergeeh zardliig zaaval baritsaa avah herevtei

Шинэ мэдээ

Ж.Энхбаяр: Үндсэн хуультай зөрчилдөхгүй сонгуулийн хууль батлах ёстой10 минут 21 секундын өмнөТалийгаачийн эхнэр шүүх хуралд оролцох хүсэлт гаргасан тул Б.Махбалд холбогдох хурал хойшиллоо30 минут 16 секундын өмнөЧуулганы хуралдаан эхэллээ45 минут 37 секундын өмнөЖүдо: Эмили Андеоль “Олимпын аварга болсондоо харамсаж байна”50 минут 37 секундын өмнөТархины цэнэг төсөл: Цусны даралт ихсэх өвчнөөс сэргийлье /Фото/55 минут 37 секундын өмнөДэлхийн 2-р дайны үеийн 100 тонн алтыг Польш руу зөөвөрлөв1 цаг 1 минутын өмнөБайгалийн хийн хоолой Монголоор дамжин өнгөрөх боломжийг үнэлэхүй1 цаг 6 минутын өмнөОрос улс хуурай газар дахь цөмийн хүчнээрээ АНУ-аас илүү гарчээ1 цаг 11 минутын өмнөЗӨВЛӨМЖ: Томуу, томуу төст өвчнөөс сэргийлье!1 цаг 16 минутын өмнөМаркетингийн үнэгүй атлаа хамгийн сайн 10 програм1 цаг 21 минутын өмнөАНУ, БНХАУ-ын "хэрүүлийн алим" буюу Хонконгийн араас Шинжаан...1 цаг 26 минутын өмнөЗалуу хос автомашин дотроо угаартаж нас барсан байжээ1 цаг 31 минутын өмнөШавиа хүчирхийлэгч жүдогийн багш шоронд орлоо1 цаг 36 минутын өмнө“ОйлГОЁ ХҮНдэлье” аяны хүрээнд жүжигчин Ж.Алтаншагай, Т.Бархүү тэргүүтэй эрхмүүд ЛЕКЦ уншина1 цаг 41 минутын өмнөSaudi Aramco компанийн гаргасан IPO 25.6 тэрбум доллар босгож дээд амжилт тогтоов1 цаг 46 минутын өмнөДээдсүүдийг хуурч баясгадаг муу аргыг манай дарга нар сайн эзэмшсэн байлаа1 цаг 51 минутын өмнөЦагдаагийн бэлтгэл хошууч А.Хүүхэндүү Ази тивээс мөнгөн медаль хүртжээ1 цаг 56 минутын өмнөАНУ ОХУ-ын эсрэг шинэ хориг арга хэмжээ авжээ2 цаг 1 минутын өмнөГэрээсээ гараад олон сар сураггүй байсан иргэний цогцос нисэх онгоцны зурвасаас олджээ2 цаг 6 минутын өмнөСонгодог хөх өнгийг ирэх жилийн гол өнгөөр тодорхойлсон байна2 цаг 11 минутын өмнөЗимбабвегийн эрүүл мэндийн систем шалдаа бууж, шинээр төрөгсөд нь шалан дээр мэндэлж байна2 цаг 16 минутын өмнөБ.Махбалыг өнөөдөр шүүнэ2 цаг 21 минутын өмнөЛиванд эсэргүүцлийн жагсаал болжээ2 цаг 26 минутын өмнөУИХ-ын сонгуулийн хуулийг хэлэлцэнэ2 цаг 31 минутын өмнөГренландын ойролцоогоос эртний галт уул олджээ2 цаг 36 минутын өмнөСонины онцлох мэдээний тойм2 цаг 41 минутын өмнөШинжааны лалын шашинтнуудын холбоо АНУ-ын хуулийн төслийг эсэргүүцжээ2 цаг 46 минутын өмнөУлсын Их Хурлын сонгуулийн тухай хуулийг төслийг хэлэлцэхийг Байнгын хороо дэмжлээ2 цаг 51 минутын өмнөЕХ-ны гишүүн орнууд БНАСАУ пуужин харвасныг зэмлэн буруушаажээ2 цаг 56 минутын өмнөӨнөөдөр болох үйл явдлууд3 цаг 1 минутын өмнө
© 2008 - 2019 он. Зохиогчийн эрх хуулиар хамгаалагдсан.