2019 оны 12-р сарын 6
12 цаг 00 минут

Шүүхэд мэдээллийн технологийн ололт, амжилтыг нэвтрүүлэх талаар хэлэлцэж байна

Шүүхийн ерөнхий зөвлөл, Германы олон улсын хамтын ажиллагааны нийгэмлэгийн "Эдийн засгийн тогтвортой хөгжлийн эрх зүйн орчныг баталгаажуулах” төслийн багтай хамтран "Шүүхэд мэдээллийн технологийн ололт, амжилтыг нэвтрүүлэх хэрэгцээ шаардлага, боломж” хэлэлцүүлгийг өнөөдөр зохион байгуулж байна.

Монгол Улсын шүүхийн мэдээллийн технологийн өнөөгийн байдал, тулгамдсан асуудлыг хэлэлцэхийн зэрэгцээ гадаадын зарим улсын туршлага, сүүлийн үеийн ололт, амжилтыг нэвтрүүлэх талаар шүүх, хуулийн байгууллага, хамтран ажилладаг олон улсын байгууллагын төлөөллүүд мэдээлэл солилцож, бодлого тодорхойлогчдод санал зөвлөмж хүргүүлэх нь энэ удаагийн хэлэлцүүлгийн зорилго юм.

Шүүхэд мэдээллийн технологийн ололт, амжилтыг нэвтрүүлэх талаар хэлэлцэж байна

Шүүхийн ерөнхий зөвлөлийн дарга Э.Батбаяр Монгол Улсын шүүхэд мэдээллийн технологийн дэвшлийг ашиглаж, тодорхой амжилтад хүрснийг дурдлаа. Тухайлбал, шүүхийн шийдвэрийг shuukh.mn цахим санд байршуулж, шүүхийн үйлчилгээнд гэрэгэ киоск төхөөрөмж ашиглаж эхэлсэн зэрэг ил тод байдлыг хангах алхамууд хийсэн. Мөн онлайн шүүх хурал, иргэн, эрүү, захиргааны хэргийн мэдээллийн нэгдсэн санг ашиглаж байгаа, "ХУР” нэгдсэн системээс 18 төрлийн лавлагаа, мэдээллийг шүүхэд ашиглахаар туршилт хийж эхэлсэн зэрэг цахим шүүхийн суурь тавигдсаныг мэдээлсэн. Цаашид цахим шүүх бүрдүүлэх хууль эрх зүйн орчныг бүрдүүлэх шаардлага байгааг мөн хэллээ. Шүүхэд мэдүүлэхээс эхлээд хэрэг маргаанаа шүүхээр шийдүүлэх хүртэлх үйл ажиллагаанд мэдээлэл технологийн хөгжлийг ашиглах нь цахим шүүхийн зорилго гэдгийг тэрбээр онцлов.

Шүүхэд мэдээллийн технологийн ололт, амжилтыг нэвтрүүлэх талаар хэлэлцэж байна

Хэлэлцүүлгийн үеэр шүүхийн ерөнхий зөвлөлийн мэдээллийн технологийн хэлтсийн дарга Д.Мөнхзориг, Хэргийн хөдөлгөөний удирдлагын хэлтсийн дарга Ш.Одгэрэл нар Монгол Улсын шүүхийн мэдээллийн технологийн хөгжлийг танилцуулж, цахим шүүх бүрдүүлэхэд тулгамдаж буй асуудлын талаар илтгэл хэлэлцүүллээ. Цахим шүүх бүрдүүлэхэд хууль эрх зүйн орчноос гадна хүний нөөц, мэдээллийн аюулгүй байдлыг хангах зэрэг тулгамдсан асуудал байгааг мэдээлсэн юм.

Шүүхийн үйл ажиллагааг цахимжуулахтай холбоотой эрх зүйн зохицуулалтад анхаарах асуудал, зарим улсын туршлагын талаар Хууль зүйн үйлчилгээний хэлтсийн дарга С.Билгүүн мэдээллээ. Тухайлбал, Эстони улсын цахим шүүхийн системийг танилцуулахдаа цахим хавтаст хэргийг цахим болон цаасан суурьтай байдлаар хадгалахыг хуульчилсан, цахим хавтаст хэргийн систем ашигладаг, цахим нотлох баримтыг ашиглах, цахимаар шүүхэд мэдүүлэхэд зардал бага байдаг зэрэг давуу талыг танилцуулав.

Германы олон улсын хамтын ажиллагааны нийгэмлэгээс Монгол Улсын шүүхэд мэдээллийн технологийн хөгжлийг ашиглахад багагүй хөрөнгө оруулалт хийсэн. Хамгийн сүүлд мэдээллийн аюулгүй байдлыг хангаж, хамгаалахад зориулж 1.5 тэрбум төгрөгийн техник, технологийн хөрөнгө оруулалт хийсэн. Шүүх, хуулийн байгууллагуудыг цахимжуулах туршлага, баримталж буй бодлого, хэтийн төлвийн талаар Германы олон улсын хамтын ажиллагааны нийгэмлэгийн "Эдийн засгийн тогтвортой хөгжлийн эрх зүйн орчныг баталгаажуулах” төслийн Удирдагч Л.Заяа мэдээлэл хийсэн. Шүүхийг цахимжуулахад хүний нөөцөө бүрдүүлэх нь тулгамдсан асуудал болж байгааг тэрбээр онцлов.

