2019 оны 10-р сарын 17
12 цаг 30 минут

Орчин үеийн ажлын орчин + Дадлага хийх байгууллагаа зөв сонгох нь

Орчин үеийн ажлын байрны чиг хандлага 180 градус өөрчлөгдөж, оффисын барилгуудын өнцөг булан бүрт шинэчлэл, инноваци шингэж байна. Ажлын орчин, технологи, дэд бүтэц болон менежмент, арга барил, дотоод соёлоор нь тухайн байгууллагыг дүгнэж болно. Ямар байгууллагад цаг хугацаагаа өнгөрүүлж буйгаар нь хувь хүнийг ч дүгнэх боломжтой. Ахлах курсийн оюутнуудын хувьд карьер төлөвлөлтийн нэг чухал алхам нь дадлагажих хугацаа байдаг. Иймд дадлага хийх байгууллагаа хэрхэн зөв сонгохтой холбогдуулан ХААН Банкинд дадлага хийсэн оюутнуудын сэтгэгдлээс хуваалцлаа.

МУИС-ийн Эдийн засгийн хөтөлбөрийн IV курсийн оюутан А.Алтанбаяр

Би өөрийгөө байгальд ээлтэй хүн гэж бодтол үгүй байсан юм байна лээ. Өмнө нь гараа угаачихаад 3-4 цаасаар арчдаг, ариун цэврийн өрөөний усыг гурван удаа татдаг, өрөөндөө нэг дор дөрвөн гэрэл зэрэг асааж, хичээлээ хийдэг байсан. Гэхдээ ХААН Банкинд дадлага хийж эхлээд маш их өөрчлөгдсөн. Энд хаа сайгүй л “Ногоон оффис” болохын төлөө, байгальд ээлтэй иргэн болохыг уриалсан байдаг. Жишээ дурдахад, анх гараа угаасны дараа цаас авахдаа л “Гараа сайтар сэгсэрч, нэг ширхэг цаас хэрэглээрэй” гэсэн бичгийг хараад сайн гэгч нь гараа сэгсэрч байгаад арчсан. Нэг ширхэг цаасаар гараа хэрхэн хатааж болдгийг энэ үед л мэдсэн. Бас гадаа гэгээ ормогц л оффисын гэрлүүд унтардаг, унтраалга бүрийн дор “Та гэрлээ унтрааж эх дэлхийгээ хайрлаарай” гэсэн бичиг байдаг. Ихэнх хэсгийн гэрлүүд мэдрэгчтэй тул зөвхөн хүн явсан үед л асдаг. ХААН Банкинд ажиллаж буй хүн бүрт эх дэлхийгээ хайрлах, замбараагүй хэрэглээгээ багасгах соёлыг эдгээр мессеж өгдөг юм билээ. Энэ нь надад маш таалагдсан.

Дадлагын хөтөлбөрийн тухайд “Оюутныг хөгжүүлэх хөтөлбөр” гэж ч нэрлэж болмоор санагдсан. Хэн нэг оюутан банкинд дадлага хийгээд өнгөрөх бус, нэг сарын хугацаанд маш их зүйлийг зааж сургасан.  

Байгууллагын хамгийн их сонирхол татдаг зүйл бол “Байгууллагын соёл”. Лифтэнд суухдаа хүн бүр бие биенээ хүндэтгэн лифтнээс бууж буй нэгэндээ зай тавьж өгөөд, буцаад лифтэндээ ордог. Дараагийн нэг онцлох зүйл бол байгууллагын хананд байрлах уран зургууд. Уран зураг гэдэг байгууллагыг амь оруулж, дотно харилцаа төрүүлж, дулаан уур амьсгалыг бий болгодог гэдгийг би энд ирээд л мэдэрсэн.

СЭЗИС-ийн Санхүүгийн удирдлагын IV курсийн оюутан М.Гэрэлтуяа

ХААН Банк цамхагийн үүдээр алхаж ороход л маш сүрдмээр. Цэлгэр саруул танхим, хэнийг ч чин сэтгэлээсээ инээмсэглэж угтах ажилтнууд гээд л. Үүнийг хараад энэ хүмүүсийн нэг хэсэг нь болж алхах юмсан гэсэн бодол төрж байснаа нуухгүй.  

