Хан-уул дүүрэг хог тээвэрлэлтийн 5 машин, 2 ковш, грейдерээр парк шинэчлэл хийлээ

Сүүлийн арван жилийн хугацаанд Хан-Уул дүүргийн Тохижилт үйлчилгээний төв нь парк шинэчлэл хийгээгүй хог тээвэрлэх зориулалттай 18 ширхэг автомашины ихэнх нь ашиглалтын хугацаа дууссан, эвдрэл гэмтэл ихтэй, ажлын бүтээмж нь муудсан байсан.

Өнөөдөр буюу 2019 оны 11 дүгээр сарын 08-ны өдөр Хан-Уул дүүргийн Засаг дарга Ж.Алдаржавхлан, Засаг даргын нэгдүгээр орлогч Г.Батсайхан нар Хан-Уул дүүргийн Тохижилт үйлчилгээний төвд хог тээвэрлэлтийн 5 машин, зам засвар, шинэчлэлийн 2 ковш, грейдер машины түлхүүрийг гардуулан өглөө.

Өмнө нь ашиглаж байсан хог тээвэрлэлтийн машинууд нь оруулж ирсэн тухайн улсдаа олон жил явсан машинуудыг ашиглаж байсан бөгөөд эдгээр 8 тонны даацтай хог тээвэрлэлтийн машинууд нь цоо шинэ 00 километертэй орчин үеийн стандартын шаардлага хангасан гэдгээрээ онцлог.

 Дүүргийн  нутаг дэвсгэрт жил ирэх тусам орон сууцны хороолол, аж ахуй нэгж байгууллага, хүн амын тоо ихээр нэмэгдэж, хог ачиж тээвэрлэхэд машин техникийн хэрэгцээ шаардагдаж байгаа. Эдгээр орчин үеийн стандарт нийцсэн хог тээвэрлэлтийн 5 машин, зам засвар шинэчлэлийн 2 ковш, грейдлертэй болсноор Эко дүүрэг болох зорилт дэвшүүлсэн Хан-Уул дүүрэг хог тээвэрлэлтийн асуудлаа бүрэн шийдвэрлэлээ.