Шүүхэд мэдээллийн технологийн ололт, амжилтыг нэвтрүүлэх талаар хэлэлцэж байна

Үүний дараа Цагдаагийн ерөнхий газар, Улсын ерөнхий прокурорын газар, Шүүхийн шийдвэр гүйцэтгэх ерөнхий газрын үйл ажиллагаанд мэдээллийн технологийн дэвшлийг ашиглаж байгаа талаар хариуцсан албан тушаалтнууд нь мэдээлэл хийнэ.

"Шүүхэд мэдээллийн технологийн ололт, амжилтыг нэвтрүүлэх хэрэгцээ шаардлага, боломж” хэлэлцүүлэгт Шүүхийн ерөнхий зөвлөлийн дарга, гишүүд, Гүйцэтгэх нарийн бичгийн дарга, бүх шатны шүүхийн Ерөнхий шүүгч, шүүгч болон шүүхийн захиргааны ажилтнууд оролцож байна. Мөн Хууль зүй, дотоод хэргийн яам, Улсын ерөнхий прокурорын газар, Цагдаагийн ерөнхий газар, Шүүхийн шийдвэр гүйцэтгэх ерөнхий газар болон Шүүхийн ерөнхий зөвлөлтэй хамтын ажиллагаатай олон улсын болон төрийн бус байгууллага, хуульч, судлаачдын төлөөлөл хэлэлцүүлэгт урилгаар оролцож байна.

Шүүхийн хэвлэл мэдээллийн хэлтэс

0
АНХААРУУЛГА: Уншигчдын бичсэн сэтгэгдэлд zaluu.com хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Шинэ мэдээ

“МИАТ” ТӨХК Ухань хотоос 32 монгол оюутанг авчрах нислэгийн бэлтгэлээ хангажээ2 цаг 17 минутын өмнөХонгконгоос ирсэн хоёр өвчтөнийг тусгаарлаж, коронавирусын оношлуурыг хүлээж авчээ2 цаг 41 минутын өмнөБаар, рестораны хуваарьт түр өөрчлөлт оруулах захирамж гаргалаа2 цаг 46 минутын өмнөХонгконг-Улаанбаатар чиглэлийн онгоцноос буусан хоёр иргэнийг тусгаарлажээ3 цаг 29 минутын өмнөХэнтийд 14 настай хүүхэд өндөр халуурч байгаад нас баржээ4 цаг 11 минутын өмнөДавос-2020 чуулга уулзалт санал зөрөлдөөнөөр өндөрлөлөө7 цаг 45 минутын өмнөШулуун гэдсэнд хуримтлагдсан бохирдлыг цэвэрлэх хоргүй арга7 цаг 50 минутын өмнөИлон Маскийн хөрөнгө долоо хоногийн дотор 2.1 тэрбум ам.доллароор өсжээ7 цаг 55 минутын өмнөТоогоор цөөхөн хэдий ч Монголчууд бол том Үндэстэн8 цагийн өмнөАНУ, Их Британи энэ оны сүүлээр худалдааны хэлэлцээр байгуулах боломжтой8 цаг 5 минутын өмнөГараа оролцуулахгүй өмд өмсөж чадах уу8 цаг 10 минутын өмнөОлимпийн эрхээ дахин биелүүлэв8 цаг 15 минутын өмнөБрэд Питт, Женнифер Энистон нар нууцаар болзжээ8 цаг 20 минутын өмнө“Brexit”-д зориулсан зоосыг танилцуулжээ8 цаг 25 минутын өмнөБитлзийн дуунууд биднийг өөрчилсөн8 цаг 30 минутын өмнөТокүшёорюү: Би түрүүлж болох юм уу гэж эргэлзсэн8 цаг 35 минутын өмнөМанай хоёр бөх түрүү булаалдаж Х.Болортуяа ялав8 цаг 40 минутын өмнөЗайон Уиллиамсон NBA-ын замналын эхний хожлоо байгууллаа8 цаг 45 минутын өмнөИкей Серикбол: Би чоныг унагаах зуур эхнэр маань элдүүрээрээ ганц цохиж, ухаан алдуулсан8 цаг 50 минутын өмнөМалын бүлэг хулгайчдыг илрүүлэв8 цаг 55 минутын өмнөАварга тосон нуурыг аваръя9 цагийн өмнөАрьс арчилгааны бүтээгдэхүүнүүдийг ямар дарааллаар хэрэглэх вэ9 цаг 5 минутын өмнөБиднийг үүрд орхисон Коби Брайантын АМЬДРАЛЫН ДҮРЭМ9 цаг 10 минутын өмнөМАН: Сонгинохайрхан, Баянзүрх дүүрэг нийлээд 4 тойрог, 10 мандаттай байна9 цаг 13 минутын өмнөМанай гурван тамирчин 53 кг-ын жинд шагналын тавцанд зогсов9 цаг 15 минутын өмнөХурандаа Ш.Булган: Хоригдогсдын амьдрах орчин, нөхцөл, эрүүл ахуй, эмнэлгийн үйлчилгээг хүний эрхийн байгууллагуудаас тавигддаг шаардлагуудыг хангасан гэж дүгнэсэн9 цаг 16 минутын өмнөМансуурсан жолооч хэд хэдэн тээврийн хэрэгсэл мөргөн осол гаргажээ9 цаг 20 минутын өмнөОйн цэвэрлэгээ нэрээр мод тайрч байсныг илрүүллээ9 цаг 25 минутын өмнөОсвенцимийг чөлөөлсний 75 жилийн ой тохиож байна9 цаг 30 минутын өмнөВангагийн зөгнөл 5079 он хүртэл9 цаг 35 минутын өмнө
© 2008 - 2020 он. Зохиогчийн эрх хуулиар хамгаалагдсан.