Би өөрийгөө өндөр соёлтой хүн гэж боддог байлаа. Яг үнэндээ байгууллагын соёл нь бат бөх бүрэлдсэн, тогтвортой хөгжлийн чиг хандлагуудыг хэвшил болгосон ХААН Банкинд дадлага хийж эхэлсэн цагаас хойш жинхэнэ соёл гэдэг зүйлд суралцсан гэж хэлж болно. Цайны газарт, лифтэнд хүн бүр бие биетэйгээ нөхөрсөг харилцах бөгөөд хэн түрүүлж ирсэн нь түрүүлж үйлчлүүлнэ гэх бичигдээгүй хуулийг хүн бүр дагадаг юм билээ. Гараа угаагаад нэг ширхэг цаас хэрэглэх, өдөртөө байгалийн гэрэл ашиглах, бичгийн цаасыг ар өвөргүй хэрэглэх гэхчилэн тогтвортой хөгжил гэх ойлголтыг жижиг гэлтгүй өөрөөсөө хэрхэн эхлүүлэх вэ гэдгийг маш сайн ойлгож авсан.

Үнэмлэхээ уншуулаад орох тэр мөч хамгийн гоё нь байсан. Дадлага хийж эхлэхээс өмнө гадны зочинд зориулсан улаан оосортой үнэмлэхтэй байсан, харин дадлага хийх хугацаанд цэнхэр оосортой түр ажилтны үнэмлэх зүүсэн.  Удахгүй үндсэн ажилтны ногоон оосор бүхий үнэмлэхтэй болохын төлөө хичээх болно гэж өөртөө амласан даа.

Эерэг хандлагаар дүүрэн орчинд хүн илүү бүтээлч, санаачилгатай, ажлын бүтээмж өндөртэй байдаг юм билээ. Үргэлж шинийг эрэлхийлж, чадахгүй зүйлсээ чаддаг болохын тулд, мэдэхгүй зүйлээ мэдэж авахын төлөө суралцсаар ирлээ. Миний дадлагын хугацаанд чадахгүй, мэдэхгүй зүйл гарах бүрт үргэлж зөвийг зааж, чиглүүлж байсанд ХААН Банкны хамт олонд маш их баярлалаа.

МУИС-ийн Олон улсын харилцаа, нийтийн удирдлагын сургууль, Олон улсын харилцааны IV курсийн оюутан А.Энхжин

Анх оюутан дадлагажуулах хөтөлбөрийн сонгон шалгаруулалтад тэнцээд очиход бусад их дээд сургуулиудаас сонгогдсон 22 оюутан нэг дор цугласан байсан. ХААН Банк цамхагийн нэг давхарт анх цуглахад их л сүрдмээр санагдаж билээ. Чиглүүлэх ажилтан биднийг ХААН Банк цамхагтай танилцуулаад, багт хуваарилж даалгавар өгсний дараа бүгд нэгэнтэйгээ танилцаж, илүү дотно болоод ирсэн. Өнөөдрийг хүртэл аль нэг байгууллага оюутан дадлагажуулах гэх ойлголтыг ийнхүү тусгай хөтөлбөрийн хэмжээнд зохион байгуулж, шат шатны захирлаас эхлээд бүх ажилтнууд нь цаг зав сэтгэл зүрхээ гарган дулаан уур амьсгалаар угтаж авч байхыг хараагүй. Дадлагын эхний өдрөөс л бүх зүйл гоё санагдаж билээ. Үүдээр ороход заавал тусгай үнэмлэх уншуулж ордог ба угтагч ажилтан, хамгаалагч нар нь инээмсэглэн мэндэлж өглөө эхэлдэг. Ажилтнуудын хувьд бүгд эелдэг, найрсаг, соёлтой бас нэгнээ үргэлж хүндэлдэг. Хэнээс ч юу ч асуусан үргэлж инээмсэглэж, зааж зөвлөдөг гэх мэт жижигхэн зүйлсээс энэ бүхэн ажиглагдсан. Байгууллагын орчны хувьд үргэлж цэвэрхэн байдгаас гадна оффисын хэрэгцээнд байх ёстой бүхий л зүйлс бүрэн. Хамгийн азтай нь яг дадлага хийж эхлэх үед маань банкнаас ажилтнууддаа зориулж номын сан нээсэн юм. Уншиж байсан дуртай номноос минь эхлээд уншихыг хүсдэг жагсаалтад минь байдаг бүх ном тэнд байсан шүү. Ганцхан сарын хугацаанд энэ байгууллагад дадлага хийсэн гэхэд маш их дасчээ. Хамт олноосоо маш их зүйлийг сурч, мэдэж авсан. Бүх зүйлээ нарийн төлөвлөж, хувааж хийдэг ба багийн ажиллагаа их чухал санагдсан. Миний ажил биш учир надад хамаагүй ээ гэсэн ойлголт огт байдаггүй. Бүгд нэгэндээ тусалж дэмждэг, гэр бүл шиг найрсаг дотно харилцаатай. Хамтдаа зүтгээд хийсэн ажлынхаа ард гарахаар төрөх мэдрэмж нь хүртэл шинэлэг байдгийг ойлгож авсан даа.

АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Шинэ мэдээ

Уулын цанын тамирчид БНХАУ-ыг зорилооо4 минут 13 секундын өмнө“Ленфильм” Халх голын тулалдааны тухай баримтат киноны зургийг авч эхэлжээ12 минут 11 секундын өмнө“ОйлГОЁ ХҮНдэлье” уриатай хүчирхийллийн эсрэг аян нээлтээ хийлээ17 минут 11 секундын өмнөШинэ Делид хүчилтөрөгчийг худалдаалж байна22 минут 11 секундын өмнөӨнөөдөр М.Уранцэцэг тэргүүтэй 5 бөх барилдана27 минут 11 секундын өмнөБразилын Ерөнхийлөгч шинэ нам байгуулжээ32 минут 11 секундын өмнөДолоон хүн амиа алдсан ослын хэргийг нэмэлт мөрдөн байцаалт хийлгэхээр прокурорт буцаалаа37 минут 11 секундын өмнөБНСУ, АНУ-ын Гадаад хэргийн сайд нар утсаар ярьжээ42 минут 11 секундын өмнөСонины онцлох мэдээний тойм47 минут 11 секундын өмнөАвтомашин үйлдвэрлэгчид байгальд ээлтэй тээврийн хэрэгслүүдээ танилцуулна52 минут 11 секундын өмнөЧуулганы нэгдсэн хуралдаан 10.00 цагт эхэлнэ57 минут 11 секундын өмнөМарихуаныг хууль ёсны болгохыг дэмжжээ1 цаг 3 минутын өмнөҮндсэн хуулийн цэц хаалттай хуралдаж, Д.Одбаярыг чөлөөлөх асуудлыг хэлэлцэнэ1 цаг 8 минутын өмнөӨвөр Монголд 4000 гаруй жилийн настай хот олжээ1 цаг 13 минутын өмнөӨнөөдөр болох үйл явдлууд1 цаг 18 минутын өмнө"Таны сонгох 76": Сүхбаатар дүүрэгт нэр дэвшигчдийн талаар ИРГЭД юу хэлэв1 цаг 37 минутын өмнөЯ.Амаржаргал: Эмийн сангууд жоргүйгээр антибиотик өгөхөө больсон нь маш том ОЛОЛТ1 цаг 47 минутын өмнөӨгөх хүн нь бөхийж, авах нь гэдийдэг Монголын нүүрсний экспорт1 цаг 57 минутын өмнөТөв банкны жилийн настай ч байж мэдэх шинэ Ерөнхийлөгч хэнд хэрэг болов2 цаг 8 минутын өмнөБ.Бат-Эрдэнэ: 34 хувиа өндөр хүүтэй зээлээр аваад, тэрбум ам.долларын өрөнд орчихсон2 цаг 17 минутын өмнөЭнэ өдрийн зурхай2 цаг 38 минутын өмнөДэлхийн "хамгийн шилдэг" паспортыг нэрлэжээ11 сар 21. 18:00Харвардын их сургууль 34 жилийн судалгаагаар эрүүл амьдрах дүрэм гаргажээ11 сар 21. 17:55Роналду нууцаар хуримлажээ11 сар 21. 17:50ФОТО: Эргэн ирэлтийг нь хийхийг хүлээдэг эмэгтэй кпоп хамтлагууд11 сар 21. 17:45ФОТО: Будапешт хотын үзэсгэлэнт өвөл11 сар 21. 17:40ОЛОН ӨНГӨ: Амьдралыг бүтээгч агшнууд11 сар 21. 17:35Германд хүүхдээ вакцинд хамруулаагүй эцэг, эх 2750 ам.доллар хүртэлх мөнгөөр торгуулна11 сар 21. 17:30Ангараг гариг дээр шавж амьдардаг нь тогтоогджээ11 сар 21. 17:25Цээл суманд 4,3 магнитутын хүчтэй газар хөдлөлт боллоо11 сар 21. 17:20
© 2008 - 2019 он. Зохиогчийн эрх хуулиар хамгаалагдсан.